Ka Nupepa Kuokoa, Volume XXIV, Number 35, 29 August 1885 — Page 4
This text was transcribed by: | Linda Barrett |
This work is dedicated to: | To our beloved Kumu Patrick Makuakane for his continued inspiration |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki,..........$2.00
No Eono Mahina,.........$1.00
KUIKE KA RULA
@oaono Augate 29, 1885
Haawina Kuia Sabati.
Hel@ XII @@b@. 2@, 1885, Kumuhana. Naamana @@ S@ Pauku Baibala. 2 Na L@, @ @ @@.
O NAAMANA ka luna o ka poe kauwa o Suria, he kanaka koikoi ia imua o kona haku, a ne hanohano o kona makai no ka mea, ma o na la, ua hoolanakila mai o Iehova i ko Suria; he kanaka koa nui no hoi ia, a ua lepera.
2 A ua hele aku la ka poe koa hao wale, no ko Suria, a ua lawe pio mai lakou i kekahi kaikamahine opiopio mai ka aina o ka Iseraela mai: a ua lawelawe ia na ka wahine a Naamana.
3. I aku la ia i kona haku wahine, Ina o kuu haku ma ke alo o ke kaula ma Samaria, ina ua hoola mai kela ia ia i kona lepera.
4. A hele aku kekahi, a hai aku la i kona haku, i aku la, Penei a penei ka olelo ana a ke kaikamahine no ka aina o ka Iseraela.
5. I mai la ke alii o Suria, O hele, o hele, a e hoouna aku au i palapala no ke alii o ka Iseraela. A hele aku la ia, a lawe aku la ia ma kona lima i umi talena kala, a me na apana gula eono tausani, a me na lole aahu he nui.
6. A lawe aku la ia i ka palapala i ke alii o ka Iseraela, i aku la, Ano, i ka hiki ana'ku o keia palapala ia oe, aia hoi, ua hoouna aku au i ou la Naamana i kuu kauwa, i hoola mai ai oe ia ia i kona lepera.
7. A pau ka heluhelu ana a ke alii o ka Iseraela i ka palapala, haehae iho la ia i kona aahu, i aku la, He Akua anei wau e pepehi aku a e hoola, i hoouna mai ai keia kanaka io'u nei, e hoola i ke kanaka i kona lepera? no ia mea, ke noi aku nei au, e noonoo, a ike, ke imi mai nei paha, i mea no'u e hewa'i
8. A i ka manawa i lohe ai o Elisai ke kanaka o ke Akua, ua haehae ke alii i kona aahu, hoouna aku la ia i ke alii, i aku la, No ke aha la oe i haehae ai i kou aahu? e hele mai ia ano i o'u nei, a e ike no auanei ia, he kaula no iloko o ka Iseraela.
9. A hele mai o Naamana me kona mau lio, a me kona halekaa, a ku ma ka puka o ka hale o Elisai.
10. Hoouna aku la o Elisai i elele io no la, : aku la, E hele oe e auau iloko o loredane, ehiku auau ana, a e hoi hou mai no kou io ia oe, a e maemae oe.
11. Huhu iho la o Naamana, a hele aku la, i iho la. Aia hoi, ua i iho au ia'u iho, E hele io mai auanei ia iwaho, a e ku, a e kahea aku i ka inoa o Iehova o kona Akua, a hapai i kona lima maluna o ka wahi, a e hoola i ka lepera.
12. Aole anei e oi aku ka pono o Abana, a me Parepara, na muliwai o Damaseko, mamua o ka na wai a pau o ka Iseraela? aole anei e pono ia'u ke holoi iloko o ia mau mea, a maemae ? A huli ae la ia a hele aku la me ka huhu.
13. Hele mai kana poe kauwaa a ko koke, olelo aku la ia ia, i aku la, E kuu makua, ina i olelo mai ke kaula ia oe i kekahi mea nui, aole anei oe i hana? oiaio hoi, i kana i ana mai ia oe, E auau oe, a e maemae?
14. Alaila hele aku la ia i lalo, a lu iho la iloko o loredane, ehiku lu ana, e like me ka olelo a ke kanaka o ke Akua; a hoi hou mai kona io e like me ka io o ke keiki uuku, a ua maemae ia.
