Ka Nupepa Kuokoa, Volume XXV, Number 11, 13 March 1886 — Page 2
| This text was transcribed by: | Nohea Walker |
| This work is dedicated to: | To the Maluo 'ohana |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki…..$2.00
No Eono Mahina…..1.00.
-KUIKE KA RULA-
Poaono….MARAKI 13, 1886.
I KO MAKOU POE HELUHELU MAI HAWAII A HIKI I NIIHAU. Aloha oukou:-
Ua hele hou aku ko kakou nupepa KA NUPEPA KUOKOA, inoa o oukou a pau no keia makahiki e halihali ana i na mea hou me ka hooko ana i ko oukou makemake ma mea heluhelu, a e hoao ana no hoi e kokua i ka maluhia a me ka pono o na home o ka lahui. Aole nae e nele ka loaa ana o na keakea ma ka halihali ana o ka pepa. Ua palapala mau mai kekahi mau makamaka ia makou no ka hiki pono ole aku o ka lakou mau nupepa. No ke aha la ka loaa pono ole o na pepa? He mea pohihihi ia makou. Aia paha ma na hale leta liilii o na apana kuaaina kahi o keia hemahema i waiho ai, a i ole he kumu e ae paha. Aole ma ke Keena nei a hemahema. Ua nana pono ia ka oukou mau kanoha a, pau, a ua kope ia na inoa iloko o ka buke, a ua wahi ponoia na pepa a kakau pololei ia ka inoa o ka mea nona ka pepa mawaho o ka wahi, a me ka inoa o ka aina kahi i noho ai, a hookomoia iloko o ka Hale Leta ma Honolulu nei. O ko makou lima kokua ma keia hana, o Enoka Naukana, he kanaka hana pololei me ke akahele, a ua hilinai makou ma ka pono a ma ka maiau o kana mau lawelawe ana. Nolaila, ke manao nei makou, aole ma Honolulu nei ka hemahema o keia haule ana o na pepa o kahi poe o oukou; aka aia no paha ma na hale leta o na apana kuaaina. E makaala aku oukou ina ia mau wahi. Ua lilo paha ko pepa i ko kaikoeke, aikane, punalua, kaikuahine, kaikuaana, kaikaina, kaikunane, a hunona paha, a mea e ae paha, mamuli o ke kapulu o na hale leta liilii.
Ua holo pono ko kakou pepa i keia makahiki; aka ua hakalia iki na makamaka i ka hoihoi ana ma i ke dala. E hoomanao oukou i keia. E hookup mau ana ka pepa i ka poe nana e lawelawe ka hana ma ka hale pai. Aole o lakou makemake e kali no ko lakou uku, a mahope hookaa aku. Makemake lakou e hookaa koke. Nolaila ke paipai nei makou ia oukou e awiwi mai ka hookaa ana i ke ola o ka pepa a pau, alaila maalahi oukou, a pela no hoi me makou nei, a me na lima lawelawe o ka hale pai. O keia mau leo paipai a makou, aole i pili i na mea a pau; ua eleu loa kekahi poe makamaka o ke KUOKOA ma ka hookaa ana i kona ola makahiki; a i pono iho nei ka pepa iloko o keia mau mahina mua o ka makahiki i ka makaukau mua o keia mau makamaka o kakou. E hoomanao ko makou mau hoaloha i keia i ole e hemahema hou aku, a i ole hoi e nele i ka pepa ma keia mua iho.
I ka hoomaka ana o keia makahiki, ua pai mahuahua inakou i na pepa, me ka manao e hoolawa pono ia na kauoha a pau; aka, ua pau e na helu mua a eia no nae na kauoha ke hiki hou mai nei. Nolaila, mai neia helu aku e hoomahuahua hou aku ana makou i ke pai ana i na pepa i kela a me keia pule. A o ka poe e makemake ana e lawe i ke KUOKOA mai keia helu aku a hiki i ka helu hope o ka makahiki, e loaa no no e DALA HOOKAHI ME KA HAPALUA, ke hookaa mua mai ma ke Keena. He wa maikai keia a he uku haahaa loa no hoi no ka poe e komo hope ana e lawe i ka pepa no keia makahiki.
Me keia mau olelo paipai pokole, ke waiho aku nei makou i ko makou mau manao hoomaikai maluna o oukou a pau, na hoa heluhelu o keia pepa. E hoolohe mai oukou i ka makou, a e hoolohe no makou i ka oukou. E hea mai no oukou a e o aku no makou.
- Aloha oukou a pau loa.
No ke Kipe
I keia wa ano e o ka aina mamuli o na hana kipe a me ka hoolapuwale ana o na luna aupuni i ka lahui Hawaii, he mea pono ia kakou ke nana ma na aoao a pau kahi e loaa mai ai na hoaiai ana e pili ana i keia hana lapuwale. Ua loaa he mau manao hoomalamalama iloko o ka Palapala Hemolele, e papa ana a e hoakaka ana no hoi i ka h@pena inoino o keia hana, a e lawe mai ana makou i kekahi o ia mau olelo no ka pomaikai o ko makou poe heluhelu.
Ua papaia ka lahui Hebera i ka wa kahiko loa, aole lakou e lawe i ka waiwai kipe. Penei kekahi o na kauoha i waihoia mai ia lakou. “Mai pale ae oe i ka pono, aole hoi oe e lawe i ke kipe, no ka mea he hoomakapo ke kipe i na maka o ka poe naauao”
Kanawaiiua 16:19.
