Ka Nupepa Kuokoa, Volume XXV, Number 29, 17 July 1886 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXV, HELU 29. HONOLULU, POAONO, IULAI 17, 1886. NA HELU A PAU, 2085.

 

HOOLAHA KUMAU.

 

W. E. KAKELA

@ A HE KOKUA MA KE KANAWAI

He Luna Hooiaio Palapala

tf.

 

A ROSA. (AKONI.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA: Ma ke Keena Loio Kuhina.

tf.

 

PACIFIC HARDWARE COMPANY

Na hope o Dilinahama Ma.

Mau Moa Kuai Lako Ho

Alanui Papu, Honolulu.

 

S H. MEEKAPU.

Tela humuhumu lole.

HALE HANA: Helu 11 alanui Nuuanu.

 

J P. HANAAUMOE.

He loio a he Kokua ma ke Kanawai ma na Aha Hoomalu a Apana o keia Aupuni.

E loa'a no au ma Puni, Hawaii.

 

CHAS H PULAA.

HE LOIO A HE KOKUA MA KE KANAWAI

A e loaa no au ma Honomakau, Kohala Akau, Hawaii. 2001 tf.

 

CECIL BROWN.

LOIO A HE KOKUA MA KE KANAWAI.

A he Agena Hoolalo Palapala no ka Mokupuni o Oahu

KEENA HANA: Ma alanui Kalepa.

tf.

 

KINNEY & PETERSON

LOIO, LOIO, LOIO.

KEENA HANA: Helu 15 Alanui Kaahumanu, Honolulu. tf.

 

W.C. AKANA (KALAUKI.)

He Mahalo a Unuhi olelo ma ka olelo Pake me ka olelo Hawaii. Ua makaukau no hoi e hana i na Palapala Kuai a Hoolimalima a pela aku mawaena o na Pake a me na kanaka Hawaii. E loaa no au ma ke Keena Hana 7, Alanui Moi, ma kahi e kokoke ana i ka uwapo o Hualiliamanu. 2010-1y

 

WILDER & CO. (WAILA MA.)

Mea kuai papa a me na lako kukulu hale @ na ano a pau, a me na @ @ pono a pau no ka hale.

Kihi Alanui Moiwahine me Papa. tf.

 

RICHARD F. BICKERTON. (PEKEKONA.)

LOIO A HE KOKUA MA KE KANAWAI

KEENA HANA: Maloko o ka Halewai hou

tf

 

WILLIAM AULD.

Luna Hooiaio Palapala Kepa Paahana no ka Apana o Kona.

KEENA HANA: Ma ke Keena o ke Kuokoa. tf

 

JOSEPH WILLIAM KELIIKOA.

He loio, a he kokua, a he pale, a he koo ma ke Kanawai. E loaa no au ma ke Keena o J. M. Poepo@, kihi o na Alanui Alii a Anini, Honolulu. Ua hiki no hoi ke @@ i na Palapala pili Kanawai o kela me keia ano. 1yr.

 

EDWARD F. HOPKE.

LOIO A HE KOKUA MA KE KANAWAI.

KEENA HANA: —Aia ka rumi helu 0, maluna ae o ka banako o ka Ona Miliona Spreckles Block.) 2072-2m.

 

J.A. MAGOON, (Makuna.)

LOIO A HE KOKUA MA KE KANAWAI

Keena Hana, Helu 42 Alanui Kalepa, kokoke i ke Keena o Pekekona.

tf

 

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO BERETANIA A ME KA OLELO HAWAII.

Keena Hana ma Alanui Kalepa, Honolulu, maluna ae o ka Banako o Bihopa ma. 1yr.

 

J. HALEAKALA BARENABA.

HE LOIO A HE KOKUA MA KE KANAWAI

Ma na Aha Hoomalu a Apana a he Agena Hooiaio Palapala Kepa mawaena o na haku a me na kauwa no ka apana o Waialua Oahu E loaa no au ma Kauaula, Waialua, a i ole ma Honolulu nei. 2075-1yr.

 

JAMES M. MONSARRAT. (MAUNAKEA.)

LOIO A HE KOKUA MA KE KANAWAI.

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.

KEENA HANA: Alanui Kalepa.

