Ka Nupepa Kuokoa, Volume XXVI, Number 10, 5 March 1887 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

Paiia e THOS G THRUM ma ka Halepai o a Hui "PRESS PUBLISHING COMPANY," Keeaa Hooponopono, ma na kihi o Alanui Moiwahine me Nuuanu.

            E hoouna muaia mai na Olelo Hoolaha ma ke Keena Hooponopono mamua ae o ka hora 13 o ka awakea o na Poaha a pau.  Aole e hoopukaia na Oleleo Hoolaha ke laweia mai mahope o ka hora i hooikekia maluna. E hooko piha aku ana makou i keia rula maluna.

            E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu.  Ina e loaa pono ole aku keia pepa i kona poe lawe, e hai mai me ka hakalia ole i keia Keena.

            O ka uku a keia pepa e haawi ai i kona poe ia@a, he umi keneta no ke dala,, koe ka apana o Kona, Oahu, a me kekahi mau apana e ae kahi nui o ka luhi i ka halihali ana i ka pe@, ma ia mau apana, e hooiia ka uku luna.

Kela me Keia.

            He kulana nawaliwali loa ko ka Emepera Uilama o Geremania i keia @.

            Ua inu ho kekahi kaikamahine opiopio i ka aila mahu a aneane e make.  Eole na lawelawe ana a ke kauka pakele ai.

            Ua hemo mailoko mai o Makia o Kapalama he koe loihi, nona ke aweawe he 12 iniha.  he ku i ka manaonao ke nana aku

            Ua pulupe iho ke kulanakauhale i na pakaua lelehune i panai pu ia me ka makani i ke ahiahi.  Poaha nei. He omamalu ko luna i keia mau la.

            Ua loaa mai he lohe no ka poaloia ana e na maka a maka hookahi paha o kekahi kanaka ma Kohala e ke kiwi o kekahi pipi kauo iaiai e hoopa ana i ke k@

            Ua hoi mai nei ka haole kukui uwila D P.Smith me na lako hoohana.  A ua loheia mai, e hoomalamalama ia ana ke kulanakauhale o Honolulu nei me ka uwila.

            Ua loheia mai aole i emi iho malalo o na tausani dala elua ka loaa o ka opiuma i kuaiia i ka la mua loa i weheia ai.  O ka nui o na poe puhi opiuma he mau haneri ia e pii mau nei.

            He hoolaha loio hou ke puka aku nei ma keia helu, no Mr. D. B. Wahine, e anan ae.  O ka poe a pau i loaa me ke pohihihi o ke kauawai, ua kono ia lakou e hele ae imua ona a nana e wehewehe mai peneia e hana ai.  He wahi poo puaa paha kahi?

            O kahi e hoopu-a iki ia mai nei kahi kulu a me ka uwahi polopolona opiuma, aia ma na hale pohaku ma alanui Hotele e pili kokoke la me ka hale inu watona Cosmopolitan. O ka hale kuai kukaa hoi, eia ma ke keena lalo o ka hui o C. Afong, alanui Nuuanu.

            O ka wanana a ka lua o ka Hoolaa i hoolahana mamua aku nei e pili ana i na haawina pahaohao e hiki mai ana ma Hilo, aohe i hookoia.  A o ua la nei i wanana ia oia ka la 14 o kela mahina aku nei, mamuli o kona ike ana ua hoopalau ka la me ka mahina.  Ahu ka epa i nei kahuna Katolika.

            He keena hoikeike kii ke ku nei ma alanui Hotele pili pu me ka hale kuai iole o Kukima.  He hoikeike kii o na ano a pau ka hooleleaka ia ana me ka malamala o ke kukui a me na aniani hoonui ike.  Ua wehe ia iho nei i keia mau po, no 25 keneta uku komo.

            O kahi a ke ahi a ka pele pauahi i hoopuiwa ae ai i ko ke kulanakauhale nei i ka Poaono i hala, aia ma alanui Nuuanu e pili kokoke la i ka pa o Kuini Ema.  He ahi keia mamuli o ke pahu ana a ke kukui mahu.  Ka anehenehe wale mai nei ia hapa o ke kulanakauhale e lilo i puu lehu na ke ahi.

