Ka Nupepa Kuokoa, Volume XXV, Number 52, 25 December 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

No ka Makahiki ...      $2.00

No Eono Mahina ...       1.00

---KUIKE KA RULA.---

Poaono, ...       Dekemaba 25, 1886.

GOOD BYE 1886.

1

Ua pau ka makhiki nei,

He makahiki ano e;

U piha i na ehu u,

Na oli me na halelu.

2

Ka Haku mele, aloha e!

I mele oli no makou:---

Aole no i pane ae,

Ka Haku mele o kakou.

3

Aole haku hou maanei,

Na mele me na himeni,

Ua hoi e maha me Iesu,

Malaila e mele, halelu.

4

Pehea kakou e oli @

I keia makahiki i pau ?

e kaulia ae ma na wilou,

Na lila kani o kakou.

5

Pela anei e hoomanao

Na lokomaikai kamahao

A ke Akua oia mau

I haawi aloha ia makou.

6

E ala, a e hoomaikai

I ke Akua ke 'Lii mau,

Hoike ma na hana a pau,

I ke aloha ia Iesu.

7

Good bye, old year, aloha no,

Me na luuluu, na oli ou,

Ua pau kau hana no makou,

Aloha ea, ka pani nou.

Haawina Kula Sabati.

HAAWINA I I, Ianuari, 9, 1887.

Ka hewa me ka make.  Kin.  3:1--6, 17---19.

UA oi aku ka maalea o ka nahesa i ko na holoholona o ke kula a pau a Iehova ke Akua i hana'i.  I mai la ia i ka wahine, he oiaio anei, ua papa mai ke Akua, Aole olua e a i ko na laau a pau o ka mahinaai nei?

2  I aku la la wahine i ka nahesa, E pono no maua ke ai i ka hua o n alaau o ka mahinaai nei.

3  Aka, o ka hua o ka laau iwaena konu o ke kihapai, ua i mai ke Akua, Mai ai olua ia mea, aole hoi e hoopa aku o make olua.

4  Olelo mai la ka nahesa i ka wahine, Aohe aiaio e make olua:

5  No ka mea, ua ike no ke Akua, a i ka la e ai ai olua ia mea, e hookaakaaia auanei ko olua mau maka; a e like olua me ke Akua, i ka ike i ka pono a me ka hewa.

6  A ike ae la ka waine, he ono ko ia laau i mea ai, a he maikai hoi i na maka, a he laau makemakeia i mea hoonaauao, lalau aku la ia i kona hua, ai iho la, a haawi aku la hoi na kana kane me ia, a ai iho la no hoi oia.

17  I mai la hi oia ia Adamu, No ka mea, ua hoolohe oe i ka leo o kau wahine, a ua ai hoi i ko ka laau a'u i papa aku ai ia oe, i ka i ana.  Mai ai oe ia mea, ua hoohewa ia ka aina nou; me ka luhi oe e ai ai i kana, a pau na la o kou ola ana.

18  E hookupu mai no hoi ia i na kakalaioa a me na puakala nau; a nau no e ai i na mea kanu o ka waena.

19  Me ka hou o kou maka e ai ai oe i ka ai, a hiki i kou wa e hoi hou aku ai i ka lepo; no ka mea, mailaila oe i laweia mai ai; no ka mea, he lepo no oe, a e hoi hou aku oe i ka lepo.

 Pauku Gula.  Me ka puka ana mai o ka hewa iloko o ke ao nei ma ke kanaka hookahi, a ma ka hewa mai ka make.  Rom. 5:12.

Manao nui.  Ma ka hana hewa ka lilo ana o Paridaiso.

Na Heluhelu La.

Poakahi           Kin. 3:1---24.

Poalua             Mat. 4:1---11.

Poakolu           Rom. 5:12---21.

Poaha              Iak. 1:1---15.

Poalima           2 Pet. 1:1---11.

Poaono                        Ep.  6:10---17

Sabati              I Pet. 1:1---16

Mele. Edena Nani.  H. A. N. 78.  Pule

NA NINAU.

