Ka Nupepa Kuokoa, Volume XXIV, Number 30, 25 July 1885 — HE LEO HOOLANA [ARTICLE]

HE LEO HOOLANA

I na Kula Sabati o Hawaii Komohana, mai na a o Kapalaoa i Kekaha, a hiki i ka wai nahu-pu o Honuapp, i ka lailua aka Moae; Aloha oukou a pau. Ua oluolu i ka Ahahui Nui o ka Pae Aina, ka hookohu ana ia'u i Kahu Kula Sabati Nui no Hawaii Komohana. Nalaila, ena Kula Sabati ona Keaukukniula, eia ka i o Lahonua, mali ia na makau a ka lawaia, imi ia na ninau baibala e hoopohihihi ai i ka noonoo, kuie-e ae no i na Pake a kakou no Kohala.

E Kailua e ! E ala, e hookanaka mai, mai hookahuli i ke ao ana ona mele, i hookahi no kakou ma oa mea a pau, nou au, e hoolohe i keia, no ka mea, o ka pono ke hanaia, a haule mai na lani. E Helani i ka Waipukaiki, aohe hoi ou olena ana, he hoolua wale no. Aohe a'u olelo nou e Kona Waena, oiai, he manu oe i hou a ka īhu, he mau loea kou ma ka himeni, hooi ae i lilo ka Helu i. Pehea oe e ka makua Desha, pai ia ae o Kepulu 1 Kohala. Nou e Hookena, pakaia, noii ia, pupukahi na mana i ka lima, "nawele na kamaa i na wawae, no Kohala ka ihu. E na Kapalilua, e liuliu, e kakua na na malo i ka hope, e hopu i na laau pakuikui, e kui ka hele a ka naau haahaa no Kohala. E Kauahaao e, e hookala na pahi, e hoopiha na pu, e ku iluna, a e hele ae ike kahua paio i Kohala, ika mahina o August e hiki mai ana. Mahalo loa au ia oukou ena Kula Sabati o Hawan Komohana, ke lohe ole au mai ia oukou mai i na ninau ano kamalii, a me na mele haku ano ole. Ina iho no ka ai a ka makua Laiana, noke ia. Ca makemake loa au e ike i ka papa Heiu o na Kahu Kula Sabati apana, nolaila, e hoouna naai ia'u. Jqs. K. Nahaleu Kahu Kuia Sabati Nui o Hawaii Kom.