Ka Nupepa Kuokoa, Volume XXIV, Number 39, 26 September 1885 — AUHEA OE? [ARTICLE]

AUHEA OE?

W'ahi a kekahi kahu ekalesia kaulana; E na hoahanau, ua kulike anei ko kakou noho ana, me ka mea a kakou i ao aku ai ? E i mai ke Akua, aole, aole i hana e like me ka'u olelo. Aole o ka'u euanalio kau i hai aku ai; he kanaka noonoo oe, —a ua hai aku 1 kou manao iho. E hoopomaikai ia ana ka'u olelo, aole o kau. Ua hai i ka olelo me ke aloha ole : ua imi oe e hoonani ia oe iho ma kau haiolelo ana, aole i manao nui i ka huli ana o kanaka i ka pono Malia paha e olelo mai ana ke Akua penei; Aole like kau mau hana, me kau olelo —ua nana ma kauwahi, aka, ua huki ma kahi e; aole paha niana kau pule ina pela. E huli au i ka ekalesia, a ninau ia lakou. Aole holomua kekahi mau ekalesia. Ua ae aku anei kakou—ka ekalesia holookoa, o Kristo ke Poo. Ae aku anei i ka buke kanawai o Kristo ? Ke imi nei anei kakou ma ke ano ekalesia, e hoonani ike Akua ? Oia anei ko kakou manao nui ? Ke hooikaika nei anei kakou e hoohuli i kanaka ? Ua imi anei e hoomalamalama ia lakou me ka euanalio ma ka mea hiki ? He poe hemolele anei kakou ? Ua hiki anei i na hoalauna e hahai ia kakou ? Ua imi

anei ma ka ai ana a rne ka inu ana, e hoonani i ke Akua ? Ua haipule anei ? Me e ka nui o na ekalesia i haalele i na halawai haipule, no ka mea, aole he pule mawaena o lakou.

Pehea la e loaa ka pomaikai ? Ua lokahi anei ? Ena hoahanau, he rae eka ino, ina kamailio kue kekahi no kekahi, a oki kekahi i kekahi me he la, he mau enemi, aole he hoahanau. Hiki anei i ke Akua e hoopomaikai i ka ekalesia e like me ia ?