Ka Nupepa Kuokoa, Volume XXV, Number 16, 17 April 1886 — Na Hiona o ka Naulu. [ARTICLE]

Na Hiona o ka Ua Naulu.

Kuu Kilohana—ALOHA OE: Ma ka la 8 iho nei, ua a he ahi nui mai kahi e pili ana ike kahawai o Honokaa a hiki ma keia huli e kokoke ana i ke ala e pii ai i Waimea. He pauahi nui keia o keia kula aina panoa; nawai ia i hana aole i maopopo. Poino nui keia o na holoholona. Hale hou.—Ua paa iho nei he hale ukana hou na ke awa o Kawaihae, oiai na la ioihi mamua i aui ae nei, mamuli o kekahi ulia poino ma ka hoohinaia ana o ka hale ukana mua e ka makani, nolaila ke huli ae a naua i ke kuiana o keia hale hou ua ano e ae kona kulana i ko ka mua. Hoike kula. —Ma ka la 9 iho nei, ua hoike ia he elua mau kuia aupuni, ko Kawaihae nei a me ko Puako. Aole i hiki mai ko Kawathae-uka no ka manao kanaiua o na kumu. Mahalo piha na makua a me na makaikai a pau no ka makaala o na haumana. Hookuuia na hana i ka hora 3p. m., mai kahora 11 mai. T. S. K. Nakanelua.