15. A hoi hou aku la ia i ke kanaka o ke Akua, oia a me kona poe a pau, a Kiki aku la, a ku imua ona; i aku la, Aia hoi, ano ua ike au aole he Akua ma ka honua a pau, maloko o ka Iseraela wale no; ano hoi, ke noi aku nei au ia oe, e lawe oe i ka makana a kau kauwa.
16. I mai la ia, Ma ke oia o Iehova, imua ona au e ku nei, aole au e lawe. Koi aku la kela ia ia; aka hoole mai la ia.
Pauku Gula, E holoi mai ia'u, a e oi aku kuu keokeo i ko ka hau. Hal. 51: 7.
Manao nui, Hookahi wale no mea e pono ai ka mea hewa.
NA HELUHELU LA.
Poakahi, 2 Na Lii, 4: 38--44.
Poalua, " " " 5: 1--16,
Poakolu, " " " 5: 17--27.
Poaha, Is. 1: 10--20.
Poalima Mat 8. 1--13.
Poaono Luk. 17: 11--19.
Sabati, Hoik. 7: 9--17.
Mele. "Aole inoa maikai ae." H.A.N. p. 125.
Pule.
NA NINAU.
Heaha ka pilikia nui o ka aina ma hope iho o na mea i haiia ma ka haawina i hala? @ Na Lii, 4: 38. E hai mai i ko Ilisai hana mana ma Gilegala? p. 38--41. Heaha ka makana i lawe ia mai ia Elisai? p. 42 Ia wai ka haawiia ana? Pehea ka pane ana o kana kauwa? p. 43. Kanalua anei o Ilisai? Ua maona anei kanaka? Koe anei kauwahi ona ai?
No wai ka haawina o keia la? No hea keia kanaka kaulana? Mahea o Suria? Manao nui anei ko Naamana haku iaia? No ke aha? Iloko nae o keia hanohano a pau, heaha kona pilikia nui? Ua hiki anei ke hoola ia na lepera?
Ina ma ke aupuni o ka Iseraela, ua ae anei i na lepera e lawelawe ma kela a me keia oihana? Ua ae anei ia lakou e noho pu me kanaka? Nawai i kau mai i na kanawai no lakou?
Owai kekahi pio ma ka hele o Naamana? 2 Na Lii, 5: 2. Nohea keia kaikamahine? Owai kekahi pio ma Aigupita, no ka aina o ka Iseraela, i lilo i pomaikai nui no ia aina? Owai hoi ma Babulona mahope mai? Ua mau no anei ko laua malama ana ia Iehova, oiai e noho ana ma ka aina hoomanakii?
Pehea ka olelo a keia kaikamahine? p. 3. Owai ke kaula ma ka Iseraela ia wa? I ka lohe ana o ke alii o Suria, pehea kana kauoha ia Naamana?
Owai ke alii ma Suria? Heaha kana i hoouna ai i ke alii o ka Iseraela? p. 5, 6. He makana nui anei ka i hoounaia? Oia hoi, he $16,000 gula, a me $48,000 kala. Hiki anei e kuai i na pono uhane me ke kala, a me ke gula? Owai ka mea i manao e kuai ia pono me ke kala? Oih. 8: 18--20.
I ka heluhelu ana o ke alii i ka palapala ua aha oia? Heaha kana olelo? Ua makemake anei ke alii o Suria e hoala i ka hakaka iwaena o laua? Heaha kana i imi ai? I ola no wai? Owai ka i lohe i ke kaumaha o ke alii? p. 8.
Ua haalele nui anei ke a@i a me ka lah ui i ke Akua mamua? Hele koke anei o Naamana imua o Elisai? Ma ke ano hookano paha? Ua puka mai anei o Elisai e halawai me ia? Heaha kana kauoha ia Naamana ma ka waha o Gehazi? p. 10. Oluolu anei o Naamana i keia? Huhu oia no ke aha? p. 11. Pono anei e huhu aku i ke Akua ina aole i hooko ia ko kakou makemake, a me ke ano i manao ia?