Heaha ka mea hope a ke Akua i hana'i?  E hai mai, no ka hana ia ana i ke kanaka?  Kin. 2:7.  Pehea ka hana ia ana i wahine? p. 21---23.  Owai na inoa o laua nei?  Mahea ka hoonoho ana ia laua ? p. 8.  He wahi maikai anei o Edena?  Owai kekahi mau kumu laau malaila?  p.9.  Owai na muliwai?  p.11-14.  Heaha ke kauoha no na laau ma Edena?  p. 16.  Owai ka mea hookahi i papa ia?

Mahea o Edena?  Ua hoomaopopo lea ia anei kona wahi?  He mea nui anei ia, ina aole i ike pono ia kona wahi?  Owai na muliwai kaulana o keia mau muliwai i helu ia mai?  Tigirisi me Euperate.  Heahi ka Adamu hana ma Edena?  p. 15.

Owai ka mea maalea loa mawaena o na ho'oholona a ke akua i hana'i?  Kin. 2:1.  Nawai i hoolilo i ka nahesa i mea lawelawe nana?  Ua kapaia anei o satana he moo ma kauwahi?  Hoik. 12:9.  22:2.  He maalea anei na hana a ka diabolo? 2 Kor. 11:3, 14.

Hiki mai anei na hoowalewale i na mea a pau?  Me ke aha na hoao ana?  Ke ole hoao ia, ua maopopo anei ke kupaa o kekahi?  O ka pale ana i na hoowalewale, he mea anei ia e mahuahua ai ka ikaika e pale hou aku?  Owai ke kumu laau paa---o ka mea ku ma kahi e pa mai ka makani, a o ka mea ma kahi lulu, a i koo mau ia?

Ua mai anei ka mea hoowalewale ma kona ano ponoi, ma ke ano okoa paha?  Ua hana mai me ka oiaio anei, me ka maalea hoopunipuni paha?  Heaha ka ninau a ka nahesa i ka wahine?  Aole anei i nui wale aku na kumu laau, na hua kupono e ai me ka hoopa ole i keia?  Ehia i papa ia?  Owai nae ka mea i manao nui ia, a kuhikuhi ia i ka wahine?  Pehea ka pane ana o Eva?  p. 2, 3.  Ua like loa anei keia olelo a ka wahine, me ka ke Akua olelo la laua?  2:16, 17.

Ke mau nei anei ke kumu hoao i kanaka?  Ua makemake anei ke Akua e haule kanaka?  Aole loa.  2 Pet. 3:9.  I Kor. 10:13.  Ua waiho ia mai ka pono a me ka hewa, mahea e koho ai?  E hoao mua anei i ka hewa a ike i ka ino, alaila haalele a hana ma ka pono?  He hiki wale anei e haalele i ka hoopunipuni, ka aihue, ka ona, ka hoomaloka?  Nowai mai ka manao e hana e i na hewa---i na mea i papa ia i maopopo ka ino, alaila kapae aku?  Aole anei he hana maalea lua ole keia---oiai ua ike no o Satana ina e hoao ia ana, ua paa no iloko o kona umiki?  E heeholua anei ma ka pali kuhoho---ina paha e poino ana ma ia lealea ino?  Aole anei i aho e koho e ma ka aoao o ka pono a malaila e kupaa a mau.

Heaha ka hopena ke ai laua i na hua o keia kumulaau?  Ua kau kanawai ia anei na kino o kakou?  A malama ole ia na kanawai, aole anei e loohia na pilikia, na eha, a me ka mai?  Aole anei he pono e imi i na mea e pono ai keia noho ana?  Ua pono anei e imi aku i ka waiwai ma nahana hoopunipuni,m a ma na mea e hoopilikia ia hai?  Pehea ke kanawai?  Mat. 22:39.

Pehea mai ka nahesa ia Eva?  p. 4, 5.  Aole anei he wahahee keia?  Pehea ko Iesu kapa ana ia Satana?  Io. 8:44.  Aole anei i kau mai ka make maluna o laua mai ia la aku?  Maluna o laua wale no anei?  Rom. 5:12.  3:23.  Aole anei he nui ka poino i hahai mahope o ia hoopunipuni ana?  Ua kaupalena ia anei ka hoopunipuni?

