Ka Nupepa Kuokoa, Volume XXV, Number 8, 20 February 1886 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

No ka Makahiki…@2.00

No Eono Mahina….. 1.00

KUIKE KA RULA.

Poaono. FEBERUARI 20.1886.

 

Aha Ekalesia.

            I ka auina la Poaono o ka pule i hala, ua akoakoa ae kekahi aha ekalesia i kaheaia e ka ekalesia haole @ Kohala. Hawaii. Ma ke keena halawai o Kaukeano kahi i hui moa ai o keia aha, a o na ekalesia i konoia, oia ko Kaukeano, ko Betela, Kaumakapili, a me Kawaiahao, ma o na kahu a me na eleie o lakou. Ua kono pu ia o Rev. C. M. Hyde, Rev H Binamu, Rev. S. E. Bihopa, Rev. W. C. Merrit, Rev. A. O. Polepe, Rev. J. Bicknell, a me Rev. E. Jordan o Kohala. O ke kumu i hui ai keia aha, oia no ke noi ana mai o ka ekalesia o Kohala e ninaninauia o Mr. M. Dyer o Kohala, a in a e ike ia ke kupono, e hooliloia oia i Kahunapule. I ka hora i oleloia ua akoakoa ae ka aha, a ua kohoia o Rev. C. M. Hyde i Lunahoomalu, a o Rev. E. C. Ogele o Polelewa i Kakauolelo. No ka hiki ole ana mai o Mr. Dyer ua hoopanee ka aha a i ka auina la Sabati. A i ka la Sabati ae hiki mai la o Mr. Dyer maluna o ninau, a ua hapaiia na hana o ka aha ninau ia auina la. Mahope iho o na nieniele ana a liuliu, ua hoaponoia ka mea i ninauia, a ma ia po iho o ka la Sabati ua hookoia ka hana maloko o ka luakini o Kaukeano imua o ke kahi anaina nui a hanohano.

            Ua kainaaina ko makou poe heluhelu o Kohala ia Mr. Dyer, ua liuliu kona noho ana iwaena o lakou ma ke ano he kumu hula iloko o ko laila kula Beritania. He kanaka aloha oia i ka lahui Hawaii, a aole no e nele kona kokoa ana ia lakou maloko o kona oihana hou i waihoia ma kona lima.

 

Pono Ole.

            MALOKO o kekahi nupepa haole a na Kuhina a me ka ona miliona, ua naku hele ae na olelo pale a ia aoao, no ke kulana a me na hoohana ia ana o na koa i ka la koho balota no ka pahu pololei ia ana mai o na olelo pane hoehaeha a kekahi o na nupepa kuokoa no ia mea. Ma ka laua paio ana, ua anai pu ia aku ka aoao pale i na hana ekaeka a hoohaahaa o ia la. He nui no na hana iho a me na hana kolohe i hoohana ia e ka aoao aupuni ma na wahi a pau o ka aina, - ka aua ana i ka pono koho o ke kanaka; ke kipe ana i ke dala; ka hooweliweli ana i ka poe kokoa o ka manao e noho ana ma ka oihana; ka hoopau ana i kekahi poe; ka aua ia ana o ka pono kamailio ma ke telepona; ka lawe ia ana o ka pahu balota mai ka rumi koho a kekahi rumi e aku; na hana lapuwale no a pau i p@@umi aku i ko ke ano koho i ike i@ mamua. Ua like loa no na hana ana@ ka aoao kuhina, me he la ua aihue lakou, a ua maka'u loa o loaa aku a ike pono ia ko lakou hewa. Aka, no na koa, he mea hoohaahaa i ke kulana a me ke ano o ke kanaka, i ka ike aku i ka houluuluu ia a paikau hele ia aku o lakou me ko lakou mau aahu koa, a hiki i kahi koho balota. Ma ke aupuni Amerika aole he kuleana koho ko na koa kumau, a o na koa puwalu ka i ae wale ia no e koho ma ko lakou ano makaainana, me ka piha pono o na makahiki ma ke kanawai. I ko lakou wa e hele ai e koho, ua haalele mua lakou i ko lakou mau aahu koa, aole hoi e like me ko kakou poe ka hele pu me na pahi, a pela aku. Ua like keia mau hana i keia keneturia malamalama, imua o kekahi lahui naauao, me ka hoao ana o kekahi kanaka e hooluulu i kekahi bipi hae ma ke kiani ana aku i ka welu ula koko imua o kona maka.

 

Aloha Mokuaikaua.

            O Mokuaikaua hea keia? O Mokuaikaua Luakini keia e ku la ma Kailua, Kona Akau, Hawaii, ka luhi o J. A. Kuakini, ke Alii Kiaaina o Hawaii, a rue kona mau Kaukaualii, a me na makaainana a pau o na Kona. Aia ka laau i kuahiwi, ilaila na kanaka ke hele la me ka hoomanawanui.

            He Alii haipule o Kuakini no ka Ekalesia o Kailua, o Rev. A. Kakina, ke kahunapule. Ua hoolaaia keia hale a me kela kahua e ku la no Iehova e Kakina a me Kuakini ke Alii, ma ka makahiki 1835, a mailaila mai i hoolilo loa aku ai o Kuakini no kona Akua a hiki wale i kona make ana.

            Ua noho keakea ole kana mau kai kamahine alii a me na moopuna alii a p@u i noho nui iho nei i ka Noho Alii o ke Aupuni, a o Keelikolani a me Pauahi na mea hope loa a pau nui aku la lakou i ka hele hoi ole mai.

            O ka makou e aloha nei no Mokuaikaua. Ma ka la io iho nei o Feberuari nei, lawe mai nei o Hoapili ma he 3 bipi no ka ahaaina o ka la 22, a maloko o ka pa Luakini o Mokuaikaua i pepehiia'i a i loleia'i. Piha pu ka pa i na lio. Pau ke eehia, haule ka ihiihi o ka hale. Auwe! Aloha ino.

            I ka wa i lilo ai o Ierusalema i k@ poe hoomaloka, haule pu kahi laa iloko o ko lakou lima. Pela hoi o Mokuaikaua i keia mau la. Aia ka waiwai Ekalesia iloko o na lima o ka poe hookamani kahi i paa ai. Heaha la ka pili o na hana o ka la 12 o Feberuari i ko Iehova aoao, i laweia'i keia mau hana e hehi ku wale ai i kahi i hoolaaia no Iehova? O na kiaha laa wale no o ka Luakini o Solomona i kukulu ai ka Berehazala i hoohaumia ai me na wai ona, i puka mai ai ka pulima weliweli o Iehova a kakau mai la i na huaolelo no ka poino o ua Moi la a me kona aupuni. A heaha la auanei ka ua pu lima la maluna o ka poe e hehi ku la i kona wahi laa.

            O keia Hoapili no ka Peresidena o ka Papa Kahu Waiwai o ka Ekalesia; a no ka mea mua loa nana i hana po@ ole i kahi i manaoia na lakou e malama pono i na waiwai Ekalesia a pau. Ke akaka wale mai nei ia makou ka hooiaio aku i na olelo i hoike mua ia e kekahi haole a me kekahi kanaka Hawaii: "Ina e komo mai ana kekahi lima e hookuleana iaia iho maluna o ka pa a me ka halepule o Mokuaikaua, aole loa e hiki ana i ka hapa nui o keia Papa ke keakea aku, a e poino ana ka waiwai Ekalesia." Ke komo mai nei ke kanalua iloko o makou no keia Papa. E haawi pio ana lakou i ka waiwai o ke Akua i ka wa a ka lima ikaika e kikoo mai ai. He pono i na malama ka makee i ka pono ke nana i keia mea ma na Ekalesia huiia.

            He hooio ua poe la ma ka olelo ana, he haawi pio wale ma ka hana.

KAILUA.

            Kona Akau.

 

Ko Kakou Lahui.

            HE NUI na makahiki i kaa hope aku mai ko kakou hanau hou ia ana mailoko mai o ka pouli a i ka malamalama, mai ka naaupo a i ka naauao, a eia kakou i keia manawa malalo o na noho ana o ke ao ana a me ke alakai ana a ka poe nana mai keia hoololi ana i ko kakou nohona. Ua ike no hoi kakou i ka pono me ka pomaikai i keia wa ma o ka loli ana o ko kakou ano, a ua ike pu no hoi kakou i na inea. Aka, he nui no na hana naaupo i koe me kakou, a eia no kakou i na keehina mua o ke anuu o ke kulana kiekie a hanohano o ka nohona lahui a nohona aupuni. He nui na makapula e kaalo mau ana i ko kakou maka iwaena o ko kakou noho ana, mai ke kino hookahi, ka poai, ka  ohana, ka lahui, na Lii a me ke aupuni. Aole he wa mai mua mai o ka hiki ana mai o ka malamalama me ka naauao me kakou, i ikeia ai ke ku a me ke luemi hope o ka lahui. Eia kakou ke hoopalaleha nei ma na hana maikai, a ke launa nui aku nei kakou me na hana e kulai ai i ka inoa maikai o keia lahui, i loaa mua aku ia kakou ma o na kupuna la. Ua ulu ae ka ninau iloko o makou i ke kumu o keia hiona o ka lahui a me ka aina. Ke lohe mau nei kakou i na olelo ao hoopono, na olelo e kuhikuhi ana i ke kanaka i ke alanui e loaa ai iaia ke ola oluolu ma keia ao, a me ke alakai e loaa ai ke ola makamae ma kela aoao o ka lua, aka aole nae he hoolohe ia o keia mau olelo e ka hapanui. Me he la, i ka nana aku i na aka ku o keia mau la, eia kakou ke kuemi nei ma na ano a pau. Hookahi wale no mea nui a kakou e hoomaopopo nei i keia wa, o ke apuepue a me ka hakoko no na mea e loaa ai ia kakou na anoai a me na ahuai, a mamuli o keia kumu ua makaukau ke kanaka e piele, e kuai, a e hoolilo aku i kona inoa, kona kino, kona uhane, a me ka maluhia o kona ohana a me kona home.

            He mea kamahao keia, a he mea a na puuwai aloha kanaka e kunana ai, a a he mea no hoi e hoala mai ai i na manao aloha iloko o kakou ke kanaka i ka ike i keia ano iwaena o kakou, oiai, o ka wa keia, aole he manawa hou aku i koe e ku ai kela a me keia a hookanaka ma kana mau hana a pau loa nona iho a me kona ohana, no kona hoalauna, a no ka pono o kona aina. Me he la, eia kakou ke ku nei ma ka lihi o ke au i hala. a ma ka hoomaka ana aku o ke au hou, - o ka mua ua hala a ua paa kona moolelo; o ka hope oia keia mamua aku o kakou, a aia ma o kakou ka haku ana o ka moolelo no ka pono, no ka pomaikai, a me ka maemae o ka inoa o ko kakou aina. Aia ma ka kakou mau hana o keia mua aku e ku ai ke kaena o ka poe e liki ana: "O Hawaii no ka oi," a e hoohenehene ia mai ai paha ma na huaolelo pahenehene e ka poe e hakilo ana i ko kakou kulana. Ua hala aku nei ka ekaeka o ka la koho balota, a ke ku mai nei mamua o kakou he ahua e maea ai ka aina; ke ole makou e kuhihewa; a o keia mau ino elua, aole he mea e ae a kakou e hoomaikai aku ai, o kakou iho no. Nolaila, hookahi mea nui a kakou e noonoo ai, a e hana aku ai ma keia mua aku, o ka hoomaopopo i na kumu o keia mau ino i ulu mai ai, a o ka hooko i na hana e hoea hou ole mai ai. Aia no me oukou ka pono a me ka hewa o ko kakou noho ana, a aia no hoi me oukou na hoomaemae ana e moani ai ke ala o ko kakou aina a puni ka honua, a lilo hou kakou i mea punahele iwaena o na lahui o ke ao nei.

 

(Kakauia no ke Kuokoa)

            AOLE wale i ana na hana ano e, a kolohe maopopo ia ka pono koho balota i hanaia e na luna aupuni, aka, ua hele puaa maoli kekahi o na hoa a ka Aha Kuhina ma na apana kuaaina e hooikaika ai, a e apoipoi ai i ka mana a me ke kuleana o na makaainana o ka Moi. He makemake loa makou e hooki a e uhi aku i ke kapa eleele o ka hoopoina, i maha ae ai ka noonoo ana i na kumakaia a hoomaewaena i ike a i lohe ai i kela mau pule i hala hope aku la, aka, aole e hiki i ka maka o ka makou peni ke kapae ae i kana hana ke ulu mai ke kumu, a aole no hoi e hiki ia makou ke nana maka aku i na oni ana a ke kolohe a me ka hana hewa, no ka mea, he mau hana ia e hoopoino ana i ka pono o ko makou mau hoaloha, na makaainana o keia aina, e hoi waiwai ia me na haaweina e moe kahi ke ola a me ke kuonoono oi kela o na mea a pau e noho ana ma ka ili honua. Paumaele a hawawa na lima o ke aupuni, ke hoopapau ana ole la na Kuhina, e like me ka mea i ikeia ma o ke Kuhina i noho puhikole aku nei ma na apana o ka moku o Kama. Moe ole ka po, a lilo wale ka hana a ka lahui i mea ole, mamuli o na hooikaika a hooni a ka leo na ole, e hoahewa ana i ka lunaikehala o keia poe me he akua lapu la ka hewa e hoala mau ana i ka naau a e hooni mau ana i ke kino, Aka, ua kuu ka luhi, no ka mea e like me @@ ae ia o kela makua o ka hewa he manawa kona e lauwili a e hoopoino ai i ko ke ao nei, pela keia poe, he manawa ko lakou i ae ia, a mamuli o ka lakou mau hana, e lawe kakou a ao ia kakou iho i kumu e paumaele hou ole ai kakou ma keia mua aku.

