Ka Nupepa Kuokoa, Volume XXV, Number 2, 9 January 1886 — Ahaaina ma Hanawana, Maui. [ARTICLE]

Ahaaina ma Hanawana, Maui.

E ka Nupepa Kuokoa —Aloha nui oe. He ahaaina maikai ka i haawiia ae e W. H. Kehikipi ma kona hale ma Hanawana, i ka la ekahi o keia mahina. Mamua ae o ka paina ana ua weheia ae he halawai nui o na makaainana kuo koa, a ua noiia aku o Kalekika, ka mo-

ho holo lunamakaainana o ka poe kuokoa o keia apana e haiolelo imu«i o ka lehulehu. A i kana ku ana a huai mai i na hana pono ole i lawelaweia e keia poe kuhina o ke aupuni e nohonei, ao le o kana mai o ka pioloke o ke anaina holookoa, me ke kokua nui ia o na manao o ka mea haiolelo. Ma ka nana aku i keia mau apana, me he mea la ua hoowahawaha lakou ia Kamakele no kona ano lo!o maoli no, a e manao ana lakou e koho 1 ke kanaka eleu i ike i ka hana io. I ka pau ana o ka haiolelo a Kalekika, ku mai la o W. B. Keliikipi, Keaiakai a me kekahi poe e ae, a wehewehe nui mai la lakou e kokua ana 1 na manao o ka haiolelo o ka la.

A i lea pau ana o na haiolelo, hoomakaukauia ka pakaukau, a noho ae la ke anaina a hoonuu wale aku i na rnea ai, a maona pono i ka lokomaikai o ka haku mea hale. Pau ka makemake o ko ke'a mau apana i na hana apakee a ku hi "Elemakule o ke kai." Owau no me ka mahalo, Lealeakawaionapali. Hanawana, Maui, lan. 2, 1886. Eia kekahi: ma ia la hookahi no, he ahaaina nui ma Hamakua-poko, a haiolelo hou no o Kalekika ilaila, a me Kapule, a me kahi poe t ae. A i ka pau ana o na haiolelo, a ninauia ka manao o ke anaina no ka mea a lakou e koho ai i wahaolelo no lakou iloko o ke kau ahaolelo e hiki mai ana, hapaiia ae la na lima a pau no Kalekika, koe hookahi wale lima i oia no Kapule, a ua manaoia e haalele ana paha o Kapule, alaila e waiho ana ka hana mawaena o Kalekika a me Kamakele. Ma ia la hookahi no ua kukulu ae la o Kamakele i ahaaina no kona poe ma Pauwela; ua noho alii ia keia ahaaina e ka waiona. He kini a me ka uwala i hanaia a awaawa na mea ai, a no ka ona Ioa 0 ke anaina, aohe hiki ke hoomaopopo aku i na haiolelo, aehe no hoi nui o kanaka. Aloha no, Lealka.