Ka Nupepa Kuokoa, Volume XXV, Number 50, 11 December 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

 

No ka Makahiki          $2.00

No Eono Mahina,        1.00

KUIKE KA RULA.

-----

Poaono            Dekemaba 11, 1886.

-----

 

THE CHRISTIAN'S "GOOD NIGHT"

(The Gospel Chant. 72.)

 

1

 

Kuu mea aloha, moe, maha e,

Ma ko ka ilaku poli i moe ai;

Ua aloha Iesu, a lawe i ke ao

Good night! Good night! Good night!

 

2

 

Malie e ka moe ana no;

Aole ala, hana hou maanei;

He maha mau, aole luhi hou;

Good night! Good night! Good night!

 

3.

 

A pau na ao pouli maanei,

A, oha mai ka lama o luaa'e,

A ohi ia na hua maikai e,

Good night! Good night! Good night!

 

Hoea ka ia - ua ala hou Iesu,

A la mai ka poe moe nei;

A hiki mai ka haku kamahao.

Good night! Good night! Good night!

 

Aloha mai Iesu - a ano hou,

Alohi e ! ma Kona ano no.

A kau ka lei, lei nani ma ke ao,

Good night! Good night! Good night!

 

6

 

Good night kakou, a hui ma ke ao.

He wa pokole hui hou kakou,

Ma kela home nani me Iesu.

Good night! Good night! Good night!

-----

 

Haawina Kula Sabati

 

HAAWINA XIII.

 

            Dec. 26 Haawina hoi hope.

            E kupu mai no ka lala mailoko mai o ke kumu o Iese, a e hua nui mai hoi kekahi oha o kana aa; maluna ona e kau ai ka Uhane o Iehova. Is. 11:1, 2.

            Ua hanauia mai, he keiki no kakou, no kakou i haawi ia mai ai, he keiki kane; maluna o kona poohiwi ke aupuni: a e kapa ia kona inoa, o Kupaianaha, o Kakaolelo, o Keakuamana, o Ka Makua mau loa, a o Ke alii o ka malu. Is. 9:6.

            Aia i kela aina he mau kahuhipa e noho ana i ke kula, a e kiai ana i ka lakou mau poe hipa i ka po. Aia hoi! Kau mai la ka anela o ka Haku io lakou la, a hoomalamalama mai la ka nani o ka Haku ia lakou a puni, a maka'u loa iho la lakou.

            A olelo mai la ka anela ia lakou, Mai maka'u oukou, no ka mea, eia hoi, ke hai aku nei au ia oukou i ka mea maikai, e olioli nui ai, e lilo ana no na kanaka a pau.

            No ka mea i keia la i hanau ai ma ke kulanakauhale o Davida, he Ola no oukou, oia ka Mesia, ka Haku.

            Eia hoi ka hoailona no oukou, e loaa anei ia oukou ke keiki ua wa-hi ia i ke kapa keiki, e moe ana ma kahi hanai holoholona.

            A emo ole mai la ka lehulehu o ka puali o ka lani me ua anela la, e hoolea ana i ke Akua, e olelo ana:

            E hoonaniia ke Akua ma na lani kiekie loa, a he malu hoi ma ka honua, a he aloha i kanaka. Lu. 2:8-14.

            E mau ana no hoi kona inoa; e ulu ana kona inoa, a e ole loa ka la; a e pomaikai na kanaka iaia; e pau hoi na lahuikanaka i ke kapa aky iaia he pomaikai. Hal. 72: 17.

            Aole loa he ola maloko o ka mea e ae: no ka mea, aole inoa e ae i haawi ia mai malalo iho o ka lani, iwaena o na kanaka, i mea e ola'i ka kou. Oih. 4: 12.

            Aka, o ka poe i malama iaia me ka manaoio i kona inoa, haawi mai la ia i ka pono no lakou e lilo ai i poe keiki na ke Akua. Io 1:12.

            E pono no ke keikihipa i pepehiia ke loaa iaia ka mana, a me ka waiwai, a me ke akamai, a me ka ikaika, a me ka nani, a me ka mahalo a me ka hoomaikai ia. Hoik. 5: 12.

            I ka mea aloha mai ia kakou, a holoi mai hoi ia kakou, i pau ko kakou hewa i kona koko iho.