            Ke halo'ahalo`a ae nei ke kahua pauahi me na hale pohaku kiekie, a he kulana o ka hiehie ke nana aku.  Eia hoi ma ke alanui Kalepa ke wawahi ia nei ko laila mau olo paikini, a he mau hale hou ke ku aku ana.  Pela me na hale laau e lalani la ma alanui Papu e ku nei ko Makanani hale kuai lole.

            Wahi a kekahi makamaka e hoike mai ana:- Ke ike ia aku nei ka luna alanui o Hilo nei e pahonohono mai ana i na wahi poino ma ke ano hoohoihoi makua honowai. Aole me ka manao e palekana loa ana no ka manawa loihi, aka e aho ike nae paha ia o ka hamohamo ike ae i ola ka mai he hilahila.

            Ma ke koho balota ana mai nei o na moho e lilio ai ka noho luna makaainana e Wailuku ma kahi o Geo. E. Richardson, ua puka mai la ka Hon. J. L. Kaulukou, Ilamuku o ke aupuni i heia wa.  Oia kahi maea i loaa aku i ko makou hanu mea hou o ka hanuhnau ana.  E nana ae i kekahi palapala e puka aku nei e pili ana no ia hana koho baloa ma ka apana o Ulupalakua.

Na alanui o Hilo nei.

            Nui ka pilikia e na alanui o Hilo nei i keia mau makahaiki e hele nei; ua naha na uwapo a popopo pu no hoi me ka hooponopono hou ole ia.  O ke alanui me na alahaka, oia ko Hilo nei pilikia nui.  Aia la ka ihea ka puu dala o koonei mau alanui i hookaawale ia iho nei; ua pau no paha i ka alamiki ia e lakou ma ae?                J S K. Ailana

            Pela paha, e ka makamak; malia nae paha o loaa aku ke dala e paho@o hono hou ai i ko oukou mau alanui, oiai eia ka opiuma ke ohi hapuku nei i ke dala a lu aku ma kela a me keia wahi o ke aupuni.  E lu ia ana paha na alanui me ke dala, alaila uhi iho ka lepo.  O ko Kauai no hoi ia e kali mai nei, ko Maui me ko Molokai, e maemae ko lakou alanui.                N. K.

Ke kia Hoomanao o Rev. L. Laiana

            I na Kula Sabati a puni ka Pae Aina, a i na ewe ponoi o Hawaii, a me ka poe a pau e noho ana malalo o ka maluhia o ko Hawaii Have nani, mai ka Lani iluna  i ka honua ilalo; Aloha oukou:-

            E hoomaka ana ke Komite Hoeueu e pili ana i ke KIA HOOMANAO o ka Makua Rev. L. Laiana, i kana huakai mua loa malalo o kana misiona ma ka mokupuni o Kauai o Mano; ma ka mokuahi o ka pule elua o Maraki ae nei.

            O ka hana a ke Komite e hele aku ana, aole ia he hana i hoeueu ia ma ka hookonokono ana a hai, aka, h hana ia i hooniia ma ka ikoi o ko Hawaii puuwai hamama, a ke manaolana nei kooukou komite aole no he mea nana i pani ia haama ana o ka puuwai o ka lahui Hawaii, a hiki i ka hulihia ana o ko ka honua a pau; no ka mea, he lahui keia i maa i ke nahu pu ana i kahi hakina ai hookahi, a ua uwe ia ia wahi hakina ai.  He wahi hakina ai hoi ia, he mea loa wale, aka, o ka Makua hoi keia o kakou nana i hana aloha nui i keia lahui, he mea loaa ole.  E kukulu kakou i KIA HOOMANAO nona.

            E ka moku kaili la e, ua lilo ia oe ka hanohano, ma ka hoomaka ana i keia hana nani e poina ole ai i kau mau moopuna ma keia hope aku Aloha.                 E. S. TIMOTEO.

Ka Aina Mauna.

            I kuu ipo aloha ka nupepa KUOKOA, Welina pu kaua.

            E oluolu ia mai oe e hookomo iho ma kahi kaawale o kou kino lahilahi i na mea hou o kuu aina.

NA MEA PILI KULA SABATI.

