Ka Nupepa Kuokoa, Volume XXVI, Number 11, 12 March 1887 — Page 2
| This text was transcribed by: | Manuel Harris |
| This work is dedicated to: | Jennifer Kapualani Harris |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki $2.00
No Eono Mahina $1.00
KUIKE KA RULA.
Poaono Maraki 12, 1887.
KALELEONALANI HALE
Ua kono hou ia mai makou e hoike aku, e weheia ana ka hale o na Ahahui Opiopio Hawaii ma keia po, aole hoi o ka po Poaha iho nei e like me na hoo laha mua. Ka home noho keia o ka Moiwahine kane make Ema Kaleleonalani e wehe ia aku ana i keia po i Hale hoonanea no na opio ma ka heluhelu buke, himeni, hooikaika kino a me na hana e ae he nui, a he mau hana hoopomaikai wale no i ka lehulehu. Ua hooponopono hou ia iho nei keia hale me ka hoolako pu ia i na buke heluhelu. He hale maikai he pa akea, a he kulana oluolu o ka hoonanea ana. He mau wahi hana e ae paha kekahi e lawelawe ia ana malaila i keia po; o ka naue ae no ilaila i ike maka. He ole ka lohe pepeiao.
KE KAHUA O KA MOKOMOKO.
A hiki hou mai i na lono hope e pili ana no ke kaua o Europa, aia ke pii mahuahua ae la ia i kona welau. Ke nee papa ae la ke ao haakohi o ke kaua maluna o na aupuni Rusia, Geremania a me Auseturia. He noho ana paonioni ko lakou, a he kulana o ka mokuahana.
Aole i kaulua iho ko Rusia mau lima mamuli o keia paonioni. Aia aku la kona mau koa iloko o Polani a me Auseturia, a he kulana kona o ka anehenehe e umii iho ia aupuni. Ke hoolale la no hoi ko laila mau keiki kane, a ke awihi aku la ko Geremania mau ui.
Ua pahola koke ia ae ka lono no keia komo ana aku o na koa Rusia me ka hikiwawe loa, a he wahi mea hoi ia nana i hoopuanuanu aku i ko Enelani Geremania a me ko Auseturia poe. Ke paa mai la o Rusia i kekahihapaokaaina, a he kono hoi kana i ke akea, "Owai ke aa e paio mai me ka boa o ke kaei anu o ka akau."
He nee mua o Rusia i kona wa e lohe ai i kekahi hana e pili ana nona a me ke kaua. Eia kekahi hapa o kona mau koa ma Apeganitana ke hoohahani aku la i na palena o Inia. Ke hoouna puapuahulu la hoi ka Haku Dufarina i na koa Beritania e paku aku i ke ala o na koa Rusia. Ke hele la ka weli ia Enelani.
Ua maopopo loa e kokua aku ana ke aupuni Enelani ia Ausetoria ma ka moana ma e kaua io ana laua me Rusia, oiai aohe he wa e ike ia aku ai ka malele ae o ko Rusia mau keehina wawae. A ke olelo mai la o Rusia ina he ake no ke kaua e hui aku me ia ma ke kahua mokomoko o Bulegaria a me Afeganitana. No ka mea he keikikane no oia.
Mamuli o keia mau nune kaua, ua ala hou mai la no na manao o kekahi mau aupuni liilii e liuliu no lakou iho a e kaua aku ma ko lakou aoao i koho ai. Eia o Tureke ke lawalawa nei i kona aupuni, Roumania no hoi, Bulegaria, ko Polani iho, Peresia, a hala loa aku i Inia a me Afeganitana. He mau aupuni wale no keia i ike i ko lakou mau enemi ponoi iho, a na ka maka o ka pahikaua e hooko i ko lakou mau anoi ana.
He hoolako nui keia wahi a na lono, a ina e ulolohi iki ka hookoia ana o ke kaua a komo pono aku iloko o na mahina o Aperila a iloko paha o na la mua o Mei, alaila e onioni pono mai ana o Rusia me kona pualikoa nui hewahewa o ka miliona a oi aku ma ke alo o Geremania a me Auseturia, a he heluna nui hoi keia mawaho ae o kona mau koa 600,000 ma ke alo o Inia. Maluna aku o ka hapa miliona koa aia ma Asia waena.
O keia mau hoolako kaua mua ana a ke aupuni o Rusia, oia ka mea nana i hookuaki loa aku i ka nui iho o lakou, a ke nana nui nei i wahi no lakou e komo aluka aku ai oiai aia o Rusia ke panipani mai la i na puka ma Asia a puni.
O na nune kaua mawaena o Geremania me Farani, aia no ke nu malie la iloko o laua. Ua makaukau a ua lako hoi laua mai loko a waho a mai luna a lalo. Ke ui nei o Geremania me ka ikaika e hoopau aku ia Kenela Bulona o Farani mailoko aku o ka Aha Kuhina; a o kahi kaona i manao wale ia aku oiai ua manao o Geremania nona kekahi kumu nui huluaa loa ai o Farnani.
Ke kuehuehu mai nei ke aupuni o Farani i keia manawa, wahi a kekahi lono e hoike ana. A ua uluaoa ae la na makaainana o ke kulanakauhale o Parisa, mamuli o kekahi manao i hoopuka ia maloko o ka nupepa Pou o Berelina malalo o ke poo manao, "Ma ke kae o ka pahi." E hoike ana ua manao la; o Generala Bulona o Farani ke alakai nui o na kupikipikio mawaena o Farani a Geremania, a i maliu ole hoi i na uwalo ana e alakai hope i ka lahui Farani ma ke ala o ka noho ana maluhia.
Liuliu no Lunalilo Home.
Mamuli o ka hoopuka akea ia ana iho nei o na hoike e pili ana no ka Home hooilina o Lunalilo i na kanikoo ma na kaiamu o keia pepa, ua hele aku nei ka ono mikomiko o ia mau hoike aloha a loaa he wahine palupalu ma Leleo ae nei, Honolulu, a kono aku la i kona manao a pau e liuliu no ka luakaha ana ma ia Home Lunalilo.
Kono mai nei oia i kekahi o na hoaloha maikai e hele a e kuka pu me ia. Hiki ka hoaloha ma ka hale noho o keia wahine a paipai iaia mena manao maikai a pau e hoi e noho maluna o kona waiwai ponoi a ka Moi aloha i manawalea ai. Ua ae mai keia wahine a pane hou mai la:
"Pehea la kuu wahi poho paka?"
