Ka Nupepa Kuokoa, Volume XXIV, Number 29, 18 July 1885 — E KUKULUIA ANEI I PAHU HUIPA? [ARTICLE]

E KUKULUIA ANEI I PAHU HUIPA?

No ke aha keia ninau ? No ka mea, ma kekahi mau aina mamua ai -keia wa paha. He wahi pahu laau i kukulu ia, kahi~eJawe ia ai kekahi poe e hiliia no ko lakou hewa. Pela i hoopaiia ai 1 na negero me na sela i hookuli a haaiele hana ma kau wahi mamua. He mau hewa i hana ia ma Nu loka, ama na wahi e ae, he mau hewa hoo hilahila ina lahui naauao. Eia kekahi oia mau hewa, o ka pepehi ino ana o na kane i ka lakou mau wahine mare. Ma ka berita mare, ua hoohiki ke kane imua o lehova me na ike maka e hana maikai i ka wahine e aloha, e ma lama, a e noho oluolu pu, noho like aole hana ino, aole hnalele i ka wahine a pela aku. A pela hoi i heohiki ai ka wahine. Ama ka ole!o ake Akua, ma ka mare ana, ua lilo ke kane a me ka wahine, i hookahi io. Aua kauohaia na kane e aloha i na wahine, e hana maikai aku, aole make e hana ino. 0 ka mea hana ino i kana wahine, ua hana ino oia iaia iho. Aka, nui na kane i haki i ka berita. Inu rama a ona, malama ole i na wahme, haalele ia lakou iloko o ka ilihune. Hoi mai me ka ona a pepehi ino i na wahine. A i kekahi manawa, ua lili ke kane, ua kuhi ua moekolohe ka wahine. O ka lele no ia o ke kane maluna o ka wahine, a hahau īnō iaia, a make paha. Pela kekahi kane ma Nu loka, ua pepehi ino loa i kana wahine. Ua hookolokolo ia oia, a hoopaa ia iloko oka halepaahao no ka manawa pokole paha. A no ka manao ana o kekahi Lunahoo

ponopone nupepa, he boopai inama ia me ka hilahila ole o ka mea i hoopuka oia i ka ninau, aoie anei he pono ke kukuluia ma Nu loka a ma na wahi e ae, i pahu laau kahi c hili ia ai na kane i pepehi i ka iakou mau wahine ? E hoole ana paha kekahi poe kane me ka olelo, ka inoa o ke kane ke poo, ka haku, a hiki ke hoopai i ka wahine ke hewa, ke hookuii e !ike rae ka hoopai ana i ke keiki ke hookuh ? E na kane, nawai i hoolilo ia oukou i mau lunakanawai no ka oukou mau wahine ? Pono anei ia oukou ke lawe i ke kanawai ma ko oukou mau Hma, a e hoopai > ka oukou mau wahme no ko oukou ana ua hewa lakou? Eia paha ka maikai. E haawi aku ia Kaikaia i ka Kaīkaia, a ke Akua i ka ke Akua. E pau ke kuhi hewa. Mai manao he pono i na kane ke hookauwa i na ke hoohalike ia lakou me na keiki, e biii la lakou ke hoolohe o!e. E hooko i ka beriu mare, e aloha ke kane 1 ka wahine, ka wahine t ke kan£. E noho like» e aloha i ka hoahuna» me kou aloha ia oe iha Ka wahine ka hoalauna, ka iwi o kou iwi, ka io o kou io, e aloha kekahi i kekahi, e ahonui e hoomanawanuu Nui na hewa a na kane i na wahine, aole nae t pepehi mai na wahine; He poe hoomanwanui <