Ka Nupepa Kuokoa, Volume XXV, Number 24, 12 June 1886 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

@E XXV, HELU 24. HONOLULU, POAONO, IUNE 12, 1886.  NA HELU A PAU, 2080.

 

@AHA KUMAU.

@A@ELA.

KOKU MA KE KANAWAI.

@@@ Hoaiano Palapala.

tf.

 

@@  (AKOK@)

 

@@ KOKUA MA KE KANAWAI.

@@@@ Hooialo Palapala.

@@@ Ma ke Keena Loio Kuhina.

tf.

 

HARDWARE COMPANY

 

@@@@ Dilinahama Ma.

@ea Kuai Lako Hoo

Papu, Honolulu.

 

@ PAHIA.

AINA!  ANA AINA!!

@@@@ Aia ma alanui Moi, koko @@@@@ o Hhooliliamanu.    tf

 

@ANAAUMOE.

@ k@@@ua ma ke Kanawai ma na @@@alu a Apana o keia Aupuni.

@@ au ma Puna, Hawaii.

 

S H PULAA.

@@ KOKUA MA KE KANAWAI

 no au ma Honomakau Ko@@, Hawaii.        2001-tf

 

BROWN.

HE KOKUA MA KE KANAWAI.

@na Hooiaio Palapala no ku Mokupuni o Oahu

KEENA HANA: Ma alanui Kalepa.

tf.

 

@@NEY & PETERSON

LOIO, LOIO, LOIO

KEENA HANA: Helu 15 Alanui Kaahumanu Honolulu      tf.

 

C. AKANA (KALAUKI.)

Mea Unuhi olelo ma ka olelo Pake @No Hawaii.  Ua makaukau no hoi na Palapala Kuai a Hoolimalima @u mawaena o na Pake a me na Hawaii.  E loaa no au ma ke Keena 7, Alanui Moi ma kahi o kokoke @@@po e Hooliliamanu.

            2010 ly

 

@DER  & CO. (WAILA MA.)

@ papa a me na lako kukulu hale a pau, a me na m@ n@ pono a pau @@.

@hi Alanui Moiwahine me Papu.       tf.

 

@ARD F. BICKERON. (PEKEKONA.)

@ HE KOKUA MA KE KANAWAI

KEENA HANA: Maloko o ka Halewai hou tf

 

WILLIAM AULD.

@ooiaio Palapala Kepa Paahana no ka Apana o Kona.

KEENA HANA: Ma ke Keena o ke kuo@@

            tf

 

@PH WILLIAM KELIIKOA.

 

@ a he kokua, a he pale a ke koa ma @@@@. @ l@na no au ma ke Keena @@  P@@@@, kihi o na Alanui Alii o @@@@ulu. Ua hiki no hoi ke hana @@@la pili Kanawai o kela me ke@@                     lyr.

 

WARD F. HOPKE.

@ A HE KOKUA MA KE KANAWAI

KEENA HANA: Aia ka rumi helu 9, malu o ka banako o ka Ona Miliona @@ Block.)      2072-@m.

 

@ MAGOON, (Makuna.)

@ A HE KOKUA MA KE KANAWAI

Keena Hana, Helu 42 Alanui Kaleokoke i ke Keena o Pekekona

            tf

 

@N MAHIAI KANEAKUA.

LOIO A HE KOKUA MA KE KANAWAI.

@ MEA UNUHIOLELO MA KA OLELO BERETANIA A ME KA OLELO HAWAII.

Keena Hana ma Alanui Kalepa, Honolulu maluna ae o ka Banako o @ihap@ m@a.

lyr.

 

@ALEAKALA BARENA@A.

LOIO A HE KOKUA MA KE KANAWAI

@ ua Aha Hoomalu a Apana a he Agena @aio Palapala Kepa mawaena o na haku a @a kauwa no ka apana o Waialua Oahu @na no au ma Kauaula, Waialua, a i ole ma Honolulu nei.    2075-lyr.

 

@AMES M. MONSARRAT. (MAUNAKEA.)

 

LOIO A HE KOKUA MA KE KANAWAI

He Luna Hooiaio Palapala.

@@@@@ ia no na Palapala Kuai, Palapala @@@alima, a me na palapala pili kanawai e @@@ olelo Hawaii.  Dala no ka hoaie ma @@@@@i ma na waiwai paa.