            A i hoolilo mai ia kakou he aupuni, a he mau kahuna hoi no ke Akua no kona Makua: iaia ka hoonani ia, a me ka hoomanaia a i ke ao pau'ole. Himeni. Hoik. 1: 5, 6.

            Pauku Gula. Lu. 2:14.

            Manao nui. O Iesu o Betelehema, oia ka Hoola no ko ke ao nei.

 

NA HELUHELU LA.

            Poakahi Io.      1:1 - 18.

            Poalua Lu.       2:1 - 10.

            Poakolu Mat.   2:1 - 15.

            Poaha Rom.     10:1 - 21.

            Poalima 1 Kor.            1:18 -   31.

            Poaono Hoik.  5:1 - 14.

            Sabati Hoik.    21:1 - 17.

 

            Mele, Hosana me ka hoomaikai.

H. A. N. 1128. Pule.

 

NA NINAU.

 

            Ua ao ia nowai ma ka nui o na haawina o keia makahiki? Maheo ko Iesu wahi mamua o kona hele ana mai i ke ao nei? Heaha kekahi o kana mau hana i kinohi? Heaha ka olelo Nona ma Heb. 1:2-6?

            Heaha kekahi wanana e pili ana ia Iesu? Is 11:1, 2. Owai kekahi mau inoa ona? Is.9:6. Mahea ka hanau ia ana o Iesu? Ehia makahiki mamua aku nei? He mamo oia no ke Alii kaulana hea? No ka lahui hea? No ka ohana hea? Owai kona makuahine? Ma ka aina hea ka noho ana?

            Ia wai ka hai mua ana i ka hanau ana o Iesu? Lu. 2:8-11. Nawai i hai aku i keia nohou i na kahahipa? Heaha ke mele a na anela i kona wa hanau? Lu. 2:14. Owai ka i imi ia Iesu? Heaha ke alakai o na magoi? Heaha ka lakou makana ia Iesu?

            Nawai i imi e pepehi ia Iesu? Pehea kona pakele ana? Mahea ka noho ana o Maria ma i ka hoi ana mai Aigupita mai? He pee hanohano a waiwai anei ka ohana o Iesu? He wahi i manao nui ia anei o Nazereta? Mahea kona halawai ana me na kumuao i kona wa kamalii? Makaukau anei oia ma ke kamailio ana me lakjiou ma na mea ano nui?

            Ua noho hoolohe anei oia me kona mau makua? Ehia makahiki o Iesu i ka wa i hoomaka ka lawelawe ana i kana hana? Nawai i babetizo iaia? Owai ka i hoowalewale iaia ma ia hope iho? Owai ka i lanakila? Heaha ke kumu o ko Iesu hele ana mai i ke ao nei? Lu. 4:18, 19.

            Mele.   Ke Ola. H. A. N. 204.

            Ma na aina hea ka lawelawe ana i kana hana? Mat. 4:23-25. Heaha kekahi o kana mau hana? Owai na inoa o kana mau haumana? Mat. 10:2-4. Mahea ka hoopuka ana o Iesu i ka haiolelo kaulana i kakauia ma Matalo 5-7? Mat. 5:1. Heaha ka haawina i ao ia ia Nikodemo? Io. 3. Heaha hoi ka mea i ao ia i ka wahine o Samaria? Io. 4.

            Owai kekahi o na hana mana a Iesu? Io. 4:26. Mat. 8:1, 5, 22, 24. Lu. 7:10. Mat. 12:10. Io. 5:2. Heaha ka mana i haawiia i kana poe haumana? Mat. 10:1. Heaha kekahi o na olelo ao ia lakou? Mat. 10:5-42. Mahea ko Iesu hoopahaohao ia ana? Mat. 17. Owai kana i hoomaikai ai? Mat. 19:13.

            Owai kekahi a Iesu i hoala mai ka make mai? Io. 11. Nawai i poni ia Iesu? Io. 12:3. Pehea ka hooho ana o ka lehulehu i ko Iesu hookokoke ana i Ierusalema? Mat. 21:9. Ua komo pua anei na kamalii i ka hosana ana iaia? Owai ka Iesu i kipaku mai ka luakini aku? Mat. 21:13.

