Ka Nupepa Kuokoa, Volume XXIV, Number 44, 31 October 1885 — Ka Aha Mele Hope. [ARTICLE]

Ka Aha Mele Hope.

Ma ka po nei 1 haawi ae ai ka hui himeni opera a Farini i ko lakou mau leo kohakoha hope loa no ka haalele ana iho ia Hawaii neino Kapalakiko ma ka Alameda o keia la. Ua lawelaweia na hana maloko o ka Hale Mele hou no ka pomaikai o Mr. Charies Thrower, kekahi o na puukani aiwaiwa o ia hui himeni, a o ka oi pookela ma na kapakai o ka Pakipika nei. He haole kaula* na keia ma ke kiekie o kona leo tenora, a ua hiki iaia ke hoololi ma na ano a pau. Ua piha no ka hale me na makaikai, a ua nui ka mahaloia o na hana.