Ka Nupepa Kuokoa, Volume XXV, Number 14, 3 April 1886 — "Aole i Maona." [ARTICLE]

"Aole i Maona."

Eia no ke uluku nei na manao o j kekahi poe i kakau inoa malalo oka palapala noi a na komite imua oka Moi no ka hoike ana mai Ika haina o ka po, "He oiaio anei ua kuaiia o Hawaii nei ?" a o ko lakou ake nui e lohe pono i na wahi huaolelo pokole wale no oia ka "ae" ame ka "aole." He kohu poi ia lakou keia hana ke aluka ana ae ma ia po 1 haiolelo ai ka Moi, e ake aku ana oka loaa ona wahi miki poi pohekeheke, e aho hoi ia paa aku ka umauma naha. Aohe kaanei, ika nau wale ia mai la 110, ai ke puhi, a i keaha ana aku la, a pule\ya wale ae la no, a o ka pau wale ae la no ka hoi ia; aohe hoi i hiki aku i kahi o ka ai paa e pii mai ai na manamana, poheoheo lua kela. "Aohe maona," wahi a lakou. [Alia e olelo iho pela, oiai oka nau au e olelo la, a oke puhi hoi, oia no na lala o ka nane hoopapa pohihihi a kahi keiki nona ka moolelo i puka ia ma ka nupepa "Ka Hoku oke Kai." E imi a loaa, a i loaa ole, e pau ana na maka i ka ohikihiki ia, a kahe mai ka wa/e he ai na ko iala wahi akua. Nolaila e imi a loaa, a na makou e haima : Akahi, Ou, Oi, Ha, " Go ! "