Penei hoi ka Solomona, ke alii naauao loa, a hanohano loa o ia wa kahiko: “Kaili ae ka mea hewa i ka waiwai kipe, i kona hoohaunaele ana i ka aoao pono.”
Na Solomona 17:23.
A eia hou no na ia alii: “Ma ka hoopono e hookupaa ai ke alii i ka aina; o ka mea lawe i ka makana, oia ke hoohiolo iho.”
Na Solomona 29:4.
A eia iho ka manao o ke kaula kaulana, oia o Isaia: “Auwe ka poe ikaika i ka inu waina, a me na kanaka ikaika i ke kawili i wai awaawa e inu ai, ka poe i hoapono aku i ka mea hana no ke kipeia.”
Isaia 5:22, 23.
Eia hou no hoi keia olelo a ke alii naauao: “O ka hooluhi, oia ka mea e pupule ai ka mea naauao, a o ke kipe he mea ia e lolelua ai ka naau.”
Kekahuna 7:7.
Ke hoike mai nei no hoi o Amosa i ka mapopo o ka hoopai maluna o na hana e like me keia: “Ke olelo mai nei o Iehova, no nah ala ekolu o ka Iseraela, a me ka ha, aole au e hoololi ae i kona hoopaiia; no ka mea, ua kuai aku lakou i ka poe pono no ke dala, a i ka mea ilihune no ka paa kamaa.”
Amosa 2:6.
He dala a he paa kamaa ko ia wa kahiko; ma Hawaii nei hoi i keia wa, ma ka lima o ko kakou mau luna aupuni a me na lunamakaainana a lakou, he dala a me ka omole kini ke kumukuai o ka poe ilihune.
Ua lohe maopopo kakou i ka hopena weliweli o na keiki a elua a Eli i hoikeia ma Samuela I. Penei ka mea i palapalaia no laua: “Aole i hele kana mau keiki ma kona aoao; huli ae la laua mamuli o ka waiwai alunu, a lawe laua i ke kipe, a hookahuli i ka pono.
1 Samuela 8:3.
Eia hou no ka hoopai weliweli a ka poe kipe. “Mamua o kona Manawa e okiia aku ia, aole e uliuli kona lala. E like me ke kumu waina, e hooleiia ko na h@a-waina pala ole; a e like me ka laau olive, e hoohaule ia i kona pua. No ka mea e hau ole ka ohana a ka aia, a e hoopau kea hi i na halelewa a ke kipe.”
Ioba 15:32-34.
E nana no hoi i ka hina a Iuda Isekariota a me kona hopna ma Mataio 26:14. No na apana dala kipe he ka nakolu i kumakaia ai oia i kona Haku. A mahope iho hele aku oia iwaho a kaawe oia iaia iho a make.
Mahaloia.
I ka po o ka Poalua o keia pula, ua hopuia e James Kauhane makai kekahi pake aihue He pake keia i hoopaahao mua ia iloko o ka halepeahao o Kawa, aole no i pau kona Manawa, mahuka e nae, a he mau pule iho nei kona nalowale ana. A ua wawahi iho nei oia i kekahi mau hale a aihue i ka waiwai iloko o keia mau pule o kona noho ana mawaho o ka halepaahao. Ua hoolako no hoi oia iaia iho me ka pu a me ka pahi no ke pale ana aku i ka makai ke kiiia aku oia e hopu. Ma ke alanui Alakea kahi i loaa aku ai ia Kauhane, a i kona hoomakaukau ana e hopu, lele mai la ua pake nei me ka pahi e lawe i ke ola o ka makai, houia mai la a moku ke kuka me ka palule, a pa no hoi ka ili, aole nae i eha. Ia wa hana aku la o Kauhane me kona makaukau a pau a paa loa ua pake nei, a lawe ia i ka halewai, a ua hookolokoloia a hoopaiia. Weliweli ka hoopai o ka poe e hana ana i keia mau hewa ke loaa aku i na lima o ke kanawai.
I keia mau la iho nei ua hoomakaukau kekahi mau makamaka o Kauhane he wahi makana i mea hoike i ko lakou mahalo i kona eleu ma keia hana, he waki gula ia makana i oleloia. O ka haawi ana o na makana i ka poe i hooko pono i ka lakou oihana, mamuli o ko lakou hana pololei i ka hana i kauia maluna o lakou, he mea pono ole ia. Ua like ia me ka uku ana aku i ke kanaka e hana pono. A o ke kanaka i hana pono no ka uku ia mai, he lapuwale ia. Aka, ua haiia mai ia makou, aole loa ma ia ano ka haawi ana i keia makana; aka he hoike mahalo no ko Kauhane makaukau.
No ka Laikini Opiuma.
A WAWA NO HE HALE KANAKA, NAWAI E WAWA KA HALE KANAKA OLE?
(Kakauia no ke Kuokoa.)
