Ka Nupepa Kuokoa, Volume XXIV, Number 40, 3 October 1885 — Page 2
| This text was transcribed by: | Karen Evangelista |
| This work is dedicated to: | My daughter, Roxie, who turned 1 this month |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki, $2.00
No Eono Mahina, 1.00.
KUIKIE KA RULA
Poaono Okatoba 3, 1885
Na Hoike Hapaha o ua Kula Sabati o Honolulu.
Ma ka la Sabati i hala ua malamaia na hoike hapaha o na kula Sabati o Kawaiahao a me kaumakapili. He eiwa kula apana o Kawaiahao i akoakoa ae iloko o keia hoike ana. Ua piha loa ka luakini, ua maluhia na hana, a he nui ka waiwai o ka poe i akoakoa ae e nana a e lawelawe pu no hoi iloko o na hana o ka la. O ke kula o Kamoiliili ka i oi aku ma ke heluna o na haumana, he kanahiku a oi o ko lana poe haumana i hiki ae i Kawaiahao a lawelawe i ka hana. Ahonui no o Apolo, Iona a me Paiaina i ke alakai ana i na hana o keia kula; ua mahalo niu ia na leo himeni o keia kula.
He oia mau no ka nani o Waikikikai malalo o na alakai ana a S Hookano. He kula piha no hoi keia, a makaukau ma haawina me na leo himeni. Ua ike pono ia ka hua maikai o na hana hoomanawanui o na kumu.
Pela no hoi me ke kula o Manoa malao o na akakai ana o J. W. Kahalewai, ua akoakoa piha lakou a ua paa pono na haawina. O ka leo o Juilana Walanika ka mea oi iloko o ka hoike ana o keia kula. He leo nani keia, a ua ikeia kona mana i ka ume ana aku i na helehelena a pau o ke anaina a me na iini o ka poe makaikai. Meha like ka hale i kona wa e himeni kookahi ai.
Maikai no hoi o Makiki malalo o na alakai ana a ko lakou kumu hou. He kula keia i moe ilalo iloko o na kau i hala, aka ano ua ala hou ae nei iluna, a ua huki i ka hae iluna, a ke kalokalo ae nei makou, e na popokii i nui kea aho, a o ka hae keia o ka lanakila a mau.
Aohe nui loa na haumana o Pauoa i hiki ae i keia hoike, aka ua makaukau pono no ia hapa uuku. Malalo lakou o na alakai ana a J. R. Naone, a hoike ma na hua o ka hana ke ano oiaio a hoopono o na lawelawe ana a ko lakou kumu a makaukau hoi. E ola auanei ka inoa o Pilipo Naone ma o na keiki la. Pomaikai na mamo o ka poe manaoio.
Ua mahalo nui makou i ke kula o Kakaako malalo na alakai ana a Iona Pihea. I ka wa a Iona i ku mai ai e ninau i kana kula, ua pili na ninau no na kaawina a pau o ka hapaha i hala ae nei. Ma na mea ano nui o kela a me keia haawina kana ninau ana, mai ka haawina o ke Sabati mua o Iulai ka nina@ ana a hiki i ka haawina hope o Sepatemaba. Pololei no hoi ka pane ana a na haumana; maikai no hoi na leo himeni o keia poe.
Ua mahaloia na kula a elua o Haukipila a me ko ka pa alii malalo o na alakai ana a Kanalulu, hookahi mea i koe o ia mau kula o ka hoomahuahua aku i na haumana.
Aohe i loaa mai ia makou ka papa hoike piha a ka hoike o Kaumakapili, ua loheia mai nae, ua nui ka mahaloia o na hana, a ua maluhia na hana. @aila ka poe puhi ohe o Keonoula. He himeni haku kahi i meleia iloko o ia hoike.
Hawaii Ponoi ma na Aina e.
Ma ko makou kamailio ana no na olelo oiaio ole i hoopukaia e ka Elele i kela pula aku nei, e pili ana no ka “akahi no a ikeia o Hawaii ponoi ma na aina e,” ua poina keia mea, a e aeia mai makou e hoopuka i keia wa. Ua ike aku o Alexander Liholiho a me Lota Kamehameha i no alo alii o Ene lani me Farani a me Wasinetona. O G. P. Kauka ka i hele pu me laua a puni na aina nui, a ua hoi mai na alii opio me ka mahaloia e ka poe hanhano o na aina e.
Heaha la ka mano o ka Elele i kona hoolaha ana “akahi no a ikeia ko Hawaii ponoi ma ko na aina e.” Me he mea la, ua nele in a manao oiaio, a ua ike ke hele nei kana mau hooikaika ana a lilo i mea ole mamuli o kana mau hana pono ole a me na kamailio ana hoowahawaha ka lehulehu o ka poe noonoo i kana mau olelo a hilinai ole. Nolaila manao iho nei oia e haku i olelo hou, a e hoao hou e hoomakapo i ka noonoo o ka lehulehu ma na mea e pili ana i ko “Hawaii ponoi,” a olelo iho la oia akahi no iloko o kona au i hapaiia o Hawaii imua o ko na aina e. Aole nalo kana hana, a aole no paha e puni ana kona poe heluhelu.