@@@@@  HANA: alanui Kalepa.   tf

 

 HE MOOLELO KAAO EEHIA

NO KE

Keikaalili Romura,

(Ka puuwai Liona,)

Ka mea i kapaia, ka Opuu Rose o na kihapai me ka Puuwai o kona Lahui, a o ka Ma@@ Aeto hoi o na Kualono a me na Ululaau anoano o Alegeria; he Iwikani no na ao i hala,

Ka Hookalakupua o ka Makakila.

 

O KEIA mau olelo a pau ka ou, kou e olelo aku ai imua o ke alii ka Moi, a e hai pu aku oukou, e hoouna aku ke alii i kanalima elele mama me na makana makamae ma ko lakou mau lima pakahi, a ma ko lakou mau waha na huaolelo a ke alii e noi aku ana i ua keiki alii ia e haalele iho i keia aina a e ku ae oia a hoi aku i kona aina, no ka mea ua hoopilikia mai oe ia makou.  A ina e hoole mai ua keiki la alaila e ku ae ai na elele a hoi mai imua o ke alii me ke kali ole i hele aku ai au e hahau i ka aina i ka hoina ana no ua keiki puuwai eleele la o Edoma o ka hale alii o Kinimailehuna; a malia o ike oia i ka nui o na pilikia a ku ae a hoi aku i kona aina.  I ka lohe ana o ka Moi i na olelo a ke kilokilo ma ka waha o na elele, he mea e ka piha o ua Moi la i ka nauki; a hoouna aku la oia i na elele he kanalima, e like hoi me na mea a ke kilokilo i ao mai ai, a ma ko lakou mau lima na makana he nui o ka aina o Aigupita, a e kamoe like ana no na puu oneanea o ka aina papu o Memepi.

E na hoa, e haalele hou ae kakou i na elele a ka Moi a e nana hou ae kakou i hope i kahi a ua mau aiwaiwa la e huhuhue mai la i ke awakea.

I ka bipi e noke la i kona ikaika a pau me ka manao e hemo ae na limia o kona hoa paio, a e loaa ae hoi i na peku mahanahana a kona mau kapuai a me kona mau wawae, e ohiu ae i kona mau kiwi pepeekue, ke loaa iaia he wa pono e hooko ai maluna o ke Ahi kanana o Edoma ke kaulana i oleloia "Ke kulanakauhale o na Liona Opiopio,"  Aka, he mau hoao pakalaki wale ana no ia a ua Basana Kupanaha la.  A oiai no oia e noke ana me kona ikaika palena ole, aia no hoi ke keiki alii Sepa ke hao la i na ai o Hinakahua me kona ikaika a pau ana i manao ai oia kana ai hoopau maluna o kona hoa hoopapa o ke kahua mokomoko o ka la o ka weliweli e hoalii ana maluna o kona mau hoa hele e nana mai ana me ke pahaohao nui i ke kupanaha a me ka luaole hoi o ka ikaika o ke Keikialii iloko o kona mau la opio.

Oiai na mea a pau e nana mai ana me ke kahaha nui, aia hoi hapai ae la o Sepa i ke kino nui o Basana iluna a paki iho la i ka honua, a makahi i haule ai o ke kino o ua bipi kupanaha ae, he awawa nui malaila, a o kekahi o kona mau kiwi ua komo aku ia ilalo o ka lepo a paa loa, a aia ke keiki alii Sepa ka wiwo ole ke kalele iho la ma kekahi aoao me ka haaheo nu, a ia wa no i ike ia aku ai elima mau kanaka opiopio e holo mai ana me na kaula e paa ana ma ko lakou mau lima.

E haawi mai i ke kaula me ka awiwi oui, wahi a Sepa i pane aku ai; a paa ae la na wawae hope o Basana i ka hauhoa ia me ka nui o na hakoko aha, a me ka nui no hoi o na hooikaika ana paa ai na wawae mua, a kupee ia iho la a paa a hiki ole ke oni.

I ka ike ana o na kanaka i ka lanakila ana o Sepa maluna o Basana, ua hookahaha loa ko lakou noonoo i ke kupanaha o ka ikaika i loaa i keia keikialii opiopio, ka mea nana i hoopaa pio aku i ka bipi kupanaha a ka Moi Mose o Aigupita, a na @a mea i kono aku ia lakou e haawi aku i na hoomaikai a me na mahalo he nui no Sepa ka weli o na ululaau.

Ua ko kela aelike i hanaia mawaena o na kanaka a me ke keiki alii ma ka aina o Blana, a "mimimihi nui iho la ua o Kauluiki ma," i ko lakou lilo ana i poe kauwa na Sepa ka puuwai elele a o ka lima koko lokoino nui hoi o Edoma.

