Ka Nupepa Kuokoa, Volume XXV, Number 18, 1 May 1886 — MOOLELO O KA HALAWAI KOKUA I KA POE I HOONELEIA I NA PONO PILI KINO ME NA lIOME, MAMULI O KA PAUAHI NUI O Ka la 18 o Aperila 1886. [ARTICLE]

MOOLELO O KA HALAWAI KOKUA I KA POE I HOONELEIA I NA PONO PILI KINO ME NA lIOME, MAMULI O KA PAUAHI NUI O Ka la 18 o Aperila 1886.

Ua nono hou kela halawai ma ka rumi malalo 0 Kauinakapili e like me ke kaheaia ana; o ka Rev. J. W ? aiamau ka Luna Hoomalu.. Ua hoohanohano ia ka halawai ma ka hiki kino ana ae o ka Mea Hanohano ke Kuhina 0 ko na Aina e, W r . M. Kipikona, na Hon. J Keau, J K. Nahale Kikaha a me kekahi poe e ae. Mahope iho oka hoomalu ana a ka Luna Hoomalu, ua haawi mai ke Kuhina Kipikona i kekahi haiolelo pokole e pili ana no na mea a ke aupuni i manao ai e hana mai no ka pono o ka poe i hoopoinoia e kela pauahi nui. Alaila ua kohoia i Komite Hooko nanā e imi a hana no na mea e pili ana ika poe i hoopoinoia, a penei ka mea i kohoia: H. R. H. Liliuokalani, Peresidena. H. Waterhouse, Esq. Hope " S. M. Damon Esq, Puuku. W. C. Aehi Kakauolelo. Na Hon. J. L. Kaulukou J. Keau Rev. J. Waiamau, na Hoa. Noi mai o J. Wahineaua. e hoopanee, aua hoopaneeia