Heaha ka Naaman olelo? p. 11, 12. He mau muliwai maikai anei ko Damaseko? Pehea hoi o Ioredane? He lepo, he ino, ka wai? O ka auau ana paha ka mea e ola'i o Naamana, o ka hoolohe paha i ke kauoha a ke Akua? Mai loaa ole ia Naamana ke ola, ke ole ka pane ana o kana kauwa iaia pehea? p. 13. Ola koke anei oia i ka auau ana ma Ioredane? p. 14.
Hoi hou o Naamana i hea? Ua ae anei o Elisai e lawe i ka makana ana i lawe mai ai? Heaha ka Naamana i noi ai? p. 17. A hala aku la o Naamana ma, owai ka i hahai mahope ona? p. 18. I ka uhai ana i ke Kanawai eiwa, ua pau anei kana hana hewa ana? Heaha kana olelo hoopunipuni ia Naamana? p. 22.
Ua loaa anei ka mea ana i kuko ai? I ka hoi hou ana ia Elisai ua hoopunipuni hou anei? p. 25. Ua pomaikai anei o Gehazi i ka loaa ana ia waiwai ma ke ano kolohe? Heaha ka poino i ukali iaia no ia hana? p. 27. Hiki anei ke huna i ka hewa mai ke Akua aku? Nele anei ka hahai ana o ka hoopai i ka mea e hana ana i ka hewa? Ina loaa ole ka poino maanei, aole anei ma keia ao? Pehea ke kanaka waiwai me Lazaro; owai ka i pomaikai ma kela ao?
Ua hiki anei i kamalii ke alakai i ka poe naauao a akamai, i kekahi wa? Ua hiki anei i ka naau hookiekie ke komo ma ke ala ololi? Ua hiki anei ke hoomaemae ia ka naau? E hoopau loa ia anei ka hewa? Is. 1: 18. Nawai e kala i na hewa?
He mana anei ko kekahi mea e ae e kala i na hewa? Mahea ke kuhikuhiana i keia ala? Nawai i haawi mai i ka Baibala i alakai?
Ua hiki anei i na alakai makapo e hoopololei i ka hele ana o kekahi? Owai ka malamalama a me ke ola? Ma ke koko owai e hoomaemae i na mea a pau?
Mele, "Koko Kamahao," H.A.N. p. 87.
Pule.
KA KUMUHANA O NA KULA
SABATI, O KA AHAMUI KULA
SABATI O KA MOKU
PUNI O OAHU.
1. O ka haawi makan ana i na Kula Sabatit he mea anei ia e ulu ai a mau na Kula Sabati?
KULA SABATI O KAWAIAHAO.
2. Heaha la na hoeueu kupono no na Kula Sabati?
KULA SABATI O KAUMAKAPILI.
3. O ka hoala ana i na ninau pohihihi @@@@ o ka Baibala, he mea anei ia @ @aauao ai na Kula Sabati?
K.S. o KA@IHI & MOANALUA.
4. Heaha ka waiwai o na Hoike Hapaha o na Kula Sabati o kakou?
K.S. o EWA.
5. Ke kuleana anei ko na kumu kula aupuni iloko o na oihana Kula Sabati?
S.S. o WAIANAE.
6. Owai @a ka mea mana e pono ai e koho i na Kahu Kula Sabati o na mokupuni. O ka Ahahui Kula Sabati o ka Paeaina anei, a i ole ia, o na Ahahui mokupuni paha?
K.S. o WAIALUA.
7. Mhea ia ke kulana pono o na K. S., ma na makua anei, a i ole ia, ma na keiki paha?
K.S. o KAHUKU.
8. Heaha ia na hana kupono e apo ia ai no opio a hoopaa ia iloko o ke Kula Sabati?
K.S. o HAUULA & KAHANA.
9. He mea anei e ulu ai na Kula Sabati, ie koho ana i na Kahu Kula Sabati mokupuni?
K.S. o WAIKANE.
10. I aha ka kakou hana e hana'i i mea e holo ai na hana Kula Sabati imua?
K.S. o KANEHOE.
11. O Ka malama mau ia ana o na Hoike Hui nui ma ka malama o Iune ma Honolulu, heaha ka waiwai?
K.S. o WAIMANALO..
I na Kula Sabati o ka mokupuni o Kakuhihewa, e hoomakaukau i keia mau haawina no ko kakou halawai ma Kaumakapili, ke hiki aku i ka Poakolu mua o Okataba, 1885.
