Ka Nupepa Kuokoa, Volume XXV, Number 1, 2 January 1886 — HE OHOHIA NO LUKA WAHINEHOOPII KAMAKAIMOKU. [ARTICLE]

HE OHOHIA NO LUKA WAHINEHOOPII KAMAKAIMOKU.

I kela manawa ua pupule loa ia au no kuu kaikuahine; ua ulu mai la na

hoomanao ana nona i na wa a pau. O kahi kaikuahine hookahi iho la no ia mai ka pupuu hookahi mai; a o kuu mama hoi nana e hana na pono kino. Ua hele aku la me ka luuluu a hiki i kauhale; e hoopuni ia ana oia e na kaikunane ekolu, ke kane a me kana mau kamalei hoi a pau. He mea mokumokuahua no'u ka ike ana i na helehelena hoi)e loa o ke kaikuahine, oiai ua pau ka ike, pau ka lohe, pau ka oni ana o ke kino, a e lana malie me he wai la. A iloko hoi o na minute pokole ua lawe loa aku la ke Akua i kona uhane, iwaena hoi o ka dule ana a kona kaikunane hanau mua. He manawa ia no makou a pau īloko o ka mokumokuahua. He nui wale na kaikuahine i hala mua, a koe hoo kahi o Luka; ua lana iho la ko makou hauoli ana nona, aka, ma ka po i lawe ia aku ai oia, ua Isaboka makou, oia hoi ua hala ka nani. * He nui na mea a'u e luuluu ai no kuu kaikuahine, no ka mea, aole oia i makeukau no ka hele ana i ke aupuni uhane, e like me ko'u makaukau ole; aka, ke hauoli nei au, no ka mea, aole oia i hoohala loa ma na mea ana i īke maka ai. O ka mea hope loa a kona lima i han* ai he moena aole nae i paa. Hoomanao hou au no kuu kuahine. I kona wa liilii, ua hookomoia e Rev. Noa Pali 1 hoahanau no ka ekalesia ma Lanai. Ua lilo no hoi ka hapa nui o kona manawa ma ka hoonaauao ana i kana mau keiki. Pela no me ke ao ana i ka pule a ka Haku. He mea hauoli ole no hoi nana ka ai mulea me ka pule ole ia; a pela no me ka moe ana i ka po a me ke.ala ana i ke kakahiaka.

Ke haawina keia i loaa ole ina wahine opio a pau ma Lanai nei Ma kona po i make ai amaia ao ;-na ae, he la ua nui ia a po; ama kon* i<* hoi i kanu ia ai, he la malie laelae ia a po; no ka mea. ua manaoia, e ua ana no ia la, aka nae, aole pela ka manao oka Haku. Mahope koke iho no o kona nalohia ana aku, ua hoouna awiwi au i na icta pane a pau i kona mau pi/i e noho ana ma kela a me keia pea o lea aina, elike me ka mama o maua e noho la mauka o Niupaipai, &c., a eia me a'u ka lakou mau leta walohia a pau e eha ai kuu puuwai a maule no kuu kuahine 1 hala. A elike no hoi me ka rula ona maka a pau iwaena o. na ohana e noho ana i like ko lakou »no nie ke ao malamalama, pela no au kuu kuahine. £ nana i na make iwaena o na ohana ma Lanai, aole ma ia poai; ina ua uhi ka lepo, aole e hiki ia lakou ke hoomanao hou elike me keia.