Ka Nupepa Kuokoa, Volume XXIV, Number 44, 31 October 1885 — AHAAINA LA HANAU. [ARTICLE]

AHAAINA LA HANAU.

I ke ahiahi o ka Poalima la 23 o keia mahina, ua haawi ae o Mr. D. Manaku Esq. a me kana lede ma ko laua home noho he ahaaina hoomanao no ka la hanau o ka laua lei, Jno. Kalaniakeawe Manaku, oia ka piha pono ana o ka ekolu o na makahiki mai kona hanau ana mai. He papaaina keia i hoomakaukau mikioi ia a i hele no hoi a uluwehi i kela me keia mea ai malalo o ka hooponopono ana a ke kuene Kaauwai. Ua hiki kmo ae ke 'lii ka Moi malaila, i ukaliia e Curtis P. Iaukea; ma- | laila pu ae hoi ka eneginia nui a me | ka puuku nui o ka inokuahi Alameda, | Col. Jas Boyd, Messrs. Geo. L. Desha, !J. B. Peterson, O. C. Swain, Chas. Williams, Jas. G. Clevior, Rich Mossmana, Thos. K. Nakanaela, a me kekapoe e iho a lehulehu wale. Ua hoonanea ia ka papaaina me na leo honehone o na pila, i ukaii pu ia mai hoi me na kileo kani oeoe a kuhokuho 0 na keiki o kekahi mau hui himeni o keia kulanakauhale. Mahope iho o ka pau ana o ka paina ana a ka Moi, ua launa iki iho oia me na hoa no kekahi mau minute pokole no ka hoolohe ana 1 na leo hoonanea a na keiki hookani pila, a mahope o kona lulu lima aloha a hoomaikai pu ana me na mea hale a me ka mea nona kala hanau, a huli hoi aku la oia. Ke kalokalo ae nei makou, na na lani e hoohalawai |iai i ka mea nona ka la hanau me na ik hanau hou he lehulehu wale e hiki mai ana.