E na hoa, e nana aku imua i na elele a ka Moi Mose o ka halealii o Koresabada o ke kulanakauhale o Pelusio.

Oiai na mea a pau e @@ ana no keia @akoko ikaika luaole o Sepa a o na pii ana ae hoi la o ua opio la ma ke anuu mua loa o ka moho aiwaiwa o ke kahua mokomoko, a na ia hana i hookaulana loa akua i ka ikaika luaole o  Sepa ma na wahi a pau.

Oiai na mea a pau e ku ana, ua ikeia aku la he huakai e kamoe mai ana me ka awiwi nui e hookokokie mai ana ia lakou nei, a na ia mea i hoohuli ae i na maka o ke keiki alii e nana pono aku i na elele, a ma ko lakou mau lima e paa i na mea ala, na momi, a me ke gula o ka halealii o Koresabada.

I ka huakai a na elele i ku iho ai imua o ke Keikialii, ua wehe ae la lakou i ko lakou mau papale hainaka elele, a ninau mai la i ka i ana: "O oe anei o Sepa ka makahiapo o ka Moi Rabona o Edoma?"  "Oia no ka oukou i koho mai la," wahi a Sepa.  Oili mai la mailoko mai o ua huakai nei he kanaka i aahuia me ka lole loihi onionio a imua i ke alo Sepa i ku iho ai a pane mai la.

"Ma ka inoa o ke alii ka Moi Mose o Aigupita ka mamo a Beora ke kaulana, a malalo o kana kauoha ke noi aku nei makou ia oe e lawe aku i keia mau makana he nui mai ko makou  lima aku, a hoi aku i kou aina kahi au i hele mai ai, oiai, ua ike makou ke  hoopilikia mai nei oe ia makou a me ko makou aina, a na makou ia e hai aku i ke alii ka Moi Mose ma ka ipuka o ka halealii o Koresabada, ua hoi aku ma ke ala ana i hele mai ai ua keiki alii kaulana la o Edoma o ka halealii o Kinimailehama.  Ua ae anei oe e lawe aku i na makana a makou e paanei, a e hoi aku ma ke ala au i hele mai ai?"

Aka, e like no me ka haakei o na manao o keia keiki, ua pane aku la oia i ka i ana aku: "E pono oukou e waiho mua mai i na makana a oukou e paa la ma ko oukou mau lima i ike io ai au a me ko'u mau kanaka i ka oiaio o ka oukou olelo, a na'u ia e hoi aku a hoike aku i kuu makua ka Moi Rabona, aia ka aina o Aigupita malalo o ko'u mana no ka wa pau ole."

I ka lohe ana o na elele i keia mau olelo a ua keiki nei, he mea e ko lakou kahaha i na olelo a ua Sepa lokoino la, a na ia mau olelo i kono aku i na elele  e huli hoi aku no ka halealii o Koresabada kahi a ka Moi e kali mai la no ka hopena o ka huakai a kona mau elele imua o Sepa ka puuwai haakei.

Oiai ka huakai a na elele e huli hoi la no ke kulanakauhale me ka mama nui, aia hoi ikeia aku la he kanaka e holo mai ana no kahi a ke Keikialii a me na kanaka e noho ana ma ke alo o na puu oneanea a e ku ana na hale lole a ua eueu nui la.  O ke kauwa keia a ka Moi me Lopianane ke kaula kupua a ke kilokilo Naneana o na kapawai akaaka o ka Nile.

Oiai ke kauwa imua o Sepa me na huaolelo a ka Moi ma kona waha e hookuu ae ia Basana mai kona paa pio ana; ua pane mai la ua Sepa nei.  "Aole makou he kauwa nau i olelo mai ai oe ia makou e hookuu ae i kela bipi ino, a mai pau makou i ka make, a e ole kuu ikaika paa ai kela, a i na aole oukou e kii koke mai ina ua pau la makou i ka lole ia i mea ai na makou."  He mea hiki ole i ke kauwa ke pane hou aku, o ka mea pono wale no iaia o ka hele aku e wehe ae.

Oiai kahi kauwa e wehewehe ana, aia no ke keiki alii ke hoino aku la e make kahi kauwa i ka bipi e pono ai.  I ka hemo ana ae o na wawae o ua Basanna nei, ua ala koke ae la oia iluna a ia wa no i hili aku ai kahi kauwa ma ka lae o ua kupueu nei la lopianane ke kaula kupua, me na huaolelo penei:  "E ke kaula, e paa ae a paa i ka bipi, a e ka bipi e hahai oe i ke kaula a e hoi aku no ke kulanakauhale o Pelusaira, a i na ipuka o ka halealii o Koresabada."

