Ka Nupepa Kuokoa, Volume XXIV, Number 42, 17 October 1885 — KE KULA HAOLE O MAKAPALA. [ARTICLE]

KE KULA HAOLE O MAKAPALA.

E ke Kilohana holomua, Aole no paha ia he mea i nele ia oe no ka alo ana ma keia mau mokupuni, a nolaila, ke poloai aku nei au i kela mau wahi huapalapala e kau ae la maluna, a nau ia e kaunu ae me ka hiehie nui i o'u mau kini haaheo. Ma ka la 14 o Sept. o keia makahiki e nee nei, ua wehe hou ae nei ke kula ao olelo Enelani, malalo o ke alakai ana a Miss Tamara Manu, me Master Moses Zebedaio. He mau opio keia no Makapala nei, a he mau haumana na Mrs Laiana me Mr. Dyer, a ua hoonohoia mai keia mau opio me ka manao o ke kahu kula ua kupono laua ma ia wahi; aka, 1 ka haka pono ana mai a mi nei, aole laua i hiki aku i kahi 0 ke kalo, he Ape wale no, he" maneo i ka lehelehe. Nolaila au i manao ai aole i kupono no ke ao ana i ka huina lehulehu ona haumana. Eia no hoi kekahi, aole ike ika rula o keaoana;me he mea la, he pono ao no ka laua; a eia no hoi kekahi, ua olelo mai o Piniau ia'u, aole ka he papaia oka olelo Ha waii. Eia hou no, Ika manawa e hoomaha ai ke kula, he ike aku no oe 1 na haumana e hele ana i ka hale pake e puhi s'garīta ai, a he kohukohu maoli no ke puhi mai. Ea, he mau hana pono anei keia ? Ke manao nei au, ua hiki loa i keia mau kumu ke papa aku i na hana o keia ano, aole o ka hookuu wale aku e hana na haumana elike me ko lakou manao īho, a haki na rula o ke kula no ka noho maemae ana; e pono no e ao aku ia lakou a komo aku ka īke. He nui aku nc na mea a'u i ike ai i kupono ole no na keiki liilii ke hana, aka, e pono e ao aku lakou. Aole no paha i nele i na makua mea keiki ke kaniuhu ana no keia mau hemahema liilii o keia ano. Ma kekahi mau la o kela puie aku nei, ua akoakoa ae na kamalii he nui wale »a na hale inu | ti o ka pake, e noke ana i ka hula ku'i me ka loie ekaeka ua hele a apulu, me na lei, he poe hula ka olelo ana, me ka hoopuka ana i kekahi mau oleio ino. Ma kuu nana ana, he ku maoli no i ka aka ke ike aku oe. Nolaila, malalo o keia mau hiohiona, aole i ao pono ia keia mau haumaml; ina he mau kumu keia e nana ana i keia mau hana kupono ole a na haumana, ua hiki ia laua ke kau aku i ka hoopai ehke me ka hiki kupono; nolaila, he mea pono ke hana la a loaa mai no ka hua oka naauao. Nolaila, i ike hou au i keia mau hana a na haumana ma na pipa alanui, e hai no au i ke akea; a pela hoi ke lohe hou i na mea e haiia ia'u, e hoolaha no au. Nolaila, e pono e makaala o loaa pono auanei ika ili he mea ehaeha. A nolaila, ke kapae nei au i kuu helu 22, a loaa aku au i ka helu 4, a ilaiia au e hiolani ai me na Boys oka papa pai noeau o ke Klokoa, a me koua kaoena na hookele mikioi ana o ko'u hapa , pulima. Me ke aioha; l HE-KILO-ULEPON'O.