 

 HE MOOLELO KAAO EEHIA

— NO KE —

KEIKIALII ROMURA,

(Ka Puuwai Liona)

 

@

 

Ka Hookalakupua o ka Makakila.

 

Oiai ka huakai a ke keiki alii Sepa e au e hele ana ma na kula panoa o ua aina la, ua huli ae la kona manao @ i hookahua ia e ka inaina i hope, a kau aku la na nanaina maluna o ka aina o Aigupita a me ka halealii o Kerosabada, a paana ae ia i keia mau olelo: E ku ko'u mau kapuai wawae maanei a e huli no ka hopena o ka wai e halana la ma ka aina o Aigupita iloko on na la he nui, a e hoi hou aku no au i hope i ike mai ai ua alii lapuwale la, aole i makau ke keiki alii Sepa o Edoma i kana mau hana hoomaka'uka'u, a na kuu lima ponoi auanei e haawi aku i na hoopai weliweli maluna o kona lahui kanaka, a e kaulana auanei kuu inoa ma na aina a pau o Aigupita: "Owau no o Sepa ka puuwai wiwo ole o Edoma, a o ke koa hoi i laahia kona lima me ke koko o ke kanaka."

            Hooholo paa iho la ua keiki alii Sepa la i keia manao ona, a kukulu iho la i kona mau hale lole ma ia wahi. I ka hala ana ae o na la ehiku, ua hoouna aku la oia i kekahi mau elele i ka aina o Aigupita e makaikai hou ai ina paha ua emi hou ka wai mai ka aina aku. Ua hooko koke ia keia kauoha a ke keiki alii, a iloko hoi o ka manawa i kauohaia ai na elele e ku hou imua o ke keiki alii me na lono o ka lakou huakai, aia hoi, me he la iloko o ka imo ana a ka maka o ko lakou nalo ana mai ke alo aku o ke keiki alii Sepa, a iloko hoi o ka halulu weliweli o na wiliau puahiohio ko lakou hoi hoa ana mai. Ma ka lakou mau waha hoi na huaolelo e hoike mai ana, ua emi ka wai mai ka aina aku, a ua palahalaha hoi ke ala no kou mau kapuai wawae e ke keiki aliii Sepa Perisa. No keia mau lono, ua lilo iho la ia he mea hauoli i ua Sepa puuwai lokoino la, a ia wa no oia i lalelale hou ae ai i kona puali naita, a kaukoe aku la ma ke ala e kamoe ana no ka aina o Aigupita.

            E na makamaka hoiloli o keia nanea i kali loihi no kona mau kohi kele e ma-u-u ai ka puu, a e liliha ai hoi i ke kuhinia o kona mau io pakaa, e waiho ae kakou i ke keiki aiii Sepa e hele mai nei i o Aigupita, a e huli iki kakou no ka aina o ka Moi Mose ka weli o ka halealii o Koresabada. I ka hala io ana ae o ia mau la ehiku, ua emi iho la ka wai mai ka aina aku a koe wale no ka ukelekele. Puka ae la na mea a pau o ke kulanakauhale o Pelusaira iwaho a nana aku la i ka aina ua oneanea, aohe mau mea ulu e kupu ana, ua hao ka wai i kona mana, a pau na mea aloha.

            Oiai ka Moi me kona kilokilo e noho ana maloko o ke keena nui ia mau la, a ma ka la hope i hoi hou ae ai ua kookoo la a kona kino mau. Wehe hou ae la ua kilokilo nei i ka puka aniani, a malaila oia i nana aku ai ma na welau a pau o ka aina o Aigupita, a oiai oia e kilohi ana, aia hoi ike aku la oia i kekahi ao opua e pii malie ae ana maluna ae o na lalani mauna me he lima kanaka la ke ano; a oiai pu no hoi ka Moi e hakilo mai ana i keia kulana o ke kilokilo ma ka ipuka aniani, ike mai la oia i ka luliluli ana iho o kona poo me he la ua ike oia i kekahi mea ano e. Ia manawa no i ninau aku ai ka Moi: he aha ka mea hou e kuu hoa'loha?

