Ka Nupepa Kuokoa, Volume XXV, Number 41, 9 October 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa.

No ka Makahiki...$2.00

No Eono Mahina...$1.00

KUIKE KA RULA.

Poaono...Okatoba 9 IUNE

Haawina Kula Sabati.

HAAWINA IV.

Oleloia. Ke kau ana o Iesu ma ke kua o ka honua nei. A HELE aku iaia e kali ana i kona kea ma kahi i kapaia o haawipoo a ua hoomakaia ma ka olelo ana. Na mea a kakou i kau ai ia ia ma ke kea a me na kanaka elua me ia, ma kela aoao keia aoao a o kela mawaena. A Kakau ihola o Pilato i ka palapala a kau aku la ma ke kua. O IESU NO NAZAREIA KE AHI O NA JUDAIO. Nui ka heluhelu ana i kai kapaia. ua kokoke ma ke kulanakauhale ka wahi i kulaai'a ka poe ma ke koa a ma ke kaua ana ia mea ma ka Hebera olelo a me ka Hebera a me ke kaona. A olelo aku la na kahuna nui o na Baibala Pilato, Mai kaapala oe, o ka aina o na Batabo aia ma ua olelo no ia, Owau no ke alii a na Batabo.

A olelo mai o Pilato. O ka mea ana i palapala ai, oia kau palapala. Aia ka wai ia Iesu ma ke koa lawe no lakou i kona mau kupa, a paupauaho aela a ua pau, eha kekahi no kela koa keia koa a me ke kapakomo. Aole i humuhumuia ke kapakomo, na uluna kekahi e paa ana ma luna, a hala i lalo. Nohea i ae ia lakou i kekahi i kekahi. Mae haehae kakou i keia, aka e hailona kakou i akaka ai ka mea no na keia mea, i ko ai ka palapala hemolele ka mea i olelo mai. Ua puunaue mai lakou i ko'u mau kapa, a ua hailona lakou no kuu kapakomo. Hana no kona mau mea. Ku ae la ma ke koa o Iesu kona makuahine, a me ka hoahanau o kona makuahine, a Mana ka wahine a Kelopa, a me Maria Magedalene. Ike mai la o Iesu i ka makuahine a me ka haumana ana i aloha ai e ku ana, i ma la ia i kona makuahine, E ka wahine, e nana i kau keiki. Maliu mai la ia i ka haumana, E nana i kou makuahine. A ma ia hora mai hookipa aku la ua haumana la ia ia ma kona hale iho. Mahope ae la, ike iho la o Iesu, ua pau na mea i ka hanaia, i mai la ia, i koe ai ka palapala hemolele, Ua make wai au. E waiho ana ilaila kekahi ipu, ua piha i ka vinega a hoopiha iho ia lakou i ka huahuakai i ka vinega, a kau aku la ma ka laau husopa, a hoopa aku la i kona waha. A loaa ia Iesu ka vinega, i mai la ia, Pau aku la a kulou iho la kona po, a keu aku ka i ka uhane. Pauku Gula. Pau aku la ko Iggo manao nui. O Kristo i kaulia ma ke kea, oia no ka mana a me ke akamai o ke Akua ma ka hoola ana i kanaka.

NA HELUHELU LA

Poakahi Io. 19:17 30.

Poalua Io. 19:31 42.

Poakolu Mat. 27:32 50.

Poaha Mar. 15:22 39.

Poalima Lu. 23:33 48.

Poaono Iko. 1:18 34.

Sabati Isa. 53:10 12.

Mele. Kaa kuu aie ia Iesu. H. A. N. 133 Pule.

