Ka Nupepa Kuokoa, Volume XXV, Number 13, 27 March 1886 — He Kaa me ka Lio Kanaka. [ARTICLE]

He Kaa me ka Lio Kanaka.

Ma ka Poaha nei i ikeia aku ai kekahi huakai hoolewa e kamoe ae ana ma ke alanui Beritania a ku ina ka Luakini Katolika. Ma ka huelo loa o ka huakai e kalaiwa ana kekahi kanaka i kekahi kaa kauo lima me ke kanaka mamua i hoohalikeia no hoi me ka lio. Ua hanaia he wahi nohona no keia wahi kanaka maluna o ua wahi kaa la, o ka mea apiki nae aohe kaulawaha o ka lio, (kanaka) aohe no hoi he mau ili, a na ka lima no e paa a huki aku. He lio maikai keia, wahi a kekahi poe, aohe luhi, he olelo wale aku no e hele, a e ku, ua hooko kokeia ka makemake. Mai ka Luakini aku a hiki i ka pa kupapau, a hiki hou i ka haie ka hele ana o keia kanaka maluna o ua wahi kaa la, aua ukuia aku la ka lio he hapalua dala, aole i ukuia ke kalaiwa.

Mahope iho o na hene aka ana a na paahana i ko lakou lohe ana i keia mea hou, ua hoike hou īa mai la o Keoni Poe ka ua mea la maluna o ke kaa huki lima ma ka huelo o ka huakai hoolewa. No kona makuahme i make keia hoolewa, a no ko Keoni Poe manao ana paha he puiwa ka lio a loaa ka poino, nolaila dia i kau ai maluna o keia kaa me ka lio laka. Aole ona makemake e huki pu ia oia e ka iio maoii i kahi e a nalowale aku kona mama.