            Heaha ka leo i pae mai ka lani n@ai? Mat. 3:17. 17:5. Io. 12:28. Ehia makahiki ko Iesu ao ana? Owai ka i imihala ia Iesu? Owai ka i ae e kumakaia i kona Haku? Nawai i haawi i ke kipe iaia? Ehia apana dala a Iuda i lawe ai i uku no keia hana aloha ole? Ua lilo anei ia mau dala i pomaikai nona?

            Owai ka ahaaina i malamaia ma Ierusalema i kela me keia makahiki? Ua hele anei o Iesu ilaila e malama ia ahaaina? I ka hoomakaukau ana e ai, heaha ka Iesu hana no na haumana? Heaha kana i ao ia lakou maka holoi ana i ko lakou mau wawae?

            Owai ka ahaaina i hookumu ia i ka pau ana o ka ahaaina a ka Haku, e hoomanao i ke aha? He pono anei ke ai wale, a inu wale ma ia ahaaina? 1 Kor. 11:27-29. He nui anei na olelo hoolana a Iesu i na haumana ma ia akoakoa ana? Io. 14, 15. A hala oia, owai ke Kokua ana i hoouna mai i na haumana?

            Mele. Aole inoe maikai ae. H. A. N. 125.

            Ma ia wahi aku ihea ko Iesu hele ana me na haumana? Heaha kana pule ilaila? Owai ka i haalele i ka ahaaina? Ihea ko Iuda hele ana? Mahope iho, mahea kona imi ana ia Iesu? Owai me ia? Ua noho pu anei na haumana me Iesu mahope o kona hoopaa ia ana? Maka'u lakou i keaha?

            Imua owai ka hookolokolo ana? Ua manao anei keia mau kahuna, na lunakanawai, ua hewa o Iesu? Ua pomaikai io anei kekahi ma ka hana paewa ana me ka manao e oi kona pono ma ia hana? Ua ike anei keia mau luna aupuni e kokua ana lakou i ka hooko ana i ko ke Akua makemake ma ka ae ana e make Iesu? Heaha ka Iesu olelo no kona kau ia ana ma ke kea? Io. 12:32.

            Pehea ko Iesu make ana? Mahea? No keaha kona ae ana e make? Mahea kona kanu ia ana? Owai ka i hele me na mea ala i ka la mua o ka hebedoma? Ua loaa anei ke kino o Iesu? Aole anei he poe kiai malaila? Mahea o Iesu? Owai ka i ike mua iaia? Ua launa anei oia me na haumana ma ia hope iho?

            Pehea ka loihi o ko Iesu noho ana ma ke ao nei mahope o kona ala hou ana? Alaila, hoi hou ihea? Mahea oia e noho nei? Heaha ka Iesu hana ma ka lani? Nowai kona uwao ana? Ke ole i make o Iesu a ala hou, ua loaa anei keia uwao no kakou, keia Ho ola?

            Ua hoomaopopo anei ka lehulehu i ke kamahao o keia hana a Iesu no kakou? Ke ole ko Iesu aloha nui i kanaka, ua ae anei oia e make no ka poe hewa - ka poe aloha ole iaia? He ola anei ma kauwahi e ae? Oih. 4:12.

            He nui anei ka poe i hoola ia? Mahea lakou e noho nei? Me wai? Heaha ka mele a keia poe? Hoik. 5:12. 1:5, 6. Owai ka i hea ia e hele mai? Heaha ka olelo kahea i na mea a pau? Rev. 22:17. E ae ia anei na mea a pau e hele io Iesu la? Is 55:1. Heaha keia makana makamae a ke Akua i haawi mai? Rom. 6:23.

            Ea, na mea a pau e makewai, e hele mai oukou i na wai, a o ka mea kala ole, e hele mai hoi oukou, e kuai no, a ai iho oia, e hele mai, e kuai i ka waina, a me ka walu, me ke kala ole, a me ke kumu ole.

            Mele. E huli, e hui. H. A. N. 143-

-----

Na Himeni Hui.

 

            E na Kula Sabati o ka mokupuni o Oahu eia mai na Himeni Huino ka Hoike o na Kula Sabati ma Waialua, ma ka la "Happy New Year."

 

1. "E Hawaii e kuu one hanau-e"

            G. H. IV. No. 18

2. "Mele makahiki hou."

            "Hae Hoenani" aoao 13

3. "Mele Sabati."