E. S. TIMOTEO.
Kakauolelo o ka A.K.S o ka mokupuni o Oahu.
KA MOOLELO NO KAINA A ME
ABELA.
He moolelo keia i hoike piha ia maloko o ka baibala, ke aniani kilohi o ka poe a pau e nana ana ia buke hemolele mai ke Akua mai. Oia hoi keia malalo iho: Mahope iho o ko ke Akua kipaku ana ia Adamu laua me kana wahine mai Edena aku, hanau mai la o Eva ia Kaina i kana keiki hiapo. Hauoli nui iho la kona makuahine, i aku la, "ua loaa iho nei ia'u ke kanaka no Iehova mai." Manao iho la paha o Eva, no ka mamo o Kaina i hanauia'i ka Mesia. Ua hauoli hewa ua wahine nei, no ka mea, he kanaka hewa loa o Kaina. Mahope iho, hanau hou iho la o Eva i kona kaikaina ia Abela. He kanaka maikai o Abela, ua hele pololei ia imua i ke alo o Iehova a imua o kanaka. He kahuhipa o Abela, a o Kaina, he mahiai ia. I mai la o Mose ia laua, i mai: "A i kekahi inau la ae la, halihali mai la o Kaina i ka hua o ka honua i alana ia Iehova. Lawe mai la hoi o Abela i na hanau mua momona a kana poe hipa, a maliu mai la o Iehova ia Abela a me kana mohai; aka, aole ia i mahu mai ia Kaina a me kana mohai." A ike o Kaina aole i maliu mai o Iehova i kana mohai, huhu nui iho la ia. Ohumu aku la ia i ke Akua, a huahua aku la no ia i ka pomaikai o kona kaikaina.
Mahope iho, i kona kamailio pu ana me Abela ma ka nahelehele, ku ae la o Kaina iluna a pepehi iho i kona kaikaina a make. "No ke aha la i pepehi ai iaia? No ka mea, ua hewa kana hana iho, a ua pono hoi ka kona kaikaina." Aole i pau kona hewa malaila. "Olelo mai la o Iehova iaia, auhea la o Abela kou kaikaina? I aku la ia, aole au i ike; owau anei ke kahu o kuu kaikaina?" Nani ka paakiki o ka naau o ua kanaka la @ he olelo wahahee kana, "aole au i ike." Aia no ke koko o Abela ma ko na mau lima, aole i pau i ka holoiia. Ua akaka lea ma kona lae iho ka maka'u, a me ka huhu, a me ka hilahila; aka, aole haahaa iki kona naau, no ia mea, manao oia e huna i kona hewa i ka maka o Iehova.
Aole o ka wahahee wale no; ua pakike aku ia i ke Akua. "Owau anei ke kahu o kuu kaikaina? E pono anei oe ke ninau mai ia'u i kona wahi i noho ai? No keia mau mea, hoahewa mai o Iehova ia Kaina; hoolilo mai no ia iaia i kanaka aea, a ke kuewa wale maluna o ka honua. A kau iho la o Iehova i hoailona maluna o Kaina o loaa ia i ke kahi mea nana ia e pepehi a make. A mahope, hele aku la o Kaina i kahi ma ka hikina o Edena, noho iho la ma ka aina o Noda, a kululu iho la ia i kulanakauhale.
Ua lohe kakou i kona kukulu ana i ke kulanakauhale, a i kona noho pu ana me kana wahine, a me na keiki, aole nae kakou i lohe i kona mihi ana i kona kewa, a i kona lilo ana i kanaka hou. He mea e naauao ai no kamalii, a me na makua i ka moolelo o Kaina a me Abela. No ia mea, e hoolohe mai e na pulapula hou o kuu Lahui Hawaii i kekahi mau mea a'u e hoakaka aku ai.