Puia ka lono i ke kulanakauhale nei e pili ana i ka laikini opiuma he mea e hoopomaikai ana i keia aupuni a me keia lahui kanaka ke hooholo ia i keia kau ahaolelo e hiki mai ana. E like no hoi me ka ae ia ana e komo aku ka rama ma na ipuka hale o keia aupuni. Ua kamailio no ka poe kamailio loea he lehulehu maluna o keia kumuhana no ka pomaikai a me ka waiwai e hiki mai ana ma o keia mea la; wahi a kahi poe, e hiki no ke hookaa ia ka aie miliona o keia aupuni i ka minute hookah, pau ka pilikia. Nui mai no hoi ke dala, a nui ka mea e hoohana aku ai ma kekahi mau mea e ae e pomaikai ai ka lahui kanaka a me ke aupuni. Ma ka nana ana i ka pomaikai io no keia mea, eia ka mea i Akaka, aohe pomaikai io no ka lahui holookoa, aka no kekahi mau mea kakaikahi wale iho no. Aole keia hoole he hoole makawelawela i ka pomaikai a ia mau noonoo i manao ai, aka he hoole me ke aloha.
Mamuli o keia mau ano. He me ino hoomailo kino ka opiuma, aohe he lihi launa kanaka ke nana aku, ina he kane a he wahine paha. Kolila mai la ke kino a hakau no hoi na iwi, nahonaho na maka a ano e na helehelena. Eia kekahi, he mea ume i kahi kenikeni o kahi pakeke, aohe e moe iki ana ka po o ka mea i maa i nei mea, a aia no a loaa pau iho la ka koi ana o ka manao. He mea ia e hoopau ai i ke ano noho malama pono. Ua hoemiia ka imi pono. Ina iho e nele o ka hele aku la e makilo, i ole iho he aihue ka hope, pela kea no o ka poe puhi opiuma a’u i ike. Eia kekahi, he mea pepehi kanaka keia, aia iloko no o nei mea he mea e hoomake a ii ke kino, pela ma ka nana aku i na ouli o ka poe ai a puhi i nei mea. O ka rama kela, o ka opiuma keia he like no a like ko laua hopena. Ua like me ka mu e aki malie ana i kahi kumulaau a hakahaka a popo a hina ilalo. Pau kona kulana hiehie a make no hoi lilo i mea ole. I kuu manao ina e ae ia ana keia kupueu ino e laha akea ma nei aupuni, he oi keia a ka hana aloha ole i keia lahui.
Eia ke paa nei i ka houpo o na mea a pau ka olelo kaulana a ko kakou Lani Moi “o ka makia paa o ko’u aupuni Ka Hooulu Lahui.” Oia hoi ka hoolaupai hou ana i keia lahui kanaka a mahuahua hou. Ke manao nei au, ua kue ke kanawai inu rama i keia manao. Aole ka rama he mea hoomahuahua i keia lahui kanaka; aka, he mea hoemi. Pela no auanei keia laikini opiuma, he mea e hoonalo wikiwiki ai i keia lahui Hawaii me ka emoole. He manao koho wale ko’u, aole no hoi paha e hooholo ana keia kau ahaolelo i nei mea ino hou. E aloha ana paha i keia lahui kanaka. Pela no me ko kakou Lani Moi e hoole ana a e hoopau auanei oia i ke kanawai inu rama ma keia aupuni. Manao au, ina e hana ana oia pela, kiekie ke kaulana o ia hana ana mamua o na hana a pau loa ana i hana ai i nei mau la o kona ola ana. He hana e mahalo nui ia ai e na poe noonoo pono o na aupuni nui o ka honua nei. Alaila, e mau auanei ke ea o ka aina i ka pono. A e mau ka wawa ana o ka leo Hawaii ponoi ma kona one oiwi ponoi.
Ua Pupule ka Elele, a i ole ua Huhu paha.
He mea hou iloko o ke au hooponopono nupepa o keia wa, ka ikeia o na mea he lehulehu i kulike ole i ko lakou hookele ana. Ua kukuluia ka oihana pai nupepa maluna o ke kahua e ukuia na lilo nona ponoi iho, a ke ho’opono, alaila oia ka pepa e alakai ana iloko o ka aina ma na mea hou. E nana iki aku kakou i hope i hala ae nei; ua hoemi ka Elele i kona auhau makahiki i ka hookahi dala, a i keia mau la e hele nei, ua pii hou ae nei i ka elua dala. Eia ka ninau, heaha ke kumu o kona hoemi ana i hookahi dala o ka makahiki? Ua manao ka Elele o kona hoemi ana i hookahi dala no ka makahiki, ua hiki i na poe ilihune loa a pau i ike i ka heluhelu Hawaii ke lawe i kona kino, a waiho i kekahi mau pepa e ae mamuli o ka papaluaia o ka auhau. A e like me ka makou i hoike mua ae nei, ua kukuluia ka oihana pai palapala maluna o ke kahua e ukuia na lilo nona ponoi iho, pe’a no makou e ku nei maluna o ia kahua kaulike me na nupepa e ae me ka enemi ole aku i kekahi.
Eia wale no paha ka mea hiki ke olelo ae, ua hoike ka Elele i kona aloha i kona poe heluhelu ma ka hoemi ana i hookahi dala, a mahope hoopii hou i elua dala no kona huhu i ka lawe nui ole ia. A o ka mea apiki loa, ua hiki mai kekahi mau leta mai kona poe heluhelu mai ia makou, no keia mau hana kamalii loa a keia nupepa. Eia wale no ka makou pane ia oukou: I ka makahiki i hala ua aloha ka Elele, hookahi dala ka auhau; i ka makahiki 1886 ua huhu ka Elele, elua dala ka auhau; i ka makahiki 1887 huhu loa ka Elele, eha dala ka auhau; i ka makahiki 1888 aloha hou paha ka Elele aole paha, he hapaha dala paha ka auhau no na makahiki elua. A i kahi makahiki aku hoi hou ka Elele i ka ai waiu-ke ola o ke kamalii.