            "E nee mai ma kuu aoao a e nana aku ma ka aoao hikina maluna ae o na lalani mauna," wahi a ke kilokilo i pane aku ai: a ua hooko aku la ka Moi. "Heaha kau e ike la?" wahi a ke kilokilo. Ke ike nei au he wahi ao e like me ke ano o ka lima kanaka, a mahope iho o ua wahi ao la he wahi anuenue e pio ana, i pane aku ai ka Moi.

            Pane aku la ke kilokilo: ke ike nei au ma na akaku a kela wahi ao e hoike mai nei, eia hou ae no ua Sepa puuwai eleele nei ke hele mai nei e kaua i ka aina a e lawe hoi i ka nohoalii ihiihi ou e ka Moi. Ke ike nei au i ke kiekie o ka haakei o ka manao o keia keiki, a me he la, pela auanei oia e lilo ai i ilio hihiu no ka ululaau e omo ana i ke koko o na mea a pau ma keia hope aku, a nona auanei ka maalea e like me ka maalea o ka nahesa. Nolaila e kuu Moi, ma keia puka aniani o kou halealii e noho iho ai oe a nana aku i ua wahi ao eleele la me kahi anuenue, a e hoi ae au a maloko o ko'u keena, a malaila au e makaikai aku ai i ka aina a me ua keiki alii hookano nui wale la; a i kou wa e ike aku ai ua nee ae ua ao la i ka hikina a pahola iho maluna o na puu, alaila e kii ae oe ia'u maloko o ko'u keena hoanoano.

            Huli ae la ke kilokilo a hoi aku la ma kona keena, a noho iho la ka Moi e kilohi aku ana i ua wahi ao paha'oha'o la e kau la i ka lewa maluna ae o na lalani kuahiwi o Lupala. I ke kilokilo i komo aku ai iloko o kona keena, ua pani ae la oia i ka puka mahope ona a haule aku la maluna o ka moe kapu o Niolopua e alualu ana i ke aka kinowailua o na kupa o ia aina paha'oha'o, a e huli ae hoi kakou e nana aku ma ke kahua kiai o ka Moi. Mai ka haalele ana iho o ke kilokilo i ka Moi a hiki i ka aina awakea, aole loa i nee ae ua wahi ao la a me kahi anuenue, a pela no hoi ka Moi aole i nee hou ae i hookahi iniha mai kona kulana mua ae. I ka hiki ana ae ina hora ahiahi oia paha ka hora eha, ua nee ae la ua ao nei i ka hikina a uhi ae la maluna o na puu me na kilihune ua awa e pohina ae ana maluna o na lau laau a pahola iho la ka ohu i ka honua. I ka ike ana o ka Moi i keia loli ano e ana, ua holo awiwi aku la oia ma ka rumi a ke kilokilo e moe ana a hoala aku la oia i ua kilokilo la, a me ka hikilele i puoho ae ai ua kilokilo la a pane mai la: Ea, makena au kali ana e ka Moi ia'u ea? Pela io no: i pane aku ai ka Moi. Ae; ua hele aku nei au ma na moku, ma ke kai a ma ka aina maloo, malalo o ka malumalu o na laau, ma na kapa muliwai, ma ka piko o na mauna a hiki i kuu hiki ana i ka aina o Iudea iluna o na piko kiekie i uhi ia e ka hau o na lalani kuahiwi o Kiresatia i hui aku ai au me ka haku o na haku o ua aina la o na oawa kulipolipo o Kele-Suria ka Moi Sanina, a o kona inoa i loheia a puni ke ao nei, o ka Moneka Hesana no ia o Kele-Suria, ka mea a na kupua a me na kilokilo i kapa aku ai: "Halihali o Sanina i ka hooilo ma kona poo, a e moe auanei ke kau ma kona mau wawae." A imua ona i haawi aku ai kau kauwa nei i na hoomaikai ana he nui, a haawi mai la oia i keia kapa ula a'u e paa nei, a e like me ka ula o keia kapa, pela auanei ka ula o ke koko a me ka lapalapa ahi o ke aupuni o Diabolo; a hoike mai la ua kilo la i ka Moi ua kauoha mai ua Sanina la ia'u e hahau aku au i ka hoino ana i ka aina a me ua keiki alii la a koe kona ola mai hoopoino, oiai aole i hiki mai kona mau la e kau aku ai ka hoopai weliweli maluna iho o kona poo, wahi a ke kilokilo i pane aku ai i ka Moi.

