Ka Nupepa Kuokoa, Volume XXIV, Number 32, 8 August 1885 — HOIKE HUI MAKAHIKI O NA KULA O KOHALA HEMA, MA IMIOLA, MA KA LA 24 O IULAI, 1885. [ARTICLE]

HOIKE HUI MAKAHIKI O NA KULA O KOHALA HEMA, MA IMIOLA, MA KA LA 24 O IULAI, 1885.

He ua ma ke kakahiaka. Mahe nae mahope iho. Eleu a mikiala na kumu me na haumana o na kula eha. Ua hiki lakou iloko o Imiola ma ka hora 9:30 oke kakahiaka, a hoomaka koke ia na hana a hana 710 me ka hoomaha ole a hiki i ka hora 3:30 ma ke ahiahi. No ka ikaika o na kumu me na haumana iloko o ka malama hoomakaukau hookahi, nui launa ole na hana, a loihi ka hoike ana. Eia na mea i hoikeia'i ma na olelo elua, olelo Hawaii, olelo Beritania. Ma ka olelo Hawaii. — 1 Kumu Mua; 2 Buke Ao Heluhelu, 3 Helu Kamalii; 4 Helunaau; 5 Arimetika; 6 Buke Honua me Palapala Aina; 7 Kakaulima; 3 Na mele ma ka Himeni Euane: lio, Hoku Ao Nani; a me ka Lei Aji 5 Na haiolelome na Olelo Ki-ke; 10 Kakau nianao. * Ma ka olelo Bentania. (English)—l Wilson's Primer; 2 First Reader, Second Reader, and Third Reader; 3 Primary Arithmetic; 4 Mental Arithmetic; 5 \Vritten Arithmetic; 6 Kirst Step in Georgraphy; 7 Monteith's Geography; 8 Singing in Gospel Hvmn, Song King, Silver Lute, Joyful Notes, Golden Robin, &c. 9 Declamation; 10 Dialogue; nWritting; 12 Spelling. Maikai ke mele ona kula eha. Maikai na haiolelo me na Olelo Ki-ke. Ma ka nana aku, ua piha ke anaina niakaikai i ka olioli. Ma ka hoike ana ma na mea i ao ia, ua loaa no na haina no ka nui o na ninau ma na olelo elua. Ua hapa nae na ninau no ka nui o na hana, a no ka pokole o ka manawa. Ua mahaloia ka noho maluhia ana o na haumana a me ke anaina no na hora eono. Pomaikai na haumana ina ua loaa ia lakou ke kumu o ka naauao, oia ka makau ia lehova, me ka malama ana i kana mau kauoha. A nele i keia e hlo ana ka naauao i mea e mahuahua ai ka poino ma kela ao. Laiana Waimea, Hawaii. Luna Kula.