Hoikeike hou aku ka hoa'loha i na mea a pau i hoolaha ia ma ka nupepa a lilo ae la ia i mea maikai. Paa loa kona manao e hoi i Lunalilo Home. Maikai.
Pakele mai make - Ko'e omo koko.
Ma ke ku ana a ka mokuahi Kinau i Laupahoehoe, Hilo, ua haule iho la kekahi ohua pake o ka moku mawaena o ka moku a me ka waapa o uka aku nei, a ua lalau koke ia e na lima kokua pauku kino mai opa pu ia.
Ma Laupahoehoe nei no, ua hemo aku he mau ko'e mai kekahi keiki uuku aku nona na makahiki malalo iho o 9.
W. L. K.
Eia hou ua Lono.
Ke loheia mai nei e malama ia ana na hoomanao o ka la poni Moi ke hiki aku i ka la 17 o keia mahina, oia paha ka la hanau o ka Moi Kamehameha Kauikeaouli. A mamuli iho la o keia, wahi hou a ua lono la, ua hookaulua iki ia iho ka, ko ka Moiwahine holo ana aku i na aina e a hiki loa aku iloko o ka malama o Aperila. Eia hou: Ke hiki aku ia la 17 o keia malama, oia ka Poaha o keia pule ae, e hoomanao pu ia ana na hoomanao ohohia o ia la me ka poni Moi, a ua lohe mai makou he mau lealea ke lawelawe ia ana. Koe ko makou maopopo loa ana aku heaha la ia mau lealea, a pela io anei hoi? Ke hanu hou ia nei.
Kani Kuike, he Eiwa Bele.
Iloko ae o na la mua o nei mahina aku e hoea mai ai na bele o ka luakini o Kaumakapili, wahi a na hoikeia mai. Ua kauoha ia aku keia mau bele e Mr. W. W. Hall ma kekahi hui hana bele o Troy, Nu Ioka. He eiwa ka nui o keia mau bele, a eia ke liuliu ia nei na puoa o Kaumakapili oia hoi kahi e kau ai ua mau bele nei. He mau bele keia e hookani ia ana me na leo like ole, a ua oleloia he hiki i ko lakou leo ke kani ia elua ki o na leo mele. Hookahi bele nui e kani ana i ka leo tenora, a oia ka bele hookahi e kau ae ana maluna o na bele a pau. Ina pela io ana, alaila he hauoli ka hoolohe aku i na bele e kani mai ana me he piano la.
He mai ano hou.
Na ko makou hoa'loha J. K. o Hilo i hoike mai i keia nuhou penei: Eia ma Pueopaku ke laha nei ka mai poo piele maluna o ke poo o kekahi mau wahine i keia mau la, uwe lealea na wahine i ka minamina i ko lakou mau owi i lauoho lipolipo i ka pau ae i ka ako ia a koe iho ka nienie na ka hilahila e paani. Aole i na kane a me na keiki kane keia ano mai, aka, aia wale no maluna o na wahine.
Ekuu hoa maikai J. K., e akahele hoi oe i kou poo, o hoopili malu ia mai ka palahehe piele i kou poo a o kou loaa no ia. He mai lele ka piele. Nou iho no ka loaa, ko lakou la hoohenehene no ia ia oe. KIMO.
Moa hanau Kupanaha.
Aia ma Piihau, Hilo he moa keiki i hanau kupanaha ia, a penei kona ana: He 4 ona mau wawae; elua wawae ma kahi mau, a he elua wawae mahope ma kela me keia aoao o ka puapua. Aia ma keia mau wawae kupanaha ae la he elua manamana o kekahi waewae a he ekolu o kekahi; aia no ua moa la ke ola maikai nei ma ka malama ana a Mr. Welakahao. O keia na hoike a ka leta a ko makou hoa'loha J. K., o Hilo i kapa iaia he hanu mea hou.
Mahalo nui nou e J. K. He oiaio he hanu mea hou oe no ke KUOKOA. O oe ko Hi'o a o Kimo hoi ko Honolulu nei. - Elua kaua i ka huahuai.
Eia hou ua Kipu.
Ma ka wanaao Poaha nei, ua kipu aku kekahi haole pa kipa o Kanekina i kona hoa lawehana pu, a hala aku la ka poka maluna ae o kona poohiwi. Ua loheia ke kani o ka pu e ka poe e maalo ae ana mawaho ma ia wanaao, a ua hoike koke ia aku ka lohe i ka halewai. Malaila ae na kapena makai W. Tell a me J. Kauhane kahi i kono ai i ka mea kipu e haawi pio iaia malalo o ke kanawai. Ua lawelawe ia ka laua hana me ka malie a ae oluolu mai la ka mea kipu; eia oia ma ka halepaahao.
No ka laula loa aku o na mea i hana ia, aole i maopopo loa.
No kela Kipa ma Lahaina.
Ma ka po Poaono 26, hora 8:30 ua ki ia kekahi pake i ka pu e Mr. Evans Makai Nui mamuli o ka olia i loaa iaia oiai i komo aku ai iloko o ka hale noho o kekahi poe pake ma Lahilahi no ka huli ana i ka opiuma, a loaa aku la kekahi mau pake e puhi opiuma ana maloko o kekahi rumi, a komo hou aku no he rumi loaa hou no he pake, a i ke komo ana i kekahi rumi hou aku, ma ia rumi i ku ai ka pake i ka pu, me ka maopopo ole nae o ke kumu o ke ki ia ana. Ma ke olelo a na pake na ka haole i olelo mua aku nei i ke puhi opiuma o ka pake, a ia manawa no hoi i kani aku ai ka pu a ku aku la ka pake, malalo iho o ka waio.
Ma ia po no ua hoounaia o Henere Pita ka Makai Nui o Wailuku e hele mai no ka nana pono ana i ka hewa i hanaia e Evans. Ma ka hora 12 a oi o ka la Sabati ua hiki mai la ka Makai Nui, a ua olelo na pake e kaha ia ke kino o ka pake, a i hiki hoi ke loaa ka poka. Ma ka huli ana a Kauka Paakai, aole i loaa ka poka; aka ua olelo ae no oia ua ku no i ka poka.
ha nui. G. N. KALEIKOA.