 

            HE mea hilahila a hoohaahaa maoli no i ke kulana o ka nohoalii, ke aupuni a me ka lahui o Hawaii, na kumuhana hoolapuwale a hoilihune a na moho o ka aoao pili kuhina i hoolala ai i kahua no ko lakou mau manao maloko o ka Hale Kau Kanawai o ke aupuni. O ka bila kanawai a Lilikalani e pili ana i ka hoonoa akea ia o ke puhi waiona iwaaena o ka lahui uuku o Hawaii, ua hilinai nui kona mau kalai aina a kalai lahui ana, oia kekahi o na anuu mua loa o ka paepae laahia e haule wale mai ai na pomaikai a me ka hanohano nui iloko o ka aina a hu aku mawaho o kona mau palena. No ka ino anei e hoopomaikai ka aina a me ka lahui, a i ole ia nana paha i hoilihune? Ke hea mai la ka leo o Kalalakoa mai ka luakupapau mai me ke anoano "e nana i ka pali o'u i haule ai, ua paumaele kona mau kaulu me kuu koko, a e hoomamao loa mai ona aku." Ua lawa na hoahewa a ka lehulehu no keia; no ka io ponoi no e kumakaia ka io ponoi - nana i hoohaahaa ke kapu, ka ihuhi, a me ka aala o ka nohoalii; ka pono a me ke kuokoa o ka lahui. E kiai makaala.

 

Koho Balota ma Kona Hema.

Ke ano a me na hana i hanaia malaila.

            Ma ka la io o Ianuari, 1886, ua malamaia ka halawai makaainana maloko o ka luakini o Kahikolu ma Napoopoo, a ua hiki kino mai na lunamakaainana i lohe ia o D H Nahinu a me A P Kalaukoa. ua haiolelo na lunamakaainana i ka laua mau kumuhana. Aka o D H Nahinu ua hoole mai oia mua o na makaainana aole ia i makaukau me na kumuhana, nolaila. ua hookuuia ka halawai. Ma ke ahiahi no oia la. ua haawi aku o D H Nahinu hookahi bipi no ka apana o Napoopoo, he bipi na ka poe e koho ana iaia; hookahi bipi i ka apana o Keei, hookahi bipi i Honaunau a me Keokea, hookahi bipi i Hookena. O keia na hana kipe mua loa a D H Nahinu i ikeia ma ia la.

            Ma ka pule ekolu mai o Ianuari, ua holo aku o D H Nahinu i Honolulu a hoi mai no ma ia moku, a o kana ukana i hoi mai ai ma ia moku, he umikumamakolu pahu rama. Penei ka mahele ana o ia mau pahu rama: Hookahi pahu rama ma Kaawaloa ma ka inoa o Mose Daniela, hookahi pahu rama ma ka inoa o Kualau no Napoopoo, hookahi ma ka inoa o J Kaeo no Honaunau, ekolu ma ka inoa o J Nahinu, elua ma ka inoa o Walia no Hoopuloa, elima pahu rama aole i maopopo kahi i haalele ia ai. O keia mau pahu rama, ua haawi ia aku e ka poe no lakou na inoa i hai ia ma ke akea i na kanaka ma ke ano kue i ke kanawai a me ka maluhia. Aole o ka rama wale no ka mea i haawi ia, he mau pahu kamano kekahi, he mau pelena kekahi, pahu ko paa, he mau kini makale, he mau kakini palaka a lole wawae kekahi, a me ke dala pu no hoi kekahi. Ua hoomauia keia mau hana e D H Nahinu a hiki ma ka la koho balota. Ma ka nana ana ua kahe ka rama me he wai la, a ua haawi ia no hoi ma ke akea ka rama i na kanaka, aole ma ke ano hoonalonalo iho, a e kalua mau ana no hoi ka bipi i kela me keia pule. Ua hookohu aku no hoi o D H Nahinu he mau luna nana ma na palapala kakau lima me ka olelo ana maloko o ia palapala, mai ka ekolu dala aku a hiki i ka umi.

 

NA HANA MA KA LA KOHO BALOTA.

            Ua hoomakaia ke koho ana mai ka hora 8 o ke kakahiaka o ka la 3 o Feb., ma ka hale kula o Hookena, mamua nae o ke koho ana, ua kukala e mai la o Rev J W Waiau ka Peresidena o ka papa nana koho balota, oia hoi aole e ae ia na makai i mau lunahooikaika no na aoao a elua, aka aole nae i hoolohe ia ia leo, a ua papa pu ia no hoi aole e ae ia na kanaka e ae e komo maloko o ka pa kula, koe wale no na mea holo balota a me na makai, a me ka poe e lawe ana i ka balota imua o ka papa. O kekahi mau makai a me kekahi mau lunahooikaika o D H Nahinu, ua komo no lakou maloko o kahi i papa ia ai e lawelawe ai i ka haawi balota ana me Nahinu, a he poe kapae kanawai maoli no hoi, a ua ae pu aku no hoi o Nahinu i keia mau hana a na makai; oiai, e lawelawe ana lakou i ka hana pili i ko Nahinu pono.

            Aole oia wale kekahi poe kokua ia Nahinu, o na luna o ka ekalesia ka poe i hiki ke hilinai ia o lakou na luna lawe kiaha o na hoahanau, ua kokua lakou ma ka aoao kue i ka pono, a ua lilo ka malamalama o ka pono iloko o lakou i mea pouli, a o na hana hewa a Nahinu ua lilo i mea na lakou e apono ai. He kipe kekahi i ikeia ma ia la koho ma ka ainawakea o ka la koho, ua haawiia he puu dala nui ia J Kaeo, a nana i kauoha i na kanaka o Keokea a me Honaunau e koho ia Nahinu. A no ka nui aku hoi o na hana kolohe aole e hiki ke hoike aku. Ua lawe ma keia mau mea.