Ua hoike mai o Mr. Onida Kahema i ka haina o ka nane i hoopukaia ma ke KUOKOA e J. K. Hastle, “O IOLANI.”
Ua ku mai ka mokuahi Zealandia ma keia awa mai na panalaau mai o ka hema ma ke kakahiaka o nebinei, a ua holo loa aku oia no Kapalakiko ma ka hora 12 o ka ponei.
Ma ka Zealandia mai, ua hiki mai he haole keaka ma ka inoa Miller. He hiki i keia haole ke hoolele leo a me na ano hana akamai he nui wale. E hoau mua ana oia maanei i keia mau la iho.
He heluna nui o na holoholona kua pua e mo-ku ana mawaho iho o ka halewai ma kekahi la o keia pule. E ao ia ana paha ke kahu nana i houhou ko lakou mau kua.
Ua hooneleia kakou me ka moolelo o Kalani i keia pule, mamuli o ka nui o na alalai i kona mea kakau, aka, ma keia pule iho e oili p@lelo hou aku ai ua ka’ea’ea nei.
Ke hapapa mai nei no na po@a me ka weliweli, ke pua mai nei na lono o keia mau mea. Heaha la auanei ka hope o keia mau hana ino eleele loa e hanaia nei malalo iho o ka la, e na lima koko o ka hilahila ole?
E hoomanao e na hoa o ka pualikoa o ka Moi Ponoi (King’s Own) e akoakoa ae ma ka hale paikau i ke ahiahi o ka Poalua hora 7:30 no ka hoomakauana no kekahi hana i manaoia a me na mea e ae e pili ana ia puali. E eleu ae e na manu hulu like.
PAPA! PAPA!
AIA MA KAHI
LEWERS & COOKE,
(O LUI MA)
ma ke kahua kahiko me alanei Papa a me Moe
E @ ai pa
PAPA NOUAIKI.
o kela a me keia ano.
Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Moe nui loa
Na Pili o na Hale o na Ano a Pa@
Na Pepa Hoonani, Na Pena o na Wai e pau Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.
NA WAI VANIKI
A ME NA
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E like me ka mea e holo ana mawaena o LAUA a me ka MEA KUAI.
HELE MAI E WAE NO OUKOU
Nuhou Nani!
Ua loaa mai nei na waiwai aahu nani hou a ano hou loa, me ka wainohia a ka hie mai na aina e mai ma ka mokuahi hope i ku mai nei.
NA PAPALE
Eia maanei e loaa ai na papale ano hou loa i ike ole ia mamua, a e kuai emi loa ia aku no.
Na papale o na kaikamahine, na muumuu lihilihi nani, a me na waiwai he nui loa o ke ano hou loa.
NA WEHI O NA LEDE
He nui na lihilihi kua, na pua na hulu a me na lako he nui wale.
NA HOOHIE
Oia na aila kupukupu aala loa, a me na waiala o na ano a pau.
O ka poe e hele mai ana e ike, e loaa ana na papale makepono loa, e like me ke manawa o ka halekuai ma alanui Nuuanu.
E kipa mai e ike i na waiwai i pau kuhihewa.
GOO KIM (Kukima).
Halekuai ma Monikahaae. 2067-3ms.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o B. MALAMA o ka aoao mua, a me MISS HELEN NORTON o ka aoao elua, ma ka la 13 o Dekemaba, 1882, i kakau kopeia ma ka buke 78 aoao 110, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea aku ana ia i ka aina i hoikeia ma ia moraki, ma ka Poakahi la 12 o Aperila, 188, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
HELEN NORTON,
Mea Moraki mai.
Penei na aina e kudalaia ana:
O kela apana i hoakakaia ma ke sila nu 1391, a kuleana 1959 ma ka inoa o Namokuelua, ka makuakane o Kalama (w), ka wahine a B. Malama, a ua make hoi o Kalama mamua o ka make ana o Kamalei ka laua kaikamahine. He I. 10-100 eka ma Kaneohe, Oahu. 2067-5t.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o JOHN KAILIKAKIO o ka aoao mua, a me FRED C. LOWREY o ka aoao elua, ma ka la 24 o Dekemaba 1882, i kakau kopeia, ma ka buke 78 aoao 81 a mamuli o ka uhaiia ana o na kumu aelike o kela moraki, nolaila, ke hoolaha aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
FRED C. LOWREY,
Mea Moraki mai.
Penei na aina e kudalaia ana:
O kela aina ma Kailua, Koolau-poko, Oahu, ua hoakakaia ma ke sila nui 2332, a kuleana 6872 ma ka inoa o Kailikakio, ka makuakane o ua John Kailikakio nei. He 3. 30-100 eka.
2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o POMOKANI o ka aoao mua, a me A. J. KAKALAIKA o ka aoao elua, ma ka la 28 o Dekemaba, 1882, i kakau kopeia ma ka buke 79 aoao 89, a i hooliloia ia A. J. Kakalaika opio, buke 82 aoao 438, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o na moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
A. J. KAKALAIKA OPIO,
Hope o ka mea Moraki mai.