NA NINAU. Ua ae anei o Pilato e make o Iesu? No ka ike ana i kona hewa anei? No keaha la? Ihea ka hele ana o Iesu? Heaha kana i hali ai? He kaumaha anei ke kea? Mahope iho ua kena ia wai e hali i ke kea no Iesu? Mar. 15:21 Mahea o Gologota, mawaho paha, iloko paha o Ierusalema? Heb. 13:12. Io. 9:20. Mahea ke kaumaha ana i na mohai hala? Oihik. 4:12. Aole anei i laweia mawaho o kahi hoomoana? Aole anei he mohai hala o Iesu? Owai ka i lawe pu ia me Iesu? Mat. 27:38. Pehea ka hoonoho ana ia lakou? p. 18. Heaha ka i haawi ia ia Iesu e inu? He nui anei ka eha ke make ma ke kea?  O ka inu ana i keia he mea anei ia e maha'i ka eha? Heaha ka palapala a Pilato i kakau, a kau ma ke kea o Iesu? p. 19. Ma na olelo hea ke kakau ia ana? p. 80. No keaha ke kakau ana ma ia mau olelo ekolu? Makemake oia e ike mai na kanaka a pau.

 

Hoohalahala anei na Iudaio i ka mea i kakauia? Ae anei o Pilato e hoohalaia o Iesu a e hoopaaia ana o Iesu no keaha kana no ka poe e hana ana? Pale anei oia no ka poe hana ino mai? Ua ike anei na koa Roma o Iesu i keia, ka mea a lakou, e kau mai ma ke kea? Heaha ka hana a na koa me ka aahu o Iesu? p. 23, 24. Ua hooko ia anei kekahi olelo o ke Kahu Kahiko, ma keia hana a Iesu? He aha ia? Pehea ka hana a kanaka e maa ana? Mar. 27:39. Heaha ka lakou olelo? p. 40. Pehea hoi ka na kahu, na nui a me na mea e? p. 40. Heaha ka lakou olelo hoohemahema? p. 42, 43. Pehea na powa e kau pu ana me ia, ua  kokua paha i keia hana, aole paha? p. 44. Ua komo pu anei laua ma ia hana pupule? Io. 23, 32. Heaha ka pane o ka lua o na powa i kona hewa? p. 40, 41. Heaha ka noi a kena powa ia Iesu? p. 42. Ae anei o Iesu i kana pule? p. 43. Pale anei o Iesu i kekahi mea e hele aku ana iaia i loaa ke ola? Io. 9:37. Pono anei e hoopanee ka imi ana i ke ola a hookokoke mai ka make? Hiki anei e noonoo pono iloko o ka eha nui? Owai na mea e ku mai ana ma ke kea? Io. 19:25, 26. Ua ku mamao anei kekahi poe wahine? Mat. 27:56. Owai ka haumana e ku mai ana? Heaha ka Iesu olelo i kona makuahine? p. 29. Heaha hoi kana olelo ia Ioane? p. 27. Ua malama o Ioane ia Maria ma ma ia hope iho? Heaha ka mea weliweli ma ka hora eono? Mar. 27:45. Pehea ka loihi o ia pouli ana? Pehea ka Iesu kahea ana iloko o ia pouli ana?  p. 46. He kupanaha anei ka pouli ana ia wa, i ke awakea, ka wa kupono ana ka la, a hiki i ka hora ekolu a ka auina la? Ua ike anei o Iesu ua kokoke mai ka hopena? Io. 19:28. Heaha kana olelo? Heaha ka i haawiia iaia e inu? a pau kona inu ana? p. 36. Heaha kana olelo hope? Io. 23:46. I ka hora ehia kona make ana? Aole anei oia ka manawa e akoakoa mai ai na kanaka no ka mohai ahiahi? I ko Iesu make ana, heaha na mea kupanaha i hana ia? Mat. 27:51, 53. Mahea ia paku i nahae? Ua ae ia anei na me a a pau e kono ana kahi hoano loa? Ehia kono ana o ke kahuna nui i ela me keia makahiki? Heb. 6:7. Ua kaumaha ia o Iesu i mohai hala no kanaka, e mau anei no mohai o ka wa kahiko? Ua pau anei ka Levi hana? Aole anei hiki i na mea a pau e he le aku i ke Akua ma o Iesu la? Ua hiki anei e hele aku iaia i na wa a pau? Weliweli na mea i hanaia i ka wa i make ai o Iesu? Heaha ka olelo a ka luna haneri i ka ike ana ia mau mea? Mat. 27:54. No keaha ko Iesu make ana? Aole anei i make kakou a pau ke ole i haawi ia kon ola no kakou? Heaha nae ka pono? Ola anei kekahi me ka ae ole ana aku i ka Iesu, me ka manaoio ole iaia? Ua ae anei ka powa i kona hewa? Ua hoike aku nei i ka hewa ole o Iesu, ka mea i kaulia ma ke kea? Ua manaoio anei oia ia Iesu? Ua pule aku anei iaia? Ua kala ia anei kona hewa? E launa aku ana anei oia me Iesu ma ka lani? Ina e aloha nui ana kekahi ia Iesu, aole anei e pili mau iaia? Oiai e pililia loa ana o Iesu, ua hoomanao aloha anei oia i na mea e ae? Ina ua ae o Iesu e make oia i ola kakou, heaha ko kakou pono? He ola anei ma kauwahi e ae? Oih. 4:12. Tim. 2:5, 6. Mele. Koko Kamahao. H. A. N. 8t. Iesu ka inoa maikai. H. A. N. 173.