"Ka hao, Kila, me ka Laau."
Oia ae la na mea paa loa o ka honua nei a Lualii i kilo ae ai i ko kakou manuwa hou e ku pa ia nei. Eia Kana kii pena nani o ka manuwa ke makaikai ia nei e ka lehulehu ma ka puka ainani o J. H. Soper. He mua nae kara kilo ana aku a he hope iho ka Kimo. O kana hoike hoi ia makou, he hao, he kila, he laau, he puna a me ka pohaku. Pau pono na paa o ka honua i ka okomoia iloko o ka manuwa, a i hele mai no he moku hao enemi, e kaua aku ana o ianei ma kona hapa i kapili ia i ka hao. Ina he kila mai he kila aku ka ianei, a pela aku. Aia hanu hou aku, heaha ae la ua mea paa hou.
Hookuku Kinipopo.
Na kekahi makamaka i hoike mai ua hookuku kinipopo ae na hui kinipopo Lahainaluna B. B. C. a me ko Wailuku mau pooko ma ia hana, a no ka hopena o na hana i malamaia ma Wailuku, ua kaili i a mai la ka hanohano o ke kahua lealea e na keiki o ua home Kaukaweli nei, he kanaha puni i ka ole. O ka lua keia o ka haule pio ana o Wailuku B. B. C. malalo o Lahaina B. B. C. O na alakai no keia mau hui hookelakela, Mr. T. Cumming no Wailuku, Mr. B. Baldwin no Lahainaluna. Kohu iho la oukou i kahi iki ulu o Lele, nana e kaa kahua loa. Kaniu hou ia aku.
Poino ka Malolo.
Ma ke ku ana mai o ka mokuahi Malulani i ka Poalua nei i loaa pu mai ai he lono no ka hulihia ana o ka moku kuna Malolo, o ka Hui o Kuke ma mawaena o Molokai a me Lani, a ua pae ola aku ka hapanui o na kanaka o luna ma Awalua, Lanai, a koe hookahi me ka moku. Ke manao wale ia nei ua make pu oia me ka moku.
Ma ia ahiahi no ua holo aku ka mokuahi Kaala no kona mau awa mau a ua haawi pu ia aku he kauoha i ke kapena o ka mokuahi e kipa wale aku ma Lanai no ka hoopakele ana i ka poe i pae aku malaila ina he oiaio keia lono a ka poino.
Ma ka auina la Poakolu nei, Komo mai la ke kuna Mele Poka a nana i hooia mai na lono o keia poino. Noalila, ua hoounaia aku la ka mokuahi Eleu ma o ka moi ia ana ae i ke Keena Kalaiaina, e holo aku e huli i ka moku a e haawi pu i na kokua i ka poe poino ina aia lakou ke ola la. Ua hoouna pu ia aku o Kapena Cluney e kokua i ka huli ana a me ke kilo ana i ka moku poino, oiai he keiki kamaaina oia no ia mau kai i na makahiki i hala ae.
Ma ka Poaono o ka pule i hala ka haalele ana iho o keia wahi moku kuna i Honolulu nei me ka piha ukana, a aole i ike ia he ino nui i o kakou nei e poino io ai lakou. A he wahi kou nei e poino io ai lakou. A he wahi mea haohao hoi ia i ko ke taona nei poe.
He kapena haole kona hookele i holo aku nei, a i ka wa o ka poino i hiki iho ai oiai oia ilalo o ka moku, ua pii awiwi ae la oia iluna me ka hapanui o na luina a imi aku la i kahi e pakele ai mai ka make, a ua pakele lakou, koe hookahi, a oia paha ka i make. Na no lono o na moku buli e hooia loa mai.
Ma ka huli hoi ana mai o ka mokuahi Kaaloa i ke ahiahi Poaha nei, ua hooia loa mai oia i ka poino o ke kuna Malolo, aole nae i loaa iaia na ohua ma Awalua iaia i ku aku ai ilaila; ua pau nui i ka hele. Hala loa aku nei oia no kona mau awa o Hawaii, a i ka hoi hou ana mai me ka manao e loaa, ua kau e mai la nae ua poe ohua nei maluna o Eleu.
I ke ahiahi nei ke ku ana mai o ka mokuahi Eleu me na olulo poino o ke kuna Malolo, o ka moku aole i loaa.
He Hoopai me ka Manaonao.
E oluolu mai kou ahonui e ke KUOKOA e hookomo iho ma kahi kaawale o kou mau kolamu i keia mau wahi mea hou i hana ia ma Punanamoe nei, a oia iho keia.
Ma ka Poalua nei, Maraki @, ua noho iho la o Lokoino a me Kane no kekahi pilikia i loaa ia laua, oiai laua malalo o ka Aelike me W. H. Purvis & Co, o Kukuihaele nei. I ke ahiahi ana iho o ua lanei, ua hoouna aku la ko laua haku hana he Paniolo, nona ka inoa o Jeoseph Frank e kii ia laua; a ua huli aku nei ua Paniolo nei a loaa aku nei o Lokoino i Kukuihaele, a pa ne aku la he makemake au ia oe e hoi; a ae mai la no hoi kela a huli hoi mai la no Punanamoa. O ke Paniolo maluna o ka hoki, a o Lokoino no hoi malalo, a i ka hiki ana i kau hale, lawe loa ia aku nei a hiki i ka hale, olelo ia aku la e kali a hoi mai ke Paniolo, a o kona nalo aku la no ia.
I keia nalo ana o ua Paniolo nei, ua kii aku la oia ia Kane a loaa i kau hale a lawe loa mai la a hiki i ka hale hoki kahi a Lokoino e nanea ana me na hoki, a ia wa olelo aku nei ua Paniolo nei ia laua; o olua ike no mahope hiki mai Pelewiki, hana eha olua. I ka wa ana e kamailio nei pela, hiki koke no ko laua haku a ninau ana, mahea olu a i keia la? Olelo pu aku la hoi e wehe i ko laua mau palaka i keia manawa, no ka mea, e haawi ana au i ka mana ia Joseph Frank e hahau ia olua me ka uepa. Iloo kela manawa e paa ana no ua Paniolo la i ka uepa ma kona lima, a o Kane ke ku kokoke mai ana, a kamailio aku la ua Paniolo nei ia Kane, Ku mailio aku la ua Paniolo nei ia Kane, ku malie oe, wau hili oe, mea paani wale no, a ia wa no i hoomaka aku ai e hili ma ke kua o Kane, a e pa mau ana hoi ka hu'a o ka uepa ma ka opu me ke kahe awai ana mai o ke koko, a e auwe ana hoi uepa he 18; a pele no hoi ia Lokoino, a he ku maoli i ka manaonao ke ike aku, a mahope iho o ko laua hili ia ana, ua olelo ae no ko laua haku hookano penei: A ka la apopo olua e hele ai i ka hana, a ina e hele hou ole olua i ka hana i ka la apopo, e hili hou no au ia olua, a ma keia hope aku e hili no au i ke kanaka noho i ka hana a palahe kona kua.
