Ka Nupepa Kuokoa, Volume XXV, Number 45, 6 November 1886 — Page 4
| This text was transcribed by: | Judy Tagami |
| This work is dedicated to: | Thelma Keala Lum (Purple Aunty) |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki.............................................................................$2.00
No Eono Mahina..............................................................................1.00
-----------KUIKE KA RULA.--------------
Po@ono........................ ..........Novemaba 6, 1886.
Haawina Kula Sabati.
Haawina VIII.
Nov. 21 Hele ana ma ka malamalama 1 Io 1:5 - 0. 2: 1-6
Eia mai no ka olelo a makou i lohe ai iaia, a ke hai aku nei no hoi makou ia oukou; he malamalama ke Akua, aole pouli iki iloko ona.
6 Ina e olelo kakou, ua aloha pu kakou me ia, a hele hoi ma ka pouli, ua wahahee kakou, aole kakou i hana ma ka oiaio.
7 Aka, ina i hele kakou ma ka malamalama e like me ia e noho la ma ka malamalama, alaila, ua aloha pu kakou i kekahi i kekahi; a na ke koko o Iesu Kristo o kana Keiki, e huikala mai ia kakou i ko kakou hewa a pau.
8 Ina e olelo kakou, aole o kakou hewa, ua kuhihewa kakou, aole he oiaio iloko o kakou.
9 Ina e hai aku kakou i ko kakou hewa, he oiaio i@ai no ke Akua a he lokomaikai i ke kala mai i ko kakou hewa, a i ka hoomaemae mai ia kakou mai na mea pono ole a pau.
-----------------
E AU poe keiki aloha, ke palapala aku nei au i keia mau mea ia oukou, i ole ai oukou e hana hewa aka, ina e lawehala kekahi, aia no ko kakou mea nana e uwao me ka Makua, o Iesu Kristo ka mea pono.
2 Oia no ke kalahala no ko kakou hewa, aole nae no ko kakou wale no, aka, no ko ke ao nei a pau.
3 Eia ka mea e maopopo ai ia kakou ko kakou ike ana ia ia, ina e malama aku ana kakou i kana @hau kauoha;
4 O ka mea e olelo ana, ua ike no au ia ia, a malama ole oia i kana mau kauoha, he mea wahahee ia, aole he oiaio iloko ona.
5 Aka, o ka mea e malama ana i kana olelo, ua hemolele ke aloha o ke Akua iloko ona. Ma ia mea e ike ai kakou, eia no kakou iloko ona.
6 O ka mea e olelo ana, ke noho nei oia iloko ona, he mea pono nona ke hele e like me ko ia la hele ana.
Pauku Gula. Ina i hele kakou ma ka malamalama e like me ia e noho la ma ka malamalama, alaila, ua aloha @u kakou kekahi i kekahi, a na ke koko o Iesu Kristo o kana keiki e huikala mai ia kakou i ko kakou hewa a pau. Io. 1: 7.
Manao nui. Pomaikai ka poe e hele ana ma ka malamalama o ke Akua:
NA HELUHELU LA.
Poakahi. 1 Io. 1:1 -- 10.
Poalua. 1 Io. 2:1 -- 29.
Poakolu. 1 Io. 3:1 -- 24.
Poaha. 1 Io. 4:1 -- 21.
Poalima. 1 Io. 5:1 -- 21.
Poaono. 2 Io. 1:1 -- 13.
Sabati. 3 Io. :11 -- 14.
Mele. Iesu no kuu Haku. H. A. N. 236. Pule.
NA NINAU,
Mahea ka haawina o keia la? Nawai i kakau i keia episetole? He haumana anei o Ioane na Iesu? Owai kona mau makua? Owai kona hoahanau? I kona wa ui anei ke kakau ana, i ka wa elemakule paha? Ua elemakula oia. Mahea ke kakau ia ana? Ma Epeso, wahi a na moolelo kahiko. Ia wai ke kakau ia ana? I na ekalesia o na aina e.
Ua ike maka pinepine anei o Ioane ia Iesu? He mau makahiki anei ka hele pu ana me ia? No keaha kona ake ana e hoike i keia mau mea ia hai? 1 Io. 1:3. 4. Heaha ka olelo a lakou i lohe ai mai ia Iesu mai? p. 5, Io. 1:4. 9. 8: 12.