KA POE HOOMANA POAONO.

Helu 4.

"Ma ko lakou hua e ike ai oukou ia lakou." Kekahi keia o na olelo ao a ka Haku Iesu i kana poe haumana. Ma kona hua e ikeia ai ka laau, he ono paha, he awaawa paha. A o ke kanaka, ma kona ano e hoomaopopoia'i kona ano. Aole i hookoia kekahi koho ana hookahi a ka poe hoomana Poaono no ka manawa e hoi mai ai o Iesu; ua haule ka lakou mau koho ana a pau, ua lilo i ole. He hoike keia he kahua luli wale ko keia poe, aole lakou he alakai kupono no ka lehulehu. Ua ikea ma ke Kauoha Hou ke ano o ka Iesu mau hana, a me ke kupaa ana o kona mau manao, aole i luli iki. He ola mau oia i na wa a pau. Aole me neia o William Miller. No ke ko ole o kana mau wanana no ka hiki ole mai o Iesu i ka manawa ana i koho ai, nolaila, pio iho la kona manaolana, a ua make aku oia iloko o ka manao poho. Ke hele nei ka poe hoomana Poaono ma kona alanui, aole e ole ko lakou haule iho iloko o ka lua hookahi me ia. He mea keia e paipaiia'i a haipule---ka poe e hoomana nei i ke Akua "me ka Uhane a me ka oiaio." E pono ke makaala lakou. Ua heluhelu mau ka poe Judaio i ka Palapala Hemolele, a ua ike e hiki mai ana ke keiki a ke Akua i ke ao nei. Aka, i ka hele kino ana mai o Iesu, aole lakou i apo aku iaia no ke kumu, aole oia i hele mai ma ke ano a lakou i makemake ai. Heaha ka lakou mea i makemake, ua hele mai o Iesu me he kahunapule la. Nolaila hoowahawaha iho la lakou iaia. Ua alakai hewa ia na Iudaio e ko lakou manao kanaka hiki ole iho la ia lakou ke hoomaopopo i ka Mesia. Ua ili mai maluna  ka poe hoomana Poaono he pilikia o nei ano. Ke heluhelu mau nei lakou i ka Palapala Hemolele, eia nae ma ko lakou heluhelu ana ua hoolalauia ko lakou noonoo e ke akamai kanaka. Ua hilinai lakou i ko lakou akamai iho i kumu wehewehe i na olelo o ka Baibala, me ka homanao ole, aia "ma ka Uhane wale no" e ikeia'i na mea pohihihi o ke Akua. Ka hele kino ana mai o Iesu ka keia poe e ake nui nei. No ka hiki ole paha ia lakou ke hoomaopopo i na me o ka Uhane i paulele ai lakou i ko ke kino. I ka nana aku o Iesu i ka poe Iudaio. "Owau no ka berena ola, ka mea i iho mai mai ka lani mai. Ina e ai kekahi i keia berena, e ola mau loa ia, a o ka berena a'u e haawi aku ai, o ko'u kino ia, ka mea a'u e haawi aku i ola no ko ke ao nei." Hoopaapaa iho la na Iudaio ia lakou iho, i ae la. Pehea la e hiki ai iaia ke haawi mai i kona kino ia kakou e ai? Io. 6:51, 52. Ua hiki ole i na Iudaio ke hoomaopopo i keia olelo a Iesu, no ka mea, ua hoopouliia ko lakou mau noonoo e ka manao kino. Me neia ke ano o ka poe hoomana Poaono e noho nei. I ko lakou komo ana i waena o na Ekalesia e ao aku, ua like ia