Ka Nupepa Kuokoa, Volume XXV, Number 2, 9 January 1886 — Na Lono o na AIna e. [ARTICLE]

Na Lono o na AIna e.

Ma na mahina i hala ae nei ua loaa pinepine mai na lono e pili ana no ka ninau hoole waiona. Iloko o kahi mau mnkahiki i hala iho nei, ua ulu ikaika loa na nianao oka poe hoole waiona roa Aroerica a me Enelani no hoi. Ua mahuahua loa no hoi ka heluna nui o ka poe noonoo, ma ia nmu aupuni a elua, e ku nei maiuna o ke kahua o ka hoohaiki ana i ka laha nui o na waiona. Ua hanaia he kanawai ma Rusia, a ua hoomaka ka hooko ana o ia kanawai i ka la mua o lanuan o keia makahiki, e hookapu ana ike kuai waiona ma na wahi a pau loa o ia aupuni nui, kje wale no maloko o na hotcle a me na hale paina. Mamuli okeia kanawai uapaniia he kanawalu tausani a oi halekuai rama ma Rusia. Ma keaupuni o Amer ca ua ulu nui ka noonoo no ka hoole waiona roa ke ano oka " loeai oplion." Oke ano o keia, oia no ka waiho ana aku i kela a me keia apana o ka aina ka mana e ae a e hoole paha i ke kuai ana o na waiona mawaena o lakou iho, e like me o kela a me keia apana i ikeia ma ke koho balota ana mawaena o lakou iho. Ma keia ano ua ulu ikaika ka aoao hoole waiona ma kekahi mau mokuaina o ia aupunl

Ua lohe mua no ko makou poe heluhelu no na hana a ke aupuni o America i hapai ai no ka mare lehulehu maloko «ka panalaau o Utah. Ua ikaika na lawelawe ana a na luna aupuni, a ua ikaika no hoi kekahi aoao ma ko lakou hoopaakiki i ka mare lehulehu. O kekahi kanaka o Cannon kona inoa, ua hoopiiia īmua o ka aha hookolokolo o Utah no keia hewa a ua hoopaiiia; no kona makemake nae e hoao i ka mana o ke kanawai, me ka manao paha e loaa ana he pomaikai nona iho, ua hoohalahala oia, a ua lawe ae oia i kana hihia inuia o ka aha kiekie o ke aupuni ma VVasinetona, a i ka hiki ana nae ilaila ua hoaponoia mai Ia ka olelo hooholo o ka aha malalo. Ma ka nana me he mea la, e pau ana ka mare lehulehu ma Utah. O Mrs Hampson, kela wahine haiolelo nana i malama na halawai pule hoomau iloko o ka luakini o Kawaiahao, he makahiki aoi i hala ae, aia i Portland, Oregon, i keia wa, e lawelawe ana ma kana hana. Ua kukuluia he mau halawai hui iloko o ia kulanakauhale malalo o kana alakai ana.