Aia hoi ua Basana nei e ku ana me ka mali, a i ka wa a kahi kauwa i huli ae ai e holo no ke kulanakauhale, ua huli ae la ua bipi la a hahai aku la ma kahi a ke kauwa e holo la me ka mama nui a no ka manawa pokole ua pau aku la ka ike ana a na mea apau, a nalo aku la iwaena o na laau e ulu ana ma kela aoao o na lalani puu e kakai ae ana, a na ia mea i hoopahaohao iho mahope nei i ke keiki a me ka poe a pau me ia.

E haalele ae kakou i hope i ke Keikialii a me kona mau hoa alo o na ululaau a me na kuahiwi anu o Balana a e nana aku kakou i ka halealii o Koresabada.

I ka hiki ana aku o na elele imua o ka Moi, a ma kahi i maa mau ia lakou i hoiki aku ai lakou i na mea a pau imua ona, a i kona lohe ana, ua hoouna aku la oia i ka elele e kii aku ia Naneana ke kilokilo kaulana o ka Nile.  I ka hoea ana mai o ua kilokilo la, a malalo o ke keena nui a iwaena hoi o ua keena ala i ku iho ai ke kilokilo kaulana a o kona aahu ke hoopahaohao la i na mea a pau.

I ke kilokilo e ku ana imua o ka Moi Mose a me kana aliiwahine Beula o Arabia Peterea o ke kulanakauhale alii o Peterea a ka Moi Babelamanadeba.  Ia manawa no i hoike mai ai ka Moi i na mea a pau a na elele i hai mai ai iaia, a o ia hoike kana i hai aku ai i ke kilokilo.

Ia manawa no wehe ae la ua kilokilo la i kona kookoo i kinohinohiia i na momi makamae, a o keia kookoo he iwi no ia o ka Hipopotamu o na wai opilopilo o ka Nile, aka he kupanaha nae oia a me ke pahaohao.  Oiai ua kilokilo la e ku ana ua pane ae la ia i ka Moi:  E auhau aku ana au i ka aina a pau o Aigupita i ka hoino ana no ke keiki alii sepa ka lokoino mai ka welau o Aigupita-lalo a i na palena o Aigupita-luna a mai na kapa o ke Kai Nui a i na kumu wai aka'ka o Barelabiada ma ke kumu o na Mauna Mahina.  Nolaila e paniia ka puka o ke kulanakauhale o Pulusaira a me ka pa nui o Sihora e apo nei i ke kulanakauhale o pau e hoopaa loa ia kona mau puka a pau i komo ole mai ai na wai o ka Nile iloko, a i puka ole aku ai na kanaka iwaho iloko o na la ehiku mai keia la aku, no ka mea, e hiki io mai ana ka ino maluna o ka aina a pau.

Ia manawa no i wehe ae ai ua kilokilo la i puka hikina o ka hale alii a pane ae la, E Pidiasa, e lele aku oe ma ka hikina a iloko o na kapu wai aka'ka o Barelabiada o ka Nile, e lawe mai i ka wai maluna o ka aina a pau o Aigupita i loko o na la ehiku e halana no ka wai maluna o ka aina, a e lilo na wahi o ka aina a pau o Aigupita i po hopoho, e hooluhi ana i na wawae o ua keiki alii la a me kona mau holo lio, a nana ia e ku ae a hoi aku i kona aina.  Ia wa no i hahau iho ai ua kilokilo la i ua kookoo la ilalo maka papahele, a ia wa no i oni ae ai ua kookoo la a lilo ae la i nahesa, au ae la kona poo a lele aku la maka puka aniani o ka hala alii o Koresabada a nalo aku la.

I ka munawa i haule aku ai ua nahesa la maluna o ka iliwai o Barelabiada, ia manawa no i hu'ahu'a ae ai na punawai o ka hohonu nui o na kapu wai o ka Nile, a lohe ia aku la ka halulu o na wai o ka Nile e kupikipiki o ana kona mau ale ahiu a o kona mau wai lele e haluku ana me he la he mau kikiao makani puahiohio e puhi ana i kona iliwai.

I ka wa i lohe aku ai ke kilokilo a me ka Moi, aia ke makaukau la na wai o ka barelabiada o na kapu wai o ka Nile e pahola mai maluna o ka aina a pau o Aigupita, ua hoouna ia aku la na elele mama e kaapuni ana i ka aina me na huaolelo hookahi wale no ma ko lakou waha e kala ana e pani paa ia ka puka o na pa a pau o na kulanakauhale me na wahi a pau; aole hoi e ae ia e hemo aku kekahi kanaka iwaho a hala ae na la ehiku, oiai, e hiki mai ana ka ino o ka muliwai o ka Nile maluna o ka aina.