O ka eha iho la keia o na keiki hana i hiliia malalo o keia haole Nukilani, oia o W. H. Purvis. He haole opiopio a maikai kona kulana ma ka nanaina, a ma keia mau hana hoi ua mahalo ole ia oia e Kukuihaele nei.
JAMES KAPAHU.
Kukuihaele, Hamakua, Hawaii.
NA HOOLAHA HOU.
COSMORAMA
(HOIKEIKE KH.)
He heluna nui o na kii nani mai na wahi a pau o ka honua nei ke hoikeike ia ana mamuli o ka malamalama ikaika o ke kukui kupua hooleleaka, ma ka hale i kapaia ma ka inoa.
ASTOR HOUSE
ALANUI HOTELE
MA KELA ME KEIA AHIAHI
Hora 7:30 p. m.
E hemo mau ana mai ka hora i a hiki i ka hora 5 o kela me kaia la. Uku komo he 25 keneta. 2119-3@.
HOOKAPU AINA.
Ma kaia ua kapu loa kuu aina hoolimalima e waiho la ma ka apana o Kona Akau, Hawaii, a oia ke ahupuaa o Kau. Ua kapu loa na holoholona hele wale maluna o ua aina la. Elima dala no ka holoholona hookahi ke loaa aku i kuu Luna, oia hoi o John Broad.
E malama o pilikia.
Charles Broad,
Honolulu. 2119-2t
HOOLHA HOOPAU HUI.
C. E. Richardson. S. L. Coan.
Mamuli o ka make ana a Mr. S. L. Coan o ka Hui o RICHARDSON & COAN, nolaila ua hoopauia ka inoa hui mawaena o C. E. Richardson a me S. L. Coan. O na aie a pau i ka Hui o "Richardson a me Coan," e uku koke ia mai i ka mea nona ka inoa malalo me ka hoopanee ole, a i ole pela, e haawi ia no ma ka lima o kekahi Loio no ka ohi ana.
E hooponopono ia no hoi na aie a pau o ka Hui o "Richardson a me Coan" me ka mea nona ka inoa malalo iho.
C. E. RICHARDSON.
Hilo, Maraki, 1, 1887. 2119-4t.
HOOLAHA HOOKOMORAKI ME KE KUAI.
MAMULI O KEKAHI MANA kaui i hoike ia maloko o kekahi palapala moraki i hanaia mawaena o LAU SUNG o ka aoao mua, a me W. R. KAKELA Luna Hooponopono o ka Waiwai o UILAMA o ka aoao elua, ma ka ia 10 Feberuari 1887 i kakau kope ia ma ka buke aoao a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI la 11 o APERILA 1887 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela no olelo hoakaka no keia mea.
Ilanaia i keia la 11 o Maraki 1887
W. R. CASTLE.
Luna Hooponopono o ka mea Moraki mai.
Penei na aina e kudalaia ana:
He elua kuleana kaokoa, a he hookahi kuleana i paa malalo o ka moraki ia L. Ahlo a ke hui ia keia mau kuleana ekolu, ua like me ke kuleana hapalua iloko o kela Hui mahi Raiki ma Waipio Ewa, Oahu, i hana iho nei malalo o ka inoa Hui o Look Fong Wai, a i keia manawa hoi malalo o ka inoa hoe e ka Hui Sin Chee Hop. Ua kamaaina keia hui mahi Raiki i na mea a pau, a o kekahi hoi o na Hui mahi Raiki maikai loa o Ewa. He emi na uku hooli @alima, a he momona ka aina. He mau pipi a me kekahi mau waiwai okoa e ae.
2119-4t.
NA HOOLAHA HOU.
HOOLAHA A KA LUNNA HOOPONOPONO WAIWAI.
Ua hookohu pono ia mai ka mea nona ka inoa mahalo iho nei e ka mea hanohano F. S. LYMAN, Lunakanwai @@@poni o ka Apana Ekolu o ko Hawaii Pae Aina, i Luna Hooponopono no ka waiwai o S. L. COAN i make iho nei. Nolaila ke kamuha ia aku nei ia mea a pau he mau koina ko kakou e hoike koke mai me na hooiaio kupuao ihuko o na malama @@@@ mai keia la aku, a e ole ia e hoole mau ia aku no lakou.
A o na poe a pau i aie aku i ka waiwai a ka mea i make, ke kauoha ia nei lakou e hookaa koke mai.
E. G. HITCHCOCK.
Lunahooponopono o ka waiwai o S. L. COAN.
Hilo, Hawaii, Maraki 3, 1887. 2119-3t.
HOOLAHA HOOKO MORAKI ME KE KUAI.
MAMULI O KEKAHI MANA KUAI i hoike ia maloko o kekahi Paiapala Moraki i hanaia mawaena o J. MAKAILA o Kaaawa, Koolauloa, Mokupuni o Oahu o ka aoao mua, a me A. J. CARTWRIGHT Kahu o ka Waiwai o R. W. HOLT o ka aoao elua, ma ka la 23 o Mei 1884 i kakau kope ia ma ke Keena Kope o ke Aupuni ma ka Buke 90 aoao 36 me 37 a mamuli o ka uhaiia an o na kumu aelike o kela Moraki, no ka uku ole ia o ke lumupaa me ka ukupanee i ka wa i oleloia nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e Kudala akea ana ia i ka aina i hoikeia ma ia moraki, elike me na hoakaka ana malalo iho, ma ka POAONO ka la 9 o APERILA 1887 ma ke Keena Kudala o E. P. Adams & Co. ma Honolulu, Mokupuni o Oahu, ma ka hora 12 o ke awakea o ia la.