He pomaikai ane e hahai ana i ka mea hana hewa?  He oluolu anei kona manao?  Aole anei e hahai mau ana kana hana iaia, a hele a kaumaha loa i kahi wa?

Ua hoole aku anei ka wahine i keia mau olelo a Satana?  Ua haalele mai anei iaia?  Ua kali paha a nana i ka h@ ai?  Heaha ka hope?  p. 6. Iak. 1:14, 15.  Ua lawa anei ko Eva hoopa ana i ka hua a ai,---aa haawi paha ia hai?  No ko Adamu ike ole anei ka lawelawe ana ma ia hana?  I Tim. 2:14.  Aole anei he mea mau keia, ina ua lilo kekahi i ka hana hewa, e alakai ia hai ma ia ala hookahi?  He hana aloha anei keia?  Ua komo oe iloko o ka mimilo o ka make, e huku aku anei i ka hoa ilaila e poino pu ai?

Ma keia hana, aole anei i pau ko Adamu ma noho launa ana me ke Akua?  Aole anei i pau ke ano keiki hoolohe no ke Akua?  Ua hookaakaa ia anei ko laua maka e ike i na mea maikai?  Kau mai ka hilahila, a ua hoolauna koke anei me ke Akua i kona hiki hou ana ma Edena?  p. 8.

Heaha ka ninau ia laua?  p. 11.  Pehea ka pane ana?  12, 13.  Oiai, ua hoolohe ole i ka ke Akua mau kauoha, heaha ka hoopai a ka nahesa ?  p. 14, 15.  Pehea hoi ka wahine?  Heaha ka hua a ka wahine e paopao ana i ke poo o ka nahesa?  Heb. 2:14.  Io. 5:5.  Aole anei e lanakila ana o Iesu maluna o ka Diabolo?

heaha ka hoopai o Adamu? p. 17---19.  Keu ka poino i hiki mai maluna o kanaka mamuli o ka lakou hana?  Heaha ka mea ikaika ka ulu ana ke waiho wale ia ka mahinaai?  Ua kau mai anei ka make o ke kino ia wa?  p. 19.

Owai kekahi poe i hoowahawaha ia a kupaa nae?  Ier. 35:1---19.  Mat. 4:1---11.  No keaha ka ae ana e hoao ia kakou?  Kana. 8:@  Z 13:9.  Pehea e lanakila ai?  Ep. 6:10---18.

Ua ae anei ia Adamu e noho hou ma Edena?  p. 23.  Hiki anei i kekahi e hana hewa a noho ma Paidaiso?

Ua hoomakaukau ia anei ke ala e pakele ai ka poe hewa?  Owai ka ke Akua i hoouna mai i Hoola?  Ola anei ke hoomau ma na hewa a nana ole ia Iesu?  aole anei he pono e huli mau i kana olelo i ike i kana mau kauoha, a makaukau ma ka lawelawe ana ia pahikaua?  Ke ole e aahu ana i ke kahiko a pau o ke Akua, aole anei hemahema?  Aole anei ike o Satana i kahi hemahema, a malaila e pa mai kana mau lu?  2 Pet. 2:9.  Ia wai e nana aku ai i pakele?

Mele.  Nana ia Iesu.  H. A. N. 54.

Ina Ahahui o k@ Moku o Keawe.

Aole i @ @ @@ malama o Auguate a me ka @ @ hana ilaila.  Ua @ @ @ na noho he umi o ka luakini o Ka@makapili i kohoia ia ka mala @ @ @ o Iune, a i maheleia penei : No ka Aha Euanelio olima noho, a no ka Aha Kula Sabati elima noho.