Owai ka malamalama? Loaa anei kau wahi pouli iloko ona? He naaupo anei? he make anei? He mea nui anei ka malamalama? Aole anei he hoailona kupono loa keia no ke Akua? He olinolino a nani anei ka malamalama? Ua komo anei mao maanei, ma na wahi a pau?
Aole anei oia ke kumu o ke ola o na mea a pau? Nona mai ka nani o na pua, ka ono o na hua, ka mehana, he mana no hoi, a he mea hoohauoli. Ulu pono anei na mea kanu ke ole ka malamalama? Ola anei kekahi iloko o ka pouli?
O ke Akua ka malamalama o ka naau. He mea pohihihi anei iaia? Aole anei nona mai ka ike a pau? Oia anei ke ala no kakou? Aole anei o ke Akua ka malamalama no ka Uhane?
Launa anei ka pouli me ka malamalama? Heaha ka Ioane olelo no ka poe i kapaia he hoahanau, a e hoomau ana ma ka hewa? p. 6. Hiki anei e launa me ke Akua a noho ma ka hewa?
Ina hele ma ke malamalama pehea kakou? p. 7. Ina lokahi ka manao, a lawelawe pu ma na hana, e hauoli pu ana, a e kaumaha pu ana, aole anei e aloha kekahi i kekahi? Aole anei e hoomaopopo ana i ke aloha hoahanau.
Heaha kana e huikala mai ia ka kou? Aole anei he nui ko Iesu aloha, i makaukau oia e make i ola kakou? Ua huikalaia anei na mea a pau? Ke ole mihi, loaa anei i keia pomaikai? Kala ole ia na hewa no ka mihi ole, ea? Ake no o Iesu e hoola i na mea a pau, (2 Pet. 3:9) manao paha kekahi poe he ola ma kauwahi e ae. Kuhihewa lakou: hookahi kumukuai. Oih. 20: 28.
Heaha ka Pauku Gula? Owai ka poe hoopunipuni ia lakou iho? p. 8. He oiaio anei iloko o ka mea e olelo ana, aole ona hewa? Puni anei ke Akua i kekahi?
Pehea la e like ole ai ke Kristiano me ka hoomaloka? Mihi anei ka hoomaloka? Ina hana hewa ka haipule, aole anei e mihi ana oia? Ua kala ia anei kona hewa? Kala ia anei ka hewa o ka mea mihi ole?
Aole anei he naau hou, he ano hou ka haipule, a e paio mau ana me ka hewa a lanakila? Haule anei ka haipule iloko o ka hewa? @Makemake anei oia i ka hewa? Aole anei e inaina ana i ka hewa, e paio mau aku ana, e pule mau ana i lanakila maluna o ia enemi?
Pehea hoi ka mea i ano hou ole ai; aole anei e noho ana me ka hoomanao ole i ke Akua, a komo aku no iloko o na hewa? Ina e mihi ana no na hewa, pehea o Iesu? p. 9. Ina aole i hewa kanaka, ua make anei o Iesu? Ua pono anei i kekahi e olelo aole kakou i hewa? p. 10. He hoopunipuni anei iloko o ke Akua? He wahahee anei kekahi o kana mau olelo?
No keaha ka Ioane kakau ana i keia mau mea? 1 Io. 2: 1. Owai ka uwao? O Iesu ke kalahala no wai? He ola e ae anei? Ina o Iesu ke kalahala hookahi, aole anei e hoolaha nui ia ka Euanelio ma na kihi a pau o ka honua nei i lohe kanaka no Iesu ka Hoola?
Pehea e maopopo ai ina ua ike ka kou ia Iesu? p. 3. Pehea ka mea e olelo ana ua ike ia Iesu, aole nae i malama i kana mau kauoha? p. 4. Aole anei e maopopo ana i ke ano o ko loko o ka naau, ma na olelo i hoopukaia, a ma na mea i hanaia? Mat. 7: 16-20.
Heaha ka Ioane olelo hou p. 5, 6. Heaha ke kauoha hou i haawiia e Iesu? Io. 15:12. Heaha ke kauoha a Ioane i hoopuka pinepine ai? Io. 3:11. 4:7. Aole anei i piha keia mau episetole i ke aloha? Aole anei he aloha ke Akua?