            "Haku Ao nani." aoao 18

4. "He Home mao ae."

            "Hoku Ao nani." aoao 164

 

            Eia iho malalo nei ka olelo o ka Himeni mua i hakuia e ka Makua Rev. L. Laiana, mamua o kona hala ana.

 

1.

            E Hawaii-e, kuu one hanau-e

            Kuu Home kulaiwi nei

            Olino au i na pono lani ou

            E Hawaii aloha-e

Hui.     E hauoli e na opio o Hawaii nei Oli-e, oli-e

            Mai na aheahe makani e pa mai nei

            Mau ke aloha no Hawaii.

2.

            E hai mai i kou mau kini lani-e

            Kou mau kupa aloha e Hawaii

            Na mea olino kamahao no luna mai

            E Hawaii aloha-e

Hui.     E hauoli &c.

3.

            Na ke Akua e malama mai ia oe

            Kou mau kualono aloha nei

            Kou mau kahawai olinolino ou

            Kou mau mala pua-e.

Hui.     E houoli &c.

 

            E na Kahu, na Kumu, a me na haumana Kula Sabati; ke paipai ia aku nei kakou, e liuliu, a e hoomakaukau no ka hana e hiki mai ana e pono ai ka hanauna opio.     E. S. Timoteo.

-----

NA KAWELEWELE ALOHA NO KA MAKUA REV. L. LAIANA.

 

            I ka makuahine aloha iloko o ka Haku, Mrs. L. Laiana, a me na keiki a me na moopuna i hoonele ia i ka makua ole:

            Aloha oukou me ka maluhia mai ke Akua mai.

            Mamuli o ka lokomaikai o ka makua mana loa; ke alii o na alii, a me ka Haku o na haku. Ua oluolu i kona hanohano kiekie, ke alakai malie ana aku i kana kauwa hoolohe, ka makua Rev. L. Laiana, ma kela kapa o ka muliwai lai o ke Ao, a i ka Home mao ae.

            Ua hala aku la ia makua o ka pono, ua pau ka hana, a ua kuu ka luhi, a ua maha aku la me kona Haku me Iesu. Aka, o kana mau hana aloha ua kanu ia, a ua ulu iluna o Hawaii. A he kia hoomanao pau ole ia iloko o ka puuwai o ka Lahui Hawaii.

            Nolaila, o makou o na haumana o na Kula Sabati o ka ekalesia o kekaha, a me na hoahanau. Ma o ko makou komite la. Ke hoike nei makou i ko makou aloha nui nona. A oiai hoi, ua aie nui ko makou kula Sabati ma kona haawi manawalea ana mai i kekahi mau buke, Hoku Ao Nani na makou a me na olelo ao maikai e ola'i ko makou mau uhane.

            Hooholoia. 1 E ka makuahine aloha e:

            Mrs. L. Laiana. Ke komo pu aku nei makou iloko o kou kaumaha, a e auamo pu i na haawe luuluu a ke aloha me na waimaka pu. No kau kane i hala aku la a wehe mai la i ka olua pili o ka Aina Mauna; a olua hoi i hoomanawanui ai i na ia i au wale aku la i o lilo.

            Hooholoia. 2 I na keiki a me na moopuna e paiauma ana. Aloha o papa! Auwe aloha o papa ! !  O kakou like no iloko o ia haawina hookahi. Oiai, he mau keiki like no kakou a pau nana ma ke kino, a ma ka uhane. Aka, ua hala ia makua o kakou; a e kau aku na maka iluna lilo loa, kahi o ka makua nui, nana mai ko kakou mau makua: Oia ka makua mana loa, he makua make ole.

            Hooholoia. 3 Ia Miss W. E. Laiana, kaikamahine i aloha nui ia. Ma ko makou ike ana, ua hoike mai oe i kou aloha makua a aloha io i keia lahui, ma kou ae ana e kokua, a e lawelawe hoi i na hana nui a kou makuakane i lawelawe loihi ai, ma ka unuhi ana i na Haawina Kula Sabati a me na mele Himeni. Alohja ka manu leo lea o ke kuahiwi o Kaala. A ke hilinai aku nei makou i kou ike a me kou maalea ma ia hana nui. A na ke Akua e kokua ia oe, i ikaika ai kou mau lima palu palu a me kou noonoo kanaka makua.