1 He mea e mahuahua mau loa ai ka hewa. E nana oukou ia Kaina. Heaha ka hewa mua ana i hana'i? O ka pepehi kanaka anei? Aole loa. O ka huhu hala ole ma ka naau ; aka, mahuahua no ia i kela la i keia la a lilo loa ia i inaina nui ; a mahope pepehi wale aku ia i kona kaikaina maikai. Pela no ka hewa a pau loa. I kekahi l@, aia no ke kuko hewa ma ka naau o kekahi. Aole maka'u nui ka mea nona ka hewa ; no ka mea, manao oia, he mea liilii ia, aohe mea e pono ai ; aka, i kono uumi ole ana i kela hewa, e mahuahua no ia, a lilo ia i aihue paha a i pepehi kanaka paha. I mai la o @akoba, "aia hoi, ua hoaa ia he puu wahie nui e ka huna ahi." Aole mahuahua ka hewa ma keia ao wale no ma kela ao mahope kekahi. Ma keia ao malalo, ma ka po o ke ahi pio ole, e mahuahua no ka huhu, me ka inaina, a me ka p@@kiki o ka naau, a mea ia hewa aku, ia hewa aku, o na la pau ole.
2 E pono e na kamalii a me na makua ke maka'u i ka mua o ka hewa> E nana oukou i ka huna ahi He mea liilii ia ua pio koke ia i ka huna wai hookahi: aka, nui ka hewa o ka mea liilii. Ina haule ma kahi opala, ua wela i ke ahi ka nahelehele, na hale, ke kulanakauhale paha, a me na kanaka he nui loa. Pela no ka hewa. I ka manao o kanaka, he mea liilii ke kuko hewa aku, a me ka huhu, e like me ka huna ahi liilii. Aka, ua akaka lea ia, e lilo koke keia mau mea liilii i mea nui ke uumi ole ia lakou. Oia ka make i make ai o Abela ia Kaina. Aole oia i maka'u i na hewa liilii, aole i uumi, no ia mea, ua lilo ia i kanaka hewa loa, a make aku la kona pokii i kona mau lima. "Aloha wale oia." No ia mea, e kamalii, e maka'u oukou i ka hewa. E uumi i na manao ino a pau loa e kupu iho ana ma ko oukou naau. I ko oukou wa opiopio e lilo oukou i poe hou, i poe haumana no Iesu.
E aloha aku iaia. E hoopili aku ma kona aoao. E malama ia pono i kana, alaila, e kokua mai oia mamuli e oukou. Amene.
SAM. PAKI.
KE ALAKAI
Oihana Leta Hawaii.
Kuhikuhi no ka Oihana
Leta Kuloko a
me Kuwaho.
Helu 1, Iulai 1885.
41 Na na kapena moku e lawe pololei i na eke leta a me na leta a hiki i ka hale leta, mahope koke o ke ku ana o moku. Aole e hookomo ia kekahi waiwai i ka hale dute, aia a hooko mua ia keia.
42 O na kapena moku e haalele ana ia anei no na aina e, ke kauoha ia nei lakou e hoike e mai i ka lohe i ka Luna Leta i 36 hora mamua ae o ka wa holo.
43 O na moku e lawe ana i na eke lete Hawaii, e hookaawale ia ona wahi kupono e malama ai, a e hoopaa ia me ka laka a me ke ki. Ma ke kanawai, aia maluna o lakou na ahewa ia ana ke malama pono ole ia na eke leta oiai maluna o ka moku.
44 Ua hoomakaukauia he mau wahi leta nui ma na hale leta a pau, maluna o na mokuahi, no ka hookomo a me ka hoouna ana i na leta mawaho ae o na eke leta, a i kiolaia no leta ma na awa ku moku e kipa ia aku ai. Ua hoana okoa ia keia mau wahi leta i mea e kokua ai i ka hali ana ia mau leta i waihoia aku me na kapena a me na puuku o na mokuahi a me na moku kuna e lawe.
45 O na leta e hoouna ia ana mawaho ae o na eke leta, e hookomoia iloko o na wahi leta i kauia me ke poo leta, ina no loko nei iho o ka aina, a ina paha no na aina e.
46. O na puolo a me na ope leta, i oi ole aku mamua o eha paona ke kaumaha, e lawe ia mai no ia a haliia aku ma na wahi o loko nei o ka aina wale no, ma ka uku mua ana mai i hookahi keneta poo leta no ka auneki hookahi.
47 O ka leta i hookomoia iloko o ka eke leta, ua hiki no ke kii hou ia mai e ka mea wale no nana i kakau, a me ka wiho pu mai i palapala e hoike ana i ka laweia ana aku o ka leta mai loko aku o ka eke leta.