me ka lawe ana i ka paakai i Waimea. Ua oi aku ka malamalama o na haipule i ko lakou. E aho ae ke lilo ke keiki i kumukula no ke kanaka makua. Ua aoia na haipule e ka Uhana, a o lakou la eia no ma ke kino i hoopapau ai. O ka pilikia nui i na lahui kanaka e ike ia nei, oia, o ka nele ana i ka Uhana Hemolele. O ka launa ana mai o ka Uhane ka mea kupono no keia manawa. Ina i loaa ka Uhane i na kanaka, alaila, ua makaukau lakou no ka ike kino ia Iesu; ina aole ka Uhane, e pilikia lakou, e hoopaiia ana no. I hele mua mai o Iesu i ke ao nei no ka hoola, he hoopai ana kana hana ke hoi hou mai oia; a pau ka poe hoomaloka i ka hooleiia iloko o Gehena. He hopena ko ka poe hewa e noho mai nei; aole lakou e ola loa ana. E hiki mai ana no ka la make e hele aku ai lakou e halawai me ka Haku. Me he poe hopuhopualulu la a hiki ole ke hoomanawanui, ke ano o ka hoomana Poaono. Ke ake nei lakou e wikiwiki mai o Iesu e luku i ka poe hewa, a e haawi i ka honua ia lakou. Ua makemake na haipule io e halawai kino me ka Haku Iesu, aka, ua oluolu lakou e waiho aku nana no e koho i kona manawa e hele mai ai. Aole e hiki i ke kanaka hanau ma kapo ke hoomaopopo i na ano o na waihooluu. Heaha la iaia ka omaomao, ka ulaula, ka olenalena? Aole oia i ike, ua pouli kona mau maka, nolaila aole e hiki iaia ke hoomaopopo i keia mau ano. Aole e hiki i na kanaka elua ke paio ke loaa ole ke kahua. Ina i bapetisoia ka poe hoomana Poaono e ka Uhane Hemolele, ina ua loaa ia lakou he kahua e paio ai ma ka olelo a ke Akua. Aka, me neia ano o lakou e noho mai nei, aole no o lakou kahua. Ua like lakou me ke kanaka hanau makapo, aole hiki ke hookaawale i ko ke kino a ki ko ka uhane a me ka hoomaopopo i ka palena mawaena o laua.

E ka Hiwahiwa.

He wahi mea hou ka'u i ike malihini iho nei ma ka aina kaulana o Kohala nei, oia hoi keia; Ma ka noho ana o ka Aha Kaapuni o Kohala, Hawaii, i loko o neia mau la, ua noho o F. S. Laimana, oia ka Lunakanawai Kaapuni nui no na hihia, oia hoi he opiuma ka hapa nui o na hihia, a me ka hihia waiwai. Eia ka mea hou a'u i ike ai, he nui na hihia i hookuuia o Kohala nei mamuli o ka hemahema o ka Lunakanawai o ia apana, oia hoi he okoa ka Palapala Hopu, okoa ka Palapala Hookuu, a okoa ka moohihia, a no ka manawa paahao ua hoopai kela ma ka hana, aole i hai ia ke ano o ka hana. Aia ma ia wahi hookahi no, ua make emoole kekahi keiki maikai ma kona inu ana i ka okolehao a ona loa, a mahope kaa i ka pali a naha ke poo a make loa aku la; o ka inoa o keia keiki, o Pilipo Kapali. Ua noho ka Aha Kolonero a hooholoia ua make i ka inu ana i ka okolehao. D. MAKAIKAI. NIULII, KOHALA, HAWAII.