            Ua waiho mai o S. H. Mahuka i kona noho Kahu Kula Sabati ana,  a ua koho nono ia o Mrs. H. Parker i Kahu Kula Sabati no makou, a o Mrs. Paakiki i Hope, S. H. Mahuka i Puuku, Z. Paakiki Kakauolelo, H. P. Kauaheahe Ao Himeni, a ke holo pu pu iki nei na hana imua ma o keia kahu hou la.

NA MEA PILI KINO.

            Ua hoolaha mua ia aku ka hanau ana o Mrs. Annie Bell he kaikamahine nui momona i na pule mua o Ianuari o keia makahiki, aka, mahope mai, ua kau iho la na lala oolea o ua Bell nei maluna o kana Eva a pouli pu na maka, a aneane e iho loa aku no mao o keia noho ana, aka, ua pakele nae ke ola o ka mama o ua bebe nei.  O ke sahio no ke kumu o keia.

NA MEA PILI KANAWAI.

            Ekolu hihia i lawe ia ae imua o ka Lanakanawai Apana.

            I hihia hapala lepo maea.  I hihia hoomahuka wahine, he wahi kuli keia o Betuela ka inoa.  I wahine haalele kane a me na keiki, o Fae kauhaeahu.  Ekolu po a he ekolu ao o ka pee ana, a nana no i hoike ae.

            He mea hilahila na wahine o keia ano ka haalele i na kane me na keiki uuku kokoke e make, aka lilo e nae i ka oni a ke kikala, i ke koii a ka makemake, a haalele i ka mea i nui ai na maka iwaho; a e like me ka ke Akua berita mawaena o Adamu a me Eva, me ka eha oe e hanau ai i ke keiki.

            E na wahine, mai hoohalike me keia makuahine haalele keiki, ke aloha ole i na lei o ka wa opio.

J. H.  KAWAIOULU.

Ka Hon. J. A. Nahaku.

Me ke kakahiaka poniponi o ka Poaha nei, la 24 o keia mahina i hala iho nei, ma Honuakaha, Honolulu nei, ua oluolu i ka Makua Mana Loa, ke kaili ana aku i ke aho hope loa o ko makou papa i aloha nui ia, a waiho aku la no ka moe kau a hooilo no kona home hope loa ma Makiki.  A ua waiho iho la mahope nei he mau waimaka e paiauma aku ana ma keia aoao o ka lua kupapau.  A mamuli no hoi o ka hoomailo loihi ana o ka mai iaia no na makahiki loihi ehiku a hala wale aku la.

            Ua hanau ia o Hon- John Nahaku ma Mahukona Kohala Hawaii ma ka la 18 o Sepatemaba, o ka 1830 mai ka puhaka mai o Kaoiokalani (w) me Namaka (k) a hiki i keia hala ana aku la, ua like me 56 makahiki, 5 malama a me 6 la.

            Ua hoonaauao ia o J. A. Nahaku ma  na kula apana o Kohala, a ma ka makahiki 1850, ua komo i ke kula wae a Rev. E. Bond, ma Iole, ma ka makahiki 1852 komo i ke kula hanai o Hilo, a ma ka makahiki 1854 komo i ke kula nui o Lahainaluna malalo o ka noho kumu nui ana o W. P. Alexander a ma ka makahiki 1857 puka mai Lahainaluna mai, a hoi no Kaanapali mare i ka wahine oia o Mrs. Ruth keliiokahekili, a malaila i noho kula ai ma ka makahiki 1860, hookohu ia i hope Makai Nui no Kaanapali,  I ka makahiki 1864 kohoia Elele no ka Ahaolelo ku i ka wa.  A ma ka makahiki 1866 koho ia i Lunamakaainana no ka apana o Kaanapali, ma ka M. H. 1868 koho hou ia, M.H. 1876 koho ia i Luna helu no ka apana o Molokai me Lanai.  Ma ka M. H. 1875 koho ia i Lunahelu no ka apana o Lahaina, ma ka M. H. 1876 koho ia i Lunamakaainana no ka apana o Kaanapaii, ma ia makahiki no koho ia i Luna Auhau no ka apana o Makawao.

            Noho hou no i Luna Auhau no Makawao i ka M. H. 1857-75- a ma ka M. H. 1879 koho ia i Luna Auhau no ka apana o Molokai me Lanai.

            Ma ka M. H. 1880 koho hou ia i Lunamakaainana no ka apana Kaanapali, oia kona kau hope loa i ke kau Ahaolelo.

