Ka Nupepa Kuokoa, Volume XXV, Number 47, 20 November 1886 — Na Hunahuna o na Aina e. [ARTICLE]

Na Hunahuna o na Aina e.

Ke mau la ka laha ana o ka mai kolela ma Italia, a ke pahola la maluna o na koa iloko o kekahi papu ma Milana. He haahaa loa ka uku no na kauwa ma Inia, a e loaa ana iloko o kela a me keia ohana he eono poe kauwa ma ka averiga. Iloko ona mahina ewalu i hala aku nei o keia makahiki, he 150 poe koa o na pualikoa Geremania 1 lawe ponoi ae i ko lakou mau ola. He oia mau ka nawaliwali o ka Emepera Wilama o Geremania i keia wa, a ke hoouna ia la oia mao a maanei e kona mau kauka no kahi e loaa ai na ea oluolu kupono rfo kona ola kino. Ke kauoha la ke aupuni o Geremania e hoonaauao ia na alii koa a pau o kona mau puali kaua me ka īke olelo ma na uwea telegapa. He ano e kona lawelawe ana mai ko ka telepone. Nolaila ke ao nei he mau haneri o ia poe. Ke hooikaika nei o Enelani e hoomau ia ka maluhia 0 kona mau pono ma Aigupita, a aole hoi e ka-i ae ana kona mau kapuai wawae mai ia wahi mai ke hoea mai he*mau lono o ke kaua a kipi paha. He mau hoe waapa ka Hanalana e ao mai nei ma Enelani, a ua heihei nui mai nei me kekahi mau hui heihei waapa ma ka muliwai 'lamesi, a na kona mau hoe waapa no ka eo. Ua manao no hoi oia e waiho loa i kana hana hoehoe waapa, a c noho eai i kana loaa 0 ia hana ana a hiki i kona hopena. Aole i pau na hana hoala kipi a hoomainoino ana pake kipi ma Tonakuina, Kina, i keia wa. Ua hoeahou mai ua poe la a kaua me ka wiwo ole i na koa kiai oke kulanakanhale, a ua ma ke he 30 paha o na koa. Ua hoala hou ia no he kaua a ua hooauheeiaaku ua poe kipi la me ka nui o ka poino. Ke mau mai ne» no na hana haalele lele hana iwaena o na paahana he mau tausani ko lakou nui raa na aupuni o loko. He Iwalele keia maniuli oka hoole ia ana oko lakou makemake e na haku hana e pih ana i ke ano o ka hana ame ka uku. Alaila he mau kai huakai ka Ukou ma na alanui e hali pu ana ina mei make, a e wawahi waie ana i na hale o na haku hana a hoopoino pu i ke ola.