Mele. Hoku ao nani. H. A. N. 11.
___________________
MOOLELO O KA AHAHUI EUANELIO O KA MOKUPUNI OAHU.
___________________
Ua waiho mai ua komite la i ka lakou olelo hooholo imua o keia aha, ua apono keia aha i ka olelo hooholo a ia komite.
Nolaila, ua hooili ia no keia hana e ka ahahui maluna no o ia komite e hele i ka ekalesia o Kaneohe, e halawai pu ai me lakou, no keia mau kumu :
1 No ka hooponopono ana me lakou, ma na hoike elua, o ka haiolelo a me ka elele a ka ekalesia mai, ua manao ia e hele ke komite e ike i ka oiaio o ia mau hoike a me ka pololei.
2 O ka lawe ana i ka olelo hooholo a keia aha e hoike aku imua o ia ekalesia o Kaneohe.
Nolaila hoi, ua hele ko oukou komite e lawelawe i ka hana i haawi ia mai ma ko lakou lima. Ua lawelawe kahi lala o ia komite, ua nana pono ko oukou komite no ia hana nui ma na aoao elua, ua ike pono i na mea i hana ia ma ia la iwaena o ka ekalesia o Kaneohe.
Ua hele aku ko oukou komite me ka mana o ka aha e hoakaka aku i ka olelo hooholo a keia aha. Aohe mea, a mau mea, a ka hapa nui o ia ekalesia ma ia la, a maliu mai la hoi, a ku malie iho no hoi, akakuu iho, a hoolohe mai la hoi, a loaa mai ka naau haahaa, me ke akaha@, iloko o na heahanau ma ia la.
Nolaila, eia ka ninau a ko oukou komite, “O ka poe a pau e makemake ana e hoomau ia @o Kolobabela. E like me ka olelo hooholo a ka aha, a hiki i ka halawai ana i ka malama o Okatoba, kau na lima iluna, emi iho la ilalo. O ka poe hoi ma ka hoole e kau mai na lima iluna, ua kau like mai la na lima a pau iluna.
Nolaila. Ua hooholo aku ko oukou komite, e like me ka makemake o ka ekalesia o Kaneohe, e hookuu ia Kolobabela mai ia ekalesia aku, ko kakou hoa paahana, me ka naau aloha nae me ke kaumaha pu.
J. N. PAIKULI. -- Ko oukou komite.
Noi mai o Kekahuna, e lawe a kamailio; ae ia; ma ke @oi a Waiwaiole, e apono loa i ka hoike a ke komite,
Hooholoia -- Ua lohe keia aha me ka minamina nui i ke poho loa o ko lakou manao i hooholo ai e pili ana i ka hihia ma@ena o ka ekalesia o Kaneohe, a me ko lakou haiolelo. Ke paipai nei keia aha e imi koke ka ekalesia o Kaneohe i haiolelo kupono no ko kakou kihapai.
Hoike mai o Waiwaiole, ke komite o ka ekalesia o Kaneohe, ua malama ua malama oia i na ahaaina elua, a ua uku ia mai oia i na dala he umi.
Ua hoike mai o Paikuli ke Komite.
Ka ekalesia o Hauula & Kahana, ua malama oia i ka ahaaina ma ia ekalesia.
Kumuhana 4 Na palapala hoopii.
Helehelu mai o Paaluhi, he palapala hoopii no Kahuku a no Hauula & Kahana.
Hooholo ka aha e lawe a kamailio, a mahope iho, ua waiho ia ma ka lima o kahi komite.
Ka palapala hoopii o Kahuku.
Hyde, Waiamau, Kekahuna.
No ka palapala hoopii o Hauula, me Kahana hooholo ka aha, e waiho ma ka lima o ke komite o na palapala hoopii.
Hapai ka aha i na mea e pili ana i ko J. Manuela inoa Rev.
Hooholo ka aha, e waiho ma ka lima o kahi komite, Hyde, Paikuli a me Waiwaiole.
E hoomau aku i na komite o na ekalesia kahu ole. Timoteo no kahuku, Paikuli ko Hauula, Waiwaiole ko Kaneohe.