            Ma ka M. H. 1881 oho ia i hope Lanakanawai no ka apace o Lahaina he hope no D. Kamaiopili.

            Ma ka M. H. 1882 koho ia i kakauolelo no ka papa mookuauhau o na lii hanau o Hawaii nei, a ma ia hana ia a hele wale aku la.

            Ma ka 1883 koho ia i Luna Aauhau no ka apa o Lahaina, oia kona makahiki hope i lawelawe ai i ka oihana aupuni.

            No ka Oihana Loio, ua hoomaka kona lawelawe ana i Loio piha mai ka M. H. 1866 mai, a hiki i keia la i hai ia ae la maluna, ua wahi mai la oia i na hana a pau o keia ola ana.

            He kanaka o J. A. Nahaku i hilinai nui ia e na hoa`loha, a he kanaka hoi i makee nui ia e ko kakou Moi i aloha nui ia, ua noho hoa ia e ia na mea a pan o Maui a puni.

            He makua aloha, he lokomaikai, he heahea he hookipa, he ike mai ke nui a ka liilii, aole no paha e poina ana kona mau hoa`loha iaia.

            He makua pauaho ole ia makou na keiki, me na moopuna, a pela no i ka ohana a pau, aole no hoi ia i pauaho mai ia makou, oiai ka nawaliwali e hooiao mau ana i kona kino, a pela no i hoomanawanui ai i na poino o keia ola ana a hala wale aku la.

            A ke nonoi ae nei makou i na mana lani, e hoomama mai oe i ko makou naau luuluu. "E hoonani ia ke Akua ma na lani kiekie, he malu ma ka honua, he aloha no i kanaka.  Amene."

JNO. K. NAHAKU. JR.

Eia iho ko Honuaula mau nuhou.

            E kuu Nupepa KUOKOA E:-

            Eia mai au me ka'u wahi puolo mea hou a'u i ike ai, a nau e hoopoholo iho i na kuineki o kou mau oneki ahonui; a nau ia e ka lio Baka Boloka e uwila ae ma na aupuni Aniani he umikumamalua o kaua nei, mai ka la hiki a ka la welo i Lehua.

            Oia keia: He mau la omamalu ua wale no keia o makou nei, kakaikahi ka wa ike ia o na kukuna wela o ka la i kahi wa, o ka hapa nui he omamalu a me na pakaua eloelo, e hoopulu mau ana i ka ili honua, ua hagi higi no, mai mea ae he ma-u ia hewa ia la ea, ua pono hoi,

            UA HOOKUUIA O SHOOT GUN MAN.   Ma ka malama paha o Ianuari aku nei i aui aku la, ua hookolokoloia imua o ka Lunakawai Hoomalu o wiluku kahi keiki ki pu o Ulupalakua, oia o Peter Punika Hoomana: i ki ai ia Mr. Maui i ka pu, no ke aha ia ke kumu i hookuu ia ai, no ka opiopio paha o Shoot gun ka mea i pahemo ai ma ka apua opae, ke mahiki la, anoai he opae aku la hoi, he mahiki lua.

            He moolelo ku i ka hoonana kona ke lohe ia, i ka wa i hemo ai mawaho o ka umii ana a ke kanawai iaia, ua malama ae na wahi makua i wahi anaaina ua wahi kolohe la a laua, he kauna a oi wale ae ka poe i luakaha pu ma keia wahi papaaina, i kona wa e noho ana iloko o ka hale paahao, ua mahuka mai no ia a loaa i Kalepolepo i ka makai, hanau a ka hoonana u hoi he ihu ia.  Ua ola loa ka mea i ku i ka pu i keia wa, aole i hemo ka poka, aia no i ke poi o ke kuli kahi i lolu malie ai, ua puhili ka ike wehe o ke kauka ma ka wehe ana i ka poka ma ke kuli o Maui, ua ike pono keia makapeni e ulele hala ole nei i keia sekona i ko ke kauka wa i hoea mai ai mai Wailuku mai, me ke ahuawa kani pookela i ka puu.

