Ka Nupepa Kuokoa, Volume XXVI, Number 8, 19 February 1887 — HOALOHALOHA. [ARTICLE]

HOALOHALOHA.

Ika Mea Kiekie ke Kama 'Lii wahine Lydia Kamakaeha LiliuokalaNt Dominis. 0 makou o na makaainana o ka Moi no ka apana o Waialua, mokupuni o Oahu. A mamuli oka lohe walohia oiaio i hiki mai i o makou nei ma ka la 2 o Feberuari, hora 6p. m. Ua lawe aku ke Akua Mana Loa i ke ola makamae o ka Mea Kiekie ke Kama 'Lii wahine Miriama Kapili Likelike C!eghorn kou kaikuaana alii i aloha nui ia, a ua ili iho maluna ou a me kou ohana alii ke kaumaha kuhohonu a me ka luuluu kumakena aloha nui ia. A ua hoopilihua ia oe a me ka ohana alii ame makou kekahi oko oukou lahui kanaka no keia pilikia kumakena. A e oluolu oe ame ka ohana alii la makou e komo pu iloko o keia luuluu kaumaha kumakena. Ake pule nei makou i ke Akua Mana Loa, e hooluolu i kou ame ka ohana alii pilihua a kaumaha. A c hooloihi i kou ola ana a me ka ohana alii iloko o kona niana alohukiekiehemolele. O makou no me ke aloha nui: