Ka Nupepa Kuokoa, Volume XXV, Number 13, 27 March 1886 — Ke Kuikahi. [ARTICLE]

Ke Kuikahi.

Ma ka 27 o Feberuari i hala, ua lawe hou ia ae na noonoo ana no ke kuikahi mawaena o kakou nei me Amerika. Ma na lono i hiki mai« ua hoike ia ae aia no ke kuikahi iluna o ke ahua oioi kahi i kahulihuli ai. l!a ikaika na kamakamailio mawaena o na hoa o ka ahaolelo ma Wasinetona no keia wahi mea waie no, a he wahi hana nui loa keia. Ua lohe ia mai ko C. C. Moreno mau kalai olelo ikaika no ke kuikahi e kue ana malalo o na kumu i waihoia aku, a me kekahi hoa o ka Ahaolelo oia o Mr. J. B. Searles Jr. Ua waiho wale ia nae me ka haawi pu aku la laua he manawa e waiho hou aku ai laua i kekahi mau kumu kupono no ko laua kue ana, oia hoi hs hookahi pule. E lohe auanei kakou iloko ko ke iho no o kela mau la.