            HOPU IA KA POE KAA OLEO KA AUHAU. Ma ka pule elua paha o ka malama o Jan. 1 hala aku nei ua kii hou mai la ka makai J. Kapohakimohewa i ka poe i kaa ole ka auhau o Honuaula nei, a he nui a lehulehu loa ia poe, mamuli o ke kauoha a ka luna auhau o ka A. D. 1886 i pau mua ke aho i o olepau, i ke kii ana mai ua loaa wale no ko lakou pai hakahaka mai ka luna auhau mai, hoka loa kahi police, a o ka poe i loaa ole ka palapala hookaa, poke aku la o Bila wahi a ka ulua pihi lolelole. Pono anei keia  e hana ai na kanaka  o ke aupuni, elua anei ohi ana o ka auahau o ke kanaka i ka makahiki hookahi?  Aole! Aole!! Aole loa no he pono ole ia mau hana ana me ia, he hoopilikia maopopo keia pela e hana ai.

            KOHO BALOTA MA ULUPALAKUA.- Ma ka la 25 o Feb. nei ua malama ia ke koho balota hou ana, i pani ma ko Hon. G. E. R wahi i hookiekie a nei, a ma ka noho ana o ka papa, ua ike kou mea kakau i ka mea i mahuahua na balota ia la ma ko'u noii howelo ana, ua loaa ia'u na huina balota olaio e like me keia malamo nei, Hon. J. L. Kaulukou Ilamuku ni, he 15 balota kumukla Chales Wilcox he 9 balota, John richardson he 22 balota, eia ka mea@apiki ua nui keia papa nana o ka poe i koho mua ole maanei ua ka pae ia ae la, eia no ka inoa o ia poe ke kau nei, ma ka apona o Wailuku kapoe ia ae la nae, aia paha a koho i ka lakou la balota, noho ana paha i ka pahu balota, nui kela.           Me ka mahalo.

L. KALEILANIUMA.

HOALOHALOHA

I KE ALIIWAHINE

Ka Mea Kiekie ke Kama`liiwahine LILIUOKALANI ka Hoolina Kalauna o ko Hawaii Pae Aina, maluna o na ale kupikipiko o ka moana Pakipika.

Me ka Ehaeha.

            Mamuli o ka lona walohia, ehaeha, kupilikii, i poi pu iho maluna o ke Kalaunu o Hawaii a me ka Lahui holo okoa

            Ua ahonui i ka Mea Mana Loa i ka o-u ana iho i ke ola o kekahi Koo o ka hale o Kalakaua I, kou muli Pokii Alii imi lani i aloha nui ia, ka mea Kiekie ke Kama`liiwahine Miriama Kapili Kalikohou Likelike me kela aoao o ka home mau o ke kino.

            O makou o kou mau hulu-lopa o ke kalana o Koolauloa, Oahu, ma o ko makou komite la.

            Ke hui pu aku nei makou me oe iloko o kou luuluu e haawe pu me oe.

            Ke Kulou haahaa iho nei makou me ka haliu ana ae o na maka iloe o ke ao eleele o ka lani, e hoomaalili mai i kou noho paiauma ana, ma keia aoao aku o na ao eleele o ka lua.

            Pela ke Akua Mana Loa e ahonui mai ai ia oe.

JNO. KALUHI, MOSES NAKUAAU, C. N. KALAMA, G. M. KINIMKALEHUA, L. K. KAHOINO, G. M. KIILEHUA.

Koolauloa, Oahu, Feb. 10 1886.

 

I KA HAKU ALIIWAHINE

 

Ka Mea Kiekie ke Kama`liiwahine VICTORIA KAWEKIU KAIULANI LUNALILO KALANINUIAHILAPALAPA.

Me ka Luuluu.

            Mamuli o ka lono eehia walania kupouli i haawe iho maluna o kou mau poohiwi alii palupalu a me ka Lahui holookoa.

            Ua lawa i ka Makua Mana Loa i ka lawe ana aku i ke ola momi waiwai nui o kou makuahine alii, kekahi aho-pueo o ka hale o Kahikuonalani ka Mea Kiekie ke Kama`liiwahine Miriama Kapili Kalikohou Li@elike ma kela huli o keia noho inea ana.

            O makou o kou mau kauwa haahaa o ka noho o Kool@loa Oahu, ma o ko makou komite la.

            Ke uwalo pu aku nei makou e aahu pu me oe iloko o ke koloka eleele o kou kaumaha e ka Wohi opio i hooneleia i ka makuahine alii ole.

