Ka Nupepa Kuokoa, Volume XXVI, Number 14, 2 April 1887 — Page 2
| This text was transcribed by: | Kaulu Luuwai |
| This work is dedicated to: | Kalei Luuwai |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki………… $2.00
No Eono Mahina……….. 1.00
-KUIKE KA RULA.-
Poaono……….. Aperila 2, 1887
ALOHA HAWAII.
He mea kaumaha no ko waho mai a me ko Hawaii ponoi poe maikai ke nana aku i ka hilahila nui o ka paumaele ana o ko Hawaii hanauna hou iloko o ke kiolepo o ka ona rama, a iwaena hoi o na hewa koikoi e maule ai na naau ke hoikeike ia aku. Hookahi alakai nui o keia mau hana i ike ia iho nei, oia no ka waiona. Komo mai nei ka waiona a kono aku la i ka lehulehu e inu akea, a hooulu pu ia ae nei kona mau lala, ka haunaele, na olelo pelapela, hoohilahila i ke kino, uhai kanawai a lehulehu loa.
Iwaena o ka hanauna opiopio Hawaii, ke kaualako ia nei lakou iloko o nei mau wiliau ino o ka waiona, a ua ikea ma ka hua o ka hana, ka hilahila ino l@a e helelei ai na manaolana no ka ulu ae e lilo i mau hookawowo no ka makia o ka lahui ka “Hooulu Lahui.” Eia iwaena o ka poe heluhelu he hapa mahuahua @ o ka poe i lanakila mai ka waiona, aka, he mea ehaeha no ko lakou manao ke lohe ae e hookaulana ana na hana lapuwale i ka ino o ka makua maikai ma o ke keiki la, ke kane ma o ka wahine, ka wahine hoi ma o ke kane, a o na keiki ma o ka makua la.
O ka pono o ka inu akea ua loaa in a kanaka, a o ka hua o ia pono he paumaele. O ka hopena eiua o ka inu waiona, oia ka hoolapuwale ia o ka hanauna hoi e noho maemae nei, a e kaino pu ia aku ana lakou iloko o ka wiliau o ka make lahui. Ma kahi maemae he ola, a ma kahi lapuwale he make. Mamuli o ka ike maka ana i kekahi mau mea i hanaia ma keia mau la iwaena o ka lehulehu i puana iho ai makou ma ke poo o keia mana@ Aloha Hawaii.
NA KAUKA PAKE.
He mea ha@hao nui ia nei ma o na @, ka h@ ia o kekahi heluna mahuahua o na pake kauka e lawe @ ka @ lapaau iloko iho nei o @ @ la. A he mea oiaio ua kupu ae he mau hoo@ oi iloko o kekahi hapa @ o ka lehulehu heaha i @ ka hopena o neia hana? Pela pu makou e nalu nei, heaha ke ano, a heaha ka hopena?
I mea e h@oia ia mai ai ko makou manao nalu, he mea pono ia makoe ke hooma@e iki ae ke ole na kuhihewa, ua lawlaw ia keia mamuli o ka holomua o na hana kinai ola a me ka make lahui o kahi koena iki o Hawaii ma o ka piuma la. Mamua o ka lohe akea ia ana o keia mau hookohu kauka, ua pua mua mai la ka uahi o ua opiuma nei ma ke kulanakauhale o Hilo na kekahi o na kauka pake kalewa hele la; a he mea kanalua ole, e pahola ae ana keia moo nihoawa ma na kaiaulu o Hawaii a puni iloko o ka imo ana a ka maka.
Ua lohe hou ia mai, e hoouna ia aku ana keia mau kauka pake mao a maanei o ka paeaina i mua agena hooia a kuai opiuma, e like me ka hoakaka a ke kanawai i onou ia ae e na lunamakaainana Kaunamano a me Lilikalani, me ke kokua ikaika ana o ka hapa mahuahua o ka Hale Ahaolelo e hookomo mai i keia iliohae a e nahu aku i ke koena i koe o ka lahui.
Ma ko makou aoao iho he aloha a he kaumaha in a hana hoolapuwale ia o ka lahui. Aole i kaupaona pololei iho na hoa o ka Ha’e iwaena o ko ke kanaka ola ana a me keia opiuma laau make. Me ke aloha ia Hawaii ponoi a i kona mau hoa’loha mawaho ae, aole makou e kuemi hope ma ke kokua ikaika ana e hoopale ‘loa i ka opima mawaho aku o ka aina.
E AO O KUHIHEWA.