            Hooholoia. 4 O makou iho me ka haahaa ke ae nei e lilo i mau moepuu no na hana maikai a ka makua Rev. L. Laiana a e kokua hoi iaia ma ke kanu ana i ka olelo a ke Akua iloko o ka naau o ka poe ike ole i ke Akua, i mahuahua aku ai ka malamalama, a ola ka poe manaoio aku ia ia.

            Hooholoia. 5 Ke pule nei makou i ke Akua ka Haku Iesu Kristo. E hoomamaua ka naau kaumaha o ka ohana. Oiai hoi, "Nana no i haawi mai, a nana no i lawe aku. E hoonani ia ke Akua ma na lani kiekie loa, he malu ma ka honua, he aloha i kanaka."

            Hooholoia. 6 E hoouna ia i ekolu kope. 1 kope no ka ohana o Rev. L. Laiana. 1 kope no ka nupepa KUOKOA, 1 kope no ka nupepa Ko Hawaii Pae Aina.

 

            O makou no me ke aloha nui.

KOMITE:

            S. B. KAALAWAMAKA,

            G. P. KAONOHIMAKA,

            G. K. KAPA,

            W. KAIOKOILI,

            J. W. PUNIHAOLE,

            J. W. KAIHEMAKAWALU,

            MR. KAPUUHONUA.

 

HOIKE A KE KOMITE HOOKO.

 

            E ka Nupepa KUOKOA, Me ka mahalo:

            Mamuli o ko'u kohoia ana i Puuku no ke Komite Hooko, no na hana a pau e pili ana i ka Hoike Hui o na Kula Sabati a pau o ka mokupuni o Hawaii i malama ia maloko o ke kulanakauhale o Hilo, Hawaii, ma ka mahina o Augate i hala; a mamuli hoi o ka Olelo Hooholo o ka Aha Luna o ka Edalesia o Haili, e noi ana ia'u e hoolaha i keia Hoike ma na Nupepa "KUOKOA" a me ka "Hawaii Pae Aina" e like me ia e hoike ia (ma ke ano nui) imua o ke anaina Kula Sabati ma ka la 28 o Novemaba aku nei. A i mea e hookaulike ai i na manao o na hoaluhi o ka hooikaika ana no na kokua a pau i pahola ia mai no ua Kula Sabati la. Nolaila, ke waiho aku nei au i ka'u hoike piha, no na loaa mai a me na hoolilo dala ana no ia hana nui; penei:

            Ka Hoike a ka Puuku o ke Komite o ka Hoike Nui o na Kula Sabati o ka Mokupuni o Hawaii, iloko o Augate 1886, ma Hilo, Hawaii.

 

NA LOAA MAI.

1 Mai na lulu mai ma Haili $   60.45

2 Mai na Aha Mele mai ma Haili        108.10

3 Mai na Komite mai  395.00

4 Mai na Haawina a Luna mai Haili   122.00

5 Mai na loaa Fea mai 228.00

6 Mai na Apana mawaho ae    213.00

7 Mai na loaa o na mea i Kudalaia      32.24

            Huina  $1,159.24

 

NA HOOLILO ANA.

1. Uku ia no ka laau, papa, kui a me ke kukulu lanai Ahaaina no ke Kula Sabati      $76.25

2. No Kaa halilali i na laau, pou, pilihao, ukana          19.75

3. No ke kahiko ana i ka Lanai me ka luakini me na wahi, na ka Elele, ke kokua      28.00

4. No na mea ai o na ano a pau loa me ka wahie        663.10

5. No na poe paahana lawelawe ma na mea ect, me ka malama ect   38.00

6. No na poho a me na poino, ma na pa, na kiaha, kaa me piula hao ect        14.55

            Huina o na lilo $11,39.65

            Ke koena         19.54

                        JOSEPH NAWAHI.

Puuku H. K. o Hawaii:

Hilo, Hawaii, Nov. 29th 1886.