            I ka pau ana ae o ka olelo ana a ke kilokilo; huli ae la laua a hele aku la no ka puka aniani a malaila i ku iho ai ke kilokilo a me ka Moi a nana aku la i ka ohu e uhi iho ana maluna o na lau laau a e nee mai ana hoi i ke kulanakauhale nona ka mamo he mau haneri mile. Aia ua keiki la ke nee mai la iloko o ka ohu pohina me kona puali kaua me ka makaukau wahi a ke kilokilo i pane mai ai. Nolaila e hookuu mai i kau kauwa iloko o na la ekolu me na po ekolu, a e hoouna aku i na elele e hoike aku i na mea a pau e noho me ka hamau iloko o na la ekolu, a e hoopiha hoi i ko lakou waihona wai i ka wai, a e hoomakaukau hoi i ka waihona ai me ka ai iloko o na la ekolu, oiai e lawe mai ana au i ka hoino maluna o ka aina a pau o Aigupita mahope iho o na la ekolu. He ino nui loa a me ka pilikia o na mea a pau me ke kani-uhu ana oiai, e hiki io mai ana ka ino maluna o ka aina. Hoounaia aku la na elele a ma ko lakou waha ke kauoha a ke alii e kukala hele ana ma na pea a pau o ka aina. Iloko o ia mau la, aia ka aina a pau o Aigupita ke hoomakaukau la no na pono a me na kauoha i hoikeia mai e na elele a ke alii, a i ka hala ana ae o ia mau la i hoea mai ai na la ino ma ka aina a pau o Aigupita. Oiai hoi ka Moi a me ke kilokilo e noho ana maloko o ke keena maluna o ka halealii, a i ka pau ana o na kamailio ana, ua owili ae la ke kilokilo iaia iho i ke kapa ula, a ma ka puka aniani o ka halealii i lehei aku ai ke kilokilo a nalowale aku la me ka hikiwawe loa.

            Oiai ua kilokilo la e holo ae ana maluna o na lau laau a e maalo ana hoi maluna o na pa@, na kula panoa, na kahawai. O na manu e lele ae ana, i ko lakou ike ana mai i ke kilokilo hooho ae la lakou me ka olioli, a o na holoholona hoi ma ke kula uwo ae la lakou me ka weliweli e holo ana me ka pioo nui.

            I ka hala ana ae o na la ekolu o ke kilokilo ma keia huakahi hele ana e kaapuni la i ka aina a pau a puni, a ma na kapa o Barelabiada i ku iho ai ua kilokilo la, a opiopi ae la oia a paa i ua kapa nei a hahau iho la maluna o ka wai o Nile me ka hoopuka ana ina huaolelo ma kona waha penei: "E ka Haku Sanina o Keresatia, ke kauoha aku nei au e hoololi ae oe i na wai a pau o ka aina o Aigupita a puni i koko, a e haawi aku hoi oe i ke kauoha ia Beelezebuba e hoouna mai i na nalo e noho ana ma na welau o na muliwai o Aigupita, a me na nalo hope eha e noho ana ma na welau o ka aina o Asuria, a me na lana e noho ana ma na kumu o na mauna o ka aina o Aitiopa."

(Aole i pau.)

 

MOOLELO

O KA

Ahaolelo o 1886.

 

LA HANA 52, IULAI 2.

Halawai ka hale elike me ka mau.

HOIKE A NA KOMITE MAU.

 

            Waiho mai ke komite waiwai i ka lakou hoike e pili ana i kekahi olelo hooholo i waihoia mai e Kalua no ka hoihoi ana kau ia Kalawakua a me Kanohokula i na dala eono ia laua pakahi no ka auhau papalua ia, a he mea pono e hooko ia aku ka olelo hooholo. Pela no hoi me na noi mai Wailuku a me Makawao e kue ana i ka aie $10,000,000, ua manao ke komite e waiho i keia mau noi ma ka papa. Aponoia ka hoike a ke komite.

            Na keia komite no i waiho hou mai i ka lakou hoike e pili ana no kekahi noi i waihoia mai e kekahi mau mea elua no $42.75, he koena uku no ko lakou hoohanaia ana i ke alanui, ua manao ke komite he mea pono ke waiho ia aku keia noi i ke Kuhina Kalaiaina.