 

            Oiai makou e hoea mau aku nei imua o ka lehulehu, ua hoonele mau ia kakou me ka moolelo o ka Anela o Mekiko. Ke haohao nei makou; a ua lele loa no paha oia i Amerika, ke kumu o kona hoea hou ole mai nei.

            Ua manaoia e holo aku ana na mokuahi no lakou na inoa e hoike ia aku nei no ko lakou mau awa mau i ka ahiahi Poakahi o keia pule ae: Likelike, Kinau a James I. Dowsett, ina lakou a pau e ku mai ana i keia la.

            Ua ikeia aku kakahi wahi keiki uuku pake e noke ana i ka uwe, ua hoopaaia iloko o kekahi wahi rumi uuku ma ke alanui Maunakea, i ninau ia ana aku, pane mai la kahi olopala: O, iaia no aole makemake kaukau laisi, wau paa iaia malaila, a iaia pololi no, wau hemo iaia mawaho. Hoohanaike no ka hoi.

            Ua lilo aku ma ke kuai i ka hui Pacific Navigation Company ka moku kuna Amerika Canute. A ke hoopiha ia nei oia i na ukana a pau e lawe ia aku ana nona, no ka hali ana aku no Hawaii, a haalele mai ana oia ia Honolulu nei i ka Poalua o keia pule ae.

 

NA HOOLAHA HOU.

            MA KE KEENA O KA LUNAKANAWAI KAAPUNI, Apana Elua o ko Hawaii Pae Aina. Ma ka waiwai o Haaheo (w) no Waihee, Maui, i make.

            Ua heluheluia a ua waiho ia ka palapala noi a J W Kalua ka Lunah oponopo o ka waiwai o Haaheo (w), no Waihee, Maui, i make, e noi ana e hoopono ia kona moo-waiwai, a e hookuu ia ia, a e hooholoia ka waiwai ina hooilina.

            Nolaila ke kauoha ia aku nei na kanaka a pau ke pili, o ka Poaha, oia ka la 4 o Maraki, 1886, ma ka hora 10 A. M. ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.

ABR. FORNANDER,

Lunakanawai Kaapuni Apana Elua H. P. A. Lahaina, Feb. 5, 1886

2063-3t.

 

LIO NALOWALE.

            KE kauoha ia aku nei na ano kanaka a pau, ina e loaa kekahi lio Hulupala laekea, o kona hao kuni he M L ma kekahi aoao, a he N A ma kekahi aoao. Ina e loaa ana i kekeahi mea a mau mea paha, e hoihoi mai ma ko'u wahi ma Waikanalulu. E loaa no ka uku makana mai a'u aku i ka mea e loaa ana.

MR. G. W. SMITH.

Waikahalulu, Honolulu, Feb. 4, 1886.

2062-4t*

 

            HOOLAHA A KA LUNA HOOPONOPONO WAIWAI: - Ke kauoha ia aku nei ka poe a pau i aie mai ia Naholowaa (k) i make ma Honolulu, e hookaa koke mai ia Meleana Keahemakani (w), ka Luna Hooponopono Waiwai o ka mea i make, a o ka poe a pau he kuleana ko lakou i ka waiwai o Naholowaa (k) i make, e hoike koke mai lakou i ko lakou kuleana ia Meleana Keahemakani (w) o Honolulu, mamua ae o ka la 30 o Iune, 1886.

MELEANA KEAHEMAKANI,

Lnna Hooponopono Waiwai.

Haliimaile, Honolulu, Feb. 6, 1886. 2062-3t*

 

            AHA HOOKOLOKOLO Kaapuni Apana Eha o ko Hawaii Pae Aina. Ma ka hooponopono waiwai. Ma ka waiwai o POKA k) no koloa, Kauai i make kauoha ole. Imua o ka Lunakanawai Kaapuni, ma ke Keena.

            Ma ka heluhelu a me ka waiho ana mai o ka Palapala Noi a Keona (k) o -, e hoike mai ana o Poka (k) no Koloa, Kauai, ma ka la 13 o Ianuari, M. H. 1870, a e noi ana e hawiia ka Palapala Hookohu Luna Hoopopo no Waiwai ia A. K. Mika.

            Uakauohaia o ka POAONO oia ka la 6 o MARAKI, M. H. 1886, i ka hora 10 o kakaiaka, a oia ka manawa i kohoia no ka hoolohe ana i ua nui la, imua o ua Lunakaanawai la, ma ke Keena Hookolokolo o keia Aha, ma Koloa, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii, : ekolu pule ma ke KUOKOA, nupepa ma Honolulu.

            Kakauia ma Koloa, ko Hawaii Pae Aina. Ian. 30, 1886. JACOB HARDY.

            Lunakanawai Kaapuni Apana Eha.

2063-3t.

 

            HOOLAHA hooko Moraki me ke Kuai. Mamuli o kekahi mana kuai i hoikeia maloko o kekahi paiapala moraki i hanaia mawaena o S. B. Kaalawamaka o ka aoao mua, a me J. L. Purvis o ka aoao elua, ma ka la 17 o Maraki 1884 i kakau kopeia ma ka buke 83 aoao 450 a mamuli o ka uhaki ana o na kumu aeiike o kela moraki, nolaila ke hoolahaia aku nei e ka mea nona ka aoao elua o na moraki nei, e hooko ana oia ia mana kuai a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 7 o Dekemaba 1885 ma ke keena kudala o F. P. Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea. Hanaia i keia la 5 o Nov. 1885. J. L. PURVIS, Mea Moraki mai

            Penei na aina e kudala ia ana: O kela mau aina e waiho la ma Hamakua Hawaii, he elua apana aina waiwai nui e like penei:

            1 He 95 eka ma Kuilei i hoakakaia ma ke Sila nui helu 2584 ma ka inoa o Kauhaeulei.

            2 He 111 eka ma Papahi a me Ku ma Hamakua i oleloia maluna; he maikai ke kuleana.

2049-5t

 

NA HOOLAHA HOU.

            AHA HOOKOLOKOLO KIEKIE O ko Hawaii Pae Aina. Ma ka hooponopono Waiwai ma ka hana o ka Waiwai o Thomas Cummins o Honolulu, Oahu, i make. Ma ke Keena imua o ka Lunakanawai Nui A. F. JUDD.