Hoohuiia ma ka Berita Mare.

E ka Nupepa Kuokoa; Aloha oe:-- E oluolu mai kou ahonui a me kou oluolu e hookomo iho ma kahi kaawale o kou mau kolamu i keia. Ma ka la 16 o keia mahina i hoohui ia ai o Master. K. Kaaeamoku me Miss. K. Wahineaukai ma ka Berita maemae o ka mare na Rev. W. Kalaiwaa laua i mare ma ka Luakini o San. Paulo, ma Waipio. I ka hiki ana ae i ka hora 12 o ke awakea o ua la nei oia ka manawa i kai aku ai ka huakai mai ka hale noho aku o Kaaeamoku me ka paa mare a me ka "Pahu a me ka Ohe" i ukali ia e na keonimana hanohano J. Waiohinu a me Edward, a me kekahi poe e iho. I ka wa i hiki aku ai ka huakai ma ka Luakini ua piha mua ka luakini i na makaikai a mahope iho i komo ae ai na mea mare a oia no ka manawa i ku mai ai ke anaina iluna a mele ia mai hoi kekahi Himeni nahenahe e ka papa himeni o na opio i alakai ia e Mr. M. Kiha. A mahope iho i lawelawe ai o Kalaiwaa i kana hana e hoohuiia laua ma ka Berita maemae o ka mare, a pau ka mare ana, oia ka wa i kono ia aku ai na mea a paue hele e paina ma kahi o na mea mare malaila kahi i hoomakaukau ia'i he papa aina na ka lehulehu e noke ai a ko'u ka puu i ka wai a ka Naulu. O kahi mea hou i ike ia ma ia papaaina, oia no na Umeke, he lau Niu i hana noeau ia e na lima lahilahi o Mrs. Kealoha i hoouluwehiwehi ia hoi me na lipo o ka wao, a ke nana aku he maikai maoli no. A ma ke koho iho a ka mea kakau, o ka oi aku keia o na paa mare i ike ia ma Waipio nei. Ma kahi i hoomakaukau ia ai ka papa aina malaila i haawi ia ai na makana like ole e kela a me keia i na paa mare, a hookahi makana oi loa aku, oia ko lakou Buke nui na kekahi no ia o na makua hoomanawanui i loko o ka pono. O ka makou pule e hoomau ia ko laua noho mawemawe ana. HIILAWE.

Hoolaha Kula Sabati.

E halawai ana ka Ahahui Kula Sabati o na mokupuni o Maui a me Molokai maloko o ka halepule o Wainee, Lahaina, ma ka Poalua mua o Novemaba, oia no ka la 2, ma ka hora 10 kakahiaka. Nolaila, e akoakoa ae na hoa o kela aha me ka makaukau i na Haawina. M. P. WAIWAIOLE. Kakauolelo. Wailuku, Oct. 10. 1886.

AHAOLELO O 1886.

LA HANA 114, SEPT. 29.

Hora 10:03, lawa na hoa a heluhelu ia ka moolelo.

HOIKE KOMITE KUMAU.

Na Kaunamanao, i ka hoike a ke Komite Malama Ola, no kekahi mau hoopii mai Honolulu mai e noi ana, aole e laikini ia ka opiuma, ua manao ke Komite e kapae loa i ka manao o keia mau hoopii, a ua ike ke komite he pono kekahi e loaa mai ana i ke aupuni ma ka opiuma, mamuli o ka ike ia ana o kekahi o ka poe i kakau inoa i ka hoopii, o lakou no kekahi e hoopae malu nei, nolaila, he mea pono ke laikini ia. Waiho ia ka hoike ma ka papa.

