Ka Nupepa Kuokoa, Volume XXV, Number 5, 30 January 1886 — He Nui Olelo [ARTICLE]

He Nui Olelo

(Kakaui ī no kc Kuokea.)

Iloko o keia mau la mokomoko, paio a hoino o kahi i kekahi, ua hakilo makou i na olelo o ka poe pili kuhina, a he mea kamahao ka īke ole ia o kekahi mau olelo e loaa ai ke kanalua ia oka paa balota o ka aoao o na makaainana. Mai a Keo Kaaka a hiki i ka ha o na inoa o keia paa, aole he hookahi i hoike ae he mau hana hewa a kalohe ka Keo Kaaka, aka, he inahalo wale no ka mea nui ika waha o ka lehuiehu, mai na haole a i na Hawaii, mai ka poe kiekie a ka poe haahaa. Hanohano ke kanaka nona ke kulana i like me kona. A pela iho no ka moolelo oka lua o ka paa, ke keiki waipahe a ka makua Walakahauki e pu a mau ana ka mino oluolu ma kona helehelena no na kau a kau. E hele aku oe

imua eka opio hoopono, a e auamo i ka hana a kou mau hoa kanaka e kau mai ai maluna ou, e like me kou ano mau, n>e ka hauoli me ke kaniuhu ole. Ke halo hou iho i ke kolu o ka inoa, e ikeia ana o Kuea, ke kanaka kuoo mau, i hoailona ia ina kunA tuau helehelena na haawina kanaka makua, a me ka noonoo akahele. Oka ha o keia paa, he Hawaii opio, he maoli mailuna a lalo, he kanaka puuwai liona, me na ma nao e like me ka pa ana aka makani kolonahe. 0 Hale Pinao, ke keiki nana i kaiehu ka moana, i hoolilo i ka makani i hoa ohumu, a i ka ale pali loloa oke kai-uli i hoa paani. He kohu kaao ka moolelo o keia kanaka i kona mau la e olali ana ma na kuahiwi hau o Nau eki ame na aekai o Inia, ma na honoo ke Kai Waenahonua, a ma ka Puali oki o Sueza. Oka poai honua o ke kanaka i kona mau la opio, kekahi o na alanui e hoonaauao ai īaia, a e hoakea ai i kona mau noonoo ana. Aole j kona nele ana ma keia paabalota, he kumu la no kakou e kanalua ai. Me he la na ka Lani kela paa ī wae mai no kakou. E hoohuli ae kakou i keia paa me kona kina ole, a e nana iho ika paa a loko oihana e onou mai nei me ka hoomanawanui. Ua like ole ka nana ! ana. Ua like ka paa mua me he mau | hipa keokeo la, a o ka paa hope me he mau hipa eleele la. Me he la oka paa Kuhina, ka paa hope loa ona kanaka oka aina nei, aka, oke koho ana iho la no ia a ka poe iloko o ka na hana e kahuli ai ka malamalama o ka La.