No ka Aha euanelio, ua puunaueia na noho elima penei:  No ka ekalesia o Hamakua Hikina hookahi noho, ua laukoa ae nei kona kula a ke iele nei i ka hala o kona kahu i keia ia, a komo aku i kona mau ii na, (A. L. Smith).  Ia Waipio hookahi noho, ua palauhulu keia manu, he elima pohaku i loaa mai a elima ala i koe, hooikaika ia mai e "Waipio he alolua na pali, hoopihoihoi ia ka pii na o Koae-kea.  M@ pii a hoomau i Kaholokuaina, I ike ae oe i ka hoaiai a ka wai o Hililawe iuka, I ukali aku oe i kou hiki@

Ia Kohala Akau i ka ua Leikokoula, hookahi noho, ua hala mua paha kau.  I na Kona i ka lai a ka eka hookahi noho mai ka palena o Keahualona, a Kaheawai, ma ka nana aku, kau liilii na pua i ka nui o na manu, hookuuia aku ia A. L. S.  Ia Kau hauna i ka lepo, Lele koae, eia iho i Waiohinu i Kauahaao hookahi noho, hoolele ia iho na pehu, a na ka ihu o ka Malulani ka hana.

NOHO KA AHA KULA SABATI.

Ua lawe ae ko Hilo keiki lalawai, hookahi noho.

Aia no i ka hoapili o Kauahaao mauka'e o Auaulele hookahi noho.

Aia i ka makua Rev. S. W. Kekuewa, hookahi noho.

Aia i ke Kula Sabati o Makapala, o Kohala i ka makani Apaapaa, hookahi noho.

Aia i na Kula Sabati o Hamakua hookahi noho.  A no ka pili koke me ka ua Kipuupuu, ua kii mai la ke anu o Waimea, aia iaia ia noho.

Mahalo ia Waimea, he mau keiki no ia hoi olua na ka makua hookahi, a hookahi no a olua u i omo ai, no kahi ka pilikia kokua kahi.

E na ekalesia me na Kula Sabati.  Ka poe i koho. E hoolilo i ko oukou ae i ae io, o oi loa aku i keia loaa ka ino.

Eia kakou i ka malama o ka pahu hope.  Me ke aloha nui ia oukou.  Aloha Karisimaka kakou.

W. M. KALAIWAA.

Aohe Ciaio.

HE MANAO MALALO O KE POO "PAU OLE

NA HANA PEGANA."

Oiai, ma ka hora 5 1/2 P.M. OCT 22 1886 Poaono hiki kino aku au ma ka hale o M. Laamaikahiki ka mea i make ike i kona kino kupapau a me ka wahine kane make, a uwe pu iho la.  Mai ia hora 5 1/2 A. M. Sabati OCT. 23, haalele au i ka hale nona ke kino make, a hoi aku la no ko'u Home.  A ma la hora 9 1/2 A. M. ae, ua hoi hou aku au no ka malama ana i ke anaina pule kupapau.

Mai kuu hora mua i hiki ai a hiki i ka hora hope, aole loa au i ike ua hana ia kahi hana a mau hana pegana.

Nolaila, me ka olaio, ke hoike nei au ma ka akea, aole oiaio o na mea a pau i olelo ia, aole loa.

Owau no me l a oiaio.

S. P. K. NAWAA.

Waiawa, Ewa, Dec. 18, 1886.

Ike hou ia Hana.

KUU AINA UA LANI HAAHAA A ME KONA

MAU ANOAI.

Ma ka oluolu o ke alii ka Moi a me kona Aha kuka-malu i kokua pu ia e kekahi mau Luna Nui o ke aupuni, ua loaa he noho'na palekana i ka mea a kakau nei i keia mau itamu mea hou mai ka noho pio ana malalo o na um@ a ke kanawai iloko o ka Iubile nui o ka Lani.  a ma ke ahiahi o ka la 29 o Nov. ua kau maluna o ka mokuahi "Likelike" no ka iana Ua Apuakea, a haawi ke aloha Iubile i na paia eehia o Kawa a me ka home kuahiwi o Kalaepohaku, kahi a kou mea kakau e lualai ai i na la hala.

A ku makou i ke awa @ai o Kauiki aohe hoi i auau i kahi wai kaulana, aka ua haawi na aloha lulu lima me na kamaaina.  Ilaila hui pu ma ke aloha o ka Berita maemae o ka mare, a me na kamalei he mau bebe.

