Ka Nupepa Kuokoa, Volume XXIV, Number 38, 19 September 1885 — Hala i na aina e. [ARTICLE]

Hala i na aina e.

Ma ka holo ana aku o ka mokumahu Mariposa ika Poakahi nei, ua haalele mai kekahi o na keiki o ka aina i ke one hanau o kona mau kupuna. Ua holo aku oia no ka hoolana mai, me ka manao e kaawale aku he mau malama. la makou eku nana aku ana iaia iluna o ka moku, ua hakukoi mai na manao aloha i ka ike a me ka hoomaopopo ana aku i kona mau helehelena. Ua ulu mai ko makou hoomanao ana i kona ano i na la ikaika o kona kino a ui o kona mau helehelena. Oiai, ua mahae ko makou noonoo ana me kona, ma na ano o ka noho ana> a me" na hana ana, aka, maaaei, mawaho ae o na kalai manao ana no na hana a ke kanaka, ke kapae ae nei makou i ka ahewa a ke waiho aku nei i ko makou aloha iaia, me kā manaolana, e oluolu ia mai oia e ike hou i kona aina hanau, a e launa me kona ohana a me na hoaloha he nui, me ke kino ola maikai a me na noonoo kanaka makua. E Kapena, me oe ko makou abhi.