Ka Nupepa Kuokoa, Volume XXV, Number 8, 20 February 1886 — Untitled [ARTICLE]

He mea hilahila a hoohaahaa maoli no i ke kulana o ka nohoalii, ke aupuni a me ka lahui o Hawaii, na kumuhana hoolapuwale a hoilihune a namohoo ka aoao pili kuhina i hoolaia ai i kahua no ko lakou mau manao maloko o ka Hale Kau Kanawai o ke aupuni. O ka bila kanawai a Lilikalani e pili ana i ka hoonoa akea ia o ke puhi waiona iwaena o ka lahui uuku o Hawaii, ua hilinai nui kona mau kalai aina a kalai lahui ana, oia kekahi o na anuu mua loa o ka paepae laahia e haule wale mai ai na pomaikai a me ka hanohano nui iloko o ka aina a hu aku mawaho o kona mau palena. Na ka ino anei e hoopomaikai ka aina a me ka lahui, a i ole ia nana paha i hoilihune ? Ke hea mai la ka leo o Kalalakoa mai ka luakupapau mai me ke anoano tl e nana i ka pali o'u i haule ai, ua paumaele kona mau kaulu me kuu koko, a e hoomamao loa inai ona aku." Ua lawa na hoahewa a ka lehulehu no keia; na ka io ponoi no e kumakaia ka 10 ponoi—nana i hoohaahaa ke kapu, ka ihnhi, a me ka aala o ka nohoalii; ka pono a me ke kuokoaj o ka lanui. E kiai makaala.'