Kumuhana 6 Ke ola o na kahu, hooholo ka aha, e waiho ma ka lima o kahi komite, Hyde, Kekahuna, Hale.
Kumuhana 7 Na hale kahu Ua hoike mai o Timoteo ke komite o na hala kahu. Ua hui no oia me na kahu a me na luna ekalesia, aia a makaukau, alaila, hoike aku.
Kumuhana 8 Na oihana kuwaho. Hoike waha mai o Hyde, no keia kumuhana.
Kumuhana 9 Ke kula kahunapule. Hoike waha mai o Hyde, no ke kula kahunapule.
Heluhelu mai o Waiamau--Ke komite o ka palapala hoopii o Hauula, & Kahana.
Ua noonoo ke komite i ke ano a me ka manao o keia palapala, me ka ike ana i ke ano pololei a me ke kupono. Ua hoapono ia hoi ka nonoi o keia palapala, nolaila ke waiho mai nei ke komite i keia olelo hooholo.
Hooholoia--Ke hoapono nei keia aha ia S. Kapu, e lawelawe ia i ka oihana haiolelo no ka ekalesia o Hauula me Kahana mamuli o ka manao o ko lakou palapala hoopii; nolaila, e hookaawale ia ka hora 10 A. M. o ka la apopo; e ninaninau ia kona makaukau i ka oihana haiolelo, a na ka luna hoohoomalu e alakai.
C. M. HYDE. )
J. WAIAMAU. ) KOMITE.
J. KEKAHUNA.)
Hoapono ka aha i ka hoike a ke komite.
Heluhelu mai o Waiamau, ke komite o ka palapala hoopii o Kahuku.
Ua noonoo ke komite i keia paladala, a hoike aku i ko lakou mahalo i ka nui o ka hana maikai a J. Samoa, a me ka makaukau eleu o ko Kahuku ma ka lawelawe pu ana i ka hana a ka Haku.
Aka hoi ke noho nei o J. Samoa, he haumana o ke kula kahunapule, hookahi makahiki wale no kona kula ana; he@mau haawina ao he nui loa mamua o ka hoopau ana i kona mau hemahema. Nolaila, ke paipai aku nei keia aha i ka ekalesia o Kahuku, e hoomanawanui a hoomau ae i ko lakou mau hana maikai. He nui ka wa i koe mamua o ka wa kupono no keia haumana e hookuu ia mai ke kula aku. E hiki ana paha i keia haumana ke kokua i ua kihapai la i mau Sabati paha me ka haalele @le ana i na haawina ao o ke kula kahunapule.
C. M. HYDE. ) KOMITE.
J. KEKAHUNA. )
Hoapono ka aha i ka hoike a ke komite.
@a hana 2 Poaha Oct. 7.
Halawai ka aha i ka hora i hoopanee ia. Nawaa ma ka noho.
Malama ia ka hapalua hora haipule, heluhelu ia ka moolelo o ka la hana mua--aponoia.
Ninau ka aha i ko S. Kapu makaukau no ka oihana haiolelo, ma ke alakai ana a ka lunahoomalu.
Mahope o ka ninau ana a ka aha; ua hooholoia. E haawi aku ka lunahoomalu, a me ke kakauolelo i palapala haiolelo no Samuela Kapu. no hookahi makahiki. Heluhelu mai o Waiawaiole.
Pa@eka i ka hoike o ko laua ekalesia.
Kumuhana 10 kula kaikamahiae o Kawaiahao. Hoike mai o Hyde no ke kula kaikamahine o Kawaiahao.
Heluhelu mai o Hyde ke komite no ko J. Manuela inoa Rev.
Hoike a ke komite e pili ana i ko Manuela hapai hou ana i ka oihana haiolelo.
Ua kukakuka pu ke komite me keia hoahanau, a moakaka kona noho haipule ana me ka imi nui e lilo i kokua ma ka hooholo ana i ka hana a ka Haku. Ua ninaninau ia oia e pili ana i na olelo hoino i wawa mua ia, e pili ana i kona inoa maikai .as eohoike ia kekahi kumu kupono no ka hoole mau ana i kona lawelawe pu ana i ka hana a ka Haku ma ka oihana haiolelo.