            Mawaho ae o keia, ua manawalea mai na hoahanau mai Onomea a i Ohele he (40) kanaha mau pahu ai: A me ia ai i hoolawa ia ai na poe i kipa mai e ike i ka Hoike Kula Sabati no na la mua:

            Maanei nei, ke pahola aku nei ke Komite Hooko i na hoomaikai ana, no na poe a pau loa i komo mai e kokua i ka hapai ana i ka hana a lakou i haawi mai ai e hooko aku - a i ke aloha no hoi, no na poe a pau i kipa mai ma na hana o ia Hoike - na malihini a me na kamaaina pu:

            Owau iho no ka oukou kauwa haahaa a hoolohe.       JOSEPH NAWAHI.

            Puuku no ke Komite Hooko o ka H. K. S. o Augate 1886.

Hilo, Novemaba, 30th 1886.

-----

KEENA BUKE HOU.

 

            Oiai ua wawahiia ka Hale Luina kahiko, ma Ewa ae o ka Hale Leta ma Honolulu nei, nolaila ua hoololiia ke Keena Buke o ka Papa Hawaii, a i keia manawa, aia me ke kihi hema o ka huina o ke alanui Papu me alanui Kalepa, maluna ae o ka hale kuai lole. Aia ka puka komo e pii ai iluna, ma ka aoao mauka o ka hale, ma alanui Kalepa, e kau ana na papa kuhikuhi eleele i pai ia i na huaolelo wai gula; ma ka olelo Hawaii kekahi, a ma ka olelo Haole kekahi.

            Nolaila ke hoolaha ia aku nei keia i lohe a i ike oukou a pau e na makamaka a i pau hoi ko oukou haohao me ka ninau iho, aia la ihea ke keena buke o ka Papa Hawaii i keia manawa? Eia no, ma kahi i oleloia maluna ae nei, a ina e maalo ae oukou ma ke alanui Papu, a ma ke alanui Kalepa paha ma Ewa ae o alanui Papu, e ike auanei oukou i ka Papa Kuhikuhi o ke KEENA BUKE O KA PAPA HAWAII e kau ana maluna loa, a o k Papa Kuhikuhi o ka Hale Kuai lole malalo iho.

            Nolaila ea, e kipa ae oukou, a e loaa no o Mr. S. H. Oni, ka mea malama i ke keena a nana e hoolawa i ko oukou makemake no ka Buke e waiho nei. E loaa no na Baibala ma ka olelo Hawaii, a ma ka olelo Haole no hoi, a o na Buke e ae, e like me ka Papa Kuhikuhi malalo nei.

-----

 

KUMUKUAI O NA BUKE MA KE KEENA O KA PAPA HAWAII.

 

            (Ma ke kihi hema o ka huina o alanui Papu me Kalepa, keena maluna o ka halekuai lole.

            Aia ka puka komo ma ka aoao mauka ma alanui Kalepa.)

 

Baibala nui ili ulaula nani, kaekae gula           $12.00

Baibala nui ili eleele, me na kuhikuhi pauku   [$2.00.

Baibala liilii eleele, lawe lima, kaekae gula     [$2.25.

Baib. liilii eleele, lawe lima     $2.00.

Kauoha Hou nui, ili nani, kaekae gula            1.75.

Kauoha Hou nui, ili eleele, kae gula   1.00.

Kauoha Hou nui ili eleele        75

Kauoha Hoe hapa-haole          75

Kauoha Hou liilii me na Halelu           50

Kauoha Hou liilii ili nani, kae gula      50

Kauoha Hou liilii eleele           25

Halelu ili nani, kae gula           15

Halelu ili eleele kae gula         10

Halelu ili eleele            50

Himeni Hawaii, ili ulaula        1.50

Himeni Hawaii ili lole ulaula   50

Gospel Humns, olelo haole, 1-4, me na leo     1.00

Himeni Euanelio Hui, 1-3       .35

Hokuao Nani   .50

Lei Alii            .25

Lira Haawii     .25

Lira Kamalii    .10

Hae Hoonani   .10

Leo Hoomana .10

Wehewehe Huaolelo Baibala  1.50

Wehewehe Ano Mataio          1.00

Moolelo Ekalesia         .50

Wehewehe Hala          .25

Hoike o ka Palapala Hemolele            .25

Hoike Ano o ke Akua .25

Cruden's Concordan. (Olelo Haole)   1.00

Heemalihini. (Buniana)           .10

Ninau Hoike, ili manoanoa     .10

Ninau Hike, ili pepa    .05

Haiao, ili pepa .10

Heneri Opukahaia       .05

Ui Kamalii Helu III    .05

Ui Kamalii Helu V      .05

Kumumua Kula Sabati            .05

Ui no ke Akua .05

Keiki Paionia   .25

 

NA MEA HAAWI WALE.