(Kakauia no ke Kuokoa)
HE MAHALO makou i ka ike a i ka lohe i na kanaka Hawaii e kamailio ana no na lunamakaainana o ke Kau Ahaolelo e hiki mai ana, He hoailona keia e hoike ana i ka makaala o ka lehulehu, a me ka hoomaopopo i ka pouo nui i loaa ia lakou ma ke kanawai, --ke koho ana i na lunamakaainana kupono e kiai a e kuka no na hana kupono e loaa ai ka pono a me ka pomaikai ia kakou. Ua pono a ua m @kai keia manao makaala, oiai, eia ka aina ke kaualakoia nei iloko o ka aie i oi loa aku mamu@ o ke kupono, a malalo ia a me kekahi mau kumu e ae, ke pa-e wale mai nei ka lono, o kahi noonoo hookahi i loaa i keia Aha Kuhina, i kaa ai na ukupanee, a i lawa ai na hoolilo o ke Aupuni a me ka uku o na luna aupuni, e hoopii hou ia ae ana ka auhau ma keia hope aku. Me he la, he oiaio keia mea, a o ko ke aupuni manao oi maoli no keia. Ma ka nana ana i ka hana a keia Aha Kuhina, o ke au nele loa keia o ka aina, ua emi mai kona ano, a ua wiwi i keia mau la, a o keia mea, ua ili mai maluna o kakou iloko o ka wa o keia Aha Kuhina. He hookahi wale no hana nui i hana ia e ku nei i kia hoomanao no ko lakou ike kalai aupuni, he AIE LAHUI. Nolaila, o ko ka lehulehu hoomaopopo mua i kea no o na hana i hanaia e keia Aha Kuhina, he mea ia e alakai ai ia lakou ihp in a hana kupono o keia mua aku. He mea nui ke koho ana i ka mea kupono, i ka poe i kaawale mail@ko ae o na oihana aupuni. Ua ike pono no kakou in a kau Ahaolelo i hala, o ka poe pili aupuni, he poe ia i paa malalo o ka mana aupuni, a e koho ana no lakou mahope o na hoonohonoho ana a ke aupuni, me ke kaupalena ole i ka lakou mau hana no ka aoao o ka poe nana kaou i koho mai. He elua haku o ka poe noho oihana, o ka lehulehu nana i koho mai, a o ke aupuni ka mea nana i hookohu aku ma ka oihana. Malalo o keia kumu e hoopili wale ana ka manao o ka lunamakaainana, aole mahope o ka lehulehu, aka, mahope o o ka mana oihana, oiai, o ko ka lehulehu mana maluna o ka lunamakaainana ua pua ae la no ia mahope o ke koho ia ana, o ka mana nae o ka poe nana e hookohu iaia, he mau ia in a wa a pau ana e noho ana i ka oihana. Ua lohe mai makou i ka makemake ia o Kauka Wight o Kohala, e kolaila poe, i lunamakaainana. He kanaka keia mawaho ae o na kalele ana a ka oihana; aole no kona haole ana oia ko makou kumu i lawe mai ai aiai, aka, o kea no no o ke kanaka, ina no he Hawaii Ponoi a he haole kamaaina, a o kea no kanaka e loaa a ii ka lehulehu na noonoo kuokoa ana me ka hoopilimeaai ole ana aku ik ke aupuni a i kekahi mea e ai paha. O ke kanaka e koukoa ana no ka pono o ka lehulehu, i hoounaia mai e noonoo no ka pono o na mea a pau, aole no ka noonoo ana no kona wahi pono kookahi. He kuokoa oiaio ke kanaka e kaana ana i kana mau hana no ka pono o ka lehulehu, ma na ke aupuni mai ia pono, a ina na kekahi mea e ae, a e hopo ole ana i ka hoahewa i na hewa o ka na luna aupuni mau hana ma na hookele oihana ana, a i apono ina ua pono. He nui no na kanaka Hawaii kupono, a he nui no na keiki haole kupono, i hanau a i ulu ae iwaena o kakou mail ka wa opiopio mai. Ma na hiona i ikeia iwaenao ka lehulehu i keia wa, ke hilinai nei makou e hooko kanaka makua ana lakou i ke kuleana i loaa ia lakou mai a Kaukeao li mai a i hoomaopopo ia ma ke kanawai.
Major Dane.
O ka inoa e kau ae la maluna he malihini i ka lehulehu o ko makou poe heluhelu. O ka inoa no ia o kekahi Mekia iloko o na puali koa o Amerika Hui, a oia no hoi kekahi i komo i ke kaua kuloko o ia aupuni, ma ka aoao o ke aupuni kona kokua ana. He mau pule ka noho makaikai ana o Major Dane me kakou, a ua ike ia Kilauea a me Haleakala, a hoi aku nei no kona wahi ma luna o ka mokuahi i holo i ka Poaha nei.
Ma ka po o ka la Sabati nei ua haiolelo oia imua o kekahi anaina nui iloko o ka luakini o Kaumakapili. O ke kumuhana o kana haiolelo, oia no o Paulo a me kana mau kaahele ana, a ua piha ke anaina i ka hauoli i ka lohe ana. Ukali ia aku nei na meheu o Paulo ma ka aina a me na kai i holoia e kona wahi waa, a ma na wahi a ua lunaolelo kaulana nei i hana ai i kana mau hana mana, kahi hoi ana i hai ai i na haiolelo kaulana, ua pau ia mau mea i ka weheweheia mai imua o ke anaina me na olelo moakaka, a me na kuhikuhi ana ma ka palapala aina e kau ana mahope o ka awai. I kela makahiki aku nei, ua hele kino o Major Dane ma na alanui a Paulo i hele ai i ka wa kahiko loa, a ua ku oia ma na wahi kaulana a Paulo i ku ai; nolaila ua akaka loa kana mau wehewehe ana, me he mea la ua ike maka aku la oe i kela mau aina.
I ka pau ana o ka haio’elo hoakaka mai la oia no kahi kumu misionasi e noho nei ma ke kulanakauhale o Atenai ma Helene. He kanaka ia no ka lahui Helene o Demetrius Z. Sakellarios kona inoa, a ua hapaiia he wahi lulu kokua no kona ola a ua loaa he iwakaua dala. Ke huiia keia me ka haawina i haawiia e na anaina elua o Kaukeano a me ko Polelewa he kanakihu dala a oi, ua piha ka haneria dala. A e hooiliia aku ana keia mau dala a loaa kela kumu Helene ma kela aoao o ka honua ma Atenai. Nanoi no hoi keia hana! Ke hoopaaia nei ka hipuu o ke aloha mawaena o Atenai, kekahi o na kulanakauhale kahiko loa a kaulana loa o keia honua, a me Honolulu opio o ka Pakipika! Aloha oe e ka Helene a hooikaika la no ka pono ma kela aoao o ka honua! Aloha no hoi oe e ka Hawaii e pai nei keia aoao aku ma ia pono hookahi no! Ua hui na mea a pau ilo ko o ke apo o ke aloha e poai ana i ke Kea ma ka Mauna o Kalevari. Ua ola ka honua
(Kakauia no ke Kuokoa.)
