Ka Nupepa Kuokoa, Volume XXV, Number 13, 27 March 1886 — Ke Ahi a ka Wahine. [ARTICLE]

Ke Ahi a ka Wahine.

Ma na lono i hiki mai ai ma U Ki nau o ka la Sabati i hala, ua 1-oheia mai, ua ike hou ia ke ahi inai kai aku o Mahukona ma ka po Poaha o kela pule i hala. O ka wena ahi wale no kai ikeia aku, a ua manao ia, ua puka hou ke ahi. Mamua oka haalele ana aku o Kinau ia Mahukona, ua paholaia mai la kekahi lono e hoike ana, ua kahe ka pele ma Kau, aole nae he mau lono e hooiaio pu mai ana a hiki i kona haalele ana aku. Aia he mau hauwalaau ma Hilo e pili ana no ka pele; ke olelo la kekahi poe, aole e hala he eha mahina a puka hou mai no ke ahi ma ka lua, a i ole malaila, e puka aku ana ma ke kauwahi okoa iloko o eono mahma, no ka raea, aole keia o kona nalowamua ana. Aka, aole i like keia nalo ana o ke ahi me ia pio mua ana, wahi a kekahi poe, oiai o ka lua kahi hoolulu mau o ke ahi, ua hanee ilalo. a o kona kau mua hoi, aole i hanee kona papaku ilalo. Ma ke ku ana mai a ka mokuahi Malulani inehinei, ua loheia mai na lono o ka ikeia ana o ke ahi pele, a aole nae i hana i kana mau hana hookalakupua e like me kona mau, aka he nui no ke ahi i ikeia. Aole oia i make.