            Noi o Palohau e apono i ka hoike.

            Hoololi o Kakina e waiho i ka hoike ma ka papa, a ina he koena uku io keia he mea pono ke uku ia aku. Aponoia ka hoike.

            Hoike mai o Aholo ke komite waiwai i ka lakou hoike no ka hoopii a ka poe hoolimalima o Ualapue Molokai, e koi ana e hoihoi ia aku ia lakou na dala i uku ia e lakou i ka luna helu no ka aina a lakou i hoolimalima ai, oiai he aina lei alii ia, nona ka huina he $18.50. Ua manao ke komite e waiho i keia hoopii ma ka papa. Aponoia ka hoike.

            Na Kaulukou ke komite hookolokolo i waiho mai i ka lakou hoike e pili ana no elua mau bila kanawai i waihoia mai e Kalua a me Dole no ka ili ana aku o ka waiwai i na hooilina, ua manao ke komite e waiho i keia mau bila ma ka papa.

            Noi o Dole e waiho i ka hoike a ke komite ma ka papa a noonoo pu me na bila. Waihoia ka hoike ma ka papa.

 

HOIKE A NA KOMITE WAE.

            Na Dickey ke komite makaikai i na hale aupuni i waiho mai i ka lakou hoike e mahalo ana i na hale i makaikaiia e lakou no ka maemae, oia ka halepaahao o Kawa, ka halemai o Kakaako, ka Hale Dute, ka Hale Leta a me na hale kula, aka o kekahi o keia mau hale aupuni ua popopo na papahele a ua ano haiki ke ku ana o kekahi mau hale.

            Noi o Keau e waiho i ka hoike ma ka papa a noonoo pu me ka bila haawina me ka hookuu pu aku i ke komite. Aponoia.

 

NA OLELO HOOHOLO ME NA BILA.

            Na Kakina i waiho mai he olelo hooholo e kauoha ana i ke Kuhina Kalaiaina, ke Kuhina Waiwai, ke Kuhina o ko na aina e a me ka Loio Kuhina, e hoike mai ma ke kakau ma ka la 3 o Iulai i ka nui o na aie o ke aupuni i ka poe i aieia aku ai mai ka la 30 mai o Iune 1886.

            Na Kipikona e pane mai aole i makaukau ka Aha Kuhina i keia wa, aka, ke hoomakaukau nei lakou e like me ka makemake o ka olelo hooholo, aka; no ka haiki o ka manawa, e pane ia aku ana ma ka Poalua.

            Na ka Loio Kuhina hou i hoakaka mai, o na ake ana e ninau i na kuhina ma kekahi mau mea pili aupuni, he mea pono e hoolaha mua mai ka mea e ake ana i ninau i na kuhina.

            Pane o Kakina, ua kuhihewa iki ke kuhina, oiai ua hoakakaia no e kekahi rula o ka hale.

            Hoolaha mai o Kaulukou he bila kanawai no ka hoomalamalama ana i ke kulanakauhale o Honolulu me ke kukui uila.

            Na Dole i hoolaha mai ke bila e hoololi ai i ka pauku 15 o ke Kumukanawai e pili ana no ka unuhi ana i ke dala mai ka waihona aupuni ae.

            Noi o Dole e hookuu aku iaia no kekahi manawa. Aeia.

            Na Palohau he olelo hooholo $4,000 no ke alahaka o Keaha Kauai. Waiho ia a noonoo pu me ka bila haawina.

            Na Palohau no i heluhelu mai no ka wa mua i ka bila kanawai e hoololi ana i ka pauku 2 mokuna 46 o na kanawai o 1868 e pili ana i ka hooiaio ana i na palapala aelike paahana me na haku hana. Waihoia no ka heluhelu elua.

            Noi o Kakina e pai ia keia bila.

            Koho ka noho ia Kipikona i Komite Pai ma kahi o ke Kuhina Kalaiaina mua i pau.

            Noi o Kikaha e koho ia ka Loio Kuhina ma kahi o kona mua i pau e pane i ke komite e pili ana i na bila auhau.

            Noi o Likikini i ka noho e kohe i na lala o na hana komite a pau i hoakakaia.

            Na Kaulia he olelo hooholo i $1,000 no ke awa pae o Heeia. Waihoia a noonoo pu me ka bila haawina.