HOIKE KOMITE WAE.

Na Kikaha, i ka hoike no ka hoololi o ka pauku 12 o ka mokuna 44 o na kanawai o 1882, no ka laikini kuai liilii i ka waiona, ua hoololi lakou i ke kanawai a ke noi aku nei e hooholo ia ka bila e like me ia i hoololi ia. Aponoia ka hoike a heluhelu elua ia ka bila ma ke poo a haawi ia e kakau poepoe a heluhelu ekolu i ka Poaha.

NA OLELO HOOHOLO ME NA BILA.

Ninau o Dole i ke Kuhina Kalaiaina inu hooholo ia ma kekahi olelo hooholo no ke kuai i na lio o ka puali makai kiu i hoopau ia, a ehia ka nui o na lio a me na loaa o ke kuai ia ana. Pane ke Kuhina, o ka pololei o keia ninau i ka Loio Kuhina. Olelo o Dole, he oiaio no ia, aka ua kaa nae malalo o ke Keena Kalaiaina na loaa a pau, a aole loa ke Komite Waiwai i hoike mai ma ka lakou hoike no keia mea. Noi o Brown e hapai hou ia ka noonoo ana o ka bila kanawai e hoomana ana i ka Luna Dute e hookuu i ke Alekohoia ma kekahi mau ano. Aeia. Noi o Aholo, e waiho ia iwaena o na hana o ka la ke kanawai auhau, mahope koke iho o na bila no ka heluhelu ekolu ana. Apono ia. Noi o Kaulukou, e waiho ia mai ka hoike a ke Komite e pili ana i na lunakanawai o ka Aha Kiekie. Ku o Brown malalo o na rula a kue i ke noi e lawe ia mai ka hoike a ke komite no na lunakanawai o ka Aha Kiekie, aia wale no ma ke ano olelo hooholo e hiki ai.

NA HANA O KA LA.

Noonoo ana i ka Bila Haawina.

Hapai hou ia ka noonoo ana i ka itamu no na puali pualu $26, 254.34. Heluhelu ia ka hoike a ke Komite. Noi ia e kakau i na ae me na hoole no ka hoololi a ke Komite. Aponoia. He 20 kokua i ka hoololi i $20,000 hou, oia o Kipikona, Creigton, Kanoa, Kuihelani, Bush, Kaae, Parker, Kikaha, Keau, Lilikalani, Beka, Kaulia, Kaulukou, Pahia, Kaunamano, Nahale, Nahinu, Aholo, Kaukau, a me Kaai. He 11 hoole i ka hoololi, oia o Bihopa, Kauhi, Amara, Brown, Wight, Kakina, Paehaole, Aole a me Palohau. Hooholo ia ka haawina i $20,000 hou e huiia me $26,254.43, like me $46,254.34 no ke kuai ana i na pu a me poka no na puali pualu a me ka oihana o ke aupuni. Hoomaha ka Hale hora 12. Hora 1:30 lawa iho la na hoa a hoomaka iho la na hana. Hapai ia ka noonoo no ka uku i ka lunakanawai Hoomalu o Honolulu mai ka $6,000 a i ka $7,200 komo pu kona uku kaahele, hooholoia. Noonoo ia ka uku a ke Kiaaina o Oahu mai ka $4,000 a i ka $5,000, holo. Kiaaina o Maui mai ka $4,000 a i ka $3,600, hooholoia.

BUFO O KA HALE LEKA.

Uku Luna Leka Nui $8,000, holo.

Uku Hope Luna Leka $8,000, holo.

Uku Kakauolelo Hale Leka $26,000, holo.

Na Lawe Leka $28,000. Waihona Kikoo Dala Hale Leka $3,000, holo. Kela me keia o ka Hale Leka $16,000 holo. Hookaa ana i na aie kahiko o ka Hale Leka, $8,000, holo.

BUFO ANA AINA.

Uku Luna Ana Aina Nui $8,000, holo.

Hale Oihana Ana Aina $40, 000, holo.

HOOLAHA KUMAU.

FRANK GERTZ.

MEA KALEPA A LAWELAWE HANA MA NA ANO KAMAA A PAU NO NA Wahine, Kaikamahine, a me Kane.

Na Kamaa Batalo a me na Kamaa haahaa no na Keiki Kane a me na Kaikamahine.

THOMAS MULDOON.

Hale Inu Kope Pookela.

Pola Kope ma ke Pa Kupa UMI KENETA.

Ma ka Hale Inu rama Cosmopolitan Saloon, ma ke kihi o ke alanui Nuuanu me Hotele.

W. AHANA,

HELA HUMUHUMU LOLE.

Mea hanai na lole hou ma na ano maikai a pau a me na hoomaemae hou ana i na LOLE KAHIKO.

UA WEHE AE NEI O Y. ANIN HE HALE INU KOPE HELU EKAHI.

M NA KIHI O NA ALANUI Hotele a me Maunakea.

WILLIAM McCANDLESS.

HALEKUAI BIPI O WILIAMA MAKALENA ma Ulakoheo. Na ano Bipi a me na la a pau o ka makeke no na kumukuai oluolu. Uala Kahiki a pela'ku.

2092

JAMES DOWER.

Oia hoi o Kimo Kapiolani, ka ona mua o ka mokuahi Kapiolani. Ua makaukau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, Na Umili, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana. Honolulu. 2029

MRS. THOMA LACK,

HELU 8t, KE ALANUI PAPU.

MEA KUAI A LAWELAWE I NA

Kikiai Humuhumu, na Aahu, a nui wale aku. He agena kuai no na mikini White, New Home, Davis, Crown, McFlorence, Na Kui Mkikini o na ano a pau a Howard, Na pepa ana lole o na ano a pau,  ame kela keia mea.

NA LOPI MIKINI A KALAKA.

HE AGENA KUAI I NA

Pu Raifela, Pu Panapana, Pu ki manu, na Poka, Lu, Pauda, Kukaepele.

NA KAPUAHI AILA MAHU Mai ke nui a ka liilii.

Ma ka lawelawe nui ana o'u i ka hana lima akamai o ka oihana hana pu a pela aku, ua makaukau au  hooko kaulua ole i na kauoha a pau. O na kauoha mai na mokupuni e hooko keia. 2282

HOOLAHA KUMAU.

WILLIAM AULII.

Luna Hooiaio Palapala no ka Apana o Kona.

KEENA HANA: Ma ke Kaona.

PACIFIC HARDWARE COMPANY.

Mau Mea Kuai Lako Hao Alanui Papu, Honolulu.

WILDER & Co. (WAILA MA.)

Mea Kuai papa ma me na lako kukulu hale o na ano a pau, a me na mea pono a pau no ka hale. Kihi Alanui Moiwahine me Papu.

Laau Mai Lepera Helu 1

S. H. MEEKAPU.

E LOAA A E HOOUA IA NO MA

ke kauoha, ka laau Mai Lepera ma na wahi a pau ke loaa hemau hoike oiaio no ka mai Lepera, a ke hoouna mua mai i na leka o ka laau. E loaa pu no hoi me na Rula o ka inu ana.

Helu 1, Alanui Nuuanu. Honolulu.

2086-1yr

KE KAUKA IAPANA

Mr. M. Goto.

He Kauka no ka mai lepera, na mai e pili ana i ka ili o ke kanaka, ka mai kaokao

etc. etc. etc.

KEENA OIHANA LAPAAU. Aia ma ke kihi o Alanui Beritania a me Puowaina. NA HOKA HANA.

