Ka Nupepa Kuokoa, Volume XXV, Number 1, 2 January 1886 — HE OHOHIA NO LUKA WAHINEHOOPII KAMAKAIMOKU. [ARTICLE]

HE OHOHIA NO LUKA WAHINEHOOPII KAMAKAIMOKU.

E Mr. Luna Hooponopono :~E maliu hou mai ia'u me ke aloha, e hookomo iho i na mea a pau malalo īho o ke poo e kau ae la maluna, ke hiki ia me ke koe koena ole. Oiai ua puka mua no ma kau Nupepa ka moolelo o ka make ana o ko'u kaikuahine, aka, he mau mea hou i koe; no ka mea, ua laweia mai kela ma ke ano nui, a ua hoopokoleia no hoi ma ke kakau ana. A ua manao no hoi au, aia a hiki i ka wa a'u e kakau ai i ke ohohia malalo iho, alaila hoolawa aku. A i mea e pohihihi ole ai i na tausani heluhelu i ke Kuokoa, alaila, he mea maikai no oukou ke huli aku i hope, a e nana ma ke Kuokoa, helu 6, aoao 3, 3, a malalo hoi o ke poo, "KO MAKOU KUAHINE, UA HALA." Aole no hoi au e pono e huna iho i ke kalena i loaa ia'u mai luna mai, e pili ana i kuu kuahine a'a i ohohia nuiai. O keia no hoi ka'u hoomanao hope loa nona. Aia ma kona la i hanau ai i ke keiki, 0 laua wale no me ke kane, a ua hele na kaikunane e noho pu ana me laua, ma ia kakahiaka nui poniponi. Aole no hoi oia i komo ai iki a po ia la, no ka mea, ua inoino ka opu; aka, ma ko'u hele ana aku ma ke ahiahi o ia la, e noho ana oia me na hiona o ka mohaha maikai, a elike me kona ano he ohohia

mau i na wa a pau, pela no i kaulono ia aku ai na manaolana ana. Aole no hoi i lawe ia mai e makou f kekahi rula o ke ola kino e pili ana no ka hanau keiki, ua palaka loa. He mau la mahope loa mai o keia hanau ike keiki, a ma ke ahiahi o keI kahi la, loaa īho la oia i ke anu ino loa | oia no ka fiva e oleloia nei. Me na lo|mi ikaika ana a ke kane i loaa ai ka i oluolu, me ka pii mau mai no nae o ka | mai i kela ame keia manawa. Nolaila jua manaoia e makou i wahi laau hooI naha, oia hoi kahi aila, paakai, a pela aku. Aka no ko makou nele, ua kau- | lono aku la ka manao i ka waihona o ka Papa Ola ma Koele, aka oia nele like no; nolaila, na laua iho me ke kane, ua hoohainuia oia i ke kowali, kela laau hoonaha a ka Hawaii. Ua hoomoa ia a hui pu ia me kopaa a me ka huamoa, he momona wale no ma ka inu ana. A ma ko u hele ana aku ma ke awakea o ia la, e noho ana oia, a kamailio n<ai Ia oia īa'u no kona noha ike kowali; a pane aku la au; ina hoi he ni ha no ka pono. "Ae, i inu ole no au i ke kowali i kela mau la aku nei no kuu nawaliwali loa. ? ' He oiaio ua nui ka noha, aka, o ka oluolu, aole i loaa mai. No keia pilikia no hoi o ka makuahine, nolaila, ua unuhi ia aku la ka ai ana o ke keiki i ka waiu, a i ka waiu kao a Kipikona (ka lokomaikai.) Ka i no hoi he keiki no ke ola, eia ka aole. Ua moe ole ia ka po e kona kunane muli ponoi, no ka manao nui no i keia wahi bebe. No na manao naaupo loa no iloko o'u, a o makou no a pau, aole la ia he mai no ke kaikuahine e hele aku ai i ka make, nolaila, ua hoohala loa au i ko'u manawa i ka noho paa ana me ia; pela no a hiki i ko'u hoi ana e moe i ka po o ka Poakahi a hala ai oia Mamua o ko'u hoi ana, ua u-i mua aku au iaia me ka leo malie, me he leo la no ke kahu mai; ia wa oia i pane mai ai me na huaolelo pokole, oia no na kamailio hope loa ana me ke kaikuahine a o.ka pau no ia. Aole no 1 liuhu loa mahope o keia hoi ana o'u e moe, ua hiki koke ae la no ke ki>, me na huaolelo o ke kauma ha : "Ua nawaliwali loa o mama, aloha ka makua ! "

No ka loaa ole he kowa kupono iua keia aoao e pau pono ai ka moolelo o ka mea i make, nolaila e nana ae ikc koena ma ko makou aoao ekolu.