No na mea i koe, e ninau ia J. M. Monsarrat, Loio ma ke Kanawai.
A. J. CARTWRIGHT.
Kahu Waiwai o ka Waiwai o R. W. HOLT.
Mea Kuai Moraki.
Honolulu, Maraki 8, 1887.
Penei na aina e Kudala ia ana:
O kela mau apana aina a pau e waiho la ma Kaaawa i oleloia, nona ka ili he 2 56-100 eka, a oia no ka aina i hoakakaia ma ka Sila Nui Helu 267 Kuleana Helu 3953 ia Niho, a i hooliloia e ua Niho la i ka mea moraki aku ma kekahi palapala i kakauia ma ka la 24 o Sepatemaba 1877 a i kopeia ma ke Keena Kope o ke Aupuni i Honolulu i oleloia ma ka Buke 51 aoao 264. Aina Kalo a me Kula e pili koke la me ka alanui aupuni.
2119-4t.
HOOLAHA HOOKO MORAKI ME KE KUAI
MAMULI O KEKAHI MANA KUAI i noikeia maloko o kekahi palapala moraki i hanaia mawaena o KAAI (w) me KEALOHA MAUI kana kane mare o Kona Akau, Mokupuni o Hawaii o ka aoao muai a ne JOHN D. HOLT o ka aoao elua, ma ka la 4 o Dekemaba 1882, i kakau kope ia ma ke Keena Kope o ke Aupuni ma ka Buke 77 aoao 106-7, a i hoopaa ia ia J. A. CARTWRIGHT ma kekahi palapala i kakauia ma ka la 18 o Sepatemaba 1883 a i kopeia ma ka buke 82 aoao 438-440, a mamuli o ka uhaiia ana o na kumu aelike o kela moraki, no ka uku oleia o ke kumupaa me ka ukupanee i ka wa i oleloia nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana e Kudala akea ana ia i ka aina i hoikeia ma ia moraki e like me na hoakaka ana malalo iho, ma ka POAONO la 9 o APERILA 1887 ma ke Keena Kudala o E. P. Adams & Co. ma Honolulu, Mokupuni o Oahu, ma ka hora 12 o ke awakea o ia la.
No na mea i koe, e ninau ia J. M. Monsarrat, Loio ma ke Kanawai. @
A. J. CARTWRIGHT JR.
Mea Kaui Moraki.
Honolulu, Maraki 8, 1887.
Penei na aina e Kudala ia ana:
O kela mau apana aina a pau e waiho la ma Holualoa Elua, Kona Akau, Hawaii, nona ka ili he 3 eka 456 30-100 anana kuea, a oia na aina i hoakakaia ma ka Sila Nui Helu 4227, Kuleana 7804 ia Kaluhimoku, a i hooliloia e ua Ka'uhimoku la i oleloia ia Kaai i oleloia ma kekahi palapala i kakauia ma ka la 29 o Ianuari 1876, a i kopeia ma ka Buke 77 aoao 105.
2119-4t.
AHA KAAPUNI APANA ELUA O KO Hawaii Pae Aina, Ma ka Hooponopono Waiwai.
Mokupuni o Maui
Hawaii Pae Aina } ss
Ma ka waiwai o JAMES KAHAKAUILA no Wailuku, Maui i make.
No ka mea, ma ka la 17 o Sepatemaba M. H. 1886, ua waihoia mai imua o ka Aha kekahi Palapala, i olelo ia, oia no ke Kauoha Hope Loa o JAMES KAHAKAUILA i make aku la: a me ka Palapala Hoopii e noi ana e hooiaio ia kela Palapala Kauoha a e hoopuka hoi ka Palapala Luna Hooko no REV. A. P. LEONOR ua waihoia mai e R. K. Keahi.
Nolaila, ua kauoha ia o ka POAONO oia ka la 9 o APERILA, M. H. 1887, ma ka hora 10 A. M. ma ka Rumi Hookolokolo o ia Aha, ma Wailuku, Maui, oia ka la me ka hora, e hooiaio ia'i ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke KUOKOA he nupepa i pai ia a i hoolaha ia ma Honolulu.
Kakauia ma Wailuku, ko Hawaii Pae Aina, Maraki 4, 1887. GEO. E. RICHARDSON.
Lunakaniwai Kaapuni Apana Hookolokolo Elua ko Hawaii Pae Aina. 2119-3t
(Kauoha no ka la e hooloheia'i ke Noi Hooponopono Waiwai.)
A AHL HOOKOOKOLO KAAPUNI apana elua o Ko Hawaii Pae Aina. Ma ka hooponopono Waiwai. Ma ka hana o ka waiwai o KEKAI (k) no Wailuku Maui i make kauoha ole.
Ma ka heluhelu a me ka waiho ia ana mai o ka Palapala Noi a MOKE KAWAILIILII no Wailuku, Maui e hoike ana ua make kauoha ole o KEKAI no Wailuku Maui -ma- i ka la o-188,-a e noi ana e hooponopono ia ka Waiwai o KEKAI i make a e hooholo ia ka waiwai i na Hooilina.
Ua kanohaia o ka POALIMA ka la 8 o APERILA M. H. 188, - ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lanakanawai la ma kona keena, ma ka hale Hookolokolo ma Wailuku Maui, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio kolakou e ae ole ia ai ua nei la. A o keia kanoha e hoolaha ia ma ka olelo Hawaii a me Bertane i ekolu pule maloko o ke KUOKOA a me ka Hawaiian Gazette Nupepa ma Honolulu.
Kakauia ma Wailuku, Ko Hawaii Pae Aina Maraki la 4 M. H. 1887.
GEO. E. RICHARDSON.
Lunakanawai Kaapuni Apana Hookolokolo Elua ko Hawaii Pae Aina. 2119-3t
HOOLAHA HOOKO MORAKI ME KE KUAI.
MAMULI O KA MANA KUAI I haawiia maloko o kekahi Palapala Moraki i hanaia mawaena o H. WAHANU a me KEKUAHOOULU kana wahine mare, o Kawainui, Hilo, mokupuni o Hawaii a me WM. N. GOODALE o Onomea, Hilo i oleloia, ma ka la a o Iune, A. D. 1886, a na kopeia maloko o ka Buke o ke aupuni Helu 98, aoao 258, 259 a me 260; a mamuli hoi o ka uhaki ana o na mea aelike ia loko o kela moraki.