            Ke haliu haahaa aku nei makou me na ulono o ka pule imua o ke Akua Hoano Loa, e hoomanao mai kou noho kanikau ana.

            Pela ke Akua Kahikolu o ka lani, e hiipoi mai ai ia oe iloko o kona lokomaikai.

            JNO. KALUHI, MOSES. NAKUAAU, C. N. KALAMA, S. M. KINIMAKALEHUA L. K. KAHOINO S. N. KIILEHUA.

            Koolauloa, Oahu, Feb. 10 1887.

 

            I ka Moiwahine

            O makou o ka Ahahui Hooulu a Hoola Lahui o ka apana o Hanalei mokupuni o Kauai, ma o ko makou Komite la.

            Me ka naau Walohia ke komo pu aku nei makou me oe iloko o ke kaumaha a me ka luuluu n oka hala ana aku o kou kaikoeke a pokii hoi i aloha nui ia ke Kama`liiwahine Miriama Kapili Kalikohou Likelike, a he Alii i aloha nui ia e na mea a pau, mamuli o ka hoopono ma ke kulana Alii, a me ka noho`na kino.

            Ua kau iho maluna ou e ka Moiwahine, Moi Kane, Kooilina Moi a me ka Ohana Alii a pau keia kaumaha a me ka iuuluu, nolaila, ke noi ae nei makou i ka Makua Mana Loa e hoomama mai i ko oukou naau kaumaha a me ka pilihua.  O makou iho no o kau mau kauwa haahaa.

CHAROTTE KAKINA

R. K. KANEOLE

ROSE KANEWAINUI.

Hanalei, Kauai, Feberuri, 10, 1887

            I KA MOI O KO HAWAII PAE AINA. O makou o koa mau makaainana haahaa o ka apana o Hanalei ma o ko makou mau komite la.

            No ka mea ua oluolu i ka Makua Mana Loa ka lawe ana aku i ka hanu hope loa o Kou Kaikuahine Alii aloha nui ia Mrs. Miriama Kapili Kaliko hou Likelike Cleghorn, a ua lilo ia i mea e eha ai Kou naau, a pela pu no hoi me koa mau makaainana haahaa, nolaila.

            Hooholoia- Ke haawe pu nei ma kou me Oe e ke Alii iloko oia kaumaha hookahi.  O ka ma me ka mokumokuahua i loohia ia Oe e ke Alii, ua pahola pu iho ia maluna o makou kou mau makaainana haahaa.  O ka makou pule i ka Makua Mana Loa e hoomama ia mai kou naau kaumaha, a e hooloihi i aKou ola ana, a me Kou nohoalii ana, apela hoi me ka Ohana Alii a pau.  O makou iho no o kou mau makaainana haahaa loa.

           

            I ka MEA KIEKIE, ka Hooilina o ke Kalauna o ko Hawaii Pae Aina; Me ka Walohia:

            O makou o na makaainana o ka apana o Hanalei, ma o ko makou mau Komite la.  No ka mea, ua oluolu i ka Makua Mana Loa ka lawe ana aku i ka hanu hope loa o kou pokii Alii i aloha nui ia Mrs. Miriama Kapili Kalikohou Likelike Cleghorn, a ua lilo ia i mea e eha ai kou naau e ka Mea Kiekie ke Alii, nolaila,

            Hooholoia- Ke komo pu aku nei makou me oe e u, a e haawe pu iloko o ia kaumaha hookahi.  O ka luuluu, a me ka mokumokuahua o ka naau i loaahia ia oe e ka Mea Kiekie ke Alii, ua pahola pu iho ia maluna o makou.  O ka makou pule i ka Makua Mana Loa e hoomama ia kou naau kaumaha.  O makou iho no o kau ma kauwa haahaa.

            R. PUUKI,

            JNO. KAKINA,

            J. W. KAAPU,

            M. A. MIKAELE,

            S. KAIAWE,

            J. S. KAEHA,

            S. KANEWANUI,

            E. KAALOA,

            E. KUAPUHI.

 

KA HOOLEWA ALII.