HE NUI na olelo a kekahi nupepa Hawaii pili Aupuni, e kamailio mau ana no keia Aha Kuhina, a no na Aha Kuhina i hala mua aku. He mea akaaka na makou i ka ike iho i na manao hooikaika ma ia nupepa. Me he la, ma ka hookuku ana e loaa ai i keia Aha Kuhina ka manaolana e mahaloia aku ai e ka lehulehu. He oiaio paha, ina kakou e manao ana o ka nui o ka aie o ke Aupuni Hawaii he mea mahalo ia ia; o ka ilihune mau o ka Waihona Aupuni, he mea hoohilahila ole ia; o ka emi mai o na loaa Aupuni, he akamai kalai aina ia; o ka hoohokaia o ke Aupuni Hawaii e na Aupuni e ae o ke ao nei, ma ka papa ana aole e lawe ia na mokuaina o ka Moana Pakifika nei; ka hoonohonoho ana i ka poe puhikole, i pae olulo mai, ma na oihana; i ka haawi ana i ka mana i kekahi kanaka e hana mai i mau dala Hawaii, hiki ole ke nana ia iho mawaho aku o keia mau aekai; ka hoopuipui ana paha i ka waihona o kekahi haole mana hana a me na hoaie ana. Ina keia mau mea, he kumu e oi aku ai o ka hanohano a me ka mahaloia o kekahi Aha Kuhina, alaila, o lakou nei ae ka oi, oi loa, aole lua e like ai, haule ino ka poe kahiko mai ke au o ka Kamehameha I. a hiki wale i keia wa. Hookahi wale no mea kamahao ia makou, o ka hoomaopopo ole mai o ka lehulehu i keia mau nani, mau hoola aina, a haku mai i mau wahi kahili, aole hoi e like aku me ka nui me Hawaii imi loa, aka malalo iki mai no hoi-he mau no ke anana-a e kapa iho o Hipa-Kona, a i mau-u wahi lei palaoa kekahi a pela’ku.
Kanaka Mare a me Hawaii.
(Mai ka Ahailono o ke Kahua Daimana.)
Ma ka auinala Poaono i hala i paani hoaloha ae na hui kinipopo Kanaka Mare a me Hawaii. Ua kamaaina no paha ia kakou ka ahahui nona ka inoa mua, a ua pinepine no hoi kona kamailio ia ma keia pepa; o Hawaii iho ka hui hou a malihini, a o keia kawa mua loa o ko lakou ku ana a hoopapa aku i na keiki ili puakea o ka ahahui kinipopo nona ka inoa mua, ka poe i hele a lehia wale ma ia hana.
Hawaii ka hui kinipopo hou o keia mau la, Hawaii ponoi kona mau lala, a he hui kinipopo Hawaii Opio kona kapa ia ana. He mau la pokole wale no i hala ae nei ka hookumuia ana o keia hui, a ua hooliloia he mau hora o kekahi mau la ma ka hoomaamaa ana malalo o na kuhikuhi a Mr. Henry Kaia ke alakai o ua hui la Mai ia wa mai a hiki i ka pule i hala aku la, ua ikeia no ke ano holomua o na lala ma ka hopu a me ka hahau ana i ka popo. Ma ka la i hoikeia ae maluna, ua hui ae la ua mau hui la e paani ma ke kahua daimana kinipopo ma Makiki. No na komo’na mua ana elima, ua loaa i ka hui Hawaii he 4 puni, oiai hoi ke kahi hui iho e haule mau ana ihope; aole no i ukali iki mai lakou mahope o ka hui Hawaii, a hiki wale i ka evalu o na komo’na , a akahi no a loaa ia kou na puni he eono, a hui me elua puni i loaa mua ia lakou. Ma ka panina o na puni ana he eiwa o na aoao a elua, ua loaa i ka hui Kanaka Mare, he ewalu punoi; Hawaii he eono puni, a he elua wale no puni ka oi o na haole i ko na Hawaii.
No ka manawa mua loa o ko Hawaii ku ana imua o kekahi anaina makaikai nui, ua loaa na mahalo kiekie ia, a ua lana no ka manao, aia he wa e kaniuia ai ko Kanaka Mare lae e Hawaii.
Piko pau i ka Iole.
Ua komo aihue ae kekahi pololi ai ma kuu loi ai, me ka manao e ola kona pololi i ka hai mea i hana ai. Oiai ka’u wahine ma kahi wahi aku kahi i hoonanea ai, a i kona hoi ana mai a hiki ma kuauna o ua loi ai nei, loaa iho la he eke, he holoku eleele, papale, a he kuka hinuhinu. Ia manawa, hooho ae la ia me ka leo nui : He kanaka aihue ai keia iloko o ka loi! A i ko makou holo ana mai a hiki malaila, me ka naku hele ana i o a ianei e huli ana i ua kolohe nei, aohe nae he ike ia aku, no ka mea, he pouli poele ke uhi ana maluna o ka aina, oiai o ka hora io ia o ka po. Ua holo ke kalohe e like me na iole iloko o ka poopoo, ua imi i kahi e pakele ai. Ina nae i loaa pono aku, ina ua wi ka niho, kau hana he aihue i ka hai.
No ka loaa ole ana aku o ke kalohe i ka mea nona ka ai ma ua po nei, (po Poakolu iho nei, Sept. 30th,) ua lawe mai au i na mea i loaa aku i kuu wahine a paa ma ko’u lima, oia hoi na mea i hoikeia ae nei maluna. Nolaila, mai hoao hou aku oe e ke kalohe e hoomau ma ia hana lapuwale, o hahai auanei na poino ma kou meheu, a o kou pilikia no ia.
E hana na lima i ka honua, e a maona kou opu a me kau wahine, a me ko ka ohana. Aole hoi o ka waiho wale, a kuko e aihue i ka hai, a o k a piliki@ no ia.
Ma ka po Poakulu nei ka hanaia ana o keia hana aihue ma Kalihi-waena.
J. H. KALAWAIA.
NA HOOLAHA HOU.
HOOLAHA HOOKO MORAKI ME KE KUAI. Mamuli o kekahi mana kuai i hoikeia malalo o kekahi palapala moraki i hanaia mawaena o BENI KEALOHA o ka aoao mua, a me ANIN & AHUNA ka aoao elua, ma ka la 8 o Augate, M. H. 1884, i kakau kopeia ma ka buke 91, aoao 173, 174 & 175; e mamuli o ka uhaiia ana o na kumu aelike e kela moraki, nolaila, ke hoolahaia aku nei e hooko an oia ia moraki, a ma ia hooko ana e kudala akea ana ia i ka aina i hoikeia ma ia moraki, ma ka POAONO la 3 o OKATOBA, ma ka hora 12 o ia la, ma ka hale kuai o L. Ahuna.
Aia ma kahi o S. N. Emerson olelo hoakaka no keia mea.
ANIN & AHUNA.
Mea Moraki mai.
Penei ka aina e kudala ia ana: Oia aina e waiho la ma Paalaa, Waialua, Oahu, oia hoi ka hapalua i mahele ole ia o ka Palapala Sila Nui Helu 1484, a iloko o ia aina okoa he 3. 34-100 eka, ma ka inoa o Enoka.
