Ka Nupepa Kuokoa, Volume XXIV, Number 31, 1 August 1885 — He moolelo hou. [ARTICLE]

He moolelo hou.

Ma keia pule ae e puka aku ai ma ka kakou Kilohana he moolelo hou, a nona auanei paha na hoohialaai nui ana ako makou poe tausani heluhelu. He moolelo ano pahaohao keia a nani no hoi, a he mea hiki i ka noonoo ana iho kona io maoli. He naita ka mea nona keia moolelo, a ua luakaha ia e keia naita na kulana a pau o ka lawelawe ana i na nee kaua. He powa no hoi oia ma kekahi ano, aua hui ka poe i paheleia no kona ano maoli.' Ua hiki iaia ke hoololiloli i kona ano ma ke kulana ma na ano i pau, aka o kona kulana ponoi i hoomaka mai ai, oia ka makou e hoopuka aku ai i ka moolelo a na oukou no e ike iho. Ua loaa mai ia makou ke kope o ua moolelo la, a no ka haiki o ka manawa ma kela pule, nolaila, ua hookauiua makou a keia pule ae. Iko makou nana ana, ua hiki ia makou ke hooia o keia o na moolelo maikai loa e puka aku ana—Ke pahaohao, ka ilihia, a me na ouli kupanaha i hanaia e ka mea nona keia mooleio, oia ka mekou « haawi aku nei a aole e pau, a ma o kona, oili ana aku e ike ai kela ame keia i kona nani. Aole ka makou he hoomeamea wale no i pumhei ai na tausani poe heluhelu, aka, hoopuka aku nei makou imua o oukou a na oukou no e nana iho i kona ano. A eia malalo iho nei kona poo hoaiai.