H. HACKFIELD & CO.

Mea Kalepa Nui, a Kuai Kukaa i na Waiwai Lole,  a me na Mea Hao.

A HE MEA

KALEPA WAIWAI NUI

kihi Alanui Papu me Moiwahine. Honolulu, Hawaii. 2082-1yr.

HALEKUAI HOU

ME NA LOLE HOU!!

KA HALEKUAI MAKEPONO LOA

keia o neia Kualanakauhale me na maikai loa no na loa ma ke kihi o na Alanui Papu me Kalepa.

Na Lole ma na ano apau no na

Keonimana me Keikikane.

Na Lole komo, Na Papale, Papalekapu, Na Pahu waiho Lole, Na Pauku Ili, a pela aku.

He mau waiwai i lawe pololei ia mai no keia wahi, a i wae pono ia no hoi i kaulike me ka makemake o na makamaka Hawaii.

Ka Hale Kuai keia o ke Kanaka Hiluhilu. He mea e lawa ai ka makemake o ka poe o kahi loaa.

O KO MAKOU MAKIA.

E OLA KE KANAKA ILIHUNE.

E hele mai a e nana poo, i ike a pau kuhihewa.

EGAN & CO.

2092-1yr

PAPA! PAPA!

AIA MA KAHI

LEWERS & COOKE.

(O LUI MA)

ma ke kahua kahiko ma alanui Papu a me Moi.

E loaa ai

PAPA NOUAIKI o kela me keia ano

Na Pani Puka, Na Puka Aniani, Na Olepelepe, Na Pou, Na O'a, Na Papa Hale, Na Papa Ku, A me na Papa Moe nui loa.

Na Pili o na Hale o na Ano a Pau.

Na Pepa Hoonaninani, Na Pena o na Wai a pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aile e ae o na ano a pau.

NA WAI VANIKI

A ME NA WAIHOOHINUHINU NANI

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

NO KA

UKU HAAHAA LOA.

E like me ka mea e holo ana mawaena LAUA a me ka MEA KUAI.

HELE MAI E WAE NO OUKOU.

HOOLAHA KUMAU.

Kakela a me Kuke

HALEKUAI NUI O NA WAIWAI.

E laa na pahiohio, koi hole, hamale, koi nui a me liilii, kila, wili puaa, rula, apuapu, kui o na ano a pau, kala kaa, hao hoopaa puka, pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, oepa ka lakala, lina hao, ami, keehi a me KAULA OPU.

Palau o na ano a pau, Oo, ho, kopala, pe, kipikua, hao kope, au hoa pea aku, kua bipi, lei bipi, kaula hao bipi, uwea pa, uwea keleawe, hao pila, piula, kaa palala, ipuhao, ipu.

PA-PALAI MAKAU ME KE AHO.

Iliwai, papa holoi, kopa ala, kaula kuaina, hu'akai, ehi wawae, hulu pena, a pela aku. Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

PENA HOOMALOO

a me aniani hale

AILA MAHU, AILA MKINI, AILA HAMO, AILA KAA, INIKA KAMAA.

PAUDA, KUKAEPELE, KIANA PAUDA, UIKIIPUKUKUI O NA ANO HE NUI A LEHULEHU.

LOLE MAKEPONO.

Loaa na AHINAHINA, KALAKOA, KEOKEO, LEPONALO, HULUMANU, UWE WAHINE, KUI HUMUHUMU, A MKE KA LOPI.

Ke Kuike a loaa no ia ma kahi o Kakela & Kuke!

NA MEA PIULA

Mikini Humuhumu Mikini a WHEELER a me WILSON.

MIKINI WILCOX ME GIBBS NA MIKINI A REMINGTON.

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike.

Laau Lapaau I Kaulana Lc. A DR. JAYNE.

LAAU HOOMAEMAE KOKO

LAAU HOOPAU NAIO, LAAU KUNU, PENIKILA, HUAALE PAAKAI, LAAUI HOOPAA HI. Me na Laau Hamo a Pela aku Kakela me Kuke.