Pani ia ae la na puka a pau o na kulanakauhale e noho ana na kanaka a pau iloko me ka pioo.  Hoihoi ia ae la ua Basana kupanaha la maloko o kona hale, a pani ia ae la ka puka o na wahi a pau o ka papu pohaku mabala o Sihora, nona ke ana puni he haneri me iwakalua mile; a ma ka puka aniani i nana aku ai ka Moi i na wai o Barelabiada o ka Nile i ka pii ana mai, e ku pali ana na ale kawahawaha o ka muliwai a uhola mai la maluna o ka aina a pau o Aigupita; a aia ua aina la he moanawai e halana ana, me ka hoonele ana i na mahinaai; na kihapai, a me na mea ulu o ka aina, a ke noho la ka aina a pau o Aigupita iloko o ka pilihua.

E haalele ae kakou i ka hale alii o Koresabada, a e huli aku ko kakou nanaina maluna o ke keiki alii haakei o Edoma.

Oiai ke keiki alii a me kona mau hoahele e moe ana maloko o na halelole i ua po la, eia hoi ua halana pu ia ae la kahi a lakou e noho ana e ka wai; a na ia mea i hoopuiwa ae i ua keiki alii la me ka pioo ana o na mea a pau.  I ke ao ana'e, a mamua o ka puka ana ae o ka la ua makaukau ae la na mea a pau a kau ae la maluna o na lio, a hoopuka ae la i keia mau olelo:  E kii kakou e kaua aku i ka Moi Mose, nana i hoopilikia mai ia kakou.

Oiai ua keiki alii la i hoohuli ae ai e hele no ke kulanakauhale, aia hoi ua oi loa ae la ka pii ana o ka wai, a ke nana aku i ua aina la, me he la he moanawai a aia lakou a pau me he mau halo'alo'a pohaku la ke o'eo'e iwaena o ka wai halana o Barelabiada o na kapu wai o ka Nile.  Nolaila, hoohuli ae la ua keiki alii la i hope, a huli hoi aku la i ka aina o Balana me na kauwa elua haneri me kanalima a ma na ululaau o ia aina lakou i hooluolu iho ai.

            Aole i pau

 

HE MOOLELO KAAO

NO

Lameka Puluka,

Ka Makahiapo mua i oili mai, mai ka puhaka o ka Ui Pua Rose a me Kahanuopaineki.

KA MEA I KAPAIA KA

Ka liona o na mauna hui o Arabia, ka naita nana ulupa na kupua o ka lewa lani a me na kupua a noho ana i ka papaku o ka moana, o ka mea hoi nana i pani ka maka o ka la.

 

IA LAKOU nei no a kau lea iho i ka piko o ka aina, me ko lakou home uwila, o ka manawa koke iho la no ia o ka lehulehu o na tausani o na makaainana o ke aupuni o Alabia, na lii o ka aina, ua hele a piha u mai o a o.

O ka manawa no ia i oili mai ai ka olomana Kahanuopaineki i ukali@a e ka eueu Liona o na mauna hui o Arabia e kai malie mai ana i kaua aloha i wili palua ia ma kona aoao akau, he mea e ka ilihia o na kini o ko laua one hanau no ka mea, eia laua ua hele wale a

            Makolukolu ka lehua

            I na kipona wai a ka manu,

            He makana ka ka ke aloha

            Eia la ua hiki mai,

            Ina iho no i ko alo

            I ka poli mehana a o ka uwila.

I na alii i hookokoke aku ai ma ke alapii o ka hale alii, ua puka mai la ka Ui Puarose mailoko mai o ka halealii, me na kipona kupilikii, na haawina o ke aloha e haawe iho ana maluna ona, hele aku la oia imua o kana kane a me ka laua hunona, me ka hua mua hoi o kona puhaka i oili mai ai iloko o kona mau la opio, a hui ae la iloko o ka poai maemae o ke aloha.  Ia lakou nei hoi e lulumi nui nei ua oili pulelo mai la ka Ui Wilela a hui pu iho la me kona punalua me na waimaka e hiolo ana ma ko laua mau papalina.