Nolaila, ke ho@pono nei keia ahahui ia Manuela a e haawi aku i palapala haiolelo no ka makahiki hookahi e hapai i keia hana @aa, a pau ka makahiki e noonoo hou ai ka aha i ka pono a me ka pono ole paha o ka hoomau ana i keia hana.
C. M. HYDE. )
J. KEKAHUNA. ) KOMITE.
S. WAIWAIOLE. )
Lawe ka aha a noonoo i ka hoike a ke komite, ma ke noi a Timoteo e hoapono aku nei keia aha, a e haawi aku ka lunahoomalu, a me ke kakauolelo, he palapala haiolelo no J. Manuela, no hookahi makahiki.
Noi mai ka ahahui, e hapai ia ka heluhelu haawina.
Heluhelu mai o Timoteo, i kona haawina, “no ka hooomanamana.”
Hoopanee keia aha a hui hou i ka hora 7 A. M. o ka la apop@.
Pule o Waiamau.
La hana 3, Poalima, Oct. S.
Halawai ka aha i ka hora i hoopanee ia. Nawaa ma ka noho.
Malama ia ka hapalua hora haipule. Heluhelu ia ka moolelo a aponoia.
Heluhelu mai o Kauka Hai, i kona haawina, “e wehewehe i ka buke o Ioba.”
Hooholo ka aha, e hoolaha ia kumumanao ma ka nupepa.
Kumuhana 11 Na ahahui imi pono; hooholoia.
Ke hoapono nei keia ahahui i ke kukulu ana i mau ahahui Kristiano ma kela a me keia kihapai. Lana ka manao, e malama ia he halawai hui o keia mau ahahui o ka poe opiopio ma ke ahiahi Poaha, i ka pule e halawai hou ai keia aha.
Kumuhana 12 Ka heluhelu Baibala.
I ka manao o keia aha he mea pono e hoolaha@ ia ka heluhelu Baibala, mawaena o na ekalesia; hooholoia.
Ke paipai ikaika ia aku nei na ekalesia hui ia o keia aha; e heluhelu nui i ka palapala Hemolele.
Heluhelu mai o Kauka Hai, ke komite no “ke ola o na kahu.”
Hoike a ke komite e pili ana i ke ola o na kahu ekal
Ua noonoo pono ke komite i keia kumuhan ame ke kuleana nui ma ka hooholo pu ana i ke aupuni o ka Haku ma keia pae aina.
He mea nui i keia wa ka ae wale ana o ko kakou mau ekalesia e noho aie. Ua papa loa o Paulo i keia ano noho, a hoole hoi ka poe noonoo pono i keia noho kauwa ana i Mamona, oia no ka mana o na dala.
Nolaila, ke paipai nei keia aha e hooko loa na ekalesia i ko lakou mau olelo ae like me na kahu. Ina aole e hiki i na kanaka ke paulele i ka hana maikai o na hoahanau manaoio,, pehea e hiki ai i ke Akua ke hoapono ia lakou? Ma ka papa kuhikuhi i pakui ia e keia palapala hoike, ua moakaka loa ina paha e hoolako ana kekahi ekalesia i na haawina manawalea, pela no hoi, e hoomakaukau lakou i na dala i ae ai no ke ola kahu. Eia kekahi he uuku loa na dala i haawi pakahi ia e na hoahanau no ke ola kahu. Oi-pakolu a palima paha ka ekalesia o Waialua mamua o na ekalesia e ae. Ina paha e hiki ana i hookahi ekalesia ke hana nui e like me ko Waialua, pela no ka hiki i na mea e ae. Nolaila, ke paipai nei keia aha i na ekalesia a pau e manao i na mea nui a hooholo pono i keia hana kupono. He pono no ke lawelawe na Puuku i keia hana me ka eleu a me ke akamai.
Ina paha e mahele ia ana ka nui o na dala iwaena o na apana, a hookohu ia kekahi luna koho ma kela a me keia apana, he pono no ke hooholo i ka hana ma kela a me keia mahina. E pono no hoi e hookaa aku i na dala a pau loa, i mea e pau loa ai ka aie, pau ka mahina, pau ka makahiki.