2041-3ts.*
HOOLAHA.-Ua hookohu ponoia ka mea uoma ka inoa malalo iho i Lunahooponopono no ka waiwai o KAILIULI(k) o Honolulu i make. O ka poe a pau he mau koina ka lakou ma ua waiwai la i oleloia, ke kauohaia aku nei e waiho koke ae ia mau koina i ka mea nona ka inoa malalo iho iloko o na malama eono mai ka la e puka aku nei keia hoolaha, a i ole pela, e hoole mau loa ia aku no lakou. A o ka poe a pau he aie ko lakou i ua waiwai la, e hookaa koke mai ia’u.
KALAMALIO (w )
Honolulu Sept. 29, 1885. 2044-4t.
HOOLAHA :-Ona pono a me na pomaikai a pau o John H. Soper, iloko o ka hui o Soper Wright &co, ma Ookala, Hawaii, ua lilo aku ia John N. Wright, a oia hoi ke hoomau aku ana i ka hana Kanu Ko, malalo o ka inoa o ka hui o John N. Wright.
JOHN N. WRIGHT.
JOHN H. SOPER.
Honolulu Oct 3, 1885. 2044-3t.
HOOLAHA.-O Mr. JAMES F. NORGAN, ua hooluloia aku ia i hoa hui no’u ma ka lawelawe ana i ka oihana Kudula a me komisina.
E. P. ADAMS.
Honolulu Sept. 26, 1885. 2044-4t.
AHA KIEKIE O KO HAWAII PAE AINA. Ma ka hana o ka waiwai banekorupa o HENRY TURTON, e noho oihana la ma Lahaina a me Honolulu, mokupuni o Maui a me Oahu. Imua o ka Lunakanawai Nui A. F. JUDD.
No ka mea, ua hooholoia he banekorupa o HENRY TURTON i oleloia, ma ka hooloheia ana o ke noi a H. HACKERFELD & Co. ma, nolaila ua kauohaia e haawi ia ka lohe i ka poe a pau i hoaie ia e ua HENRY TURTON la, e waiho ma i ko lakou mau palapala a e hooia mai ia mau mea imua o’u, ma ko’u Keena, ma Honolulu, ma POAKAHI, la 12 o OKATOBA, 1885, i hola 10 kakahiaka.
A ke kauoha hou ia aku aei, ma ia la no, e koho na poe i kuleana i Luna Puuku a mau Luna Puuku paha no ia waiwai i oleloia, a e hoolaha i aku keia lohe iloko o na Nupepa Hawaiian Gazette, Daily Bulletin a me ke KUOKOA a hiki i ka manawa i koho ia no ia hoolohe ana.
Kakauia Okatoba 1, 1885.
A. F. JUDD,
Lunakanawai Nui Aha Kiekie.
Ikea: HENRY SMITH,
Hope Kakauolelo. 2044-3t.
He $10.00 Makana.
E loaa no ka uku makana i ka mea a mau mea paha e loaa ai kuu Lio wahine ahinahina, i nalowale i kela mahina i hala aku nei, ma ke Kula o Waimalu, Ewa, a nona ka Hao Kuni ma ka uha hope aku i ka uha hope hema
E loaa no au ma Kalihi-waena ke hoihoi mai.
MR. WIKOLI.
Kalihi, Sept. 21, 1885. 2043-4t.
T.J. SPENCE.
HE AGENA NO KA HUI PENA KII
The Michigan Portrair Company.
Mea hoolako i na Inika Waihooluu Inia nani, na Pena Wai, a me na Pohe kaha kii o na waihooluu like ole.
Keena hana, ma kahi o na hoahanau King, alanui Hotele, HONOLULU.
OLELO HOOLAHA.
Owau o ka mea nona ka inoa malalo iho nei, e kuai kudala aku ana au i ko’u mau lio 7 hapa Alizona, i maikai i ka huki kaa a me ke kau noho, ke hiki aku i ka la 9 o Okatoba, 1885, ma ka hora 12 o ke awakea, ma Nawiliwili, Kauai. S.K. MAUNAKEA
2044-1t*
JAMES DOWER.
Oia hoi o Kimo Kapiolani, ka ona mua o ka mokuahi Kapiolani. Ua makaukau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana, Honolulu
2029-tf.
HOOLAHA HOOKAPU AINA.
Ua papa loa ia ka hele wale ana o na holoholona o kela a me keia ano, a me ano kanaka a pau aole e hele wale, a lawe wale i na pono a pau mai luna aku o kuu mau aina o Ohiki & Puukala, e waiho nei ma N. Kona, Hawaii. O ka mea kue i keia, e hoopii no au e like me ke Kanawai, e lilo keia i Kanawai mai keia la aku a mau loa.
P. M. PAHUKULA.
2041-3T.*
KUAI HOEMI LOA!
MA KA
Halekuai o Goo Kim
MA MONIKAHA AE HONOLULU.
E ike auanei na mea a pau, mamuli o ka hahai o ka laki ole i keia au, nolalla, e kuai hoopoho aku ana au i na lole kane, wahine a kamalii mai keia wa aku, e like la me na paa lole hane, na holoku Arabia a huluhulu o na wahine, na papale kane paina eleele he $4 mamua, aka i keia wa he $1.50 wale no ma kekuike.
E hoopakika aku ana au i ke kuai hoopoho i na kalakoa ma ke kumukuai e hiki ole ai i kekahi halekuai ke paonioni mai.
O na ahinahina Pelekane he ekolu hapawalu o ka iwilei mamua, i keia wa he 7 iwilei hookahi dala.
No ka nui loa o na lole maikai e ae, aole pau i ka helu papa aku. Nolaila, he pono ia oukou e hele e mai mamua o ka pau e ana, no ka mea, na ka “oioi mua no ka loaa.”
NA HOOLAHA HOU.
AHA KIEKIE O KO HAWAII PAE AINA, Ma ka hooponopono waiwai. Ma ka hana o ka waiwai o John Olohana Davies o Kawaiae, mokupuni o Hawaii i make.
Olelo kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea, ma ka la18 o Sepatemaba M H 1885, ua waihoia mai imua o ka Aha, kekahi Palapala, i olelo ia, oia no ke kauoha hope loa a John O. Davies i make aku la; a me ka Palapala Hoopii e noi ana e hooiaioia kela Palapala Kauoha a e hoopuka ia hoi ka Palapala Luna Hooko no Kaelehiwa Olohana (w) ua waihoia mai e G W Pililpo.