            Ma ka heluhelu a me ka waihoia ana mai o ka Palapaia Nui a me ka Papa Hoike a Alexander I. Cartwright. Luna Hooko Kauoha o ka waiwai o Thomas Cumminso Honolulu, Oahu i make, e noi ana e aponoia na hoolilo he $1065,72, a e hoike ana o na mea i loaa iaia he $1090,70, a e noi ana e nana a e apono ia ke'a mau mea. a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona hope mai ko lakou noho ana ma ia ano.

            Ua kauohaia, o ka POALUA, ka la 30 @ Maraki, M H 1886, ma ka hora umi kakahiaka. imua o ua Lunakanawai nui la, ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua Nui la, a me na Papa Hoike i oleloia a o ka poe 2 pau i pili malaila e hele mai a e hoike i ke kumu. ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Enelani me Hawaii, e pai ia maloko o ka Hawaiian Gazette a me KUOKOA, he mau nupepa i pai a hoolahaia ma Honolulu, i eko lu pule mamua ae o ka manawa i oleloia no ka hoolohe ana.

            Kakauia ma Honolulu ko Hawaii Pae Aina, i keia la 17 o Feb., 1886. A. F. JUDD,

            Lunakanawai nui o ka Aha Kiekie.

            Ikea: HENRY SMITH,

            Hope Kakauolelo. 2064 3ts.

 

            AHA HOOKOLOKOLO KIEKIE O ko Hawaii Pae Aina, ma ka hooponopono waiwai. Ma ka hana o ka waiwai o John Moanauli o Honolulu, Oahu i make. Olelo kauoha mamuli o ke noi a na Lunahooponopono Waiwai no ke kuai ana i kekahi Waiwai Paa.

            Ma ka heluhelu a me ka waiho ia ana mai o ka palapala noi a David Manaku a me Mohole. na lunahooponopono waiwai o ka mea i olelo a maluna ae, e noi ana e kauohaia laua e kuai i kekahi waiwai paa o ka mea i make e waiho la ma Kulaokahua a me Kapalama, Honolulu, a e hoakaka ana i kekahi mau kumu ku i ke Kanawai, e aeia'i e kuaiia ua waiwai paa la.

            Ua kauohaia e hele mai na pilikoko a me ka poe a pau i pili i ka mea i make, a me na mea a pau i kuleana i ua waiwai la imua o keia Aha, ma ka POALIMA ka la 19 o Maraki, M H 1886, ma ka hora 10 o ke kakahiaka, ma ke Keena Hookolokolo, ma Honolulu, ma ia wa a ma ia wahi e hoike mai ai, ina he kumu kekahi e hoopuka ole ia ai ka olelo kauoha e kuaiia ua waiwai la.

            A ua kauoha hou ia e hoolahaia keia olelo kauoha no ekolu pule mamua ae o ka la e hooloheia'i i oleloia, iloko o ke KUOKOA a me Hawaiian Gazette, he mau nupepa i paiia ma Honolulu i olaloia

.           Hanaia ma Honolulu, ko Hawaii Pae Aina, Feb. 16, M H 1886. A. F. JUDD,

            Lunakanawai Nui o ka Aha Kiekie.

            Ikea; HENRY SMITH,

            Hope Kakauolelo. 2064-3ts.

 

            HOOLAHA A KA LUNAHOOPONOPONO WAIWAI: - Ma ka la 11 o Ianuari, 1886, ua hookohu pono ia ka mea nona ka inoa malalo iho e ka Mea Hanohano Abr. Fornander, Lunakanawai Kaapuni Apana Elua, H. P. A., i lunahooponopono waiwai, ma ka waiwai o E S Maunaloa (k) o Kawela, Molokai i make kauoha ole.

            Nolaila, ke kaaohaia aku nei na mea a pau i aie iaia, e hookaa koke mai ia'u, a o ka poe ana i aie aku ai, @ hoouna mai i na bila pololei i hooiaio ia imua o'u iloko o na malama eono, a ina he waiwai ko ka mea i make ma ko hai lima e paa ia ana, e hoihoi koke mai ia'u, a e loaa no au ma "Kalauonaona Home," Kamalo, Molokai. J. W. M. POOHEA.

            Lunahooponopono Waiwai.

            Kamalo, Molokai, Feb. 12, 1886. 2064-@m.

 

            HOOLAHA HOOKAPU AINA. - E ike auanei ka poe a pau no lakou na inoa malalo nei, i kipaauia mai ka aina aku o KEEI I. & 11., ke kauohaia aku nei oukou e lawe aku i ko oukou mau pono a pau mai ka aina aku i oleloia maluna iloko o ka mahina hookahi, e hoomaka ana mai ka la 5 aku o Feb. 1886 a hiki i ka piha ana o ka mahina hookahi, a mahope o ka hala ana o ia manawa i hoakaka ia, ke papa loa ia aku nei ua pau loa ko oukou mau kuleana maluna o ka aina i oleloia; eia iho na inoa o ua poe la: Kumulau, Kino, Kaaipohaku, Kukua, Punahou, Ua, Komaia a m@ Kaloku. E hoolohe i keia kauoha a e hooko.

            No ka oiaio ke kau nei maua i ko maua mau inoa ponoi:

            KEANU, PELIO. Na Mea Kuleana Hoolimalima.

            Feb. 5, 1886. 2064-3ts*

 

            HOOLAHA HOOKO MORAKI: - Ke hoike aku nei ka mea nona ka inoa malalo iho, e hooko ana oia i ka mana o kekahi moraki i hanaia mawaena ona a me Edwin Oakley, i kakauia ma ka la 11 o Augate, 1881, a i kopeia hoi ma ke Keena Kope Palapala n@a ka buke 68 aoao 449 me 459; a mamuli o ka uhaiia ana o na kumu aelike, oia ka uku ole ia o ka nota $1000, e kuai kudala aku ana ia e like me kekahi mana i hoikeia ma ia moraki i oleloio, ma ke Keena Kudala o E. B. Adams & Co., ma Honolulu, ma ka POAKAHI, la 29 o MARAKI, 1886, ma ka hota 12 awakea. Ka hoolimalima o ka pa hale ma alii Moiwahine, Honolulu, i hanaia mawaena o A. K. Drew o ka aoao mua me Edwin Oakley o ka aoao elua, ma ka la 18 o Mei, 1880, a i kopeia ma ka buke 65 aoao 137 me 138, me ka hale maluna iho o ia aina. JON. S. WALKER,

            Mea Moraki mai.

            F. M. Hatch, loio o ka mea moraki.

2064-4ts.

 

E HOOLOHE.