Eia kekahi, ma kekahi mau ekalesia ua lawelawe ia hookahi lulu dala ma kela a me keia mahina, a na ka aha ekalesia e puunaue ai i na dala e like me kekahi olelo hooholo. He kupono paha keia ano hana ina paha e hoomau ia ka hapa kupono o na haawina manawalea i ka Papa Hawaii, a me na waihona e ae.
Eia kekahi, he pono no ke noi aku keia aha i ka Papa Hawaii, e hoomakaukau i kauwahi palapala liilii e pili ana i keia kumuhana. “Ke ola o na Kahu,” i mea e hoonaauao ai i na ekalesia e pili ana i keia haawina pono.
C. M. HYDE. )
A. O. POLEPE. ) KOMITE.
J. WAIAMAU.)
Kohoia o Kauka Hai, Polepe, Waiamau, i komite paipai i na ekalesia o keia aha no ke ola o na kahu.
Hoopanee keia aha, a noho hou i ka hora 1 1/2 P. M. Pule o Waiamau.
Kumuhana 13 Na Misiona kuloko.
Hooholo ka aha, e uku ia ke kahunapule Pukiki 300.00, ka uku no ka makahiki hookahi, no ka hoolaha ana i ka olelo a ke Akua iwaena o na Pukiki.
A na ke kakauolelo e hoouna aku imua o ka “Papa Hawaii.” E hoike aku i ka manao a keia aha i hooholo ai. No na mea e pili ana i ka “Misiona Kuloko.”
Heluhelu mai o Waiwaiole he olelo hooholo@ e pono e noonoo hou ia e keia aha ka pono o J. Manuela no ka lawelawe ana i ka oihana haiolelo mai keia aha aku, ua wawaia kekahi mau keakea e pili ana iaia, nolaila au e paipai hou aku nei i nana keia aha no keia keakea e pili ana ia J. Manuela, i keia wa.
E waiho i keia olelo hooholo ma ka lima o kekahi komite, apono ka aha.
J WAIAMAU, S. PAALUHI, NAWAA.
Kumuhana 15 Ka Opiuma
Ua ike maopopo ia, he mea ino loa a he kumu hoopoino nui ka opiuma i ke ola, ka noonoo, ke kino, ka waiwai, a me na pomaikai he nui o ke kanaka. Ka Lahuikanaka a me ke aupuni, e ai ana, e inu ana, a e puhi ana, a me ka hoolaha akea ana i ka opiuma; a he moonihoawa nui e hoohiolo ana i ka noho pono ana, e wawahi@ana i ka maluhia, a me ka noho maemae ana o ke kanaka, a o ka lahuikanaka paha?
E hoopau ana i ka ikaika, a e alakai pio ana i ka lehulehu e lawelawe ana ia hana iloko o ka luakupapau.
He kumu nui ia e koi mai ana i ka ahaolelo e hoomahuahua ae i na haawina no na kanaka lapaau. No ka hoakea ana i na kahua, a kukulu hou i na hale mai pupule. Hoonui ae a hoakea aku i na pa “ilina kupapau.” Nolaila, ua hooholoia.
Akahi Me ka minamina nui a me ke aloha nui i ka lahui, ke aupuni, a me ka noho alii.
Ke hoike nei keia aha, i ko lakou manao kue loa, a kue mau, i ka hoolaha akea ana i ka opiuma iwaena o keia lahuikanaka.
Alua Ke noi aku nei keia aha i ka Noho alii, a me ka ahaolelo kau kanawai o ke aupuni, e hoole loa aku i ke kanawai e laikini ana i ka opiuma a e hoomau aku i na kanawai e ku nei i keia manawa.
Akolu Ke paipai ikaika aku nei keia aha i kona mau lala, na ekalesia, a me ka poe aloha ia Hawaii, e hoonaauao aku a e hoomalamalama aku i ka lahuikanaka i na ino, a me na poino he lehulehu i hoea mai no loko o ka opiuma, a e hoopale loa aku i ke komo ana mai iwaena o lakou.
Aha Ke pule nei makou i hookaawale loa ia aku, ke komo ana mai o keia moohueloawa o ka make iloko o Hawaii nei. Amene.
J. WAIAMAU. )
J. KEKAHUNA. ) KOMITE.
J. N. PAIKULI )
Kohoia o Waiamau, Paikuli, Kekahuna i komite.
