Ka Nupepa Kuokoa, Volume XXV, Number 14, 3 April 1886 — Ka Oihana Dute. [ARTICLE]

Ka Oihana Dute.

Ma ka papa hoike a ka Luna I>ute i hoihoi ae no na waiwai puka aku o ka hapaha mua o keia makahiki i pau iloko o Maraki iho nei, ua loaa hou mailoko ae 0 ke ko na huahelu kiekie i oi ae i ko ka hapaha mua i hala o ka '85. O ka huina waiwai io o na waiwai puka aku 0 ka aina nei, he $3,357.045.52, a no loko mai o keia huina dala, ua loaa no ke ko mai he $3,236,545.79, nona na paona ko he 67,975,279. O ke koena dala no na waiwai e ae, aia ma kahi o $120,499.73, oia hoi na waiwai raiki, iii hipi, ili kao, hulu hipa, kope a pela aku. Ua haule iho ko ka raiki waiwai 10 i keia hapaha i ko kela makahiki, a uie kekahi mau waiwai e iho, aka, na ke ko, (a ka poe mahiko a ka Elele e noke nei i ka hoinoino) i hoopiha keia mau pukapuka ahu wale aku. Oia ke panepoo o na waiwai a pau. E hoopuka aku no makou i ka papa ' hv>ike o na waiwai ke loaa he kowa ku- 1 pono; no ka loaa ole o kahi kowa i keia j)ule i hoopuka ole ia aku ai. '