Ka Nupepa Kuokoa, Volume XXV, Number 12, 20 March 1886 — NA MEA HOU O KAUPO. [ARTICLE]

NA MEA HOU O KAUPO.

Ma ka la 2S o i hala, ua wehe ae o Mr. Spenecer Kaaihue he paina makaluhi, ua nui i hanaia me ka maluhia no nae oia la. Ma ka hora S paha a oi o ia po, oiai na opio e haanapu ana iluna i ka wa ake daimonio a ka waiona e hoho alii maluna o kela a me keia, a ma ia lealea ana ua puai ae he hohono uwahi pauda pu raifela me ka lohe ole ia o ke kani, a ua lilo ia he mea nune no ka lehulehu no ka nui loa o ka hohono, a i ka lehulehu e nune ana no keia hohono uwahi pauda, ua hiki aku o Charles me kana laau hookani ukaka, a ua lilo ia mau nune ana a ka lehulehu i mea e hoopoina ba ai no ia mau nune ana. Ma ke Sabati ae, he la hoohuli pipi ia no kanaka oia wahi. Mai hana hou e ka poe o Kaupo i na hana ku i kahehi Sabati, ina la eono oe e hana ai i kau hana, a o ka hiku o ka la, he Sabati ia no lehova. Haluku mau ka puu pepa pili ahi i kela a me keia la ma keia wahi, haluku pu no hoi me na paka-ua o keia mau la. M. K. Malulu. Kumuhau, Kaupo, Maui.