Nolaila, ua kauoha ia o ka POAKOLU oia ka la 14 o Okatoba, 1885, imua o ka Lunakanawai Mc Cully ma ke hora 10 kakahiaka ma ka Rumi Hookolokolo o ia Aha, ma Aliiolani Hale Honolulu, oia ka la me ka h ra, e hooiaio ia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kuana ia Palapala Kauoha, a me ka hoopuka ana i ka Palapa’a Luna hooko.
A ua kauoha hou ia, e hoolaha ia ia mea no na pule ekolu iloko o ke KUOKOA, he nupepa i pai ia a i hoolaha ia ma Honolulu.
Kakauia ma Honolulu ko Hawaii Pae Aina, Sept 18, 1885.
A. F. JUDD.
Lunakanawai Nui o ka Aha Kiekie.
Ikea: HENRY SMITH,
Hope Kakauolele. 2042-3ts.
AHA Hookolokolo Apana Eha o ko Hawaii Pae Aina. Ma ka hooponopono Waiai, ma ka Waiwai o John Puni o Koloa, Kauai, i make kauoha ole.
Ma ka heluhelu a me ka waiho ana mai o ka Palapala Noi a Eunice Puni, kana wahine kanemake o ka mea make e hoike mai ana o John Puni, no Koloa, ua make kauoha ole ma Honolulu ma ka la 3 o Aukake, 1885, a e noi ana e haawiia ka Palapala Hookohu luna hooponopono waiwai ia Jared K. Smith.
Ua kauohaia o ka POAONO, la 10 o Okekoba, 1885, i ka hora 10 kakahiaka, oia ka manawa i kohoia no ka hoolohe ana i ua noi la, imua o ua Lunakanawai la, ma ke K@ena Hookolokolo o keia Aha, ma Koloa, a ma ia manawa a ma ia wahi e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii i ek@lu pai ana ma ke KUOKOA, he nupepa ma Honolulu. Kakauia ma Koloa, Kauai, ko Hawaii Paeaina Sept. 12, 1885.
JACOB HARDY.
Lunakanawai Kaapuni Apana Eha 2042-3t.
MA KE KEENA O KA LUNAKANA WAI KAAPUNI Apana Elua o ko Hawaii Pae Aina. Ma ka Waiwai o KAAWAI, (k) no Waikapu, Maui, i make.
Ua heluheluia a ua waihoia ka palapala noi a Th. W. Everett ka lunahooponopono o ka walwai o Kaawai (k) no Waikapu, Maui, i make, e noi ana e hoapono ia kona Moo Waiwai, a e hookuu iaia mai ka oihana, a e hooholo ia ka waiwai i na hooilina.
Nolaila, ke kauohaia aku nei na kanaka a pau. ke pili, o ka POAHA, oia ka la 8 o OKATOBA 1885, ma ka hora 10 A. M., ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Lahaina, Sept. 11, 1885 2042-3t.
HOOLAHA HOOKO MORAKI ME KE KUAI—
Ke hoike nei ka mea nona ka inoa malalo iho ma keia hoolaha, e hooko ana lakou i ka mana kuai ma kekahi palapala moraki i hana ia mawaena o ia hni a me S. J. Levey, ma o kona mau waiwai kalepa &c., i kakauia ma ka la 13 o Sepatemaba 1884, a i kopeia ma ke Keena Kope Palapala, ma ka buke 91 ma na aoao 219-221; a mamuli o ka uhakiia ana o na kumu aelike, ma ka uku ole ia ana o ka ukupanee ma kekahi nota i hoopaaia ma ua moraki la i olelola, e kuai ia aku ana na waiwai i hoakakaia ma ia mofaki i oleloia ma ke kudala akea, ma ke keona kudala o Lyons & Cohen, ma Honolulu, ma ka POALIMA la 16 o Okatoba 1885, ma ka hora 10 kakahiaka.
O na waiwai i hoakakaia ma ia moraki i oleloia, he I pahu hao waiho dala, he mau pahu waiho mea ai, mau pahu aniani, he papakakau 2 llo, 2 kaa, na waiwai mea ai me na tini mea ai he nui. BISHOP & CO.
Sept. 16, 1885. 2042-3t.
HOOLAHA HOOKAPU AINA:- E ike auanei na kanaka a pau e noho ana ma ka mo kupuni o Lanai, owau o ka mea nona ka inoa malalo iho nei, ke papa a hookapu aku nei i kuu aina e waiho la ma Kalulu, Lanai, oia ka aina kuleana o kuu makuakane Mose Kalaihoa Aole loa e hookuu wale kekahi kanaka a mau kanaka paha, i ko lakou mau holoholona. pipi lio, hoki, hipa, kao, puaa. A ke hookohu aku nei au ia Keliihananui (k) i hope no’u, a nana e hopu a hoouku i ka poe no lakou na holoholona i loaa maluna o ka aina. No ka pipi, lio, hoki, he $1.00 pakahi no ke poo. A no ka hipa, kao, puaa, he .50. A ina hoole kekahi i ka uku, alaila, e hoopiia elike me ke kana wai, a no ka oiaio o keia, ke kau nei au i ko’u inoa. G. LELEO.
Sept. 17th, 1885. 2042-3t*
HOOLAHA HOOKO MORAKI ME KE KUAI :-Mamuli o kekahi mana kuai i hoikeia maloko o kekahi palapala moraki i hanaia mawaena o CHAS. V. HOUSEMAN, a me Haw’n Investment and Agency Company Limited, he ahahui no ka aina e, e lawelawe oihana ana ma ka Paeaina Hawaii, i kakauia ma ka la 16 o Sepatemaba, 1881, a i kopeia ma ke Keena Kope ma Honolulu, ma ka buke helu 71 ma na aoao 254 me 258, a mamuli o ka uhakiia ana o na kumu aelike o ua morakila i oleloia, nolaila e hookoia aku ana ia mana kuai, a e kudala akea ia ana ma ke Keena Kudala o E. P. Adams & Co., ma Honolulu, ma ka POAHA, ka la 1 o Okatoba, a ma ka hora 12 o ia la : a eia malalo iho na waiwai i hoakaka ia ma ia moraki i oleloia.
Ka Hawaiian Investment and Agency Company Limited. Mea Moraki mai.
L. A. Thurston, loio no ka mea moraki mai.
Honolulu Sept. 8, 1885. Penei na waiwai e kuai ia ana :
1 ½ mile o 24 iniha gauge 14 lb. ala hao kaa ahi, a me na pono a pau.
