Ka Nupepa Kuokoa, Volume XXV, Number 2, 9 January 1886 — Hoopauia. [ARTICLE]

Hoopauia.

(Kakauia no ke Kuokoa.) Ua minamina makou i ka hoike aku ka hoopau ia ana o Kauka Anin:i, mai eona lawelawe lapaau ana ina niai lepera. Ua hoopau ia aku oia eka Pe 'esidena o ka Papa Ola, (oia o aloha Lahui ?) me ka ui ole aku i kona mau hoa o ka Papa Ola, aka, e like me ke ano mau iaia, he hapuku-mana, ahe hookiekie, ua kuka iho la me Hunona, i hooholo ae la, a hoopuka koke aku la o Hunona ika olelo ua pau oe. I wahi hookamaemae no keia hana a laua, ua olelo ia aku la o Dr. Anina, ua pau oia no ka nele o ke aupuni i ke dala. 1 ko makou ninau ana no keia mea, ua hoike ia okoa loa ke kumu i hoopau ia ai o Kauka Anina. Ua nonoi aku ka Peresidena o ka Papa Ola e hoike mai o Kauka Anina ika hua o kana mau hana e pili ana i na maī lepera. a ua hoike mai oia e like me ka inea ana i manao ai he kupono, aka, aole ia i bwa i ka makemake o ka Peresidena, oiai o kona makemake e huai pau mai ke Kauka i na mea a pau ana i imi ai me ka noeau, i rrea na ka Peresidena e hoolaha aku ai ma na aina e, me he ?a nona iho. He mau hana maalea keia e like no me ke ano o keia Kuhina, he maalea ka haawina nui i loaa iaia, a ua ii.»au oia e lawe malu i ko hai ike a pahola aku nona ponoi, aka, i keia hoao ana nae ana, ua hoopahua ia kona makeinake pakaha wale. He mau kumu ko ke Kauka hoole ana i kona haawi pau ana mai i na mea i loaa iaia. i Aole i pau kana imi ana i ke kumu o ka mai. 2 He elua mana maluna ona, o ke aupuni Geremania, a o ke aupuni Hawaii. 3 He kuleana ponoi kona nona iho, ma kana oihana. Ahe mau kumu eae no hoi kekahi. Ua hoounaia mai 0 Kauka Anina mai Geremania mai me kona uku ia, e imi a e noonoo i ke ano o ka mai lepera. I kona hiki ana maj, ua ae. ia aku oia e ke Aupuni me kona kokua pu ia aku. Ua lohe mai makou, ua mahuahua no na inea i loaa a i hoopaa ia e ke Kauka, a oia mau mea ke koi ia aku nei e ka Peresidena o ka Papa Ola; ua waihoia mai he hoike, akp, ke ake ia aku nei e haawi pau ia mai, i ao iho paha ka Peresidena iaia iho, i ka Hunona paha, ia Kauka Weba paha. No ke ko ole o keia makemake o Kaisara, ua hookamani aku nei, aohe waihona e hiki ai i ke aupuni ke hoomau aku iaia ma kana hana. Ma keia kakou e ike ai i ke ano a me ka oiaio ole ©na aloha o keia Kuhina ika Lahui Hawaii. Ika manawa e hookui ia ai kona mau manao kolohe a hookiekie ua helelei koke mai la kana inau hana hookamani mamuli ona manao huhu, a ua hoopau koke aku la oia i ke kanaka naauao, i hilinai ia e ke aupuni Geremania, e imi ana i ka ike e loaa ai ke ola i na palapu o Hawaii; aka, he mea ole ke ola 0 keia lahui ina e hookui ia ka makemake lapuw?le aia nei. Ua nele ka waihona e lawa ai ke kokua 0 ke Kauka Anina, aka, aele i nele no ka uku ana i ka uku o ke Kauka Webba, a na mai e hoole a e hoowahawaha nei. Manomano na hewa o keia Aha Kuhina a makou e hoike aku nei, me ka hiki ole ia lakou ke pale kumu no lakou iho, a eia hou keia mea a kakou e hoomaopopo ai. Nawai ole mama no hoi o na wawae i ke ko-ke i na apa na e hoohulihuli, e hoouhiuhi malu, a e pelo a kipe i ka lahui kanaka e koho Ika poe i makaukau e hoapono i keia mau hana, i kumu e nalo ai ka oiaio, i kumu e pakele ai mai na hoahewa a ka poe manao maikai a hoopono. E ka Lahui Hawaii, nana īa mai, ua hio ke kolohe.