Ka Nupepa Kuokoa, Volume XXIV, Number 35, 29 August 1885 — Na mea hou o Manoa. [ARTICLE]

Na mea hou o Manoa.

Ma ka la 21 o keia mahina i pii ae ai kekahi o na kamaaina o Manoa i ke kuahiwi i ka ohi ohia. O kana wahi keik uuku ka hoa hele o ka pii ana. O ko laua hele no ia a hiki i ke kumu ohia a pii aku la ka makuakane iluna o ka laau, ohi ae la ia i na hua pala a piha ka eke. Makaukau oia e iho ilalo, aka ike e aku la i kahi mau hua maikai loa ma ka welau o kekahi lala, a koko lo aku la ia aie ka maanao e loaa, hai

iho ka a haule ua kanaka nei he iwakalua paha kapuai mawaena o kahi nuu pohaku nui elua, a maule iho la. Aohe nae i hai kekahi iwi, a mahope o kona pohala ana ua hoi aku la i kauhale me kana keiki. Ina i pa iluna o ka pohaku. ina ua poino Ma ka la 22 iho nei o keia mahina ua nalowale o Luka, kekahi kaikamahine o Manoa, mai ka hale aku o kona makua He kaikamahine keia malalo iho o na makahiki he umikumamalima, a ua nalowale oia a hiki i keia la. Aole I ike ia ke kumu o kona nalowale ana. Ua poino paha ke ola iloko o kekahi kahawai. ua pepehi paha, i ole ua hoomahukaia e ka poe koloohe. He kaikamahine nui puipui, he lauoho eleele. Ina e loaa i kekahi mea keia keiki, e heihoi mai ike keena o keia pepa a ina ua hoomahukaia, a ikeia paha ia mea, e hopo aku a e lawe pu mai, a na makou e kuhikuhi i kahi e lawe aku ai a waiho. Ua haawiia mai ia makou he mana e hiki ke hoopuka i keia mau olelo.