I ke ko o iki ana ae, ua huli ae la oia a ike ae la i ke alii opio, lele aku la a apo ae la ma kona puhaka a pane ae E kuuhaku kuu alii, ina paha o kau wahi kauwa kekahi i paa pio iloko o na lima nui ana a kela palaualelo lalau nui wwale aku, a noho pu no la hoi kakou a luana pu no la hoi i na kau o ka ehaeha, ina o ka maikai loa aku no ia.

Pane aku la o Lameka Puluka:  Ua hiki no, no ka mea, ua hanauia mai kakou ma keia ao mauleule, he aahu mau i na poino a me na hoino ia he nui.  Nolaila, e kuu aloha mai kaumaha oe no ia mea, no ka mea, ua hala ka luhi, a ua puka mai ka la me kona nani nui.

Lalau aku la ka Ui Wilela ia Laiana Bea, a haawi like ae la i na m@si aloha ana mawaena o laua a huli hoi nui aku la uoloko o ka hale alii me ka pumehana o ke aloha.

I na alii e nanea ana me na alii o ka aina maloko o ka rumi nui o ka hale alii, he manawa hauoli loa ia no ka ohana alii i ka lohe ana i ka moolelo kamahao o ko lakou kaua ana me na hiena o ka lewa.

I na alii e nanea ana, a kaheaia aku ia ka puuku nui o ke alii e hele mai, emoole no hoi ku ana ua puuku nei imua o ka olomana Kahanuopaineki a pane aku la ka olomana:  E kauoha aku oe i ko kaua mau puhi ole e hookani aku ma na alanui o ke kulanakauhale nei e kauoha aku i na pualikaua hui o ka aina e akoakoa mai lakou mamua o ka la 15 o keia mahina no ka mea e kukulu aku ana wau i ahaaina hoolealea o na naita, no ka mea, e kaawale aku ana paha kekahi o ka'u mau keiki mai  kuu alo aku; nolaila, mamua o ko laua kaawale ana aku, e haawi ia ai kekahi lealea nui no ka mahina hookahi.

I ka lohe ana o ka haku puuku, ua kauoha ae la oia i ka poe puhi ole e akoa koa mai imua ona; a i ka akoakoa ana mai ua hai aku la oia i na mea a pau ana i lohe ai, a he manawa ole no hoi, ua kani olowalu aku la ka leo o na ole me ka poe e kala leo nui ana ma na alanui.  I ka lohe ana o na naita i keia ma@ leo kukala, ua eleu like ae la lakou.

Aole no hoi i liuliu iho, aia hoi, ua ike ia aku la he mau mahele o na puali naita e maki mai ana no ka hale alii; a ua kauoha ae la hoi o Lameka Puluka i kona kupunakane e iho mai me kona mau naita helu ekahi, na keiki kae'ae'a hoi o na mauna hui o arabia, a ua hoounaia aku la no hoi na elele e kii i ua mau ihu kani @@@ o na mauna hui.

I ka hiki ana aku o na mahele naita iloko o ka pa alii, ua puka mai la ka ohana alii a me na alii opio a ku mai la ma ka lanai, ia wa no i ikuwa ae ai na leo hu@o o ke anaina no na manawa ekolu, a i ka meha ana iho, ua ku mai la ka olomana Kahanuopaineki a wehe mai la i kekahi wahi olelo uuku.

E o'u mau naita wiwo ole o ke kahua kaua, he elua o kakou mau makahiki i noho ai me ka lawelawe ole i na mea kaua, a iloko o keia la ke makaukau nei kakou e hoopa a e hoohana hou ia lakou, nolaila eia wale no ka olelo ia oukou e hoi oukou e hoomaamaa i ka oukou mau mea kaua no ka mahina hookahi, malia o hiki mai auanei paha kekahi mau naita mai na aupuni nui mai o Europa, alaila e loaa ana he mau hoa hakaka no oukou ke hele kue mai ia kakou, nolaila, e a'u mau keiki, e hookuu nei au i kahi hapa o oukou e hoi, a o kekahi hapa hoi o oukou e noho mai e kiai i ka maluhia o ka hale alii nei.

I ka lohe ana o na Naita ua piha kui ae la ka lewa i na leo ahiu o ua poe la, a huli hoi nui aku la no ko lakou mau wahi iho a o na alii hoi, ua hoi aku la no ka rumi aina a malaila lakou kahi i nuu ai i na momona a la wa ka makemake.

Oiai na alii e nanea ana, ku ana he wahi elele, a pane mai la:  "E kuu haku, ua pili mai la he moku i ka uapo me ka hae alii e welo ana ma kona kia waena!"  Pane aku la o Kahanuopaineki:  "Nohea mai kela moku?" pane aku la kahi elele, "Nohea mai la, aohe i maopopo ia'u kona hae a me kona wahi i hele mai ai, aka, e ke alii ua lohe mai nei au he moku alii, oia au i hiki mai la, a malia he moku powa ua makaukau kakou."

