Ka Nupepa Kuokoa, Volume XXIV, Number 40, 3 October 1885 — HE KIKE MAWAENA O KEONI ME KONA LUNAIKEHALA. [ARTICLE]

HE KIKE MAWAENA O KEONI ME KONA LUNAIKEHALA.

Keoni. —He pooleia kahiko no keia, Ua kapiliia i kekahi wahi leta. Aole nae i holoiia. Hiki ia'u ke kapili ia i kou leta Aole i pau kona mana no ka holoi ole ia. E wehe au ia a e kapili i ko'u leta. Ka Lunaikehala. —Aole pono, he apuka ia Ua pau kona mana, ua lawe īa i kekahi leta. Ka pau no ia o kona mana. Keoni.—Hiki no i keia poo ke lawe i leta hou, Aole i hoonaloia. Aole e ike ka luna leta he poo kahiko keia. Ka Lunaikehala —Aka, ua ike nae oe e Keoni, he mea niana ole keia poo. He mea liilii no keia poo. He apuka nae ke kapili oe ia i kou leta. Ke nana mai nei ke Akua i ke kumu 0 ka nana, a hookolokolo i ke ano oka hana, he»maikai, he hewa. \ Keoni.—Aohe mea e ike ana, pane hawanawana Keoni. Ka Lunaikehala.—Aole anei he mea ike ? Ike no ke Akua, a ua lawa ia hoike. Makemake oia i ka oiaio iloko.

Ae, ae, ko loko a pau 0 Keoni. He apuka io no ia ke kapili au i keia poo i ko'u leta. Aole au e hana. Ka haehae no ia o Keoni ia poo le ta, a lilo na apana i na makani. Lanakila ea, o Lunaikehula. E hoohahke ka poe e manao ana e hana apuka me Keoni. Mai hoohana kolohe i na poo leta mana ole. E makau i ko ke Akua maka e īke mau mai ana. Hawaii.