Ua ike ka poe heluhelu in a kolamu o keia pepa maloko o ka helu i puka aku i ka Poaono, la 26 o Maraku, he manao e kau ana ke poo “He Halawai oki peu ma Kona Waena.” E pili ana ia manao no kekahi mau hana kue a kahi poe o Kona Waena i ko lakou Kahu Ekalesia, ka Reve. S. @ Desha. Ua hai ia mai ia makou ua kuhikewa kekahi poe i kea no o ua palapala nei i hoopukaia, he kue i ke Kahu. Aole pela ko makou manao. Ke manao nei makou he makamaka no Kiwini ka mea nana i palapala moolelo o ka halawai, a e manao ana oia e kokua i ka pno a ke kahu a me ka ekalesia o Kona Waene.
O Kiwini kekahi o na Kahu Ekalesia’a keia pepa i hilinai piha ai no na kau i hala, a aole no hoi e loli ana keia hilinai no na wa e hiki mai ana mamuli o na olelo akiaki wale, me ke kumu ole. He kahu ikaika oia, a he malamalama. He pomaikai nui ko ka apana o Kona, Hawaii, i kona hono ana ilaila. A o ko makou manao paipai i ko laila ekalesia, e waiho ka mokuahana, e hui pu e kokua lokahi i na hana e hapai ia nei e ko lakou kahu.
E HOOMANAO.
Ke paipai ia nei na Kahu Ekalesia, na Luna, a me na hoahanau, e hoomanao i ka la 15 o Mei, oia ka Manawa e hoopaa ia ai na Buke Helu o ka Puuku o ka Papa Hawaii no ka hoomakaukau ana i ka Hoike Makahiki no ka halawai nui o ka Ahahui Euanelio i ka malama o Iune. Noalila, ma he mau kokua i koe no ka hana a ka Haku, e makaala mai oukou i hookomo ia mai iloko o ka Waihona mamua o ka la 15 o Mei, i loaa ka @keia main a hoike helu o keia makahiki
A. A. O. @PE.
KUIKAHI PANAILIKE.
[Koena mai kela pule.]
O kekahi mea oi loa a Amerika i hapai ai ia oe e Hawaii, o kou hoonaauao ia ana. O ko Amerika noho makua ana nou e Hawaii iloko o kou wa pouli loa a ao ia oe, e ua manao lakou ua lawa kou ike e malama ai ia oe e Hawaii. Hookuu mai nei oia ia oe nau no e huli i kou pono, a nau no hoi e malama ikou aupuni a me na oihana e ae a pae e pono ai kou noho lahuikanaka ana, a pela io iho la no; a heaha ka mea i ike ia iloko o keia au hooponopono aupuni ana ou e Hawaii? Eia n aka Hawaii ponoi no e hookele ne ii kona aupuni iloko o keia au noho aupuni ana o Kalakaua I; nawai la ia hua? Eia na Amerika no. i ka wa e noho naaupo ana ko kakou mau alii i ka wa kahiko, aole i hele mai o Amerika a lawe ae ia oe e Hawaii, a pakaha wele ae, no ka mea, oia ka wa kupono e lawe pakaha ai, no ka mea, he wa naaupo loa ia, aka aole nae pela, nolaila, heaha la ko kakou pilikia i keia wa?
Ina penei na helehelena o ko kakou noonoo, me ka lawe pu ma ii kekahi mau hoohalike maikai, a ke nana pono iho alaila e loaa ana no ia kakou ka kakou olelo hooholo kupono, e haawi aku ia Puuloa ia Amerika ma kea no kaulike, malia paha, pela no ko Amerika manao i hoolala wale ai, aole me ka manao e lilo loa ia lakou ia wahi, aka hoole e no kakou i kela manao a Amerika ka i noonoo @ kupanaha maoli ko Amerika poe keiki i hiipoi ai iloko o kona @ haliu aku la a pai aku la i kona mau papalina. Ma keia hoakaka ana, malia @ pale mai ana paha kekahi o ko’u mau hoa i keia mau kamailio ime ka olelo ana, me he la o ka haawi ana aku ia Puuloa no Amerika, he alanui hele ia o ka haawi aina ana a pau loa aku o Hawaii nei. Ae, aka, na’u no e hoakaka i ko’u manao i like me ka’u ike.