            Na Kalua i waiho mai he olelo hooholo penei:

            OLELO HOOHOLO—No ka mea, he nui wale na lohe e hoolahaia nei ma keia kulanakauhale, ua makemake o Col. C. Spreckles e lilo iaia na pono wai o Honolulu nei, a me na loaa o ka Hale Dute a me na uaupo i hoopaa ma ko ke aupuni aoao no na aie a pau iaia. Nolaila, E hooholoia. Ke kauohaia nei ka Mea Hanohano W. M. Kipokona, Kuhina Kalaiaina e hoike mai imua o keia hale ma ka palapala ma ka Poalua Iulai 6, ina he oiaio ia mau lohe, a e waiho pu mai i na hoakaka piha ana no keia mea ma ka palapala, ma ke ano pakahi a ma ke ano hui paha.

John W. Kalua.

Aliiolani Hale, Iulai 2, 1886.

            Pane o Kipikona i kona minamina i ka luna o Lahaina i ke alakai hewa ia e ka poe nana i pelo iaia a lawe mai nei oia i keia olelo hooholo hoopau manawa wale imua o keia hale. No ka mea a keia hale e kamailio nei, oia ka ona miliona, he mau dala paakiki poepoe ka keia kanaka i waiho mai i ka waihona aupuni ma kahi o ka hapaula miliona, a he wahi apana pepa wale no me na olelo i kakauia, oia wale no ka hoopaa i haawiia aku iaia ma ka inoa maikai o ke aupuni; o na olelo i laweia mai o keia ano; he mau manao lapuwale no ia.

            Pane o Dole, aole @a i ike he naaupo na olelo a ka luna o Lahaina i lawe mai nei, aka ua manao oia ua kupono loa keia olelo hoohole, oiai he nui io no ka wawa a'u i lohe, a ua oleloia ua ake ka ona miliona e kuai a hoolimalima i ke awa o Honolulu no 99 makahiki a he mea kupono ole anei ke ninauia aku na kuhina o ke aupuni no keia mea, a ke mana'o nei au ua hiki no, oiai elike me kekahi olelo, ma kahi e punohu nui ai ka uahi, aia no he ahi malalo.

            Hora 12:10 hoomaha ka hale a nohe hou i ka hora 1:30 auina la.

            Hora 1:50 noho hou ka hale.

            Noi o Kaluukou e hapai ia na hana o ka la. Aponoia.

NA HANA O KA LA.

            Noonoo ana i ka bila kanawai e pili ana i na auhau imua o ke komite o ka hale. J. K. Kaunamano lunahoomalu.

            Noi mai ka Loio Kuhina e hoopanee ka noonoo ana me ka hoopau i ke komite o ka hale a noho ma ka Poalua.

            Hoololi mai o Kakela ma ka Poaha e noonoo ai. Aponoia.

            Hapaiia ka noonoo ana i ka bila haawina imua o ke komite o ka hale. J. K. Kaunamano lunahoomalu.

OIHANA O NA HANA HOU.

            Noi o Likikini e hapai ae i ka hoike a ke komite o na Hana Hou a noonoo pu me ka bila haawina. Aponoia.

            Noi o Kaulukou i haawina hou i $1,000 no ka hale hookolokolo o Kohala Akau. Hooholoia.

            Noi o A@ ma ia ano hookahi i $100 no ka lako hale o ka hale paahao o Waialua. Hooholoia.

            Noi o Aholo no ka hale hookolokolo o Waipio me Honokaa i $@,000.

            Hoololi mai o Kaulukou i $1,000. Hooholoia.

            Na Dickey no ka hoonee ana i ka hale hookolokolo mai Makawao a Paia i $1,000. Hooholoia.

            Na Kekoa no ka hana hou ana i ka pa o ka hale hookolokolo o Puna i $10.

            Noi o Aholo e hoopanee i keia haawina. Hooholoia.

            Na Likikini no ka hale hoopaa a me ka hana hou ana i ka hale hookolokolo o Wailuku i $5,000. Hooholoia.

            O ka hoike a ke komite no ke noi a Wailuku no ka hoomoe ana i mau ohewai no keia apana a me Kahului e noonoo ia me ka bila haawina e hookomo ia i $1,000 no ke kaha ana i na kii me ke ana i kahi e moe ai na ohewai. Hooholoia.