1 ½ mile o 24 iniha gauge 14 lb. ala hao kaa ahi, me na fish plates, dog spikes, &c.
12 15-ft. curves, 100 ft. radius. 8 right and left hand crossing points & boxes.
1 three-way right and left hand crossng 3 inclined planes.
2 Mea hoopi’o ala hao me na pale.
1 trolley a me na pono paahana a pau no ka hoomoe ala hao ana ; oia hoi 3 kipikua, 3 kopala, 2 Spanners, 2 pair eccentric tongs a me 2 crow bars.
88 fish plates, 1 kaa hao 10 kp. loa, 4 kp. laula ; me 12 huila, buffers, a me na pono a pau.
23 kaa e ae o ia ano hookahi no.
1 4 ½ cylinder kaa ahi, a me kona mau pono a pau ; me na mea paahana a pau loa i kupono no ia mau mea.
E keia mau mea a pau ma Kilauea, Kauai, a ua hoohanaiae ka HuiMahiko o Kilauea mamua iho nei. 2041- 4ts
AHA HOOKOLOKOLO KIEKIE O KO Hawaii Pae Aina. Ma ka hooponopono waiwai. Ma ka hana o na waiwai o KAWAI(k) o Waikiki Apana o Honolulu, Oahu, i make kauoha ole. Ma ke Keena imua o ka Lunakanawai MCCULLY.
Ma ka heluhelu a me ka waiho ia ana mai o ka Palapala Noi a KEPA (w.) wahine a ka mea i make e hoike ana ua make kauoha ole o KAWAI (k) no Waikiki, Honolulu, Oahu, ma Waikiki no i kala 3 o Sepatemaba 1885, a e noi ana e hoopukaia ka Palapala Hookohu Luna Hooponopono Waiwai iaia, nolaila
Ua kauohaia o ka POAKOLT ka la 21 o OKATOBA, M. H. 1885, ma ka hora 10 kakahiaka, oia ka manawa i kohoia no ka hoolo he ana i ua noi la imua o ua Lunakanawai la ma kona keena. ma ka Hale Hookolokolo, ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii i ekolu pule maloko o ke KUOKOA he Nupepa ma Honolulu.
Kakauiu ma Honolulu, ko Hawaii Pae Aina Sepatemaba 22, M. H. 1885.
L. MCCULLY.
Lunakanawai o ka Aha Kiekie.
Ikea : HENERY SIMTH,
Hope Kakauolelo. 2043-3t.
NA HOOLAHA HOU.
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o SOL. KAALAI o ka aoao mua, a me A. J. CARTWRIGHT Kahu waiwai o HOLT o ka aoao elua, ma ka la 10 Mei, 1884, i kakau kopeia ma ka buke 88 aoao 169 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 5 o Okatoba, 1885, ma ke Keena Kudula o E P Adamu kahi o W R Kakela na olelo hoakaka no keia mea. Hanaia i keia la 8 o Sept. 1885.
A J CARTWRIGHT,
Kahu Waiwai o Holt.
Mea Moraki Mai.
Peneij na aina e kudala ia ana : O kela mau aina ma Kalihi, Oahu. 1-O kela kuleana hapalua i mahele ole ia o S Kaaiai ma kela apana aina i hoakakaia o ka Apana II ma ka Sila nui helu 2317 a Kuleana 5011 ma ka inoa o Kahala, he 13 374-1000 eka, he aina kupono no ke kanu maia a uala paha. 2-O kela aina i hooliloia ia S Kaaiai mai a Uwe mai ma ka Palapala Kuai i kopeia ma ka Buke 81 aoao 157, he aina kupono no ke kanu kalo a ua mahi ponoia i keia wa. 2041-4t.
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o SAM. K. KAEO o ka aoao mua, a me S. Roth o ka aoao elua, ma ka la 28 o Iulai 1883, i kakau kope ia ma ka bu 80, aoao 444 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko anan oia ia moraki, a ma ia hooko ana, e kudala akea ana ia i k@@a i hoikeia ma ia moraki, ma ka POAKAHI la 5 o Okatoba, 1885, ma ke Keena Kudala o E. P. Adamu, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea. Hanaia i keia la 8 o Sept. 1885.
S. ROTH,
Mea Moraki Mai
Penei na aina e kudalaia ana : O kela mau aina e waiho la ma Waikiki, Oahu.
1 st . O ka hapalua i mahele oleia o Sam K. Kaeo Esq. ma kela aina i hoakakaia ma ka Palapala Sila Nui Helu 2576 ma ka inoa o Kahanaumaikai, a ma ia aina he 31.45 eka, he hapa aina kupono loa no ke kanu kalo a raiki paha, a no S K Kaeo ia aina ma ke ano alodio mamuli o ka Palapala Kuai a Mrs. W R Kakela i kopeia ma ka buke 80 aoao 368. 2-O kela apana aina a pau loa i hooliloia ia S. K. Kaeo ma ka Palapala Kuai a Komakauila i kopeia ma ka buke 34 aoao 432, he 1 95-100 eka ka ili a oi aku paha a emi mai paha, he aina kupono loa i ke kanu kalo a raiki paha.
2041-4t.
HOOLAHA HOOKO MORAKI ME KE KUAI. Mamuli o kakahi mana kuai i hoikeia maloko o kekahi palapala moraki i hanaia mawaena o J N Kaiaikawaha o ka aoao mua, a me C. M. Hyde, Kahu waiwai o ke kula kaikamahine o Kawaiahao o ka aoao elua, ma ka la 17 o Iune 1884, i kakau kopeia ma ka buke 89 aiai 153, a mamuli o ka uhaiia ana o na kumu aelike o keia moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana. e kudala akea ana ia i ka aina i hoikeia ma ia moraki, ma ka POAKAHI la 12 o Okatoba, 1885, ma ke Keena Kudala o E. P. Adams, ma Honolulu ma ka hora 12 oia la.
Aia ma kahi o W. R. Kakela na olelo hoakaka no keia mea. Hanaia i keia la 10 o Sept. 1885. C. M. HYDE,
Kahu waiwai o ke Kula Kaikamahine o Kawaiahao.
Mea Moraki mai.
Penei na aina e kudalaia ana :-1 st . O ka aina i hooliloia ia J N Kaiaikawaha ma o ka Palapala kuai la a Malia i kopeia ma ka buke 45 aoao 395, he 2 65-100 eka a i hooliloia ia J. N. Kaiaikawaha ma o ka Palapala kuai la a Kanaloa i kopeia me ka buke 46 aoao 399.