Heaha la ke kumu o ka hana ana i kuikahi panailike? No ka manao o ka hui mahiko he mea ia e holo ai na po maikai oi ae, i ko ka wa kuikahi panailike ole, a ma keia wahi he mea pono e hoala hou ae i ko kakou mau noonoo ma na mea e pili ana i na mahiko. Eia ina ua manao ia o na mahiko ma keia pae aina oia kekahi kumu waiwai e loaa ne i ke aupuni a e kokua nei hoi i ko ke aupuni mau pilikia, alaila, he mea pono no ke haliu aku ke aupuni e nana, a e kokua kau ia mau pilikia o lakou, oia hoi, ina o ka hana ana i kuikahi panailike ka mea i oi ae ai na pomaikai e loaa ana ia lakou, pela pu no e nui ae ai na pomaikai e loaa ana i ke aupuni ke nana aku a imi aku i mau kanawai e pono ai na oihana mahiai e noho nei iluna ou e Hawaii, oia hoi ina o ka haawi ana ia Puuloa waiwai ole i keia wa ka mea e uhi hou mai ai na pomaikai maluna ou e Hawaii ma ke ano e kokua aku i kekahi o ko lakou mau hemahema, ke hiki mai lakou ma keia aina, a heaha iho la hoi ka pilikia. Malia paha o olelo mai kekahi poe he alanui hele ia o ka pau loa aku o Hawaii nei, ina pela, alaila, ua kapakahi nui no o Hawaii in a haole o na aina e, aole i emi iho malalo o hookah tausani eka aina i lilo mua i kekahi poe kanaka o na aina e, mai Hawaii a Kauai, a pehea ia, nawai i hoolilo mua ia mau eka aina nui palahalaha? No kakou ponoi no, me ke noi ole mai o ko kakou mau hoa’loha oiaia maoli no keia e noi mai nei ia oe e Hawaii, i wahi e hoopau ai i ko lakou mau hemahema, oia ke kapili ana in a moku pilikia, hoahu ana in a lanahu, kukulu ana i mau papu i wahi e waiho ai ka lakou mau pu a me na pa@da, a me na oihana hana e ae o kela ano a me keia ano, a he kumu waiwai hou hoi nou e Hawaii. Ehia makahiki ka loihi o ka waiho wale ana o Puuloa me ka loaa ole o kekahi mea e pomaikai ai o ke aupuni? he nui loa, aka me ko kakou ike no nae i ka waiwai ole o ia waiho ana.
Ke wawa mai nei na lono mai o a o, e olelo ana mai haawi ia Puuloa ia Amerika no ke kuikahi o pau loa auanei ka aina i ka haole Amerika, no laila, ma keia hope aku, ina paha e noho hou ana ko kakou ahaolelo kaukanawai he mea pono ke noonoo nui ia keia kumuhana ano nui me ke akahele loa, a ke manaolana nei au e hana ana no ko kakou ahaolelo me ke akahele, a e haawi ana no hoi lakou i mau olelo hooholo maikai no keia kumuhana ano nui, a ina no hoi e loaa ana na Lunamakaainana kupono ko keia kau ae alaila maikai loa.
Ke manao nei au ua lawa keia kamailio ana, a kahi wa aku kamailio hou aku ke loaa ka Manawa kaawale. Owau no me ke aloha in a mea a pau.
JOSIAH. HAOLE.
HE ANAINA KANAENAE ALOHA
I ka hora 12:15 auina la Maraki 28, 1887, ua akoakoa ae ma ke keena loio o W R. Kakela no ka noonoo ana e kukulu i anaina kanaenae aloha no G. W. Pilipo keia poe malalo iho: N. B. Emerson, S. B. Dole, W. R. Castle, J. Waiamau a me J. U. Kawainui.
Ma ke noi, ua kohoia o Rev. J. Waiamau i Luna Hoomalu, a o J. U. Kawainui i Kakauolelo.
Ma ke noi, ua hoololoia e koho i Komite unikumamakolu lala no ke kahea ana i halawai kanaenae kupono e like me ko G. W. Pilipo kulana naauao iloko o ka aina, ma ka wae ana i mau haiolelo kanaenae a e hoolimalima paha i ka Puali Puhi Ohe no ka haawi ana ma ii mau leo mele kanikau.
Ma ke noi, ua hooholoia e lilo keia poe i akoakoa mai i Komite me ka pakui mai ia Rev H. H. Parker, L. A. Thurston, H. Waterhouse, Rev. S. Waiwaiole, Rec. S. Paaluhi, G. W. Kualaku, E. Kalauao, J. Alapai a me D. Lima Naone.
Ma ke noi, ua hoopanee ka halawai a noho hou ma keia keena i ka hora 12 awakea apopo.
Jos. U. Kawainui, Kakauolelo.
