Ka Nupepa Kuokoa, Volume XXVI, Number 2, 8 January 1887 — 1887. KA NUPEPA KUOKOA NO KA MAKAHIKI HOU. [ARTICLE]

1887.

KA NUPEPA KUOKOA NO KA MAKAHIKI HOU.

Me ke kanalua ole e hiki ia makou ke hoolaha aku imua oka lehulehu o ko makou mau poe heluhelu, e oi aku ana ko makou hooikaika no ka pono a me ka pomaikai o ka poe heluhelu 1 ke Kuokoa iloko o ka makahiki 1887. E hoomau ia ana na moolelo e puka nei a hiki i ka pau pono ana, a e hoopuka ia ana no hoi kahi mau moolelo kaulana hou ke loaa iho na kowa kaawale iloko oka pepa. E hoomaka ana makou e hoopuka i ka Moolelo o Enelani mai ka wa kahiko loa maL He moolelo «iaio keia ahe inea hoowaiwai i ka lehulehu ma ka hooniauao ana i ka poe heluhelu ma na mea e pili ana iko na aina ea me na lahui oia aina. KA MAKANA NO lS8;. O ka makana ake Kuokoa e haawi ai i kona poe heluhelu no keia makahiki ae, he makana i oi ae ka waiwai 1 ko na makahiki mua, oia no ka Bukf. Alemanaka Hawaii ame ka Hoike Manawa a Kalamu. He buke maikai keia i paiia me na hua moakaka i humuhumuia a paa pono, ahe waiwai no na home o ko makou poe heluhelu. Iloko o keia buke na moo- ; lelo a me na mea heluhelu e ae, a me i |ka hoike manawa no 1887, he kanalima a oi ae na aoao heluhelu. E makana wale ana ke Kuokoa i keia buke i kona poe heluhelu a pau e lawe ana i ka pepa no 1887 me ka hookaa mua i na dala elua o ka ukupepa iloko o ko makou nei keena; a na ka poe hiki mua ka loaa mua. KA POMAKAI O KA POE KAKAU MOOI.KLO. E haawi ana ke Kuokoa elua makana i kona poe kakau moolelo o ka makahiki 1887. I ka mea nana ka moolelo helu ekahi ma ka ohohia a me ka makeeia e ka lehulehu, e makanaia ana he kanakolu dala, a i ka mea nana ka moolelo helu elua iho he umi d \la ka makana. O keia mau makana, he pomaikai kaulele wale mawaho ae 0 ka uku hoolimalima i ae like ia mawaena o ka poe kakau moolelo ame ka pepa. Ke manaolana nei makou e heohua nui mai ana keia i ka pomaikai no ko makou poe heluhelu. E pono i ko makou poe luna a me ka poe lawe pakahi e hoouna mua mai i na kauoha a lakou mamua ae o ka pule mua o lanuari, i hiki pono ia ma kou ke hoomaopopo i ka nui o na pepa e hoopuka ia.