Ke hoolaha aku nei ka mea nona ka moraki, e hooko ana oia i ka mana i haawiia aia iloko o ua moraki nei.
WM. N. GOODALE,
Mea Hoopaa Moraki.
Ma o D. H. Hitchcock kona Loio.
Hilo, Feberuari, 16, 1887. 2117-3t
NA HOOLAHA HOU
(Kana i Hoolaki i ki Noi e Apana i ua P@ pa H@@@, Hoo@@@@@@@, a e Mo@@@ i na Waiwai.)
AHA HOOKOLOKOLO KAAPUNI APANA Elua o Ko Hawaii Pae Aina. Ma ka hooponopono waiwai. Ma ka hana o ka Waiwai o KEKAHUNA o Lahaina Maui i @ a @e.
Ma ka heluhelu a me ka waiho ia ana mai o ka palapala nei a me ka @@@@ Hoike o S. KAMOAHANAU a me WAIKANE na lunahooponopono o ka waiwai o Kekahun no Lahaina, Maui i make, e noi ana eapuao ia ai hoo@lo he $225.30, - a e hoike ana o na mea i loaa mai ia Laua@@ he $125,39 a e nui ana e nana a apoao ia kela mau mea, a e kauohaia e mahele i na waiwai e waiho a na ma ko laua mau lima i na mea i kuleana malaila, a e hookuu ana ia laua a me ko laua mau hope mai ka lakou noho ana ma ia auo.
Ua kauohaia o ka POAKAHI, ka la 4 o Aperila M. H. 1887, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo, ma Lahaina, Maui, oia kahi a me ka mana@a i kohooia no ka hoolohe ana i @a noi la, a me na Papa Hoike i olelo ia, a o ka poe a pau i pili malaila e hele mai a e hoike i na kumu ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwi i olelo ia. A o keia kauoha ma ka olelo Beretane a me ka olelo Hawaii, e pai ia maloko o ka Hawaiian Gazette & KUOKOA he mau nupepa i pai a i houlaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Wailuku, ko Hawaii Pae Aina i keia la 2 o Maraki M. H. 1887.
GEO. E. RICHARDSON.
Lunakanawai Kaapuni.
Apana Hookolokolo elua o ko Hawaii Pae Aina.
2119-3t
(Kauoha no ka la e hooloheia'i ke Noi Hooponopono Waiwai.)
AHA HOOKOLOKOLO KAAPUNI Apana Elua o Ko Hawaii Pae Aina. Ma ka Hooponopono Waiwai. Ma ka hana o ka Waiwai o NAMAKAOKAIA (k) no Kaupo, Maui, i make kauoh ia.
Ma ka heluhelu a me ka waiho ia ana mai o ka Palapala Noi a NAAIEONO (k) e hoike ana ua make kauoha ole o NAMAKAOKAIA (k) no Kaupo Maui, ma - i ka la - o - 188, - a e noiana e hooiaioia kona pili a me na poe a pau i pili ia Namakaokaia (k) i make.
Ua kauohaia o ka POAHA ka la 7 o Aperila M. H. 1887 ma ka hora 10 kakahiaka, oia ka manawa i kohaia no ka hoolohe ana i ua noi la imua o ua Lunakanawai ia ma kona keena, ma ka Hale Hookolokolo, ma Wailuku, Maui, a ma ia manawa a ma ia wahi no, e hele mai ai na mea a apu i pili e hoike mai i ke kumu, ina he kumu olalo ka lakou, e ae ole ia ai ua noi la. A o keia kauoha e hoolha ia ma ka olelo Beretane a me ka Hawaii i ekolu pule maloko o ka Hawaii Gazette & KUOKOA Nupepa ma Honolulu.
Kakauia ma Wailuku, ko Hawaii Pae Aina Maraki 4 M. H. 1887.
GEO. E. RICHARDSON.
Lunakanawai Kaapuni.
Apana Hookolokolo elua o ko Hawaii Pae Aina. 2119-3t
(Kauoha no ka la e hooloheia'i ke Noi Hooponopono waiwai.)
AHA HOOKOLOKOLO KAAPUNI, Apana elua o ko Hawaii Pae Aina. Ma ka hana o ka Waiwai o JOHN KANUI no Lahaina, Maui i make kauoha ole.
Ma ka heluhelu a me ka waiho ia ana mai o ka Palapala Noi a KAHOONEAINA (w) no Lahaina Maui, e hoike ana ua make kauoha ole o JOHN KANUI no Lahaina, Maui - ma Lahaina Maui i ka la 23d o Okatoba 1887, a e noi ana e hoonoho ia i Luna Hooponopono no ia waiwai.
Ua kauoha ia o ka POAKAHI ka la 4 o APERILA M. H. 1887 ma ka hora 10 kakahiaka, oia ka manawa i koho a no ka hoolohe ana i ua noi la imua o ua Lanakanawai la, ma ka hale Hookolokolo ma Lahaina Maui, a ma ia manawa a ma ia wahi no, e hele mai ai na mea a pau i pili e ho ke mai e ke kumu, ina he kumu aiaio ka lakou a ae ole ia ai ua noi la. A o keia kauoha e hoolaha ia ma ka olelo Beretania & Hawaii i ekolu pule maloko o ka Hawaiian Gazette & KUOKOA Nupepa ma Honolulu.
Kakauia ma Wailuku ko Hawaii Pae Aina. Maraki 2, 1887.
GEO. E. RICHARDSON.
Lunakanawai Kaapuni, Apana elua o ko Hawaii Pae Aina. 2119-3t
AHA HOOKOLOKOLO APANA EHA o ko Hawaii Pae Aina. Ma ka hooponopono Waiwai.
Ma ka Waiwai o NIHO k, o Hanamaulu Kauai i make kauoha ole. Imua o ka Lanakanawai ma ke Keena.
Ma ka heluhelu a me ka waiho ana mai o ka Palapala Noi a LUMAI k, hunona o ka mea make, e hoike mai ana o NIHO k, no Hanamaulu, Kauai, ua make kauoha ole ma ia wahi no ma ka la -o- M. H. 188-, a e noi ana e haawiia ka Palapala Hookohu Luna Hooponopono Waiwai i ua mea noi la.