Hora 12:05 auina la Maraki 29, 1887, akoakoa mai keia maul ala o ke Komite: J. Waiamau, J. U. Kawainui, E. Kalauao, S. Waiwaiole, N. B. Emerson, S. B. Dole, H Waterhouse, L. A. Thurston.
Luna Hoomalu Waiamau ma ka noho.
Heluheluia ka moolelo o ka la i hala a aponoia.
Noi o Emerson ma ka luakini o Kawaiahao e malamaia ai ke anaina kanaenae. Hooholoia.
Noi o Emerson i hookahi haiolelo loihi a i ekolu haiolelo pokopoko. Hooholoia.
Noi o Emerson, ma ka po o ka la Sabati, Aperila 3, e malamaia ai keia halawai kanaenae. Hooholoia.
Noi ia o Rev. H. H. Parker ka haiolelo loihi a hooholoia.
Ma ke noi, ua hooholo pakahi ia na poe haiolelo pokopoko penei: S. B. Dole, Rev. J. Waiamau a me Rev. S. Waiwaiole.
Ma ke noi, ua hoopanee ka halawai a hiki i ka wa e kaheaia ai e ka Luna Hoomalu. Jos. U. Kawainui, Kakauolelo.
HE ANAINA KANAENAE ALOHA.
E malamaia ana maloko o ka Luakini o Kawaihao, ke hiki aku i ka hora &;30 ahiahi o ka la Sabati, Aperira 3, 1887, he Anaina Kanaenae Aloha no George W. Pilipo i make, a e haawi ia ana na haiolelo e Rev. H. H. Paleka, Hon. S. B. Dole, Rev. J. Waiamau, Rev. S. Waiwaiole, i ku no ke kulana a me na hana a keia kanaka naauao ou e Hawaii.
Ke poloai ia aku nei na makamaka, na hoaloha a me ka lehulehu no a pau, e hoike ae i ko lakoku aloha ma ka hoopiha ana ae i ka luakini. Ma ke kauoha.
Jos. U. Kawainui, Kakauolelo.
Honolulu, Maraki 31, 1887.
KA OPIUMA MA HILO.
Eia ka laikini puhi opiuma O Hilo nei ke kalewa hele ia mai nei mai Hilo taona mai a hiki loa mai i na apana kuaaina e ka pake kauka a ke aupuni, a ke holo mai nei hoi kona hohono a puni oe e Hawaii, a e hookaulana ana hoi i kou inoa maemae e Hawaii ma keia mua aku ma kou mau buke hoomanao a me na aupuni mamao mai o kakou aku nei, he aupuni puhi opiuma maopopo loa oe e Hawaii.
Ua like no hoi na tini opima me na ope paka cigarita e paa ia ae ana e na pake ma ke alanui hele me na helehena hooia maopopo, ke ole au e kuhihewa ke pane ae penei: Aole e hala he mau makahiki lehulehu e kuu akea ia ana na kanaka Hawaii e puhi i ka opiuma, e kanalua ana paha oukou no keia hoakaka. I na kakou e nana aku no na makahiki i kaa hope ae nei no ka Rama, pehea ia? Ua ko piha ia wanana a pela aku no auanei keia.
Ea, e hoomanao oukou e kuu koko o ka pupuu hookahi i na haawina o keia moo nihoawa i kekahi poe o kakou i hoao malu i ka wa lainiki ole ia, he mau helehelena maikai anei ko lakou maka nana ana, a he waihona anei kekahi ma ko lakou mau home ke pana aku nei au aole loa, e pono kakou e makaala mai hoopa iki i keia akua lapu.
E hoomanao kakou i na kauoha a kela lio kupua i kona haku opio Edisepa Ferido e hoomanao i ke kikala onioni o Baka Boloka pehea ua hooko anei kona haku opio, ke hoole aku nei au aole i hooko ua poino kona lia ua moku ka huelo a pela aku ana paha kakou ma keia mua aku. O ke aloha no ko oukou ea, a na oukou ia e noonoo a kaupaona iho i ka mea hiki i ko oukou noonoo like ole.
D. I. Wailani Jr.
Kela Hui Paele Honolulu.