            KE HOIKE ia aku nei ka lohe i na mea a pau, ua pau ko John Peter noho malama ana i ko'u Halekuai ma Monikahaae. Nolaila, o ka poe a pau i aie iaia i kona wa e noho malama Halekuai ana, e hookaa koke mai ia'u.

            O ka ohu no o ka Halekuai mamua oia no i keia wa, aka e hoemiia aku ana no ke kuai ana.

 

Na Kalakoa maikai, Apa 6 iwilei…$1.00

Na Muumuu wahine…………….50c.

Na Ahinahina Pelekane, 4 iwilei….$1.00

Na Papale kane eleele…………..$1.50

Na Silika……………………..

Na Pahoehoe…………………..

Na Kamaa…………………….

 

            He mau waiwai e ae no kekahi o na ano a pau, aole e hiki ke helu aku maanei. A e kuai hoemiia aku ana no ko oukou pomaikai.

            KUKIMA (Pake).

Monikahaae, Honolulu. 2064-3ms.

 

            HOOLAHA HOOKO MORAKI

            O ka mea nona ka inoa malalo o G. D. FREETH o Honolulu, mokupuni o Oahu, Ke hoolaha aku nei oia i kona manao e hoopa@ i kekahi moraki i hawiia mai iaia e E. C. Rowe no ka moku kialua Hawaii ALLIE ROWE, kona likini me kona mau lako a pau, i kakauia i ka la 9 o Mei 1885, i kopeia iloko o ka Buke D aoao 207 a me 208, no ka hookaa ole ia o ka aie i hoopaaia ma ua moraki nei i olelo ia; a mahope iho o ka manawa i hoakakaia ma ke ka nawai, e kuaiia ua moku kialua ALLIE ROWE nei i oleloia ma ke kuai kudala akea ma Honolulu.

            GEO. FREETH.

            Feb. 8, 1886. 4ts.

 

NA HOOLAHA HOU.

(@@@ AUPUNI.)

            I LOKO o ka Aha Hookolokolo Kiekie o ke Aupuni Hawaii.

            KALAKAUA, ma ka lokomaikai o ke Akua o ko Hawaii Pae Aina, Moi:

            I ka Ilamuku o ke Aupuni, a i ole i Kena Hope, me ka mahalo:

            Ke kauohaia aku nei oe e kii aku ia CATHERINE ESELING ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie ma ke Kau o Ianuari o ua Aha la e malama ia na ma ke Keena Hookolokolo o ka Hale Hookolokolo ma Honolulu, mokupuni o Oahu, ma ka Poakahi la 4 o Ianuari e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a WM. ESELING ka mea hoopii. e like me ka mea i hoakakaia iloko o kona palapala hoopii i pakui pu ia me keia.

            A e hoihoi mai oe i keia palapala ku me ka hoike p ha o kau mau hana no ia mea.

            Ikea ka M@a Hanohano A. Francis (Sila) Judd Lunakanawai Nui o ko makou Aha Hookolokolo Kiekie, ma Honolulu i keia la 21 o Oka olu, M. H. 1885.

HENRY F. P@@K.

Hope Kakauolelo Elua.

 

            Oiai ua huli pono ia o Catherine Ebeling oleloia, aole nae oio maloko o keia aupuni. Nolaila, ke hoihoi nei au i keia palapaia kii me ka hooko ole ia i keia la 22 o Okatoba, M. H. 1885. JOHN. H. SO@ER,

Hamuku.

 

            Ke hooia nei au o na mea i hoike ia ae la maluna, he kope oiaio ao ia o ka palapala kii o ua hihia la a me ka hoike a ka liamuku no ia mea a ua kauoha ua Aha @a @a ke Kau o Ianuari 1886, e hoopanei a ua hihia la a hiki i ke Kau o Aperila e hiki @@@i ana a e hoolaha ia'ku i kope i hooia ia o ua palapala kii la e like me ke Kanawai.

            Ikea ko'u lima a me ke sila o ua Aha (Sila) la ma Honolulu i keia la 25 o Ianuari 1886. WILLIAM FOSTER,

2061-6ts. Kakauolelo.

 

            AHA HOOKOLOKOLO KIEKIE O KO Hawaii Pae Aina. Ma ka hooponopono Waiwai. Ma ka hana o ka waiwai o Luka (w) o Honolulu i make kauoha ole. Ma ke Keena imua o ka Lunakanawai Nui A. F. JUDD.

            Ma ka heluhelu a me ka waihoia ana mai o ka Palapala Noi a D. Ehu e hoike ana ua make kauoha ole ka mea nona ka inoa maluna ma Honolulu i oleloia i ka la 6 o Dekemaba 1885, a e noi ana e hoopukaia ka Palapala Hookohu Luna Hooponopono Waiwai iaia.

            Ua kauohaia o ka POALUA ka la 9 o FEBERUARI M. H. 1886, ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo, ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii i ekolu pule maloko o ke KUOKOA he Nupepa ma Honolulu.

            Kakauia ma Honolulu, ko Hawaii Paeaina,

Ianuari 11, M. H. 1886.

A. F. JUDD.

            Lunakanawai Nui o ka Aha Kiekie.

            Ikea: Henry F. Pour.

            Hope Kakauolelo Elua. 2059-3t

 

            AHA HOOKOLOKOLO KIEKIE O KO Hawaii Pae Aina, Ma ka hooponopono Waiwai. Ma ka hana o ka waiwai o PAUL KANOA. o Honolulu, Oahu i make. Olelo kauoha mamuli o ke noi a na Lunahooponopono Waiwai no ke kuai ana i kekahi Waiwai Paa.

            Ma ka heluhelu a me ka waihoia ana mai o ka palapala noi a Paul P. Kanoa a me Kahanaauwai (w), na Lunahooponopono Waiwai o ka waiwai o Paul Kanoa i make, e noi ana e kauohaia laua e kuai i kekahi waiwai paa o ka mea i make, e waiho la ma na alanui Alii, Kalepa a me Likeke, ma Honolulu, a e hoakaka ana i kekahi mau kumu ku i ke Kanawai. e ae ia ai e kuaiia ua waiwai paa la.

            Ua kauohaia e hele mai na pilikoko a me ka poe a pau i pili i ua mea la i make, a me na mea a pau i kuleana i ua waiwai la imua o keia Aha, ma ka POALUA ka la 23 o FEBERUARI, M. H. 1886, ma ka hora 10 o ke kakahiaka, ma ke Keena Hookolokolo, ma Honolulu, ma ia wa a ma ia wahi e hoike mai ai, ina he kumu kekahi e hoopuka ole ia ai ka olelo kauoha e kuaiia ua waiwai la.