I ka hoohiki loa ana i ka home ponoi, aia hoi ua launa pu me na ohana a pau.  aka iwaena o kahi ohana o ka mea i make ia'u me ka pahi, ua like lakou me na pipi ahiu o ka waonahele ka ike mai li-o launa ole, eueu na hulu i ka puapua.

Ma kahi la o ka mahina i hala, ua hoao iho la kahi mau wahine kino pepeue e noi me ko laua maalea o ke ano nahesa i ko'u makuahonowai elemakule e haawi aku i ke ki puka o ko maua hale ia laua, me ko laua olelo he ukana ka lakou iloko, elike no hoi me ke ano mau o ka olomana ua hooko ia na manao lapuwale o ka enemi, oiai ko'u wahine ua kaawale no kahi e.  O ke kumu o ko laua komo ana, ua makemake ka e loaa ko'u mau wahi poo aahu, i maunu na lakou e anaana ai ia 'u a make.  A ma ia wa no i hala, ua hele kino aku na enemi imua o kekahi kahu na, a hoike aku la o kona @ai, na'u i anaana oiai au no Kawa.

HE KAULA NUI---Aia iwaena o kekahi o na ohana o kela mea i make ia'u, he kahuna lapaau mana oia wahi a kekahi poe mai.  He kapu ka olelo ino iaia a me kana mau oihana.  I na he umi mile ke kaawale o kahi ana e noho ana, ua hiki iaia ke ike a lohe pai ha i na mea a pau e olelo ia ena.  Na hoonohonoho ana o kona mau Luna Nui---Akahi Kuhina Nui, Akahi Loio Kuhina, a he lehulehu na Ilamuku a pela aku.

A ina e lapaau i kahi mai a mau mapaha e hele pu ana me kona mau luna nui i ka ai puaa a inu awa a pela aku.  Ina he mai lepera---alaila o kana laau ano nui e lapaau ai oia ka lepo palolo o leko o ka loi kalo, hamo i na maka a paa, a me kino pu, alaila, noho ilokoo ka loi e kaa ai e like me na puaa, a he nui wale aku.  Huliamahi na kane, wahine a pela wale.

He oia mau na helehelena nani o ka aina.  he anoano mehameha nae.  Iwaena o ka poe maikai o ka aina ke mau nei no ka noho lokahi pu ana me a'u.  He nui na make o ka apana nei, no ka lilo loa mamuli o na lapaau naaupo ana.  O kahi poe ua hoonaauao maikai ia, eia pu iloko o ia ki-o lepo

G. W. KAUHANE.

Hana, E. Maui, Dec. 14th, 1886.

Nuhou o Hilo.

E ka Nupepa KUOKOA; Anoai wale.  Akahi no kaua a papa leo hou no na la i au wale aku la.  Malia paha o oluolu mai kou mau hookele i keia wahi hunahuna materia e kau ae la maluna.

Ma Onomea Hilo, ke hana mao ole mai nei no ko laila keiki mahiko, nana aku oe la kauluwela ka aina i keia eueu.  I na haku mamua, aole i oi aku ka maemae o ka aina mahiko; a i keia haku hou hoi, he like me ka hoku kona mau maka, e hele mau ana oia i na la a pau, mai Onomea a hiki aku i Aleamai.  A mai Puumoi a hiki i Aleamai, ua pau loa i ka hoolimalimaia, a ua nui a mahuahua keia mahiko ma keia mua aku.

Aia ma keia wahi kekahi hana kaulana o keia mau la, e hoohuoi mai paha auanei oe e ka mea heluhelu.  eia ka haina:  Ma keia wahi kekahi keiki hana ike i na mae  a ka lehulehu e akena ae ai, he keiki pani wai o Iao, a he lua keia no ke keiki Wahakole, ka eueu o na la i hala aku, a o ka helu ekahi aku hoi ia, a ka helu elua hoi keia.  Ma keia wahi no kekahi mau hana lealea, ua malama ae lakou i ka ihiihi o ka ia hanau o ka Moi, ua hoopihaia ka lua o ka inaina, ua inu a kena, a ua ono ka puu i na mea i hoomakaukau ia.  I ka pau o ka paina ana, ua hoohala ia he manawa ma na lealea Hawaii, oia ka hula  a me ka hooholo hawai, a oia na hana nui malaila i keia mau la.  Eia ko laila olelo kaulana o keia mau la: "Ke keiki hana wai aniani o Koae, (pia.)

