Ka Nupepa Kuokoa, Volume XXIV, Number 40, 3 October 1885 — UA HOOKOIA KA KA MAKEMAKE O KA POE I HOOPII. HEAHA NAE KA WAIWAI? [ARTICLE]

UA HOOKOIA KA KA MAKEMAKE O KA POE I HOOPII. HEAHA NAE KA WAIWAI?

O kela palapala hoopii loihi, 1 1 /> mi\e ka loa me inoa, ane makehewa no ke keakea ia mamua e kekahi poe ano nui, ano hanohano, ano alii. Mahope nae ua hookoia.

Heaha nae ka oi o ka maikai 1 ko ka mua ? Ke kanawai mua, no na kaikamahine no ia no na makahiki he 13. Ke kanawai hope, no na kaikamahine malalo ae o na makahiki he 16. Ona kanawai elua he mau mea ia e eleele ai ka buke kanawai. E haawi ana īa i kekahi pono e poino ai na kaikamahine. Ane like me kekahi kanawai e eleele ai ka buke kanawai Hawaii. Oia ke kanawai e pili ana i ka, hookamakama. E nana e na kauka i na kaikamahine, a īke ua maemae, ua kaawale ka mai ino, alaila/ e haawi aku 1 ka palapala ia mau kaikamahine, e hooia ana, ua maemae lakou. Malaila i loaa'i na laikini i ka poe e makemake ana i ka hana hookamakama. Heaha ka waiwai o īa pono ? Ka piha paha mahope i ka wai ino, a poino ke kino a me ka uhane. He palapala hoopii i ka Ahaolelo Hawaii mamua aku e hoopauia ia kanawai hoohilahila a hoopaumaele 1 ka buke kanawai Hawaii. " Aka, ua keakea kekahi poe ano nui, ano hanohano, ano waiv/ai, ano alii paha. Ua minamina lakou īa kanawai. Malaila e hookma'i ko lakou mau kuko me ka hoopai ole ia. Ua hoomauia no ia kanawai a hiki i keia wa E ho'ōkaulanaia ka Ahaolelo ma ka mak. 1886, no ka hoopau ana ia kanawai ino, a holoi aku mai ka buke kanawai Hawaii aku, a loaa mai ka mahalo nui ia e ka poe pono io. Kokua.