Penei na aina e kudalaia ana:
O kela aina ma Wailuku, Maui, ua hoikeia ma ke sila nui 5261, a kuleana helu 504 ma ka inoa o Kolii, he 5. 44-100 eka. 2067-5ts.
NA HOOLAHA HOU.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o J. B. KEKUANUI o ka aoao mua, a me MRS. B. JOHNSHON o ka aoao elua, ma ka la 29 o Dekemaba 1882 i kakau kopeia ma ka buke 79 aoao 220 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, ama ia hooko ana e kudala akea ana ia i ka aina i hoikeia ma ia moraki, ma ka Poakahi, la 12 o Aperila 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea. Hanaia i keia la 11 o Maraki 1886.
MRS. B. JOHNSON,
Mea Moraki Mai.
Penei na aina e kadalaia ana: O kela mau aina Manoa, Oahu, a oia ka aina i hooliloia ia J. B. Kekuanui ma ka Palapala kuai a Kapihi a me Kekumu kana kane mare i kopeia ma ka buke 79 aoao 29; he I. 1-2 eka. 2067-5t.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o B. KAILIMOKU a me KALILI o ka aoao mua, a me HONUAKA o ka aoao elua, ma ka la 13 o Novemaba, 1883, i kakau kopeia ma ka buke 86 aoao 148, a mamuli o ka uhaiia ana o na kumu aelike, a i hooliloia ia Wm. Dean, Mar. 1, 1884, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Marak, 1886.
WM. DEAN,
Hope o ka mea Moraki mai.
Penei na aina e kudalaia ana:
1 st O ka apana 1 & 3 i hoakakaia ma ka palapala sila nui 1495, kuleana 1238 ma ka inoa o Hoenui, a i hooliloia ia Kalili ma ka palapala kuai i kopeia ma ka bude 35 aoao 355. He aina kupono i ke kanu kalo.
2 nd O ka aia i hoakakaia ma ka palapala sila mi helu 3267, kuleana 4857 ma ka inoa o Ohiki he 1. 50-100 eka ma Keanae, Maui.
3 rd O ka aina i hoakakaia ma ka palapala sila nui helu 3215 ma ka inoa o Kailimoku he 13 7-10 eka ma Pahoa, Koolau, Maui.
4 th O ka aina i hoakakaia ma ka sila nui 4615, kuleana 5927 ma ka inoa o Kapoi, he ½ eka ma Honokohau Maui.
5 th O ke kuleana a pau o ua Kailimoku nei ma kela mau eka he 107 ma Waianee a me Pahoa, Keanae, Maui.
2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o KALE KEKAHILI o ka aoao mua, a me FRED C. LOWREY o ka aoao elua, ma ka la 3 o Feberuari, 1993, i kakau kopeia ma ka buke 79, aoao 229, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
FRED C. LOWREY,
Mea Moraki mai.
Penei na aina e kudalaia ana:
O kela aina ma Waikele, Ewa, Oahu, na hoakakaia ma ka palapala, sila nui 4148, kuleana 1914 ma ka inoa o Kekualiilii he 2. 77-100 eka, a ua hooliloia ia Kale Kekahili ma o ka palapala kuai la a Napahi Kekualiilii, buke 71 aoao 248.
He aina kupono loa i ke kanu kalo a raiki paha.
2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o JOS. M. POEPOE o ka aoao mua, a me FRANCIS MOSS o ka aoao elua, ma ka la 23 o Okatoba, 1882, i kakau kopeia ma ka buke 72 aoao 450, a mamuli o ka uhaiia o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
FRANCIS MOSS,
Mea Moraki mai.
Penei na aina e kudalaia ana:
O kela aina ma Honolulu, Oahu, oia ka aina i hoakakaia ma ka palapala kuai a Ninau ia J. W. Kahaialo ka makuakane o ua J. M. Poepoe nei, ma ka palapala i kopeia ma ka buke 35 aoao 466, a ua hoolimalimaia ia Yee Man ma ka uku hoolimalima he $120 no ka makahiki.
2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o KALIMALU o ka aoao mua, a me FRANCIS MOSS o ka aoao elua, ma ka la 13 o Okatoba, 1882, i kakau kopeia ma ka buke 78 aoao 452, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 11 o Maraki, 1886.
FRANCIS MOSS,
Mea Moraki mai.
Penei na aina e kudalaia ana:
O kela mau aina ma Kahana, Koolau-loa, Oahu, ua hoakakaia ma ka palapala sila nui 2056, ma ka inoa o Lilipi, he 1. 10-100 eka.
2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o BILA KANEAKAUHI a me WAHINEMAIKAI kana wahine o ka aoao mua, a me MISS MARY S. PALEKA o ka aoao elua, ma ka la 26 o Ianuari, 1883, i kakau kopeia ma ka buke 78, aoao 208, a mamuli o ka uhaiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Aperila, 1886.
MARY S. PALEKA,
Mea Moraki mai.
Penei na aina e kudalaia ana:
O kela mau aina ma Punaluu, Kaneohe, Oahu, ua hoakakaia ma ka palapala sila nui 283, a kuleana 2491 ma ka inoa o Kalaikilo, he 2. 77-100 eka; a ua hooliloia mai ia Wahinemaikai e ka mea nona ka aina, ma ka palapala i ko@oia ma ka buke 51 aoao 1558. 2067-5ts.