2041-4t.
HOOLAHA hooko Moraki me ke Kuai. Mamuli o kekahi mana kuai i hoikeia maloko o kekahi paiapala moraki i hanaia mawaena o S. Kamai a me D. Kanakahou o ka aoao mua, a me S. Maluna o ka aoao elua, ma ka la 17 o Iune, 1880 i kakau kopeia ma ka buke 64 aoao 186, a ua hoolilo ponoia ia R Lisman i Iune 26, 1882, a mamuli o ka uhaki ana o na kumu aelike o kela moraki, nolaila, hoolahaia aku nei e ka mea nona ka aoao elua o ua moraki nei, e hooko ana oia ia ma na kuai a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 5 o Okatoba 1885 ma ke keena kudala o E P Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea. Hanaia i keia la 8 o Sept. 1885. ROBERT LISHMAN,
Waihona o ka Mea Moraki mai.
Penei na aina e kudalaia ana : O kela mau aina ma Waipio a me Waikele, Ewa, Oahu, 1- O kela aina i hoakaka ia ma ke kuleana 8124 D. D. ma ka inoa o Kalili, he 1. 428-1000 eka, i ka make ana o Kalili, ua lilo ka aina i na mea mea Moraki mai kona mau Hooilina ma ke kanawai. 2-O kela mau aina a pau loa i hoakakaia ma ke kuleana 8124 B. S. ma inoa o Kahuailana he 1 728-1000 eka, no Kamai keia aina ma ke ano oia ka hooilina o kana wahine, 3-O kela aina i hoakai@@ia ma ke kuleana 859 ma ka Inoa o Kalauao, a i hooliloia ia Kamai e ua Kalauao nei 4-O ka aina i kapaia o Ulu, he 1 1-2 eka. 2041-4t.
AHA KIEKIE O KO HAWAII PAE AINA. Ma ka Hooponopono Waiwai. Ma ka hana o ka waiwai o GEORGE N. HARBOTTLE o Kohala, Hawaii, i make. Ma ke Keena, imua o ka Lunakanawai PRESTON.
Ma ka heluhelu a me ka waihoia ana mai o ka Palapala Nei a me ka Papa Hoike a DAVID DAYTON, Lunahooponopono o ka waiwai o GEORGE N. HARBOTTLE no Kohala, Hawaii, i make, e noi ana e aponoia na hoolilo ana he $326.45, a e hoike ana o na mea i loa mai ia ia he $701.00, a e noi ana e nana a el ponoia kela mau mea, a e kauoka ia e mahi l@ ia @@ waiwi e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.
Ua kauohaia o ka POAKAHI, ka la 26 o OKATOBA, M. H. 1885, ma ka hora umi o kakahiaka, imua o ua Lunakanawai la, ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua Noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii me Beritania, e pai ia maloko o ke KUOKOA me Hawaiian Gazette, he mau nupepa i pai ia a hoolaha ia ma Honolulu, i ekolu pule ma mua ae o ka manawa i olelo ia no ka hoolohe ana.
Kakauia ma Honolulu, ho Hawaii Pae Aina i keia la 18 o Sepatemaba, M. H. 1885.
EDWARD PRESTON,
Lunakanawai o ka Aha Kiekie.
Ikea : HENRY SMITH,
Hope Kakauolelo o ka Aha Kiekie. 2043-3t.
MA KE KEENA O KA LUNAKANAWAI KAAPUMI Apana Elua o ko Hawaii Pae Aina. Ma ka Waiwai o PAAOAO (k) no Kipahulu, Maui, i make.
E ike auanei na kanaka a pau ke pili i ka Waiwai o PAAOAO (k) no Kipahulu, Maui, i make, na hoike nei na Komisina i koho ia e keia Aha e mahele ka waiwai o PAAOAO (k) i hai ia maluna mawaena o na hooilina a hope ona, a e noi ana laua e hoapono ia ko laua Palapala Hoike.
Nolaila ua koho nei Aha i ka POALIMA, oia ka la 16 o OKATOBA 1885, ma ka hora 10 A. M., ma ka hale hookolokolo ma Hana no ka hoolohe ana i ua Palapala Hoike a me ke noi o na Komisina, a me na mea kue ke hoike ia. ABR. FORNANDER.
Lunakanawai Kaapuni Apana Elua H. P. A.
Lahaina, Septatemaba 15, 1885. 2043-3t.
NA HOOLAHA HOU.
MA KE KEENA O KA LU@ WAI KAAPUNI @ Hawaii Pae Aina. Ma Ka Waiw@ no Uualapue, Molokai, i mak@
Ua heluhelu ia a ua wa@@ noi a Kalawela (w), e noi @ ia ka waiwai o kana kane. @@ Ualapue, Molokai, i make. @ Kahu no na keiki @@ ole.
Nolaila, ke kauohaia aku n@ pau ke pili, o ka POAONO. @@ Okatoba, 1885, hora 9 A. M. ma ka H. @ kolokolo ma PUKOO, oia ka @ koho ia no ka hoolohe ana i ua @ na mea kue ke hoikeia.
ABR. FORNAN@
Lunakanawai Kaapuni Apana F@@ II
Lahaina, Sept. 3, 1885. @
MAKE KEENA O KA LUNA@ WAI KAAPUNI APANA @ ko Hawaii Pae Aina, ma ka wa@ KAHEMA (k) no Ohia, Molokai, @
Ua heluheluia a waihoia ka ua @ S J Kaeha, e noi ana e h@o@ waiwai o Ioba Kahema no O@@ make, a e hooholo ia i na hoo@i@na.
Nolaila, ke kauohaia aku nei na pau, ke pili, o ka Poaono, oia ka@ 1885, ma ka hora 10 A M ka hai@@ n@ Pukoo, oia ka la a me kahi @ ka hoolohe ana i au noi la, a me @ ke hoikeia.
ABR. FORNAN@
Lunakanawai Kaapuni Apana i @
Lahaina, Sept. 3, 1885.
MA KE KEENA O KA LUN@ WAI KAAPUNI Apan@ l@ Hawaii Pae Aina. Ma ka Wa@@ Naiuai (k) no Kupeke, a me Aha @ kai, i make.
Ua heluheluia a ua waihoia ka p@ Kahoowaha (k) a me Hana w@ hooponopono ia ka waiwai o M @ no Kupeke, & Ahainoiki, Molo@ e hooholoia i na hooilina.