A e waihio aku imua o ka ahaolelo, a o kekahi e hoolaha aku ma ka nupepa. Me ke kakau inoa ana o na lala o keia aha.
Kumuhana 16 Ka hoomana Poaono.
Ua kamailio ka aha, aole mea i hooholoia. -- 17 Kahi e halawai hou ai keia aha.
E halawai hou ana keia aha ma Kaumakapili, i ka Poakolu mua o Aperila makahiki 1887.
Heluhelu ia e ke komite imi haawina.
1 “O ka babetizo a ana a Ioane ia Iesu ma ka muliwai o Ioredane. Ua hooluu ia anei me kona kino iloko o ka wai, a i ole. Ua pipi ia paha ma ke poo?”
C. M. KAUKA HAI
2 Heaha na hana pono a ke kahunapule iwaena o kona ekalesia ina ua aie lakou iaia?
E. S. TIMOTEO.
3 Na ouli o ka hopena o ka ke Diabolo hana. A. O. POLEPE.
4 Ka pili ana o ko ke aupuni mana i na hana ekalesia. H. H. PALEKA.
5. Ka pili ana o ka oihana kahu waiwai, i ko kakou mau hana ekalesia.
J. WAIAMAU.
6 E wehewehe ia Ioane 1:17.
PAALUHI.
7 Ko ke Kahu Ekalesia kuleana i kona Aha Luna. S. P: K. NAW@A.
8 Na kumu keakea ano nui i ka pono iwaena o keia lahui. J. KEKAHUNA.
9 E wehewehe ia I Pet. 3:13, EKALESIA O KAHUKU.
10 E wehewehe ia Timoteo 2:5. EKALESIA O HAUULA & KAHANA.
11 Ke ano kupono o ka heluhelu ana i ka Baibala.
J. N. PAIKULI.
12 Pehea e hoonui ai i ke kuleana o na hoahanau, ma na hana o na halawai haipule o na la noa?
EKALESIA O KANEOHE.
13 Ke kuleana o na Ekalesia ma na kula hoonaauuao o keia aupuni.
S. WAIWAIOLE.
14 I moolelo o ka lanakila ana o ka pono ma na aina a pau, ma ka @apalua makahiki.
KULA KAHUNAPULE.
PAIKULI. )
KEKAHUNA. ) KOMITE
KONE. )
Hoapono ka Aha.
Ke mahalo aku nei keia aha, i ka ekalesia o Kaumakapili, i ko lakou malama maikai ana mai i na lala o keia aha, ma na mea e oluolu ai na kino, i na la hana ekolu.
Heluhelu ia ka moolelo a hoaponoia.
Hookuu ia keia halawai me ka pule a ka lunahoomalu.
S. PAALUHI.
Kakauolelo.
HOOLAHA KUMAU.
PACIFIC HARDWARE COMPANY
-----
Na hope o Dilinahama Ma.
Mau Mea Kuai Lako Hao Alanui Papu, Honolulu.
WILDER & CO. (WAILA MA.)
Mea kuai papa a me na l@k@ kukulu hele ma ano a pau, a me na @e @e pon@ a pau ma ka hale.
Kihi Alanui Moiwahio_ me Papu. 11.
JAMES DOWER.
Oia hoi o Kimo Kapiolani, ka ona mua o ka mokuahi Kapiolani. Ua makaukau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana. Honolulu. 2029
UA WEHE AE NEI O
Y. ANIN
--HF.--
HALE INU KOPE
HELU EKAHI.
MA NA KIHI O NA ALANUI
HOTELE A ME MAUNAKEA.
2090 - 3m
--------------------------------------------
H. HACKFELD & CO
Mea Kalepa Nui, a Kuai Kukaa i na
Waiwai Lole, a me na Mea Hao
A HE MEA
KALEPA WAIWAI NUI
Kihi Alanui Papu me Moiwahine
HONOLULU, H. I. 2082 - 1 yr
HALEKUAI HOU
--ME NA--
LOLE HOU!!
-----
KA HALEKUAI MAKEPONO LOA keia o neia Kulanakauhale me ka mai kai loa no na lole ma ke kihi o na
Alanui Papu me Kalepa,
Na Lole o na ano a pau no na
Keonimana me Keikikane.