Maloko o ka Hale Mele hou i wehe ae ai keia Hui Paele i ka lakou mau hana hoakaaka i ka po Poaono i hala, a i panai ia me na leo mele nanahe a ke kupiliku. He mau hana hoonanea lehulehu ka i lawelawe ia, a ma ko makou kono ia ana mai e hoikeike iki aku i kea no o ia mau hana, ke hoopuka aku nei makou i keia mau olelo hoihoi mikololohua o ka Manawa pehei: “ Pehea i like ai ka Ilamuku me ka Mano, ka weli a me ka makau ia ma ka hale auau Kapiolani?” Pane ia mai la: No ka mea, he makau ia ka Mano ke hookokoke aku i ka hale auau o na nahu kona mau niho i ka poe auau, a pela hoi o Kaulukou i makau ia ai o nanahu aku na niho o ke kanawai maluna o lakou no ka hoohaunaele a me ka hehi Sabati, a no ka haawi waiona pu kekahi me ka laikini ole. (Akaaka loa ia)
“Pehea hoi i hopu ai o Kaulukou i kela haole nona ka inoa o Page (aoao buke) iaia e hoao ana e lele iloko o ke kai ma ka puka aniani o ka hale auau?” Pane-No ka mea, ua makemake oia e hoopaa iho in a mea ano nui o ia hihia i hopu ia ai, ma ka aoao (Page) o kana buke moohihia e pili ana ia mea. (Akaaka loa ia.)
Nui a lehulehu loa na mea i hana ia e keia hui paele a ka hoomakeaka nui wale e pili ana no ka hopu ia ana o ka hale auau Kapiolani ma ka Poaono, maraki 19, i hala. Ka iho ana o na kanaka hawaii i kai a me na haole i hele no hoi a ohuohu me na lei, me na pila gita ma na lima, a e hele hikaka ana no hoi o ke kulana ona rama. Ka lealea ana, ka hula ku-i ana o na kamalii wahine maau hele o ka po maloko o ua hale auau la, a me ka inu rama ana iloko o ua hale auau laikini ole la, a nui wale aku. A ua hooia mai na poe a pauu i kamaaina ma ia mau wahi, he like iho la no na ano a pau pela, aohe malele ae, a hiki wale i hopuia ana e ka Ilamuku.
No ka nui aku o na mea i hanaia mai, na mele a me na mea hoakaaka, he ku maoli no i ka mahaloia. Ia lakou nei, hanaia mai ka punihei wale o kekahi mau makai kiai ke onou ia mai kahi hapaha a me kahi paka kika, a ke hookuu wale ia la no lakou la e iho i kai’o ka hale auau e hoohaunaele ai, a lehulehu loa aku. He anaina nui o ke kulanakauhale nei ka i akoakoa ae maloko o keia Hale Mele hou e ike i na hana hoomaeaka, a no ka hauoli paha ua lohe makou e kono hou ia ana keia hui paele e malama ia ona mau ahiahi hoonanea hou o na hana hoomakeaka.
AHA HOOKOLOKOLO KIEKIE O ko Hawaii Pae Aina. Ma ka Hooponopono Waiwai.
Ma ka hana o ka Waiwai o NAPAHUKAPU (k) o Honolulu, Oahu, i make kauoha ole.
Maka waiho ia ana mai o ka Palapala Noi a KAHALE, wahine a ka mea i make, e hoike ana ua make kauoha ole o Napahukapu ma Kapalama, Honolulu, i ka la 23 o Feberuari, 1887, a e noi ana e hoopukaia ka Palapala Hookohu Lunahooponopono Waiwai ia J. M. Monsarrat (Maunakea) o Honolulu i oleloia.
Ua kauohaia o ka POALUA, ka la 18 o APERILA, 1887, ma ka hora 10 kakahiaka, oia ka manawa i kohoia no ka hoolohe ana i ua noi la, ma ka Hale Hookolokolo, ma Aliiolani Hale, Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A e hoolahaia ia mea ma ka olelo hawaii i ekolu manawa maloko o ke KUOKOA, he nupepa puka hebedoma ma Honolulu.
Kakauia ma Honolulu, Maraki 29, 1887.
Naka aha: HENRY SMITH, Hope Kakauolelo. 2122 3t
Aha ka’apuni apana elua o ko Hawaii Pae Aina, Ma ka Hooponopono Waiwai.
Maka hana o ka waiwai o C. K. Kakani no Hana, Maui, i make kauoha ole.
Maka heluhelu a me ka waiho ia ana mai o ka Palapala noi a HANAI KAKANI (w) no Hana, Maui e hoike ana ua make kauoha ole o C. K. KAKANI, no Hana, Maui, ma Hana, Maui, i ka la 11 o Augate, 1886, a e noi ana e hoopukaia ka Palapala Hookohu Lunahooponopono Waiwai ia M. H. Reuter.