48. O ke oki ana i ke eke leta a apo hoopaa, a wehe kue kanawai paha i ka eke leta i hoopaaia a eke liilii paha, he hihia openi ia, aole loa e nana maka ia e na luna aupuni.
NA POO LETA.
49 O na poo leta Hawaii, a me na pepa poo leta, e loaa no ma ko lakou waiwai io, ma ka Hale Leta Nui, a i ole ia, ma no Hale Leta Lala e ae a puni ka aina.
50 O na poo leta e kaana hana ia nei, oia na poo leta 1 keneta, 2 keneta, 5, 6, 10, 12, 15, 18, 25, 50 a me 100 keneta poo. O na poo leta 1, 2, 5, 10 a me 12 keneta, ua paiia lakou me na waihooluu like ole.
51 O na wahi leta i paiia oia no poo 1, 2, 4, 5, a me 10 keneta, ua hiki no ke loaa ma ke kuai ma no hale leta a pau. No na leta kuloko a me kuwaho, ua kupono loa lakou, a ua maikai loa no na leta hoouna mawaho ae ko ka eke leta.
52. O na pepa poo leta kuloko hookahi keneta; e loaa no ma ke kuai ma na hale leta a pau.
53 O na pepa poo leta papalua i kapaia "na pepa poo leta pane," ua manao ia i hikiwawe ka pane ana, ua hoopukaia oia i keneta no ka pepa poo leta ninau, a hookahi keneta no ka pepa poo leta pane mai.
54 E kap@@@ ia ke poo @@@ i na @@ @ a pau ma ke kihi maluna o ka aoao akau e kakau @@ @@ @@ @@@@ @@waho o kawahi
55 O na paa poo leta Hawaii, na pepa poo leta a me na wahi leta i hai e ia na po@ leta e @@@@ no ma ka Ha'e Leta. He $3.00 no ka paa hookahi
56 O na nei n@ na poo leta i kuniia, aole e hoolak@ ia @k@, a aole i@ @@@ Hoi e hoolohe ia kekahi nei na lakou, ma ma ka leta a ma kahi ano e ae, e ka po@ paahana o ka hale leta.
NA KUMUKUAI O NA POO LETA
NO NA MEA PILILETA
KULOKO
57 -- No na leta e hoouna ia ma na wahi a pau o ke aupuni, no ka hapa auneki, he 2 keneta.
No na leta k@olaia mai a leta kulanakauhale i paiia a pepa liilii pai i ken.
No na pepa liilii pai i hoohamama ia ma na wahi a pau o ke aupuni, he i ken.
No na nupepa i paiia iloko o keia Aupuni a hoounaia i ka poe lawe o loko nei o ka aina mai ke keena pai mai, aole uku.
No na buke, na pepa manoanoa, na kii pepa, a pela aku, no ka auneki hookahi, he i ken.
No na apana lole hoikeike o kela a me keia ano, no ka auneki hookahi, he i ken.
Na nupepa, na apa nupepa, na alemanaka,, na bila hoolaha, na buke pepa, na papapala wina, a me na mea pai e ae i humu ole ia, no kela me keia 4 auneki, a hakina auneki paha, he i keneta.
Uku o ka leta dala, mawaho ae o ka uku maluna, he 10 ken.
No ka Oihana Kuikawa, no ka leta i auneki, he 10 ken.
58. No na mea wai, na mea hoopahu a me na mea e ae e hoopoino mai ai i na eke leta, ua papa loa ia ka hookomo ana mai.
NA KUMUKUAI O NA POO LETA
O NA AINA E.
59--No na leta i America Huipuia, Canada a me Mekiko, no ka hapaha auneki pakahi, he 5 keneta.
No na leta i na aina a pau i komo iloko o ka Hui Poo Leta, he 10 keneta.
No na leta i kekahi o na Panalaau o Ausetaralia, he 12 keneta.
No na pepa poo leta, pakahi, he 2 keneta.
No no pepa poo leta pane, pakahi, he 4 keneta.
No na Buke a me na Pepa Kalepa, no 2 auneki pakahi a hakina paha, he 2 keneta.
No na mea paiia, no 2 auneki pakahi a hakina paha, he 2 keneta.