Na Lole komo,
Na Papale,
Papalekapu,
Na Pahu waiho Lole,
Na Paiki Ili,
a pela aku.
He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.
Ka Hale Kuai keia o ke Kanaka Ilihune. He mea e lawa ai ka makemake o ka poe uuku o kahi loaa.
O KO MAKOU MAKIA,
E OLA KE KANAKA ILIHUNE
E hele mai a e nana pono, i ike a pau kuhihewa.
EGAN & CO.
2092-1y
PAPA! PAPA!
AIA MA KAHI
LEWERS & COOKE.
(O LUI MA)
-----
ma ke kahua kahiko ma alanui Pa@@ a @ Moi.
E loaa ai
PAPA NOUAIKI
o kela a me keia ano
-----
Na Pani Puka, Na Puka Aniani, Na Olepelepe,
Na Pou, Na O-a, Na Papa Hele, Na Papu
Ku. A me na Paoa Mo@ nui loa
-----
Na Pili o na Hale o na Ano a Pau
-----
Na Pepa Hoonani, Na Pena o na Wai e pau
Na Kui mai ke Nui a ka Makalii, Na Ami
Puka, na Ami Puka Aniaei, Na Ami
o na ano a pau, Na Aila Pena, o
kela me keia ano Na Aila Hoo
maloo, he lehulehu wale,
Na Aila e ae o na
ano a pau.
-----
NA WAI VANIKI
--A ME NA--
WAI HOOHINUHINU NANI @
O NA ANO A PAU IOA.
NA BALAKI ANO NUI WALE.
A ke hai ia aku nei ka lono i na Makamaka a
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
--NO KA--
UKU HAAHAA LOA.
-----
E likeme kamea e @olo ana mawaena
LAUA a me ka MEA KUAI.
HELE MAI E WAE NO OUKOU
HOOLAHA KUMAU.
Kakela a me Kuke
HALEKUAI NUI O NA WAIWAI.
E laa na pahiolo, koi hole,
hamale, koi nui a me liilii, kila,
wili puaa, rula, apuapu, kui o na ano
a pau. kala kaa, hao hoopaa puka
pohaku hoana, kepa, lei ilio, kau-
la hao ilio, pahi, upa, pahi umiumi,
kalapu, kope hulu, pulupulu, o@pa ka
lakala, lina hao, ami, keehi, a me
-----KAULA OPU-----
Palau o na ano a pau,
Oo, ho, kopala, pe, kipi-
kua, hao kope, au ho a pe
a aku, kua bipi, lei bi-
pi, kaula hao bipi, uwea
pa, uwea keleawe, hao @ili
piula, kaa palala, ipuhao, ipu @
PA-PALAI MAKAU ME KE AHO
-----
Ili wai, papa holoi, kopa ala, kaula
@uaina, hu’akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi-
kuhi, pena keokeo, aila
pena, aila hoomaloo,
vaniki kaa, a me
vaniki moe,
PENA HOOMALOO
--a me aniani hale--
AILA MAHU, AILA MIKINI, AILA HAMO
AILA KAA, INIKA KAMAA.
PAUDA, KUKAEPELE, KIANA
PAUDA, UIKI IPUKUKUI O NA
ANO HE NUI A LEHULEHU
-----
LOLE MAKEPONO
--E aa na--
AHINAHINA, KALAKOA, KEOKEO, LEPONALO, HULUMAN@ UWE WAHINE, KUI HUMUHU MU, A ME KA LOPI.
Ke Kuike e loaa no la ma kuhi o
Kakela & Kuke!
-----
NA MEA PIULA
-----
Mikini Humuhumu
Makini a WHEELER a me WILSON
MIKINI W@LOX ME GIBBS
NA MIKINI A
--REMINGTON--
He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike.
-----
Laau Lapaau Kaulana Lo
A DR. JAYNE .
LAAU HOOMAEMAE KOKO
LAAU HOOPAU NAIO, LAI O
KUNU, PENIKILA, HUAALE
PAAKAI, LAAU HOOPAA HI,
@e na Laau Hamo a Pela ‘ku.
Kakela me Kuk@