Kauoha aku la o Kahanuopaineki i ua wahi elele nei e hoi hou aku i kai o ka uwapo a hoolohe pono i na mea a pau e pili ana i ua moku la.

E hoakaka iki aku au i ke ano o keia moku alii a me kona wahi i hele mai ai.  O na mea nona keia moku i pili mai ai i ka uwapo, o Pomelia no ia me Litaso, na ahikanana o ke aupuni o Aina Omaomao.  Ua hiki aku ke kaulana o keia mau keiki a puni na kihi eha o ka honua, a ua kaulana laua no ke akamai i ka aihe i na waiwai o kela ano keia ano, na kaikamahine ui o kela aupuni keia aupuni, a ua hele o Aina Omaomao a luhiehu lua i na kaikamahine, a kakou no hoi e kanaenae iho ai penei:

            Hoonaona ana ka nahele

            Hoomahie lua i ka lehua

            *          *          *          *

            *          *          *          *

He nui ka ikaika a me kamana o keia mau keiki.  E hele mau ana hoi laua me ko laua mau akua, oia hoi o ko Pomelia he keko a o ko Litaso he popoki eleele.  E hoomana mau ana no hoi laua i ko laua mau akua.

O ke kumu o ko laua hiki ana i Arabia no ke kaulana o na Ui Mahinaka uahiahi a me Wilela a puni ka honua, nolaila ua lawe mai laua i na koalana o ko laua aupuni, i mea nana e hooneoneo aku ia Arabia, me ka manao kuhihewa e ko ana ko laua manao palaualelo, eia nae ua hili hewa na noonoo, oiai, o na ui a laua i manao ai e hoohahani mai, ua pili paa ia e na iwikani o ka lewa, a mahope no kakou e ike ai i na hana akamai a laua, ko laua hoao ana e kaili mai i ua mau iwakiani nei, me ka manao e muki ana la laua i kekahi lihi o ua mau ulua puipui nei.

E aui hou ae kakou i hope e o'u hoa heluhelu, a nana aku i na hana o ke alo alii.

I na alii e nanea ana iloko o ka rumi aina, hoea hou ana no ua wahi elele nei, a pane mai la:  E kuu haku, e pono e kauoha ia keia moku e haalele koke i ka uapo a holo aku no kahi ana i hele mai ai, no ka mea, ua lohe mai nei au he mau alii powa ko keia moku, a ua hiki ia laua ke lawe aku i na wahine maikai a hoihoi i Aina Omaomao.  Nolaila, ke hopohopo nei au no o'u mau haku i ka aihe ia aku e nei mau powa.  Pane mai la o Kahanuopaineki iaia: Mai makau no ia mea; e hel@ hou e hoomakakiu e like me kou ano mau.

I ka hulu hoi ana aku o na alii opio iloko o ko lakou mau rumi, a o ka ohana alii hoi ke noho la no iloko o ka rumi hookipa no ka lealea ana, ua komo maila kekahi mau keiki malihi a ku ana iwaena o ka anaina, a ua apo aloha mai la no hoi na alii i ua mau keiki la, me ka haawi ana mai i na hoomaikai he nui wale i ua mau keiki nei.

O keia mau keiki aole ia he mau keiki e, aka; o na keiki alii no ia o aina Omaomao.  Ia lakou nei no e nanea ana e hoonuu ana hoi i ka ono o na mea ai a me na mea inu, a o na maka nae o ua mau keiki nei, ke kaulona pono la ko laua mau lena ike maluna o ka ui Pua Rose a me ka Wehiorusia, a ua nui no hoi ko laua mahala no ua mau ui nei, me ko laua manao o Mahinakauahiahi ma la ia me ka ui Wilela, a ua manao iho la laua @ hoomakakiu a hiki i ka wa kupono e kaili ai.

Ia lakou nei e nanea ana aia hoi oili mai la ka ui Wilela e kuikui lima pu ana me Laianapea.  I ka ike ana mai o ua mau keiki nei i ka ui Wilela me kana kane, ua puiwa ino ae la ko laua manao, a lele wale ae la no me ka hoopuka ana ae o ua mau keiki nei, oia, nani maoli no, a hoomaka iho la laua e milikaa i ka nani o huelo, (ka inoa o ko laua mau papale hulu nani) me ka puana ana'e i keia mau wahi lalani mele:

            I lohia lima ia ke aloha,

            No ka luna i ka wekiu.