Nolaila, ke kauohaia aku ne@ pau, ke pili, o ka POAONO, @ OKATOBA, 1885, ma ke h@ ka hale hookolokolo ma PUK@ me kahi i kohoia no ka hoolohe @ la, a me na mea kue ke hoikeia.
ABR. FORNAN@
Lunakanawai Kaapuni Apana i@
Lahaina, Sept. 3, 1885.
MA KE KEENA O KA L@ WAI KAAPUNI Ap@ Hawaii Pae Aina. Ma ka W@ (k) o Honuapo, Kau, Hawaii, i @
Ua heluheluia a ua waihoia ka@ a Uku, w. e noi ana e hoopono@ wai o Nahua (k), n Honuapo, K@ i make, a e hoonoi@ @ke ia Ka@ hooponopono no ia @Wa
Nolaila, ua kauoha ia na @ ka POAKOLU, oia ka la 14 o OKA@ i ka hora 1 awakea, ma ka Hale H@ ma waiohinu, Kau, oia kahi a me @ i kohoia no ka hoolohe ana i ua @ mea kue ke hoike ia. F. S. LYN@
Lunakanawai Kaapuni Apana E@
H. P. A.
Hilo, Hawaii, Aug. 28 1885. @
MA KE KEENA O KA LUN@ WAI KAAPUNI APANA I K@ o ko Hawaii Pae Aina ma ka wa@ NU, o Kau, Hawaii, i make.
Ua heluhelu ia a ua waih@ ia ka @ noi a C. Meinecke, e noi ana e k@ ia ka waiwai o Manunu no Kaa, @ make, a e hoonoho ia J. Kauha@e ponopono no ia waiwai.
Nolaila. ke kauoha ia aku nei @ pau, ke pili, o ka Poakolu oia ka @ toba, M. H. 1885, hora i awake@ Hale Hookolokolo ma Waiohinu. K@ waii, oia ka la a me kahi i k@ lohe ana i ua nonoi la a me na mea.
F. L L@
Lunakanawai Kaapuni Apana @
Hilo, Hawaii, Aug. 28 1885
AHA HOOKOLOKOL@
Eha o ko Hawaii Pae Ania @ hooponopono Waiwai, ma ka hana @ wai o S. P. KEWE (k,) no Wa@ make kauoha ole. Imua o ka Lu@ Kaapuni, ma ke Keena.
Ma ka heluhelu a me ka waih@ an@ Palapala Noi a Kanae w. wahine ka@ S. P. Kewe, e hoike ana o S P Kew@ Waimea, ua make kauoha ole ma W@ ka la 30 o Dekemaka, 1884, a e no@ wiia ka Palapala hookohu Lunahoop@ Waiwai ia A. K. Mika.
Ua kauohaia o ka Poaono ka la 1@ ba 1885. i ka hora 10 kakahiaka. oia @ wa i kohoia no ka hoolohe ana @ imua o ua Lunakanawai la, ma ke k@ kolokolo o keia Aha ma Koioa. a m@ wa a ma ia wahi no e hel@ mai @ pau i pili, e hoike mai i ke kumu @ oiaio ko lakou e ae ole ia ai ua @ ka @ waii i ekolu pu pule ma ke KU@KOA @ pa ma Honolulu.
Kakauai ma Koloa, Kauai, S. @
JACOB HA@
Lunakanawai Kaapuni Apana E@
AHA Hookolokolo K@apu@ A@ Hawaii Pae Aina. Ma ka @ Niumalu, o Kauai, i make. Imua @ nawai Kaapuni ma ke Keena.
Ma ka heluhelu a me ka waih2 ka Palapala Noi me ka Pa@ H@ S. R. HAPUKU. L@nahooponop@ wai o Lali k. no Niumalu, @ m@ e apono i ana hooiaio he $@ ana o na mea i loaa mai ia@ ke $ @ ana e nana a apono ia kela n@ uoha ia e mahele i na waiwai @ kona lima i na mea i kuleana @ kuu ana iaia a me kona maa@ kou noho ana ma ia ano.
Ua kauoha hou ia o ka POAONO @ la 10 o Okatoba, o ka M. H 188@ hora 10 kakahiaka, i@ o k@ L@ ma ke keena ma ka haie hookololo@ loa, oia kahi a me ka ma@ hoolohe ana i na noi la a me @a @ oleloia, a o ka poe a pau i pili@ @ mai a e hoike i ke kumu, ina he k@ iakou, e ae ole ia ai ua noi la, a ma@ ko mai ai na hoike @ na mea i kul@ o ka waiwai i olelo@ A o keia k@ olelo Hawaii, e pai ia maloko o k@ he nupepa i pai a i hoolahaia ma H@
Kakauia ina Koloa, Kauai, i @ Sept. 1885. JACOB H@
Lunakanawai Kaapuni A@
2041-3ts.
AHA HOOKOLOKOLO Kaa@ Eha o ko Hawaii Pae Aina M@ ponopono waiwai, ma ka waiwai o @ k. no Niumalu, Kauai i make. Ma@ imua o ka Lunakanawai Kaapon@
Ma ka heluhelu a me ka waih@ ka Palapala noi a me ka Papa h@ Hapuku, lunahooponopono o ka wai@ wae, no Niumalu, i make, e noi ana @ na hoolilo he $---, a e hoi@e @ mea i loaa mai iaia he $80, a e noi a @ a apono ia kela mau mea, a e kauoi@ hele i na waiwai e waiho ana ma @ na mea i kuleana malaila, a e hook@ a me kona mau hope mai ko lak@ ma ia ano.
Ua kauohaia, o ka POAONO, oia @ Okatoba, 1885, ma ka hora u@ imua o ua Lunakanawai la, ma ke @ ka hale hookolokolo ma Koloa, ma @ ka manawa i kohoia no ka hoolohe @ noi la, a me na Papa hoike i ole @ poe a pau i pili malaila e hele mai a @ ke kumu. ina he kumk oi ko lakou e @ ai ua noi la, a malaila e hoike mai @ na mea i kuleana maloko o ka waiwai @ A o keia kauoha ma ka olelo Hawaii @ maloko o ke Kuokoa he nupepa i pa@ @ ha ia ma Honolulu, i ekolu pai ana @ ka hope i elua pule mamua ae o ka ma @ oleloia no ka hoolohe ana. Kakauia @ K@ @ loa, Kauai, i keia la 20 Sept. 1885.
JACOB HARDY
Lunakanawai Kaapuni Apana Ehe @