            Na uapo, haawina kumau $10,700. Hooholoia.

            Na Kauhane no ka uapo o Honuapo ma ke ano kokua me ka hoololi a Baraunu aole e auhau i na ohua a me na ukana ma ka uapo $5,000. Hooholoia.

            Na Nahinu no ka uapo o Hookena i $3,000. Hooholoia.

            Na Kalua no ka uapo o Lahaina i $4,000. Hooholoia.

            Na Likikini no ka palekai o Makena i $500. Hooholoia.

            Na Kaai no ka uapo o Ham@a i $500. Hooholoia.

            Na Nahale no ka uapo o Keauhou, Kona Akau i $2,500. Hooholoia.

            Noi o Likikini e waiho i keia noi a noonoo pu me ka aie $2,000,000 a ka luna o Kona.

            Na Dickey no ka uapo o Kuau i $7,000 a na Kalua i hoololi mai i $2,000. Aole mea i hooholoia.

            Noi o Kakina e hoopau i ke komite. Hooholoia.

            Noi o Likikini e hoakoakoa pono ke kakauolelo i na itamu i hooholoia ma ka mokupuni.

            Hoopauia ke komite a waihoia mai na mea i hanaia e ka lunahoomalu a aponoia.

            Hora 4:25 hoopanee ka hale a noho hou i ka hora 10 apopo.

 

LA HANA 53. Iulai 3, 1886.

            Halawai ka hale i ka manawa mau.

KOHOIA NA KOMITE MAU.

            Hoike mai ke komite Pai, ua pau i ke paiia kekahi bila kanawai.

            Na ka hapa uuku o ke Komite Waiwai i waiho mai i ka hoike a ia komite e pili ana no kekahi huina dala i hoahu ma ke Keena Kalaiaina, nona ka huina he $22,000; mai keia huina ae he $10,907.03 i hoolilo wale ia me ke koe iho he koena me ka hoihoi ole ia i ke Keena Waiwai. Ua hoahewa ka hapa uuku o ke komite i keia hoolilo dala i apono ole ia e ka Luna Hooia a me ke kanawai.

            Noi o Kalua e apono ia ka hoike a ka hapa uuku o ke komite me ka waiho ma ka papa a waiho mai ka hapanui o ke komite i ka lakou hoike ma ka Poaha.

            Noi mai o Aholo e hoihoi ia ka hoike ka hapa uuku ia laua a hookahi wa e waiho like mai ai me ka hapanui imua o ka hale me ka hoohaiki ole o ka hale i ko lakou manawa e hoike mai ai.

            Noi o Dickey e kakauia na ae me na hoole no ka waiho a me ka ole o ka hoike ma ka papa, penei:

            Hoole i ka apono i ka hoike, Kipikona, Kuhina o ko na aina e Creighton, Kuhina Waiwai Kanoa, Kuihelani, Kikaha, Keau, Lilikalani, Beka, Amara, Kaulukou, Pahia, Kaunamano, Nahale, Nahinu, Kekoa, Aholo, Kaukau, Kauai me Palohau.—20

            Ka poe apono i ka hoike, ka Loio Kuhina Dare, Ake, Kale Kauka, Kaae Paka, Kauhi, Kikila, Kauka Waika, Kauhane, Kalua, Kale Kika, Kaai, Kakina me Paehaole.—15.

            Noi o Kakina e kakau ia na ae me na hoole no ka hoihoi hou i ka hoike penei:

            No ka hoihoi hou i ka hoike i ke komite, o Kipikona, Creighton, Kanoa, Kuhina Dare, Kikaha, Keau, Lilikalani, Beka, Amara, Kaulia, Kaulukou, Pahia, Kaunamano, Nahale, Nahinu, Kekoa, Aholo, Kaukau, Likikini, me Kauai he @.

            Ka poe hoole, oia o Bihopa, Ake, Kuihelani, Kale Kauka, Kaae, Paka, Kauhi, K@ Kauka W@ K@ K@, K@, K@, @ Kakina, Paehaole me @

            Nolaila @ ka hapa uuku o ke @

            Kapae ia na rula, @ he elua hoopii mai K@ Molokai e hoike ana i Ke @ holo koke aka ke @ kohoia no Molokai e @ mau pilikia. Haawiia ka @ ua komite la.