No Papaikou.  Iloko o keia mau la e hele nei, he mau lono lauahea ke lohe ia mai nei no ka waiho mai o ka haku o ia mahiko, oia no hoi ke keiki lalawai Mr. E. G. Hitchcock, no ke ano onawaliwali paha o kona kino ke kumu o kona waiho mai i ka hana; a ke lono wale ia mai nei, e noho mai ana he mea okoa ma kona wahi.  Ke noho nei na paahana me ko lakou pilikia i ka waiho mai o ko lakou mea nana e kala i ka pilikia; aole no hoi keia he haole he makua no ka lehulehu.  Ina o ka poe pilikia a nawaliwali ma ke kino, e loaa no ka laau iaia me ka uku ole mai.

O ka hana maanei he pupu no, aole holo pono i kahi wa; o kekahi mau limahana ua waiho mai lakou i ka hana no kekahi kumu, oia ke kaki ia no ke puhi baka he hapalua, a no ia kumu maka'u kahi poe a haalele.

eia maanei he mau wahine hana hoohilahila e holapu ana i ka noho maemae ana o kahi poe wahine me ka lakou mau kane, a he mea e ka walohia o ka naau i ka ike aku i na kane e haalele wale ana i na wahine a lilo aku la me keia mau wahine e hana ana i na hana lapuwale.

eia no he mau kaikamahine opiopio e hele auwana wale ana, a e kuulala nei i na wahi kino opiopio ma na hana pono ole, a he hoemi an mai hoi i na manaolana no ka hooko ana aku i ka lea aloha o ko kakou Moi, "o ka hooulu lahui ka makia o ko'u aupuni."  eia nae, iloko no o na la poleo wale, ke hoao nei e hele e huli ma ka moali o ke alanui huli i na mea pohihihi.  E pulama mai i ka kakou mau pulapula hou, a i nalohia aku ai kela wanana kaulana a Keopulupulu:  "Ke hoea ae la, a ke nalo iho la."

He haula mau iho no na paka ua o Hilo nei i keia mau la.  Ma Puumoi, ua make he opio iloko o na wa hi ia helu wale no.  Aloha wale.

Ma keia wahi no, ua malama ae kekahi mau makua i la paina no ka la ua keiki make, a ua nui na makamaka i konoia.  J. B.M. KAPULA.

Ke 'lii wahine Kiaaina Ululani.

Ma ka la 14 o Dekemaba nei, ua weheia he halawai hui na ko Kiaaina maloko o ka hale hookolokolo o Waimea, oia hoi ma ka launa pu ana me na keiki o kona mokupuni.  Ma keia la, ua kalae na lani, ua pohu lai ka aina, a ua loheia aku Ia ka leo piha hauoli o na makaainana no ko lakou Makua Kiaaina hou o ka mokupuni, a eia iho malalo nei ka papa hoonohonoho o na hana o ka la.  Hoomakaia na hana ma ka hora 1 p. m.

Himeni hoomaikai no ka Moi, mele ia mai e ka papa himeni o Waimea.

1  Hawaii Ponoi.

2  Haiolelo, S. H. Mahuka Esq. no ka aoao o na makaainana.

3  haiolelo o ke Kiaaina, a ua mahalo nui ia me na huro ana.