HOOLAHA A KA LUNA HOOKO KAUOHA-Ua hookohu pono ia mai ka mea nona ka inoa malalo iho nei i Luna Hooko Kauoha no ka palapala kauoha a David Makaliu i make. Ke kahea ia aku nei ka poe o ka mea make i aie ai e hoike koke mai imua o’u a i ole i kuu loio oia o J. Kealahula, a me ka poe i aie mai i ka waiwai o ka mea make i oleloia, e hoike koke mai imua o’u a i ole i kuu loio i oleloia ao la maluna iloko o na mahina eono mai keia la aku, o hoole mau loa ia ke hala ka Manawa i oleloia.
MRS. H. O. MAKALIU.
Luna Hooko Kauoha.
Hanalei, Kauai, Dek. 19, 1885. 2063-@
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o MAHOE no Kamaole, Kula, Maui, i make.
Ua heluheluia a ua waiho ia ka palapala noi a Hamili (k), e noi ana e ho’oponopono ia ka waiwai o Mahoe (k) no Kamaole, Kula, Maui, i make kauoha ole a e hooholo ia i na hooilina.
Nolaila ke kanoha ia aku nei na kanaka a pau ke pili, o ka POAHA, oia ka la 18 o Maraki, 1886, ma ka hora 9 A.M., ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER
Lunakanawai Kaapuni Apana Elua H.P.A. Lahaina, Feb. 20, 1886. 206@-3t.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o DAVIDA NAHOOLEWA o ka aoao mua, a me IDA M. KAKELA o ka aoao elua, ma ka la 6 o Augate, 1882, i kakau kopeia ma ka buke 76 aoao 212, a mamuli o ka uhaiia ana o na kumu aelike o kela moraki, nolaila, ke hoolaha aku e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
IDA M. KAKELA,
Mea Moraki mai.
Penei na aina e kudalaia ana:
O kela mau aina ma Kapualei, Keawaula, Molokai, ua hoakakaia ma ka palapala sila nui 6027, kuleana 4824 ma ka inoa o Nuipohiwi, he 3 eka 677 anana.
He aina maikai i ke kanu ko. 2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o KANIUHAAHAA o ka aoao mua, a me MRS. B. JOHNSON o ka aoao elua, ma ka la 16 o Mei, 1882, i kakau kopeia ma ka buke 72 aoao 445, a mamuli o ka uhaiia ana o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
MRS. B. JOHNSON,
Mea Moraki mai.
Penei na aina e kudalaia ana:
O kela mau aina ma Kawailoa, Waialua, Oahu, ua hoakakaia na palena ma ke sila nui 3410, a kuleana 10,255 ma inoa o Makuke, a i hooliloia ia J. B. Kaniuhaahaa ma ka palapala kuai a Nana, ke keiki hooilina hookah wale no ka mea nona ka aina i hanaia ma ka la 5 o Mei, 1882. 2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o MOEPONO ma o ka aoao mua, a me MARY T. HAIDA o ka aoao elua, ma ka la 8 o Maraki, 1882, i kakau kopeia ma ka buke 74 aoao 62, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 11 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
MARY T. HAIDA,
Mea Moraki mai.
Penei na aina e kudalaia ana:
O kela apana aina ma Hilo, Hawaii i hoike ia ma ke sila nui 1984, kuleana 190 ma ka inoa o A. Ragsdale, he 44. 1-10 eka. He aina maikai i ke kanu ko. 2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o A. K. KUNUIAKEA o ka aoao mua, a me G. P. KAKELA kahu o ka aoao elua, ma ka la 8 o Dekemaba, 1883, i kakau kopeia ma ka buke 83 aoao 231, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
G. P. KAKELA, (Kahu)
Mea Moraki mai.
Penei na aina e kudalaia ana:
1 st O na aina i hoakakaia ma ke sila nui 5552, kuleana 6252 ma ka inoa o Kekukahiko, 5 156-1000 eka ma Kaalawai, Waikiki, Oahu, a ua hooliloia ia A. K. Kunuiakea ma ka palapala kuai a Makauahoa i kopeia ma ka buke 84 aoao 212.
2 nd O ka aina i hoakakaia ma ka palapala sila nui 2598, kuleana 1831 ma ka inoa o Mamala. He 1. 4-100 eka ma Manoa, Oahu.
2067=5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o KAANAANA a me PELEKINI kana wahine o ka aoao mua, a me SAMUELA SAVIDGE o ka aoao elua, ma ka la 20 o Maraki, 1884, i kakau kopeia ma ka buke 86, aoao 462, a mamuli o ka uhai ia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
SAMUELA SAVIDGE,
Mea Moraki mai.
Penei na aina e kudalaia ana:
1 st O ka aina i hoakakaia ma ke sila nui 1616, kuleana 1041 ma ka inoa o Kaanaana he 8 65-100 eka ma Mokauea, Kalihi, Oahu.
2 nd O kela apana aina ma Kaumakapili i hooliloia ia Pelekini e Keamalu ma ka palapala i kopeia, buke 61 aoao 413, a ua hooliloia o hoi ia Kaanaana mai a J. Wahineaua mai, ma palapala i kopeia, buke 71 aoao 31.