No na apana lole hoikeike (i oi aku mamua o 250 garama, a i oleia no 8-3/4 auneki) no 2 auneki pakahi a hakina paha, he 2 keneta
Uku o ka leta dala, mawaho ae o na uku maluna, he 10 keneta.
No ka hoopaa ana i na leta dala me ka palapala hookaa e hoihoiia mai ana, mawaho ae o na uku maluna, he 15 ken.
60--Aohe Poo Leta Puolo mawaena o Hawaii nei a me America Huipuia, a mau aina a ae; aka, o na puolo liilii, "ina e hoopauia," (o ka nui a me ka mama i kaupalena ia mai) hiki no ke hoounaia i kahi i makemake ia me ka palekana.
NA LETA DALA.
61--Ke kukulu ia nei ka Oihana Leta Dala i mea e hoolawa ia ai ka hali ana me ka palekana o na leta waiwai nui, ma na lilo emi mai, mamua ae o na mea maa mau. O ka oiaio maoli nae, i mea e hooia aku ai no ka hoouna ana me ka palekana o na mea i hoopaa ia, oiai o na puolo i hoouna ia ma keia ano, he kakaikahi loa ka nalowale.
62--O na ope a mea na puolo he mau buke ko loko a waiwai e ae paha i kupono ke hoouna ma ke eke leta, a leta, nupepa, a kii paha e hookomo ia ana ma ka leta, "ua hiki no ke hoopaaia" e hookomo ia i ke eke leta kuloko, ke uku e ia mai ka uku he umi keneta mawaho ae o na uki poo leta mau, a e haawiia na palapala hookaa no ka loaa ana mai i na wa a pau.
63--Ma ka Oihana Leta Kuwaho, o na leta, na nupepa, a me na puolo liilii wale no (he 8-3/4 auneki ke kaumaha) ke hoopaaia. O na puolo nunui ku i ke dute ia, e hoounaia ma na mea halihali e ae
64--I ka hoopaa ana i na leta e hoo unaia ana i ko na aina e, aole e haawiia ona palapala hookaa, ina he umi wale no keneta i uku ia mai. Ina i makemake ia ona palapala hookaa hoihoi mai, aliala, he umikumamalima keneta ka uku mawaho ae o ka uku poo leta mau.
65--O ka leta dala, aia wale no i ka mea nona ka inoa i kakau ia ai mawaho o ka wahi e haawiia ai, a oia wale no ka mea i hoomana ia e kakau mai i ka palapala hookaa o ka loaa ana aku.
66--O na leta a me na paolo waiwai mui a pau, o ka pono e hoopaaia. Ina aole e hoopaaia, aohe moali e loaa aku ai ina e nalowale ana.
Koikoi na kuaua o ke kulanakauhale nei i keia mau la i hala iho la.
Ma ka Poaono i hala i hoomaka ai ka hoike o na kula Sabati i akoakoa ae ma Kohala.
NA HOOLAHA KUMAU.
JAMES M. MONSARRAT.
(MAUNAKEA.)
LOIO A HE KOKUA MA @@ K@@@WA@.
He Luna H@@@@@@ Palapala.
E @@@@ @@ no na Palapala @@@@. Palapala Hoolimalima, a me na pal@@@@ wai e ae ma @@ olelo Hawaii. D@@@ @@ ka hoale ka @@@@@ ma na @@@@@@@.
K@@@@ Hana: @@@@@ K@@@@.
PAPA! PAPA!
AIA MA @@@@ @
LEWERS & COOKE,
(O LUI MA)
@@@ ke kahoa kahiko ma @@@@@@ Papa @ @@ Mai
E loaa ai @@
PAPA NOUAIKI
o kela a me keia ano
Na Pani Puka, Na Puka Aniani, Na Olepelepe,
Na Pou, Na Oia, Na Papa Hele, Na papu
Ku, A me na Papa Moe nui loa
Na Pili o na Hale o na Ano a Pau.
Na Pepa Hoonani, Na Pena o na Wai e pau
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
o na ano a pau, Na Aila Pena, o
kela me keia ano Na Aila Hoemaloo,
he lehulehu wale,
Na Aila e ae o na
ano a pau.