Ua kauohaia o ka POAHA, ka la 28 o APERILA, M. H. 1887, ka ha hora 10 kakahiaka, oia kamanawa i kohoia no ka hoolohe ana i ua noi la inua o ua Lunakanawai la ma ka Hale Hookolokolo, ma hana, Maui, a ma ia manawa a ma ia wahi no, e hele mai ai na mea a pau i puli e hoike mai i ke kumu, ina he kumu oiaio ka lakou, e ae ole ia ai ua noi la. A o keia kauoha e hoolaha ia ma ka olelo hawaii i ekolu pule maloko o ke KUOKOA, he nupepa ma Honolulu. Kakauia ma Wailuku, ko Hawaii Pae Aina Maraki 2 M. H. 1887.
Geo. E. Richardson,
Lunakanawai Kaapuni Apana Hookolokolo Elua o ko Hawaii Pae Aina. 2122 3t
$5 MAKANA.
I na o ka mea e loaa ai kuu lio (k) ulaula ano lokia huelo pokole, ua kuni ia i ka hao (H) ma ka uha hope, a hoihoi ae ma ka Halekuai o J. T. Walakahauku, e loaa no ke makana i olelo ia.
COSMORAMA
Aia aku nei keia mea auhou loa no ka hoikeike ma ke taona o Hilo, Hawaii, no kekahi mau pule wale, a e hiki ae ama Kohala, Hawaii a ma Wailuku me Hana ma Maui-
E hoike ana keia COSMORAMA i na hiohiona o na kulanakauhale kaulana nunui, na wahipana o ka aina, kekahi mau mea ano nui i hanaia mai ka wa kahiko a hiki i keia au. Mawaena o keia mau mea, o ka pahu pele weliweli a kaulana loa kekahi o ka lua pele Kolauea i ike ia no kekahi wa loihi i hala, no olino o Laupahoehoe, na hoohiwahiwa o ka la hanau o ka Moi Kalakaua Nov. 16 1886, huakai hoolewa o ka Moiwahine
Ema Kaleleonalani, na anaina hula lehulehu i malama ia o ka la Iubile, ke ‘lii ka Moi a me kona mau ukali ma ka hale alii, a he lehulehu loa aku o na mea maikai.
Ua panaiia mai na mahalo kiekie no keia Cosmorama hoikeike kii i malama ia ma Honolulu nei, a ua lawelwae ia na mea a pau me ka malamalama o na kukui a me na ohemana hoonui ike. He mea pahaohao loa i ka poe a pau e hele ae ana e ike maka, i ka waiwai a me ka naauao o ke kanaka.
Uku komo no na makua .50
“ “ “ “ keiki .25
Hilo, Hawaii, Aperila 2, 1887
2122-tf.
NA HOOLAHA HOU.
AI WAAPA HUELOBOTI.
E kuai ia aku ana me ka haahaa loa ka Waapa Paila@ o KAPENA BABCOCK.
I hana hou ia iho nei a paa e KIMO KAPIOLANA a me kana keiki. Ua lawa no i ke kia, hoe, @, he paa i like me ka waapa hou a oi aku no, a i kupono no ka hoohana ma na mokupuni.
E kuai pu aku ana maua he Waapa Kuna hou @, he p@a a me ka maikai. Pela na laau hana waapa, oia na kaa, wae, umii a me na kila.
He mau hana luma akamai keia ma ka home, a o ka poe a pau e makemake ana, e ninau i ka mea no na ka inoa malal@, a e loaa no na laau wae i hoopio ia ma na ano a pau no ka hoopaa hou ana ma na wahi popopo a nawaliwali o ka waapa.
E ninau ia J. A. DOWER.
2122 @ Paha Leta 459, Honolulu.
Aha hookolokolo kaapuni apana Ekolu o Ko Hawaii Pae Aina. Ma ka hooponopono waiwai. Ma ka hana o ka Waiwai o J. FERN, o Kohala Akau Hawaii, i make.
Ma ka heluhelu a me ka waiho ia ana mai o ka paiapaia nei a W. FERN, e noi ana e hookohu ia oia i Luna hooponopono no ka Waiwai o James Fern o Kohala Akau, Hawaii i make kauoha ole. Nolaila, ke kauoha ia aku nei, o ka POAONO, ka la 7 o MEI, 1887, ma ka hora 1 p.m., ma ka Hale Hookolokolo ma Hilo, Hawaii, oia kahi a me ka manawa i kohoia no ka hoolohe ana ia noi i oleloia a me na mea kue ke hoikeia.
F. S. LYMAN
Lunakanawai Kaapuni.
Kohala Akau, Hawaii, Maraki 26, 1887.