 

Ioane hapa-haole ili pepa.

Hoike Pope

Ratimae Puaaiki.

Ka Ekalesia Oiaio.

Ka Mare ana o na Kahunapule.

Ka hoi ana mai o ke Keiki Uhauha.

Ka Pule Mehameha.

Ka Hoomana Anaian.

Ka Hoohiki Wahahee.

Ka Ahaaina a ka Haku, me ka Bapetizo ana.

Mai hana ino i na ho'oholona.

No ka awa.

Kumumanao a D. Malo.

-----

 

HOEMIIA KE KUMUKUAI.

 

            Ua hooholoia e ka Papa Hawaii, e hoemiia ke kumukuai o ka Baibala liilii mai ka $2 - a i ka $1.50 mai keia manawa a hiki i ka la mua o Ianuari 1887. Nolaila, o ka poe e makemake ana e loaa keia Baibala mama, kupono i ka lawe ia i ke Kula Sabati, a i ka Luakini, a i na halawai e ae paha; kupono no hoi i ka lawe pu ia iloko o kahi puolo ukana ke hele i kahi e hele ai, e makaala mai oukou no keia mau la Karisimaka o ka hope o ka makahiki 1886; eia ka wa e loaa'i keia wahi makana makamae ma ke kumukuai emi nui. Ma ke kauoha.    A. O.POLEPE.

Kakauleta o ka Papa Hawaii.

-----

 

MRS. THOMAS LACK,

HELU 81, ALANUI PAPU.

 

MEA KUAI A LAWELAWE I

NA

Mikini Humuhumu, na Aahu, a nui wale Aku

 

HE AGENA KUAI NO NA MIKINI

 

White, New Home,

Davis, Crown, Howe,

Me Florence,

Na Kui Mikini o na an a pau a Howard,

Na pepa ana lole o na ano a pau, a me kela keia mea

 

NA LOPI MIKINI A KALAKA.

HE AGENA KUAI I NA

 

Pu Raifela, Pu Panapana, Pu ki manui, na Poka, Lu, Pauda, Kukaepele.

 

NA KAPUAHI AILA MAHU

Mai ke nui a ka liilii.

 

            Ma ka lawelawe nui ana o'u i ka hana lima akamai o ka oihana hana pu a pela aku, u makaukau au e hooko kaulua ole i na kauoha a pau.

            O na kauoha mai na mokupuni e hookohoia.  2082-1y

 

-----

FRANK GERTZ.

 

MEA KALEPA A LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

 

            Na Kamaa Buri a me na Kamaa haahaa no na Keiki Kane a me na Kanaka malua, o na ano paikini hou loa.

208@-6m.

 

-----

W. AHANA.

KELA HUMUHUMU LOLE

 

            Mea hana i na lole hou ma na paikini maikai a pau a me ka hoomaemae hou ana i na

LOLE KAHIKO.

2089-3M

 

-----

HOOLAHA KUMAU.

-----

WILDER & CO. (WAILA MA.)

Mea Kuai papa a me na Lako kukulu hale o na ano a pau, a me na mea no pono a pau no ka hale.

Kihi o Alanui Moiwahine me Papu.    tf.

-----

 

PACIFIC HARDWARE COMPANU

 

Na hope o Dilinahama Ma.

Mau Mea Kuai Lako Hao

Alanui Papu. Honolulu.

 

-----

UA WEHE AE NEI O

 

Y. ANIN

HE

HALE INU KOPE

HELU EKAHI.

MA NA KIHI O NA ALANUI

Hotele a me Maunakea.

2090 -3m

 

-----

JAMES DOWER.

 

Oia noi o Kimo Kapiolani, ka ona mua o ka mokuahi Kapiolani. Ua makau kau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana.

Honolulu.        2029

 

-----

H. HACKFELD & CO.

 

Mea Kalepa Nui, a Kuai Kukaa i na

Waiwai Lole, a me na Mea Hao

A HE MEA

KALEPA WAIWAI NUI

HONOLULU, H. I.   2082-1yr

 

-----

HALEKUAI HOU

ME NA

LOLE HOU ! !