4  Haiolelo panai ma ka aoao o na makaainana i ka ke Kiaaina, na S. H. Mahuka.

5  Himeni.  Kuu aina haau e.

6 Haiolelo pane ma ka aoao o na makai, na Jas. Bright Esq., a he ekolu huro ana mahope, piha hauoli.

7 Haiolelo ma ka aoao o ke au puni, na Geo. Bell a me Jas. h. Nahiwa.

8 Haiolelo ma ka aoao o na loio, na Z. Paakiki Esq.

9 Himeni.  Iesu ka inoa maikai.

10  Haiolelo no na mea e pili ana i ka oihana, na S. H. P. Kauhaeahu, ua wehe mai oia no na mea e pili ana i ka oihana aupuni, he mea i like me ka honu ka panee, aohe paa i kahi hookahi.

11 Himeni.  Nu Maikai.

12  Haiolelo piha ia Hon. J. T. Baker, mahalo nui ia me na huro he 6.  Ua ao mai oia e pono e malama pono i na whi dala,, a me na mea e pili ana i  ko lakou Lani Alii.

13  Himeni.  Kuu aina hanau.

14  Haiolelo no na mea e pili ana i na 'lii i hala aku a hiki i keia wa, na S. P. Wahinenui me D. W. H.Kaupena Esq. ke keiki o ka ua loku o Hanalei, Kauai, a ua mahalo nui ia.

15  Himeni.  Ma ke ao e naue nei.

16  Haiolelo pane ma ka aoao o na kumukula aupuni, na S. K. Maialoha, a na ka Hon. J. K. Kaunamano ka hope, a hookuu na hana me ke mele 598, Ke lii mana mau.  Pule o M. Kaholoaa.     T. K. NAKANELUA.

Laau Mai Lepera Helu I

---A---

S. H. MEEKAPU.

E LOAA A E HOOUNA IA NO MA ke kauoha, ka laau Mai Lepera ma na wahi a pau ke loaa he mau hoike aiaio no ka mai Lepera, a ke hoouna mua mai i na lilo o ka laau.  E loaa pu no hoi me na Rula o ka inu ana.

MRS. THOMAS LACK,

HELU 81, ALANUI PAPU,

MEA KUAI A LAWELAWE I

---NA---

Mikini Humuhumu, na Aahu, a nui wale Aku

HE AGENA KAUAI NO NA MIKINI

White, New Home,

Davis, Crown, Howe,

Me Florence,

Na Kui Mikini o na

ano a pau a Howard,

Na pepa ana lole o

na ano a pau, a me

kela keia me

NA LOPI MIKINI A KALAKA.

HE AGENA KUAI I NA

Pu Raifela, Pu Panapana, Pu ki manu,

na Poka, Lu, Pauda, Kukaepele.

NA KAPUAHI AILA MAHU

Mai ke nui a ka liilii.

Ma ka lawelawe nui ana o'u i ka hana lima akamai o ka oihana hana pu a pela aku, u makaukau au e hooko kaulua ole i na kauoh a pau.

O na kauoha mai na mokupuni e hookohuia.

FRANK GERTZ.

MEA KALEPA A LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

Na Kamaa Buti a me na Kamaahaahaa no na Keiki Kane a me na Kanaka makua, o na ano @

W. AHANA.

KELA HUMUHUMU LOLE

Mea hana i na lole hou ma na paikini mai kai a pau a me ka hoomaemae hou ana i na

LOLE KAHIKO.

HOOLAHA KUMAU.

WILDER & CO. (WAILA MA.)

Hea kuai papa a me na lako kukulu hale ua ano a pau a me na me na pono a pau no ka hale.

Kihi Alanui Moiwahina me Papu.

PACIFIC HARDWARE COMPANY

Na kope o Dilinahama Ma.

Mau Mea Kuai Lako Hao
Alanui Papu, Honolulu.

UA WEHE AE NEI O

Y. ANIN

---HE---

HALE INU KOPE

HELU EKAHI.

MA NA KIHI O NA ALANUI

Hotele a me Maunakea.

JAMES DOWER.

 Oia noi o Kimo Kapiolani, ka ona mua o ka mokuahi Kapiolani.  Ua makaukau oia me na lako apau, no ka hana ana i na waapa, a me ka hana hou ana i na waapa naha.  Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa.  E hele mai ma kona hale Manamana.

Honolulu.