A o Laianapea me kana ui, ua hele mai la laua a noho iho la iluna o kekahi mau noho.  Ia manawa i ku mai ai ka olomana a hoolauna aku la i ua mau keiki la me ka hai pu aku ia laua o Laianapea keia a me kana ui Wilela kana wahine.  Ia wa i ku ai laua iluna a lulu lulu lima pu me ua ui nei me ke kaumaha o na lima, a pau ka lulu lima pu ana, ua huli hoi aku la laua no ko laua mau noho, a pane mai la, ike ae nei hoi maua i ka ui Wilela e kaulana nei a puni ke ao, a auhea la hoi o Mahinakauahiahi, ka nani a puni ke ao a me ka lewa?

Pane aku la o Kahanuopaine, aia no laua iloko o ko laua mau rumi kahi i noho ai, a ma he makemake ko olua e ike, ano e ike olua.

Lalau ae la ka olomana i kekahi kau la gula a huki mai la no elua manawa ia wa i lohe ia aku ai ke kani ana ae o ka hele no elua manawa, aole i liuliu mahope iho o ia manawa, lohe ia aku la ka nakeke ana mai o ke pani o na puka a ike ia aku la ka oili ana mai o Mahinakauahiahi me kona nani nui, e kuuwelu ana hoi na kahiko nani a kona makuahine i hoomakaukau nona, au no e ka mea heluhelu e iho ai:

            Onaona wale ia pua,

            I puia ia i ke ala;

            O ka nani o na nani,

            Ka lilii pua Mokihana

            Ilaila hoohie loko,

            Hoohihi wale aku no;

            E ake no a e ike,

            Ia na ni o na na ni.

I ka wa i ike aku ai o Pomelia a me Litaso i kanani o Mahinakauahiahi, ua haule pahu aku la laua iluna o ka papahele, a ia manawa i lele mai ai ka ohana alii a lomilomi iho la i ua mau alii nei o Aina Omaomao, a i ko laua pohala ana ae, ua ninau iho la ka oloma i ko laua piliia, aole nae he pane leo ae me ke kau pono ana nae i ko laua mau lena ike maluna o na papalina nohea o ka liwimakapolena, a hoopuka ae la i keia mau olelo:  "He nani maoli no oe a puni ka honua, a ua kupouo loa no olua e noho Moi ke aupuni o aina Omaomao."

Ia wa i huli ae ai o Mahinakauahiahi a ninau mai la:  "E papa, heaha kau i kahea ae nei ia'u e hele mai?"  pane aku la ka elemakule, "I kauoha aku nei au ia oe e hele mai mamuli o ke kauoha a laua nei."  Pane hou mai la o Mahinakauahiahi: "Mai noho oe a kahea hou ia'u, no ka mea, aole au e pono e haalele hookahi aku i ke alii e noho mehameha."  Ku ae la oia iluna a hoi aku la iloko o kona @m me ka ukali pu ia e kona mama aloha.

Oiai laua i nalo aku ai, ua huli hoi aku la ka Ui Wilela mahope aku o kona punalua.  I ko lakou nalo ana aku ua komohia aku la ke anaina iloko o na lealea palena ole, a o ua mau keiki nei kekahi i komo pu iloko o ia haawina ke hele la a hai e malule lua o ua mau keiki nei i ka wai hoomalule kino.

I ka uhi ana mai o ka malu po, ua kani mai la ka bele aina a ke kuene e hea mai ana i na mea a pau e hele aku e paina i ko lakou aina ahihi.  Hele aku la na mea a pau no ka rumi aina, a ia lakou i kokoke au ai ma ka rumi aina, paiakuli ae la ka lewa i na leo huro o na kanaka me ka hooho ana ae, e i ae na iwikani o na mauna hui o arabia me ko lakou haku alii pu kekahi me na kahiko nani.

Mahope iho komo mai la ua mau kae'ae'a nei a maka rumi hookipa lakou kahi i noho ai, me ka haawi pu ana i na kukai aloha mawaena o lakou.  Ia manawa no i puka mai ai o Lameka Puluka a me kana aikane me ka laua mau wahine a hui aloha iho la me kona kupunakane ka mea hoi nana i malama ua alii opio la me ka maluhia, a iloko hoi o na kipona maeele kulipolipo a ke aloha moopuna e hana mao ole ana i ko lakou mau puuwai, a i ka @mao ana, ua hele aku la ka oloma o na mauna hoi i ukali ia e kana moopuna no ka rumi auau.