            A ua kauoha hou ia e hoolahaia keia olelo kauoha no ekolu pule mamua ae o ka la i hooloheia'i i oleloia. iloko o ka Hawaiian Gazette a me ke KUOKOA, he mau nupepa i paiia ma Honolulu i oleloia.

            Hanaia ma Honolulu, ko Hawaii Pae Aina, Ianuari 30 M. H. 1886.

A. F. JUDD.

Lunakanawai Nui o ka Aha Kiekie.

Ikea: HENRY SMITA.

Hope Kakauolelo.

2062-3ts

 

            MA KE KEENA O KA LUNAKANAWAI KAAPUNI Apana Elua o ka Hawaii Pae Aina, ma ka waiwai o Nalolo (w) no Lahaina, Maui, i make kauoha ole.

            Ua heluheluia a waihoia ka palapala noi a J. Campbell a me P. Isenberg, e noi ana e hooponopono ia ka waiwai o Nalolo (w) no Lahaina, Maui, i make kauoha ole, a e hooholo ia ka waiwai i na hooiluna.

            Nolaila, ke kauohaia aku nei na kanaka a pau ke pili o ka Poakahi, oia ka la 8 o Maraki, 1886, ma ka hora 11 A M ma ka hale hookolokolo ma Lahaina, oia ka la a me kahi i kohoia no ka hoolohe ana i ua nonoi la, a me na mea kue ke hoikeia.

ABR. FORNANDER,

Lunakanawai Kaapuni Apana Elua H. P. A.

Lahaina, Feb. 6, 1886. 2063-3t.

 

            MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o L. Kaiwi (k) no Honuaula, Maui i make kauoha ole.

            Ua heluheluia a ua waihoia ka palapala noi a David Kealakai e noi ana e hooponopono ia ka waiwai o L. Kaiwi (k) no Honuaula, Maui, i make kauoha ole, a e hooholo ia ka waiwai i na hooilina.

            Nolaila, ke kauoha hou ia aku nei na kanaka a pau ke pili, o ka Poaha, oia ka la 4 o Maraki, 1886, hora 10 A.M. ma ka hale hookolokolo ma Wailuku, oia ka la 2 me kahi i koho ia no ka hoolohe ana i ua nonoi la, a me na mea kue ke hoikeia.

ABR. FORNANDER.

Lunakanawai Kaapuni Apana Elua H. P. A. Lahaina, Feb. 5, 1886. 2063-3ts.

 

            MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o Paaoao (k,) no Kipahulu, Maui, i make.

            No ka mea, ma ka la 16 o Okatoba, 1885, ua hooloheia ka palapala hoike a na Comisina, na lnkou e mahele ka waiwai paa o Paaoao (k) no Kipahulu, Maui i make, aka, ua hoopanee aku la Aha i kona hooholo a hoapono ana i ua palapala hoike la:

            Nolaila, ke kauoha ia aku nei na kanaka a pau, ke pili, o ka POAHA, oia ka la 25 o Maraki, 1886, ma ka hora 10 A.M., ma ka hale Hookolokolo ma Hana, oia ka la a me kahi i kohoia no ka hoolohe ana i ua nonoi la a me na mea kue ke hoike ia.

ABR. FORNANDER,

Lunakanawai Kaapuni Apana Elua, H. P. A. Lahaina, Feb. 5, 1886. 2063-3t

 

            MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o Hanuna Kahiewalu (k) no Lahaina, Maui, i make kauoha ole.

            Ua heluheluia a ua waihoia ka palapala noi a Makaula (w) e noi ana e hooponopono ia ka waiwai o kana kane, oia hoi o Hanuna Kahiewalu no Lahaina, Maui, a e hoonolo ia ka waiwai i na hooilina.

            Nolaila, ke kauohaia aku nei na kanaka a pau ke pili, o ka Poakahi, oia ka la 8 o Maraki, 1886, ma ka hora 9 A.M., ma ka hale hookolokolo ma Lahaina, oia ka la a me kahi i kohoia no ka hoolohe ana i ua nonoi la, a me na mea kue ke hoikeia.

ABR. FORNANDER,

Lunakanawai Kaapuni Apana Elua H. P. A. Lahaina. Feb. 6, 1886. 2063-3t.

 

NA HOOLAHA HOU.

MA KE KAUOHA.

            I KEIA la ua hookohoia o J. G. HOA@@@@ i Lunakanawai Apana, no Kona A@@@ Hawaii. POOMAIKELANI.

Kiaaina o Hawaii

Hilo, Hawaii, @an. !, 1886. 2@@@-3t

 

            I KEIA la ua hookohuia o J. W. KUMAHOA i Lunakanawai Apana. no Puna, Hawaii. POOMAIKELANI,

Kiaaina o Hawaii

Hilo, Hawaii. Jan. 1, 1886. 2001-3t

 

            UA hookohuia o W. A. HAALILIO Hope Lunakanawai Apana no Hamakua, Hawaii. POOMAIKELANI,

Kiaaina o Hawaii. Hilo, Hawaii, Jan. 1, 1886. 20@1-3t.

 

            I KEIA ia ua hookohuia o G. W. AKAU HAPAI, i Lunakanawai Hoomalu no Hilo, mokupuai o Hawaii.

POOMAIKELANI,

Kiaaina o Hawaii.

Hilo, Hawaii, Feb. 1st. 1886. 2063-3ts.

 

            AHA HOOKOLOKOLO KIEKIE O k@ Hawaii Pae Aina. Ma ka hooponopono waiwai. Ma ka hana o ka waiwai o MARIA DE JESUS o Honolulu, Oahu, i make. Ma ke Keena @@@@ o ka Lunakanawai McCULLY.

            Ma ka heluhelu a me ka waihoia ana mai o ka Palapala Noi a Manuel Souza Pereira, Alias Per@@, Luna Hoko o ka waiwai o ua Maria de Jesus ia no Honolulu i make, e noi ana e apono @@ na hoolilo he $265,55, a e hoike ana a na mea i loaa mai iaia he $360.00, a e noi ana e nana a apono ia kela mau mea, a e kauohaia e mahelena na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.

            Ua kauohaia o ka Poakolu, ka la 10 0 Maraki, M. H. 1886. ma ka hora umi o kakahiaka, imua o ua Lunakanawai la, ma ke Keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la, a me ka Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha e hoolahaia ma ka olelo Beritania me Hawaii, e pai ia maloko o ke KUOKOA me Hawaiian Gazette he mau nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.

            Kakauia ma Honolulu, ko Hawaii Pae Aina i keia la 25 o Ianuari, M. H. 1886.

L. MCCULLY,

Lunakanawai o ka Aha Kiekie.