            Mahope iho o na hooponopono a me na lawelawe ana i ke kino kupapau o ke Kama Aliiwahine Likelike maloko o ka hale alii i ka auna la Sabati 27, aia ka huakai hoolewa nui ke ku makaukau la ma ke alanui.  A no kekahi mau minute mahope iho  oka hor 3 ua hoomaka aku ia ke kai o ka huakai iwaena o ka hamumu malie o na leo kumakena.  he la malie maikai keia a me ka malumalu no hoi, a o ke ala e kamoe ana ka huakai hoolewa, ua hoopiha pu ia e na makaikai mao a maanei.

            E kamoe ana keai huakai mai ka hale ali a hiki i ke alanui Moi, alaila moe pololei aku la a kikee ae ma ke alanui Nuuanu. He huakai nui a loihi, na koa na ahahui, ka puali kinai ahi o Honolulu, na luna aupuni na makamaka o ka mea i make a lehulehu loa aku.  Iwaena o na leo anoano o na puali puhi ohe e hooeehia ana i ka lewa i kai malie aku ai ka huakai, a he hele ana no ka poe i haawe wale i ka luuluu o ka mea i hala.  Maluna ae o na mea a pau, he maluhi wale no.  a no ka hoomaikeike ana aku i ke ano o ia huakai, ke hoopuka aku nei makou e like me ia malalo iho nei:

Mea Hana Pahu

`Na Makai

Ilamuku o ke Aupuni

Kula Nui o Sana Lui

Na Koa Opio o ke Kula o Kehehuna

Puali Phi Ohe Pukiki

Oihana Kinai Ahi o Honolulu

Hui Mechanic's Benefit Union

Hui Improved Order of Red Men

Hui Ancient Order of Foresters

Hui America Legion of Honor

Hui Knights of Phythias

Hui Geo. W. De Lon Post, Helu 45 GA

Hui Independent Order of Odd Fellows

Ahahui o ka Hale Naua

Ahahui Hooulu Lahui

Ka Ahahui Nihoa

Ahahui Hookuonoono Liliuokalani

Mahele 2, Hui Hoonaauao Liliuokalani

Mahele 1, Hui Hoonaauao Liliuokalani

Na Kauka o ka Mea Kiekie ke Kama Aliiwahine i make

Puali Puhi Ohe

Pualikoa Honolulu Rifles

Pualikoa Mamalahoea

Puali Koa Queen's Own

Puali Koa King's Own

Pualin Koa Prince's Own

Puali Koa Kiai Ponoi o ka Moi

Na Kaha o ka Mea Kiekie ke Kama

Aliiwahine Liliuokalani

Na Kahu o ke Alo Alii o ka Moi

Na Kahu o ka Mea Kiekie ke Kama

Aliiwahine i make

Na Kahu o ka Ekalesia Hoole Pope

Na Kahu o ka Ekalesia Katolika Roma

Monseigneur ka Right. Rev. Bihopa Olba

Vika Apokolo o ka Paeaina Hawaii

Na Kahuna o ka Ekalesia Anegalikana

Ka right Rev. ka Bihopa o Honolulu

Aliikoa e paa ana i na Hoailona Hoku

a me na Hoailona Alii o ka Mea

Kiekie ke Kama Aliiwahine

i make

Aliikoa e paa ana i ke Kalaunu

 

Mahele koa kaua Lio

Na Kaliili Nunui

Na Kahili Liilii

Na Hapai Pahu

 

Mahele Koa Kaua Lio

Na kahili Nunui

Na Kahili Liilii

Na Hapai Pahu

 

Kaa o na Pilikana Ponoi

Kaa o ka Mea Kiekie ke Kama Alii-

wahine Liliuokalina

Ka Lunakanawai Kiekie

Na Kuhina o ka Moi

Na Luna Nui o na Aupuni E

Na Lunakanawai o ka Aha Kiekie

Na Kiaaina o na Mokupuni

Na Kakauolelo o na Keena Aupuni

Na Luna o ka Oihana Dute

Puali Makai.

 

HOOLAHA KUMAU.

 

WILLIAM C. ACHI

Loio a h kokua ma ke kanawai imua o na Aha a pau o keia Aupuni

            He Mea Ana Aina a ke Boroka ma na waiwai paa.

            Keena Hana.  Helu 15.  Alanui Kaahumanu Honolulu, oia ke Keena mua iho nei o Kini me Ptet@

2114y.

