Ka Nupepa Kuokoa, Volume XXIV, Number 40, 3 October 1885 — (Kakauia no ke Kuokoa.) [ARTICLE]

(Kakauia no ke Kuokoa.)

He nui na olelo a kekahi nupepa Hawaii pili Aupuni, e kamailio mau ana no keia Aha Kuhina, a no na Aha Kuhina i hala mua aku. He mea akaaka no makou i ka ike iho i na manao hooikaika ma ia nupepa. Me he la, ma ka hookuku ana e loaa ai i keia Aha Kuhina ka manaolana e mahaloia aku ai e ka lehulehu. He oiaio paha, īna kakou e manao ana o ka nui o ka aie o ke Aupuni Hawaii he mea mahalo īa ia; 0 ka ilihune mau o ka Waihona Aupuni, he mea hoohilahila oleia; oka emi mai o na loaa Aupuni, he akamai kalai aina ia; oka hoohokaia oke Aupuni Hawaii e na Aupuni e ae o ke ao nei, ma ka papa ana aole e lawe ia na mokuaina o ka Moana Pakifika nei; ka hoonohonoho ana i ka poe puhikole, 1 pae olulo mai, ma na oihana ; i ka haawi ana i ka mana i kekahi kanaka e hana mai i mau dala Hawaii, hiki ole ke nana ia iho mawaho aku o keia rnau aekai; ka hoopuipui ana paha i ka waihona o kekahi haole ma na hana a me na hoaie ana. Ina keia mau mea, he kumu e oi aku ai o ka hanohano a me ka maha'.oia o kekahi Aha Kuhina, alaila. o lakou nei ae ka oi, oi loa, aole lua e like ai, haule ino ka poe kahiko mai ke au o ka Kamehameha I. a hiki wale i keia wa. Hookahi wale no mea kamahao 'a makou, o ka hoomaopopo ole inai o ka lehulehu i keia mau nani, mau hoola aina, a haku mai i mau wahi kahili, aole hoi e like aku me ka nui nne Hawaii lmi loa, aka, malalo iki mai no hoi—he mau no ke anana—a e kapa iho o Hipa-Kona, a i ma-u wahi lei palaoa kekahi a pela'ku.