Ka Nupepa Kuokoa, Volume XXVI, Number 13, 26 March 1887 — Ka Make Manaonao. [ARTICLE]

Ka Make Manaonao.

Ē kk Kuokoa: Ma na hora kakahiaka o ka Poakola i hala, Maraki i6, oia ka manawa a ka mokuahi Waiale*le e hoolele ana i kona mau ukana ma ke awa o Kilauea, Kauai. Iwaena o keia niau" ukana e hoolele ia nei, ua huki ia ae la kekahi pahu huinaha 1 piha me ka hao o loko no ka hui mahiko o Kilauea. Me ke kaumaha nui maopopo o keia pahu e hoomoiio pono ana 1 na kaula a me na palaka, ua pii malie ae la ia a lewa maiuna o ka papahele o ka moku. Aia ma kahi kokoke i keia pahu kaumaha e kau nei, e ku ana he elua mau luina o ka moku a me ki malamamoku, he haole ia; a e lawelawe ana lakou i keia pahu no ka hookuu ana iho iiuna o ka waapa o:ai e 1 ma ana ma ka aoao hema o ka moku. Me ka ulia nae o ka manawa, hapai a? la ka ale i ka moku iluna a hio aku h ma ka aoao akau me ka nee ikaika ana o keia pahu kaumaha ma ia aoao, a i ka wa a ka moku i hoi hou mai ai no kona kulana mua, oia pu no ka wa i hoi hou mai ai ka pahu me ka ikaika

a pa mai la ma ke alo o ka malamamoku, oiai eia e ku ana roa kahi o ka hiu uknna, a waiho aku la oia ilalo me ka eha nui a me na mapuna leo e puana: u O dear me, dear me!" Me ke kaumaha nui na luina i lawelawe ai e loaa he wahi pono nona, aka, ua haki haki kona mau iwi aoao, a ua hoike [knke mai no kona mau helehelena i ka uliuli pu no ka hopena mau. Mahope koke iho ua lawe ia aku la oia no ka aina me ke kamau no o ke ola. Ma ke awakea Poaha ae, ka la 17, ikea aku la ka pii ana ae o ka hae o ka RipubaUka nui o ke ao nei roa ka pahu hae o ke awa, a i ka hiki ana noa ka hapalua like o ua pahu hae la, kau ma lie iho la, a wehe malie ae la i kona mau hoku a me na kahakahana nani imua o na welau makani, a pu a mai la he leo walohia mai ka aina mai, ua make ka malamamoku i aloha nui ia e na iunina a me kona mau haku. He makua a he kauwa mikiala oia no keia moku i alo loihi ma na kai ewalu o ka paeaina nei, a no kona iawe ii ana aku la e na uiia waie o ka manawa, ua noho iho makou na hiina nie ke aloha nona. Aioha no oia. Kkkahi Luina.