NA WAI VANIKI
A ME NA
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka
pau, ua makaukau keia mau Makemake
o oukou e hoolawa aku ma
na mea a pau e pili ana
ma ka lana oihana
NO KA
UKU HAAHAA LOA.
E like me ka mea e holo ana mawaena o
LAUA a me ka MEA KUAI.
HELE MAI E WAE NO OUKOU.
HALEPAI O THOS. G THRUM
O KA NUPEPA
SATURDAY PRESS me KUOKOA
ALANUI KALEPA, HONO--ULU
Malaila e palia ai na ano a pau o na
BUKE,
HOIKE O NA KULA,
HOIKE A NA KOMITE,
NA HAAWINA KULA SABATI,
PAPA KUHIKUHI O NA ANO A PAU,
HOOLAHA NUNUI A LIILII,
BALOTA, LIPINE PAPALE,
TIKKETA, WAHI LETA,
BILA PAI HAKAHKA
HOOLAHA KUDALA,
Buke e ka wa pokole a me ka auhau haahaa.
A ma ka halekuai o THOS. G. THRUM
ma Alanui Papu, e loaa ai na
Kalana kakau o na ano a pau,
Wahi Leta " " "
Inika " " "
Penikala " " "
Mea Hoopipili, buke hoomanao,
Peni gula a me kumu gula,
K@, a me na kau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ke ana lole pepa o na
Keiki a me na wahine
No ka hoailona ana i na lole me na inoa p@@oi e hookoia na kanoha a pau no na papa inoa ke waihoia ma keia halejuai me ka uku pu o ka papa inoa i makemakeia. Uka no ka inoa hookahi @ e ka i@ika a me ka hulu, $1,50 ina ma ka papa inoa kel@@we, a ina ma ka papa inoa dala, $2.
O na kauo@a pau mai na mokupuni e hookoia ina e hoouna pu ia mai me ke dala me ka moaka ka pono ona hoakaka ana.
THOS. G. THRUM
NA HOOLAHA KUMAU.
KAKELA & KUKE
E laa na pahiolo, koi hele,
hamale, koa nui a @@@@@ @@@@@,
wili poaa, @ula, ap@@@@ @ @@ @@ ano
a pau, kala kaa, hao ho@@@@ p@ka
pohaku hoana, kepa, lei iho, ka@
la hao ilio, pahi, upa, pahi @@@@@
kalapu, kope hulu, pulupulu, @epa ka
lakala, lina hao, ami, keehi, a me ke
KAULA OPU
Palau o na ano a pau,
Oo, ho, kopala, pe, kipikua,
hao kope, au ho a; e a aku, kua bipi, lei bipi, kaula hao bipi, uwea pa,
uwea pa, uwea keleawe, hao p@@
piula, kaa palala, ipuhao, ip@ @
PA-PALAI MAKAU ME KE AHO
Ili wai, papa holoi, kopa ala kaula
kuaina, hu'akai, ehi wawae.
hulu pena, a pela aku.
Pena wali, kini nui a me liilii o na
ano a pau, me ka pepa kuhikuhi,
pena ke@@@, aila
pena, aila hoomaloo,
vaniki kaa, a me
vaniki moe,
PENA HOOMALOO
a me aniani hale
AILA MAMU, AILA MIKINI, AILA MAMO @@@ AILA KAA, INIKA KAMAA
PAUDA, KUKAEPELE, KIANA PAUDA, UIKI IPUKUKUI O NA ANO, HE NUI A LEHULEHU
LOLE MAKEPONO
--B @@@ @@
AHINAHINA, KALAKOA. KEO KEO, LEPONALO, HULUMAN@ UWE-WAHINE, KUI HUMUH@ MU, A ME KA LOPI.
Ke Kuike e loaa me la ma kahi o
Kakela & Ku e:
NA MEA PIULA,
Mikini Humuhumu
Mokini a WHEELER a me WILSON
MIKINI A WILCOX ME GIBBS
NA MIKINI A
REMINGTON
He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai na maka ke ike.
Laau Lapaau Kaulana Loa
A DR. JAYNE.
LAAU HOOMAEMAE KOKO
LAAU HOOPAU NAIO, LAAU
KUNU, PENIKALA, HUAALE
PAAKAI, LAAU HOOPAA HI,
Me na Laau Hame a Pela 'ku.
KAKELA-KUKE.