Ua kauohaia o ka POAONO ka la 2 o APERILA M. H. 1887 i ka hora 10, oia ka manawa i kohoia no ka hoolohe ana i ua noi la, imua o ua Lanakanawai la, ma ke Keena Hookolokolo o keia Aha, ma Koloa, Kauai, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua Noi la. A o keia olelo kauoha e hoolahaia ma ka olelo Hawaii i ekolu pule ma ke KUOKOA nupepa ma Honolulu.
Kakauia ma Koloa, ko Hawaii Pae Aina, Feberuari 28, M. H. 1887.
JACOB HARDY,
Lunakanawai Kaapuni Apana Eha.
2119-3t
AHA HOOKOLOKOLO APANA EHA o ko Hawaii Pae Aina. Ma ka hooponopono Waiwai.
Ma ka Waiwai o KALIO k, o Wailua, Kauai, i make kauoha ole. Imua o ka Lunakanawai Kaapuni ma ke keena.
Ma ka heluhelu a me ka waiho ana mai o ka Palapala Noi a KEAU k. kaikaina o ka mea make, e hoike mai ana o KALIO k, no Wailua, Kauai, ua make kauoha ole ma Wailoa i oleloia, ma ka la 8 o March M. H. 1885, a e noi ana e haawiia ka Palapala Hookohu Luno Hooponopono Waiwai i ka mea noi.
Ua kauohaia o ka POAONO ka la 2 o APERILA, M. H. 1887, i ka hora 10, oia ka manawa i kohoia no ka hoolohe ana i ua noi la, imua o ua Lanakanawai la, ma ke Keena Hookolokolo o keia Aha, ma Koloa, Kauai, a ma ia manawa, a ma ia wahi no e hele mai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua Noi la. A o keia olelo kauoha e hoolahaia ma ka olelo Hawaii, i ekolu pule ma ke KUOKOA nupepa ma Honolulu.
Kakauia ma Koloa, ko Hawaii Pae Aina. Feberuari 28, M. H. 1887.
JACOB HARDY.
Lunakanwai Kaapuni Apana Eha.
2119-3t
MA KE KEENA O KA LUNAKANAWAI KAAPUNI o ka Apana Ekolu o ko Hawaii Pae Aina. Ma ka Waiwai o KEALAIKALANI (w) no Hamakua, Hawaii, i make.
Ua heluhelu ia a ua waiho ia ka palapala noi a GEORGE HARDY, e hoike ana ua make kauoha ole o KEALAIKALANI (w), no Kalopaa, Hamakua, Hawaii, ma Honolulu, Oahu, iloko o ka makahiki 1880, a ua waiho oia he aina ma Hamakua, Hawaii, a e noi ana e hookohu ia o GEORGE HARDY i Lunahooponopono no ia waiwai.
Nolaila, ua kauoha ia na mea a pau i pili, o ka POALUA, oia ka la 15, o MARAKI M. H. 1887, ma ka Hale Hookolokolo, Honokaa, Hawaii, oia kahi a me ka manawa i koho ia no ka hoolohe ana i ua noi la me na mea kue ke hoike ia.
F. S. LYMAN.
Lunakanawai Kaapuni,
Hilo, Hawaii, Feb., 15, 1887. 2117-3t@.
HOOLAHA HOU.
AHA HOOKOLOKOLO KIEKIE O KO HAWAII PAE AINA. Ma ka hooponopono Waiwai. Ma ka hana o ka waiwai o ka Mea Kiekie ke Kama 'Lau M. LIKELIKE CLEGHORN i make.
Olelo Kauoha e koho ana i la @@@@@@@@ ai ka Palapala Kauoha, a no ke @@@@@@@@@@.
No ka mea, ma ka ia 28 o Feberuari 1887, ua waihoia mai imua o ka Aha @@@@ Palapala, i oleloia, oia no ke Kauoha @@@@@ ka Mea Kiekie ke 'Lii M. LIKELIKE CLEGHORN i make aku la; a me ka @@@@@@@@@ e @@@ ana e hooiaio ia keia kalapa@@@@@ e hoop@kaia ka Palapala Luna @@@@@ ALEXANDER J. CARTWRIGHT, @@@@@@@ e ALEXANDER J. CARTWRIGHT.
Nolaila, ua kauoha ia o ka @@@@@@@@ ka la 25 o MARAKI, 1887, ma ka @@@@@@ kakahiaka ma ka Rumi Hook@@@@@@@ ma A@@@@@ Hale, Honolulu, @@@@@ hora e hooiaio ia i ia Palapala Kauoha @@@@ hoolohe ia ai ia noi ana @@@@@@@@@ pau i pili, e kue ana ia Palapala @@@@@@ me ka hoopuka ana i ka ka@@@@@@ alooko.
A ua kauoha hou ia e @@@@@@@@ napule ekolu iloko o ka HAWAIIAN @@@@ a me KUOKOA he mau napepa @@@@@@@@ @@ ma Honolulu.
Kakau ia ma Honolulu Feberuari @@@@@@
@@@@@@@
WILLIAM F. @@@@@
2118-3t
I KULIKE AI ME KAKAHI @@@ kuai i hoike ia maloko o @@@@@@ i hanaia mawaena o LOUIS M@@@@@@@NEAKUA o Honolulu, mokupuni @@@@ me H. R. H. Princess Liliuokalanai @@@@@ nis, wahine a J. O. Dominis, @@@@@@@@ la 26 o Feberuari 1885, i hope a@@@@@@@@ Kope Aupuni, ina ka Buke @@@@@@@@ 81-3. E hoike ana keia hoola@@@@@@@ aku ana ia mana kuai o ka @@@@@@@@ mamuli o ka u@aki ia ana o na @@@@@@@ no ka uku ole ia ana o ka ukup@@@@@@@@ oleloia, a ma ia hooko ana @@@@@@ aku ana ma ke keena o E. P. @@@@@ ma Honolulu, mokupuni o @@@@@@ POAKAHI ka la ai o FEBERUARI @@@@ ma ka hora 12 awakea o ia la @@@@@@ kakaia ma ia moraki i oleloia e @@@@@@@ lalo iho.
No na mea i koe, e ninau ia J. M. Monsarrat Loio ma ke kanawai.
LILIUOKALANI K. @@@@
Mea Moraki mai.