 

W. AHANA.

KELA HUMUHUMU LOLE

 

            Mea hana i na lole hou ma na paikini maikai a pau a me ka hoomaemae hou ana i na

LOLE KAHIKO

1089-6@

 

FRANK GERTZ/

 

MEA KALPA A@LAWELAWE HAMA MA

NA ANO KAMAA APAU NO NA

Wahine, Kaikamahine a me Kane.

 

Na Kamaa Buti a me na Kamaahaahaa no na Keiki Kane a me na Kanaka makua, o na ano puakini hou loa @

 

WILLIAM MCCANDLESS.

 

HALEKUAI BIPI O WILLIAM MA KALALENA MA KALALENA MA Ulakoheo.  Na ano Bipi a me na Ia a pau o ka makeke no na kumukuaia oluolu.  Uala Kahiki a pela`ku.

2093-1y.

 

MRS. THOMAS LACK,

HELU 81, ALANUI PAPU.

MEA KUAI A LAWELAWE I

-NA-

Mikini Humuhum@ na Aahu, a nui wale Aku

HE AGENA KUAI NO NA MIKINI

White, New Home,

            Davis, Crown, Howe,

                        Me Florence,

                                    Na Kui Mikini o na

                                                ano a pau a Howard,

                                                            Na pepa ana lole o

                                                                        na ano a pau, a me

                                                                                    kela keia mea

NA LOPI MIKINI A KALAKA.

HE AGENA KUAI I NA

Pu Raifela, Pu Panapana, Pu ki manu,

                        na Poka, Lu, Pauda, Kukaepele.

NA KAPUAHI AILA MAHU

mai kenui a ka liilii.

 

            Ma ka lawelawe nui ana o`u i ka hana lima akamai o ka oihana hana pu a pela aku, u makaukau au e hooko kaulua ole i na kauoh a pau.

            O na kauoha mai na mokupuni e hookohuia.

 

2082-1 y.

 

HOOLAHA KUMAU.

 

Ka Waiwai o ka Hilinai

 

KA AYER Laau Saa@paila@kai kaulana a hi@nai nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O KEIA

LAAU SASAPARILA, no loko ae ia o ke aa Sasaparila Honedura maoli i ua loaa ka m@na hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

HE koko ihoiho a nawaliwali anei kou?  Ua awili pu anei me na ano mai ikaika? A ua ui pu anei me na wai awaawa hoophu  Na keia

LAAU e hoomaemae ia mau mea ino a pau, a maikai,   O na kauka lapaau a pau o Amerika i ike i ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i i keia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae  O ke

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana keia LAAU SASAPARILA AYER.  He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma`i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma`i, a pela aku.  He nui na laau hoomaemae koko i hoolaha waha hea wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

 

Ay er Laau Sasaparila.

 

I HOOMAKAUKAUIA E

 

Kauka J. C. Aver & Co. Lowell, Mass.

HOLLISTER & CO.

Na Agena ma ka Paeaina Hawaii.

Helu 100, … Alanui Papu, Honolulu

2086-tf

 

LEN SING.

            Helu 135 Nuuanu Street.

-MEA HUMUHUMU LOLE-

            He Mea Hana, Hoomaemae a me hana hou ana i na lole kahiko.                                                                               2109-5m

 

WOLFE & CO.

 

Mea Kuai i na Ano a pau o na Mea

AI, HUA AI, O NA ANO A PAU.

            E loaa koke aku, no na kauoha a pau loa me ka hakalia ole, a me ka maikai o na hou malu ia ana. E hooko ia na kauoha o ke kulanakauhale nei me ka hikiwawe ma na ka me ka uku ole.  O na kauoha mai na mokupuni, e lawelawe koke ia.                                2085-6m

 

Nuhou! Nuhou! Nuhou!

AILA MAHU MAIKAI!

HOOKAHI DALA WALE NO NO KE

KINI AILA HOOKAHI!

 

E kuai pau ia aku ana no ka nui loa o ka aila i keia manawa.

E AU E NA MAKAMAKA! E AU!

            E kipa ae ma ka halekuai o

Kakela me Kuke.

 

B. F. EHLERS & CO.,

PAINAPA.

 

Poe Kuai i na Ano Lole a Pau.

Helu 99 alanui Papu.- Honolulu

 

E loaa mau ana na lole hou o na ano a pau maluna o kela a me keia moku.