Ikea: HENRY SMITH,

Hope Kakauolelo. 2061-3ts.

 

            AHA KIEKIE O KO HAWAII PAE Aina. Ma ka hooponopono waiwai. Ma ka hana o ka waiwai o PETER PORTER KAUHEMA o Honolulu. Oahu i make. Olelo kauoha e koho ana i la e hooiaio ia ai ka palapala kauoha, a no ka hoolaha ana.

            No ka mea, ma ka la 26 o Ianuari, M. H. 1886, ua waiho ia mai imua o ka Aha, kekahi Palapala i olelo ia, oia no ke kauoha hope loa o Peter Porter Kauhema i make aku la; a me ka Palapala Hoopii e noi ana e hooiaio ia kela Palapala Kauoha a e hoopukaia hoi ka Palapala Luna Hooponopono Waiwai ia Hon. C. P. Iaukea. ua waihoia mai e Mrs. Uwini Johnson.

            Nolaila, ua kauoha ia o ka Poaha, oia ka la 25 o Feberuari, M. H. 1886, ma ka hora 1@ kakahiaka ma ka Rumi Hookolokolo o ia Aha ma A@iiol-ui Hale, Honolulu, oia ka la me ka hora, e hoiaio ia'i ia Palapala Kauoha, a me ka hoopuka ana i ka Palapala Luna Hooponopono Waiwai.

            A ua kauoha hou ia e hoolaha ia ia mea no na pule ekolu iloko o ke KUOKOA me Hawaiian Gazette he nupepa i pai ia a i hoolaha ia ma Honolulu.

            Kakauia ma Honolulu, ko Hawaii Pae Aina Ianuari 26, 1886. EDWARD PRESTON@

Lunakanawai o ka Aha Kiekie.

Ikea: HENRY SMITH,

Hope Kakauolelo. 2061-3ts.

 

            AHA HOOKOLOKOLO Kaapuni Apana Eha o ko Hawaii Pae Aina Ma ka hooponopono waiwai. Ma ka waiwai o MOELEPO (k), no Kapaa, Kauai, i make kauoha ole. Imua o ka Lunakanawai Kaapuni ma ke keena.

            Ma ka heluhelu a me ka waiho ana mai o ka Palapala Noi a Meleana (w) kaikamahine a Moelepo e hoike mai ana o Moelepo (k) no Kapaa, Kauai, ma ka la 9 o Dekemaba, M. H. 1885, a e noi ana e haawiia ka Palapala Hookohu Luna Hooponopono Waiwai ia S. Kaiu.

            Ua kauohaia o ka POAONO, la 6 o Maraki, M. H. 1886, i ka hora 10 kakahiaka, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Koloa, a ma ia manawa a ma ia wahi e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii i ekolu pule ma ke KUOKOA, he nupepa ma Honolulu. Kakauia ma Koloa, Kauai, ko Hawaii Paeaina Jan. 30, M. H. 1886.

JACOB HARDY.

Lunakanawai Kaapuni Apana Eha 2063-3t.

 

            HOOLAHA A KA LUNAHOOPONOPONO WAIWAI O KAIHEKAOIA I MAKE: - Ua hookohu pono ia ka mea nona ka inoa malalo iho e ka Mea Hanohano F. S. Lyman ka Lunakanawai Kaapuni Apana Ekolu o ko Hawaii Paeaina, i lunahooponopono waiwai ma ka waiwai o Kaihekaola (k) o Ninehu, Puna, Hawaii, i make kauoha ole. Nolaila, ke kauohaia aku nei ka poe a pau i aie i ka mea i make e hookaa koke mai, a me ka poe ana i aie aku ai e waiho koke mai lakou i ka lakou mau koi iloko o na mahina eono mai keia la aku. A hala na mahina eono e hoole mau loa ia aku lakou, a ina he mau waiwai ko ka mea i make ma ka lima o kekahi poe, e hoihoi mai ia'u. e loaa no au ma Pohoiki, Puna, Hawaii.

J. KAPUKINI,

Lunahooponopono Waiwai.

Pohoiki, Puna, Jan. 29, 1886. 2063-3t*

 

            HOOLAHA: - Kuai a ka Lunahooponopono Waiwai no ka waiwai paa. - Ma ka hana o ka waiwai o J. M. Daigle i make. Mamuli o ke kauoha no ke kuai mai ia Hon. A. Francis Judd, lunakanawai nui o ka Aha Kiekie, i noho ma ka aha hookolokolo o ka la 26 o Ianuari 1886, ua hoomanaia mai ka mea nona ka inoa malalo e kuai kudala akea aku ma ka POAHA ka la 4 o MARAKI, ma ke keena kudala o E. P. Adams & Co.. ma ka hora 12 awakea, i na waiwai malalo iho i hoikeia:

            O kela apana aina e waiho la ma Koiuiu, Kapalama, Oahu, he apana no ka aina i hoolilo ia aku e Frank Sylva ia J. M. Daigle i make, nona ka ili he 81-100 eka. Ke ku nei he elua hale noho ma ka aina i oleloia, a ua paa keia aina i ka pa ia. He hapa o keia aina ka i hoolimalima no 10 makahiki, e hoomaka ana mai Ianuari 1, 1881, no $50 o ka makahiki, a e hookaa ia ka hoolimalima ma ke kuike. He kuike ke dala, a o na lilo no ka palapala me ka mea kuai. E ikeia no ke kii o keia aina aina ko'u keena hana.

            W. C. PARKE, - Lunahooponopono o ka waiwai o J. M. Daigle a me ka Palapala Hooilina i hui pu ia.

Honolulu, Ian. 30, 1886. 2062-4t

 

            OLELO HOOLAHA: - E ike auanei na kanaka a pau ke nana mai, i keia owau o Nakoana Kupele, no Kamoiliili, Waikiki-waena, Oahu, oiai mamuli o ka hookohu pono ia ana mai o'u e ka Lunakanawai Kiekie o ko Hawaii Pae Aina ma ka Aha Hooko Kauoha i luna hooko kauoha no ka Palapala Kauoha hope loa a Eperaima Kupele i hana ai ma ka la 26 o Dekemaba 1885. Nolaila, ke kauoha ia aku nei na poe a pau o Eperaima Kupele i aie aku ai e hoike mai iloko o na mahina eono mai ka la 2 o Feberuari, 1886 aku, a i ole e nele loa lakou. NAKOANA KUPELE,

Luna Hooko Kauoha o ka Palapala Kauoha a E. Kupele i make.

Waikiki, Feb. 2, 1886. 2062-4t