John O. Dominis, kane mau@@@@@ MORAKI MAI,
Honolulu, Ianuari 25, 188@
O na aina e kuai ia ana, oia k@@@@@@ i a aina e waiho la ma Kaw@@@@@@ ma ka mokupuni o Oahu i oleloia, @@@@ ili he 1 77-180 eka he aina ka@@@@@@ oia ka aina i hoakakaia ma ka Pae Aina Nui Helu 1459. Kuleana Helu 74 @4@@@@@ maio. Hoolimalima o ka a@a @@@@@@ no ka makahiki.
MA KE KEENA O KA LUNAKANAWAI KAAPUNI oka Apana o ko Hawaii Pae Aina. Ma ka @@@@ LOHOHEANA no Kohala Aka @@@@@ make.
Ua heluhelu ia a ua waiho ia @@@@@@ Noi a IOELA (k), e hoike mai a @@@@@ LONOHEANA, MA KOH LA AK@@@@@ ILOKO O KA m. h. 1866, a ua @@@@@ apana aina ma Hawi, Kohala @@@@@@ a ke noi nei e hooholoia na @@@@@@@ waiwai: Nolaila, ua kauoha ia @@@@@@ i pili, o ka POAKOLU oia ka la @@@@@@@ KI, i ka hora 9 kakahiaka, oia @@@@ manawa i koho ia no ka hoolo@@@@@@ noi, me na mea kue ke hoike ia, @@@@@@@@ hookolokolo i Kapaau, Kohala A@@@@@@
F. S. LYMAN
Lunakanawai Ka@@@@
Hilo, Hawaii, Feb., 10, 1887.
2117-3ts.
A HA HOOKOLOKOLO @@@@ KO Hawaii Pae aina. Ma ka hooponopono Waiwai. Ma ka hana e@@@@@ o J. H. MAHIAI o Honolulu, @@@@@ ole.
Ma ka waihoia ana mai o ka Palapala @@ a me ka Papa Ho ke a KAUHOA M@@@ nahooponopono o ka waiwai o J. H. MAHIAI i o eloia, e noi ana e apono ia @@@@@@@ i o eloia, e noi ana e apono ia @@@@@ $287.83, a e hoike ana o na mea @@@@ iaia he $287.83, a e noi ana e @@@@@@@ ia kela mau mea, a e kauoha ia @@@@@
waiwai e waiho ana ma kona hu@@ @ @@@@ kuleana malaila, a e hookuu ia @@@@@@@ mau hope mai ko lakou noho ana ma @@@@.
Ua kauohaia o ka POAONO, ka @@@ APERILA, 1887, ma ka hora @@@@ ma ke Keena ma ka Hale Hoo@@@@@@ Aliiolani Hale, Honolulu, oia @@@@@@@ manawa i kohoia no ka hoolohe @@@@@@ la, a me ka Papa Hoike i olelo @@@@@@ a pau i pili makaila e hele mai a e @@@@@@ kumu, ma he kumu io ko lakou, 22222 ua noi la, a malaila e hoike mai ai @@@@@ na mea i kuleana maloko o ka waiwai @@@@@ la. A o keia kauoha ma ka olelo Hawaii @@@@ ku o ke KUOKOA he nupepa i p@@@ @@@@ ma Honolulu, i ekolu pule mamua ae @@@@ nawa i ole oia no ka hoolohe a@@.
Kakauia ma Honolulu i keia la 21 Feberuari 1887.
NA KA AHA
HENRY SMITH,
Hope kakauolelo.
3117-3t
HOOLAHA A KA LUNA HOOPONOPONO WAIWAI.
O KA MEA NONA KA INOA MA@@LO iho ua koho pono ia i @@@@ Hooponopono Waiwai no PAUMANO O Kona Hamakua, Hawaii i make.
A ma keia, ke kauoha ia aku nei, @@@@ a pau i aie mai i ka mea i make e @@@@@@ ke mai, a o ka poe hoi a ka mea @@@@ aku ai e hoike koke mai me na @@@@@@@@ hoi me ka poe i pili i ka mea i @@@@@@ ia la aku a pau na maalama eon@@@.
Mr. MANA @@@
Lunahooponopono Waiwai o Pae Aina @@@ ke, ma Kealakaha, Hamakua, Hawaii Feberuari, 9, 1887.
AHA HOOKOLOKOLO AI A@@@@@ o ko Hawaii Pae Aina. Ma ka Hooponopono Waiwai.
Ma ka waiwai o KALEIOHI@@@@@@@ hola, Kauai, i make kauoha ole @@@@@Lunakanawai Kaapuni ma ke Ke@@@@
Ia Aki@ Pake, Lunahooponopono @@@@ o KAUEIOHI k, i olelo ia.
Ua kauohaia oe e hale mai @@@@ Lunakanawai @ a@puni Apana Pae. @@@@ Keena ma Koloa, ma ka la 26 o @@@@@ A. D. 1887, ma ka hora 10 kakahiaka @@@@@ mai i kou Moowaiwai, me na palapala @@@@ e like me ke kanawai, no kou ha@@@@@@@@ ia waiwai, a i ole ia, alailo e @@@@@@ kumu e kau ole ia ai ka hoopa@@@@@@ bona.
Hanaia e ka Lunakanawai i oleloia @K@loa, Kauai, i keia la 19 o Feberuari, 1887
JACOB HARDY
Lunakanawai Kaapani, Apani @@@ 2117-3t
HALE PAIKII ALANUI NUUANU
I WEHEIA NO EKOLU MAHINA. MAHOPE IHO O NA HOOPONOPONO hou ana i wahi e @@@ ai @@ wa maikai no kela a me keia e hele mai ai @ pai kii no lakou iho ma ka uku ole @, @@ hoopaa iho makou e hoolako aku i ka poe @ pau e like me keia malalo iho:
Kii pepa, 6. no $1.00.
Kii lako hale, lumi, hale a pela aku 3. no $1.00.
Kii nui 8x10 i, no $1.00; a i ole @@@ no ke kakini.
Hoomaemae a hoolele hou ana i na kii ka hiko, ma ia uku hookahi no. Hookahi ki@ pena 8x10 a me ka laau, he $6.00.
H. A. LUSCO MB.
Helu - Alanui Nuuanu. 2116-@@
D. B. WAHINE.
LOIO MA KE KANAWAI IMUA O NA Aha a pau o keia Aupuni.
He Luna Hooiaio Palapala Kepa ma @@ Apana o Hilo.
He Luna Haawi Palapala Mare no @@@ Apana o Hilo.