3 rd O ka aina i hoakakaia ma ke sila nui 6813, kuleana 3986 ma ka inoa o Hueu he 3 eka ma Kaluapuhi, Kaneohe, Oahu. 2067-5ts.
HOOLAHA HOOKO MORAKI ME KE KUAI-Mamuli o kekahi mana kuai i hoikeia maloko o kekahi palapala moraki i hanaia mawaena o DAVIDA OHULE o ka aoao mua, a me MISS E. K. BINAMU o ka aoao elua, ma ka la 14 o Novemaba 1882, i kakau kopeia ma ka buke 78 aoao 1, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ia ana, e kudala akea ana ia i ka aina i hoikeia ma ia moraki, ma ka Poakahi la 12 o Aperila, 1886, ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoaka no keia mea.
Hanaia i keia la 11 o Maraki, 1886.
E. K. BINAMU,
Mea Moraki mai.
Penei na aina e kudalaia ana: Aia ma Waimea, Oahu, o ka 3 4 i mahele oleia o ua Davida Ohule ma kela aina i hoakakaia ma ke Sila nui 5935 a Kuleana 4264 ma ka inoa hoi o Kaenuhe, he 41-100 eka. A me ke Kuleana ma k@ hapalua i mahele oleia o Davida Ohula iloko o ke Ahupuaa o Waimea, Oahu.
2067-5t.
AHA HOOKOLOKOLO Kaapun Apana Eha o ko Hawaii Pae Aina Ma ka ho’oponopono waiwai. Ma ka waiwai o MOELEPO (k), no Kapaa, Kauai, i make kau@ha ole, Imua o ka Lunakanawai Kaapuni ma ke keena.
Ma ka heluhelu a me ka waiho ana mai o ka Palapala Noi a Meleana (w), kaikamahine a Moelepo e hoike mai ana o Moeleop (k) no Kapaa, Kauai, ma ka la 9 o Dekemaba, M. H. 1885, a e noi ana e haawiia ka Palapala Hookohu Luna Hooponopono Waiwai ia S. Kaiu.
Ua kauohaia o ka POAONO, la 6 o Maraki, M. H. 1886, i ka hora 10 kakahiaka, oia ka Manawa i kohoia no ka hoolohe ana i ua noi ia, imua o ua Lunakanawai la, ma ke Keena Hookolokolo o keia Aha, ma Koloa, a ma ia manawa a ma ia wahi e hele mai ai na mea a pau i pili e hoike mai i ke kumu, ina ke kumu oiaio ko lakou e ae ole ia ai ua noi la. A o keia olelo kauoha e hoo@ahaia ma ka olelo Hawaii i ekolu pule ma ke KUOKOA, he nupepa ma Honolulu. Kakauia ma Koloa, Kauai, ko Hawaii Paeaina Jan. 20 M. H. 1886.
JACOB HARDY,
Lunakanawai Kaapuni Apana Eha 2003-3t.
HOOLAHA HOOKO MORAKI-Ke hoike aku nei ka mea nona ka inoa malalo iho, e hooko ana oia i ka mana o kekahi moraki i hanaia mawaena ona a me Edwin Oakley, i kakauia ma ka la 11 o Augate, 1881, a i kopeia hoi ma ke Keena Kope Palapala no ka buke 68 aoao 449 me 459: a mamuli o ka uhaiia ana o na kumu aelike, oia ka uku ole ia o ka nota $1000, e kuai kudala aku ana ia e like me kekahi mana i hoikeia ma ia moraki i oleloia, ma ke Keena Kudala o E. B. Adams & Co., ma Honolulu, ma ka POAKAHI, la 29 o MARAKI, 1886, ma ka hora 12 awakea. Ka hoolimalima o ka pa hale ma alii Moiwahine, Honolulu, i hanaia mawaena o A. K. Drew o ka aoao mua me Edwin Oakley o ka aoao elua, ma ka la 18 o Mei, 1880, a i kopeia ma ka buke 65 aoao 137 me 138, me ka hale maluna iho o ia aina.
JON. S. WALKER,
Mea Moraki mai.
F. M. Hatch, loio o ka mea moraki. 2064-4@.
HOOLAHA HOOKAPU AINA-E ike auanei ka poe a pau no lakou na inoa malalo nei, i kipa@uia mai ka aina aku o KEE@ I. & II., ke kauohaia aku nei oukou e lawe aku i ko oukou mau pono a pau mai ka aina aku i oleloia maluna iloko o ka mahina hookah, e hoomaka ana mai ka la 5 aku o Feb. 1886 a hiki i ka piha ana o ka mahina hookah, a mahope o ka hala ana o ia manawa i hoakaka ia, ke papa loa ia aku nei ua pau loa ko oukou mau kuleana maluna o ka aina i oleloia; eia iho na inoa o ua poe la: Kumulau, Kino, Kaaipohaku, Kuka, Punahou, Ua, Komaia a me Kaloku. E hoolohe i keia kauoha a e hooko.
No ka oiaio ke kau nei maua i ko maua mau inoa ponoi:
KEANU,
PELIO-Na Mea Kuleana Hoolimalima
Feb. 5, 1886. 2064-3ts.
AHA HOOKOLOKOLO KIEKIE O ko Hawaii Pae Aina, ma ka ho’oponopono waiwai. Ma ka hana o ka waiwai o John Moanauli o Honolulu, Oahu i make. Olelo kauoha mamuli o ke noi a na Lunahooponopono Waiwai no ke kuai ana i kekahi Waiwai Paa.