            Na ka Loio Kuhina i hoakaka mai o na koi a pau i kue ole ia, he mea makehewa ke kamailio ia e like me ka rula o ka hale, aia waiho ma ke ano he olelo hooholo.

            Noi mai ke komite kakau poepoe i manawa hou no lakou i keia Poaha ae. Aeia.

NA OLELO HOOHOLO ME NA BILA

            Na Nahale i hoolaha mai he bila e hoololi ai i ka pauku @ na kanawai o 1882.

            Koho ka Noho i na Kuhina hou ma kahi o na komite o na kuhina @ pau.

            Na Kakina he olelo hooholo @ ha ana i komite @ lo ana i Molokai e hoo@ no ka holo ana.

            Noi o Kaulukou e ahpai ia na hana o ka la. Aeia.

            Noi o Dickey e kapaeia na rula i hiki i ke Kuhina Kalaiaina e waiho mai i kana olelo hooholo. Aeia.

            Na Kipikona he olelo hooholo, i ka wa e hoopanee ai e komo aku ka hale iloko o ka hoomanao ana me ka hoomanao ana me ka Ripubalika o Amerika ma ko lakou la @  ae Iulai 5, a akoakoa hou ma @ ka ma ka Poalua, Iulai @, hora @. Ua hooholoia.

            Hoopanee ka hale a noho hou ma ka Poalua hora 10.

 

LA HANA 54. IULAI @

            Halawai ka hale ma ka Poalua, e like me ka hoopanee ana mai ke@a pule mai.       

NA PALAPALA HOOPII

            Na Nahinu mai Kona Hema i heluhelu mai he hopii e noi ana, e mare hou na kane me na wahine i loaa na kane a wahine i ka mai pake.

            Nana no i $1,500 no ka hoomaemae hou ana i ka hale kula haole ma Hookena. Haawiia i ke komite hookolokolo.

            Na Paehaole mai Lanai, he mau hoopii lehulehu loa &c. Haawiia i ke komite o na aina aupuni.

            Na Wight mai Kohala i heluhelu mai i keia mau hoopii. I $10,000 no na alanui me na alah@.  @ ka hale hookolokolo @ Waimea @ Kohala, i $3,000 no ka hoomaemae ana. Aole e ae ia e aie @ a i kanalima tausani dala. Aole i kanawai opiuma. Aole haawina kokua @ na laina mokuahi. @ na kanaka e puhi waiona oko@ i haawina dala ma@ e poni ia ka Moi @ E@ Pakipika. E hoemi ia na @ a o ka oihana Koa. I @ no ke kala hanai kaikamahine @ hala &c. Waihoia ma ka papa.

            Na Kaunamano mai H@ hoopii e noi ana e hoopau ia ke @ wai luna alanui nui. I papa K@ na alanui &c. E ohiia na dala no ka hana ana i na alanui mai ke keena Kiaaina. Waihoia ma ka papa @

            Mai Puna na Kekoa e hoonoho hou ia i mau makai no ia apana. E hoolako ia na hope makai nui me na pepa pooleta. Haawiia i ke komite o na aina aupuni.

            Na Kakina mai Kaanapali e noi mai ana, aole e haawiia kekahi @ mau ina luna aupuni i pau ko lakou noho ana i ka oihana. Waihoia ma ka papa. A i mau makai p@  ki hele ole i ke kula. Haawiia i ke komite o na aina aupuni. A e hoopanee loa ia ke kanawai e hui@ ana i ke Kuhina Waiwai. Haawiia i ke Kuhina Waiwai.

            Na Aholo mai Lahaina, e hoopaaia na aina mahiko a pau e Lahaina me ka pa.

HOIKE KOMITE MAU.

            Noi mai o Kauka Wight e hookuu ia aku oia mai ka noho ana he lala no ke komite Waiwai, ma o ka hoowahawaha ana o kekahi hapa o ka hale i ka laua hoike i waiho ia mai ma ka Poaono. Hoakaka mai oia i kekahi mau kumu kupono &c. Mahope iho o na kamailio ana no keia kumuhana, ua ninau ia a ua hookuu ia oia.