2122-3t
Aha hookolokolo kiekie o ko Hawaii Pae Aina. Ma ka hooponopono Waiwai.
Ma ka hana o ka Waiwai o BENJAMIN F. BOLLES opio o Honolulu, Oahu, i make kauoha ole.
Ma ka waiho ia ana mai o ka Palapala Noi a JULIA K. BOLLES, wahine a ka mea i make, o Honolulu e hoike ana ua make kauoha ole o BENJAMIN F. BOLLES opio ma Honolulu i oleloia i ka la 13 o Maraki 1887, a he waiwai kona e waiho nei aole i hooponoponoia, a e noi ana e hoopuka ia ka Palapala Hookohu Luna Hooponopono Waiwai iaia, JULIA K. BOLLES i oleloia.
Ua kauohaia o ka POAKAHI ka la 18 o APERIRA 1887 ma ka hora 10 kakahiaka, oia ka manawa i kohoia no ka hoolohe ana i ua noi la, ma ke Keena ma ka Hale Hookolokolo ma Aliionlani Hale ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua Noi la. A e hoolahaia keia mea ma ka olelo Enelani a me Hawaii i ekolu manawa maloko o ka Hawaiiana Gazette a me KUOKOA he mau Nupepa puka hebedoma ma Honolulu.
Kakauia ma Honolulu, Maraki 26, 1887
Na ka Aha:
HENRY SMITH.
Hope Kakauolelo.
2122 3t
HOOMAHA KULA AUPUNI.
E hoomaha ana na Kula Aupuni a pau mai ka Poalima, la 8 o Aperila, a hiki i ka Poakahi, la 25 o Aperila, 1887, a ma ia la e hoomaka hou ai ke kula ana. Ma ke kauoha a ka Papa Hoonaauao.
W. JAS. SMITH,
Kakauolelo o ka Papa Hoonaauao.
Oihana Hoonaauao, Mar. 24, 1887.
2121 3t
UA MAKEMAKE IA!
Kekahi lede a i ole he Keonimana paha, i hiki ke kakau maiau a me ka maikai, he wahi hana i kupono ma ka home a ma ke keena hana paha, ma ka hookomo ana ae i hona inoa me na huaolelo “Kakau Kope,” ma ka pahu leta 351. (2121 4t)
Aha hookolokolo kiekie o ko Hawaii Pae Aina. Ma ka Hooponopono Waiwai. Ma ka hana o ka waiwai o ka mea Kiekie ke Kama ‘Lii M. LIKELIKE CLEGHORN i make.
Olelo Kauoha e koho ana i la e hooiaio ia ai ka Palapala Kauoha, a no ka hoolaha hou ana.
No ka mea, ma ka la 28 o Feberuari, 1887, ua waihoia mai imua o ka Aha kekahi Palapala, i oleloia, oia no ke Kauoha Hope Loa a ka Mea Kiekie ke ‘Lii M. LIKELIKE
CLEGHORN i make aku la’ a me ka Palapala kauoha, a e hoopukaia ka Palapalaa Luna Hooko ia ALEXANDER J. CARTWRIGHT, ua waihoia mai e ALEXANDER J. CARTWRIGHT, i oleloia.
Nolaila, ua kauoha ia o ka POAKOLU, oia ka la 20 o APERILA, 1887, ma ka hora 10 kakahiaka ma ka Rumi Hookolokolo o ia Aha ma Aliiolani Hale, Honolulu, oia ka la me ka hora e hooiaio ia’i ia Palapala Kauoha, a e hoolohe ia ai ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha ia ia mea no na pule ekolu iloko o ka HAWAIIAN GAZETTE a me KUOKOA he mau nupepa i pai ia a i hoolahaia ma Honolulu.
Kakau ia ma Honolulu, Maraki 25, 1887.
Na ka Aha,
HENRY SMITH, Hope Kakauolelo.
2121 4t
Aha Kaapuni Apana Ekolu o ko Hawaii Pae Aina, ma ka hooponopono waiwai. Ma ka waiwai o L. Kaina (k), no Puna Hawaii, i make.