H. HACKFELD & CO.

Mea Kalepa Nui, a Kuai Kukaa i na

Waiwai Lole, a me na Mea Hao

A HE MEA

KALEPA WAIWAI NUI

HONOLULU, H. I.

HALEKUAI HOU

---ME NA---

LOLE HOU!!

KA HALEKUAI MAKEPONO LOA keia o neia Kulanakauhale me ka mai kai loa no na lole ma ke kihi o na

Alanui Papu me Kalepa.

Na Lole o na ano a pau no na

Keonimana me Keikikana.

Na Lole komo.

Na Papale,

Papalekapu,

Na Pahu waiho Lole,

Na Paiki Ili,

a pela aku.

He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

Ka Hale Kuai keia o ke Kanaka Ilihun He mea e lawa ai ka makemake o ka poe uuku o kahi loaa.

O KO MAKOU MAKIA,

E OLA KE KANAKA ILIHUNE

E hele mai a e nana pono, i ike a pau kuhihewa.

EGAN & CO.

PAPA! PAPA!

AIA MA KAHI O

LEWERS & COOKE.

(O LUI MA.)

ma ke kahua kahiko ma Alanui Papu a me Moi

E loaa ai na

PAPA NOUAIKI

 

o kela a me keia ano.

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele. Na Papu

Ku, A me na Papa Moe nui loa.

NA PILI O NA HALE O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ke Makalii. Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano. Na Aila Hoo-

maloo.  He lehulehu wale.

Na Aila e ae o na

ano a pau.

NA WAI VANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

---NO KA---

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

HELE MAI!  E WAE NO OUKOU

HOOLAHA KUMAU.

Kakela me Kuke.

HALEKUAI NUI O NA WAIWAI.

E laa na pahiolo, koi hole,

hamale kui nui a me liilii, kila,

wili puaa, rula, apuapu, kui o na ano

a pau, kala kaa, aho keopaa puka

pohaku hoana, kepa, lei ilio kaa-

la hao ilio, pahi, upa, pahi umiumi,

kalpu, kope hulu, pulupulu, cepa ka

lakala, lina hao, ami, keehi, a me

---KAULA OPU---

Palau o na ano a pau,

Oo, ho, kopala, pe, kipi-

kua, hao kope, au ho a pa

a aku, kua bipi, lei bi-

pi, kaula hao bipi, uwea

pa, uwea keleawe, hao p@

piula, kaa palala, ipuhao, ipu ti

PA-PALAI MAKAU ME KE AHO

Ili wai, papa holoi, kopa ala, kaula

@uaina, hu'akai, ehi wawae,

hulu pena, a pela aku.

Pena wali, kini nui a me liilii o na

ano a pau, me ka pepa kuhi-

kuhi, pena keokeo, aila

pena, aila hoomaloo.

vaniki kaa, a me

vaniki moe,

PENA HOOMA-

LOO

---a me aniani hale---

AILA MAHU, AILA MIKINI, AILA @

AILA KAA, INIKA KAMAA.

PAUDA, KUKAEPELE, KIANA

PAUDA, UIKI IPUKUKUI ONA

ANO HE NUI A LEHULEHU.

LOLE MAKEPONO

---E laa na---

AHINAHINA, KALAKOA, KEO-

KEO, LEPONALO, HULUMANU

UWE-WAHINE, KUI HUMUHU

MU, A ME KA LOPI

Ke Kuike a loaa no ia ma kahi

Kakela & Kuke !

NA MEA PIULA

Mikini Humuhumu

Makini a WHEELER a me WILSON

MIKINI WILOX ME GIBBS

NA MIKINI A

---REMINGTON---

He nui loa mea hao me na ukana ae o na ano a pau, aole hiki ke hai pau ia aku, hewa i ka wai na maka ke @ke

Laau Lapaau Kaulana Loa

A DR.  JAYNE.

LAAU HOOMAEMAE KOKO,

LAAU HOOPAU NAIO,

KUNU, PENIKILA, HUAALE,

PAAKAI, LAAU HOOPAA HI,

Me na Laau Hamo, a Pela 'ku.

Kakela me Kuke.