 

KA HALEKUAI MAKEPONO LOA keia o neia Kulanakauhale me ka mai kai loa no na lole ma ke kihi o na

Alanui Papu me Kalepa.

 

Na Lole o na ano a pau no na

Keonimana me Keikikane.

 

Na Lole komo,

Na Papale,

Papalekapu,

Na Pahu waiho Lole,

Na Paiki Ili,

a pela aku.

 

            He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

 

            Ka Hale Kuai keia o ke Kanaka Ilihune. He mea e lawa ai ka makemake o ka poe uuku o kahi loaa.

 

O KA MAKOU MAKIA,

 

E OLA KE KANAKA ILIHUNE

 

            E hele mai a e nana pono, i ike a pau kuhihewa.

 

            EGAN & CO.

            2092-1y

-----

 

PAPA!  PAPA!

 

AIA MA KAHI

 

LEWERS & COOKE.

(O Lui Ma)

 

ma ke kahua kahiko ma alanui Papu a me Moi.

 

E loaa ai

 

PAPA NOUAIKI

 

O kela a me keia ano

 

Pani Puka, Na Puka Aniani, Na Olepelepe, Na Pou, Na O'a, Na Papa Hele, Na Papu Ku. A me na Papa Moi nui loa

 

Na Pili o na Hale o na Ano a Pau

 

Na Pepa Hoonani, Na Pena o na Wai e pau. Na Kui mai ke Nui a ka Makalii, Na Ami Puka, Na Ami Puka Aniari, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

 

-----

NA WAI VANIKI

A ME NA

WAI OOHINUHINU NANI

O KA AKO A PAUL LOA.

NA BALAKI ANO NUI WALE.

 

A ke hai ia aku nei ka lono i na Makamaka a pau, ua makaukau keia man Makamaka o oukou e hoowawa aku ma na mea a pau e pili ana ma ka laua oihana

 

NO KA

 

UKU HAAHAA LOA.

 

E like me ka mea e holo ana nawaena

LAUA a me ka MEA KUAI.

HELE MAI E WAE NO OUKOU

 

---

Kakela a me Kuka

HALEKUAI NUI O NA WAIWAI

 

E laa na pahiolo, koi hole, hamale, koi nui a me liilii, kila, wili puaa, rula, apuapu, kui o na @ a pau, kala kaa, hao hoopaa p@

 

pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, oe p@ @lakala, lina hao, ami, keehi, a me@

 

KAULA OPU.

 

Palau o na ano a pau,

Oo, ho, kopala, pe kipikua, hao kope, au ho@ a aku, kua bipi, lei bipi, kaula hao bipi, uwea pa, uwea keleawe, hao p@piula, kaa palala, ipuhao, ipu@

 

PA PALAI MAKAU ME KE A@

-----

 

Ili wai, papa holoi, kopa ala, kau @uaina, hu'akai, ehi waewae, hulu pena, a pela aku.

 

Pena wali, kini nui a me liilii o @ ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

 

PENA HOOMALOO

a me aniani hale

 

AILA MAHU, AILA MIKINI, AILA @, AILA KAA, INIKA KAMAA.

 

PAUDA, KUKAEPELE, KIAN@ PAUDA, UIKI IPUKUKUI O NA ANO HE NUI A LEHULEHU

 

-----

LOLE MAKEPONO

E aa na

 

AHINAHINA, KALAKOA, KEOKEO, LEPONALO, HULUMANU, UWE-WAHINE, KUI HUMUHUMU, A ME KA LOPI.

 

 

Ke Kuike e loaa no ia ma kahi o

 

Kakela & Kuke

-----

 

NA MEA PIULA

 

Mikini Humuhumu@

 

Makini a WHEELER a me WILSON

 

MIKINI WILCOX ME GIBBS

NA MIKINI A

REMINGTON

 

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike.

-----

 

Laau Lapaau Kaulana Lo

A DR. JAYNE.

LAAU HOOMAEMAE KOKO

LAAU HOOPAU NAIO, IAIO

KUNU, PENIKILA, HUAALE

 

PAAKAI, LAAU HOOPAA HI,

 

Me na laau Hamo a Pela 'ku.

 

Kakela me Kuke.