Ma ka heluhelu a me ka waiho ia ana mai o ka palapala noi a David Manaku a me Mohole, na lunahooponopono waiwai o ka mea i olelo ia maluna ae, e noi ana e kauohaia laua e kuai i kekahi waiwai paa o ka mea i make e waiho la ma Kulaokahua a me Kapalama, Honolulu, a e hoakaka ana i kekahi mau kumu ku i ke Kanawai, e aeia i e kuaiia ua waiwai paa la.
Ua kauohaia e hele main a pilikoku a me ka poe a pau i pili i ka mea i make, a me na mea a pau i kuleana i ua waiwai la imua o keia Aha, ma ka POALIMA ka la 19 o Maraki, M. H. 1886, ma ka hora 10 o ke kakahiaka, ma ke Keena Hookolokolo, ma Honolulu, ma ia wa a ma ia wahi e hoike mai ai, ina he kumu kekahi e hoopuka ole ia ai ka olelo kauoha e kuaiia ua waiwai la.
A ua kauoha hou ia e hoolahaia keia olelo kauoha no ekolu pule mamua ae o ka la e hoolohe a’i i oleloia, iloko o ke KUOKOA a me Hawaiian Gazette, he mau nupepa i paiia ma Honolulu i oleloia.
Hanaia ma Honolulu, ko Hawaii Pae Aina, Feb. 16, M H 1886.
A. F. JUDD,
Lunakanawai Nui o ka Aha Kiekie.
Ikea; HENRY SMITH,
Hope Kakauolelo. 2064-3ts.
MA KE KEENA O KA LUNAKANAWAI KAAPUNI, Apana Elua o ko Hawaii Pae Aina. Ma ka waiwai o Haaheo (w) no Waihee, Maui, i make.
Ua heluheluia a ua waiho ia ka palapala noi a J W Kalua ka Lunahooponopono o ka waiwai o Haaheo (w), no Waihee, Maui, i make, e noi ana e hoopono ia kona moo-waiwai, a e hookuu ia ia, a e hooholoia ka waiwai ina hooilina.
Nolaila ke kauoha ia aku nein a kanaka a pau ke pili, o ka Poaha, oia ka la 4 o Maraki, 1886, ma ka hora 10 A. M. ma ka hale hookolokolo ma Wailuku, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
ABR. FORNANDER,
Lunakanawai Kaapuni Apana Elua H. P. A.
Lahaina, Feb. 5, 1886 2063-3t.
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai, ma ka waiwai o KAMAE (k) i make kauoha ole. Imua o ka Lunakawai Kaapuni ma ke Keena.
Ma ka heluhelu a me ka waiho ana mai o ka palapala noi a Kaahu (k) kaikaina o Kamae (k), e hoike mai ana o Kamae (k), ua make kauoha ole ma Honolulu ma ka la --- o ---, M.H. 1875, a e noi ana e hawaiia ka Palapala Hookohu Lunahooponopono Waiwai ia S. Kaiu.
Ua kauohaia o ka Poana ka la 27 o Maraki, M H 1886, i ka hora 10 kakahiaka, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo keia Aha, ma Koloa, ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii i ekolu pule ma ke KUOKOA, he nupepa ma Honolulu.
Kakauia ma Koloa, ko Hawaii Pae Aina, Feb. 24 th . M H 1886.
JACOB HARDY,
Lunakanawai Kaapuni Apana Eha.
2066-3ts.
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai, ma ka waiwai o IOSUA MANOHA o Koloa, Kauai, i make kauoha ole. Imua o ka Lunakanawai Kaapuni, ma ke Keena.
Ma ka heluhelu a me ka waiho ana mai o ka Palapala Noi a Malule wahine kane make e hoike ana o Iosua Manoha no Koloa, ua make kauoha ole ma Molokai ma ka la 9 o Okatoba M. H. 1882, a e noi ana e hawiia ka Palapala Hookohu Lunahooponopono Waiwai ia Paulo Kanu.
Ua kauohaia o ka Poaono ka la 27 o Maraki, 1886, i ka hora 10 kakahiaka, oia ka manawa i kohoia no ka hoolohe ana i ua noi la, imua o ua Lunakanawai la, ma ke keena hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili, e hoike ma ii ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke KUOKOA he nupepa ma Honolulu.
Kakauia ma Koloa, ko Hawaii Pae Aina, Feb. 20 th . M H 1886.
JACOB HARDY,
Lunakanawai Kaapuni Apana Eha.
2066-3ts.
OLELO HOOLAHA-Oiai ua kohoia ka mea nona ka inoa malalo iho i Kahu Malama Waiwai no ka waiwai o Kukuinui (w) a ka Lunakanawai Preston o ka Aha Kiekie, nolaila, ke hoolahaia aku nei, o ka poe a pau i iie ia Kukuinui i oleloia e hookaa koke mai aia, a o ka poe a pau a Kukuinui i aie ai e waiho koke mai lakou i ka lakou mau koi i hooiaio pono ia me A. Rosa, Loio ma Aliiolani Hale.
KAAHALEPAAKAI,
Kahu Malama Waiwai.
Hanaia, Honolulu Ianuari 23, 1886. 2066-3t.