No ka mea, ma ka la 2 o Feberuari, M. H. 1887, ua waihoia mai imua o ka Aha kekahi palapala, i olelo ia oia no ke kauoha hope loa a L. Kaina, no Puna, Hawaii, i make aku la; a me ka palapala hoopii e noi ana @ hooiaioia kela palapala kauoha a e hoopuka hoi ka Palapala luna hooko no G. W. C. JONES me C. E. RICHARDSON, ua waiho ia mai e Mary Kaina me J. T. Brown kana kane mare. Nolaila, ua kauoha ia o ka POAKAHI, oia ka la 25 o Aperila, M. H. 1887, ma ka hora 10 o ke kakahiaka, ma ke keena hookolokolo o ia Aha, ma Hilo, Hawaii, oia ka la a me ka hora e hooia ia ai ia palapala kauoha, a e hoolohe hoi no ia noi ana mai, a me ka poe @ pau i pili, e kue ana ia palapala kauoha, a me ka hoopuka ana i ka palapala luna hooko.
A ua kauoha hou ia, e hoolaha no ia mea no na pule ekolu iloko o ka nupepa KUOKOA, he nupepa i pai ia a i hoolaha ia ma Honolulu.
Kakauia ma Hilo, Hawaii, ko Hawaii Pae Aina, Maraki 8, 1887.
F. S. LYMAN.
Lunakanawai o ka Aha Kaapuni Apana Ekolu, H. P. A. 2121 3t
Aha Hookolokolo Kiekie o Ko Hawaii Paeaina. Ma ka Hooponopono Waiwai. Ma ka hana o ka waiwai o KAAIMANU (k), o Koolauloa, Oahu, i make kauoha ole.
Ma ka waihoia ana mai o ka Palapala Noi a me ka Papa Hoike a J. M. KAUAHIKAUA, Lunahooponopono o ka waiwai o Kaaimanu i oleloia, e noi ana e apono ia na hoolilo he $3,725.30, a e hoike ana o na mea i loaa mai iaia he $3,724. 95 a e noi ana e nana a e apono ia kela mau mea, a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.
Ua kauohaia o ka POAKAHI, ka la 2 o MEI, 1887, ma ka hora 10 o kakahiaka ma ke Keena ma ka hale Hookolokolo ma Aliiolani Hale, Honolulu, oia kahi a me ka manawa i kohoia no ka hoolohe ana i ua Noi la, a me ka Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii maloko o ke KUOKOA he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, Maraki 24, 1887.
Na ka Aha:
HENRY SMITH, Hope Kakauolelo.
2121 4t
HOOLAHA HOU.
Ma ke Keena o ka Lunakanawai Kaapuni o ka Apana Ekolu o ko Hawaii Pae Aina. Ma ka Waiwai o KALAWAIA (k), no Hilo, Hawaii, i make kauoha ole.
Ua heluhelu ia a ua waiho ia ka Palapala Nei a KAUANOE (w), me ANNIE (w), na moopuna a Kalawaia (k), no Hilo, mokupuni o Hawai, i make kauoha ole, e noi ana e hooponopono ia ka waiwai o ka mea i make a e koho ia o B. H. BROWN i lunahooponopono no ia waiwai. Nolaila, ua kauoha ia na mea a pau i pili, o ka POAKAHI, oia ka la 25 o Aperila, i ka hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i kohoia no ka hoolohe ana aku ia noi ana me na mea kue ke hoike ia.
F. S. LYMAN.
Lunakanawai Kaapuni.
Hilo, Hawaii, Mar. 10, 1887.
2121 @t
HOOLAHA HUI.
Ke hoike ia aku nei ma keia, o Mung Chong, Chun Kam, Chen Tung, Chun Hu, Wong Tim, @au Ak, Ah Chin, Tong Bin, Q@i Fat, Mon Sung, Yau Chow, Wong On, Chung Lee a me Mee Kit, uahoohui ae nei ia lakou iho a paa malalo o ka noho hui ana no ka manawa he elima makahiki mai keia la aku, a ke noho nei lakou a paa ma Mokuleia, apana o Waialua, Oahu.
O ka hana a keia Hui o ka Mahi Raiki.
O ka inoa o ka Hui o Kwong Tuck Wai Co., a o kahi o ka hana aia no ia ma Mokuleia.
Ke noho ona nei keia Hui maluna o ka Mahi Raiki o Mokuleia, i noho ona ia hoi e Y. Anina me Ahuna, a me ka San Tuck Wa Co., a aole he wahi kuleana iki i koe o Y. Anina iloko o ua Mahi Raiki nei.
Honolulu, Maraki 23,1888 [2121 2t
HOOLAHA HOOPAU HUI.
C. E. RICHARDSON S. L. COAN.
Mamuli o ka make ana o Mr. S. L. Coan o ka Hui RICHARDSON & COAN, nolaila ua hoopauia ka inoa hui mawaena o C. E. Richardson a me S. L. COAN. O na a@e a pau i ka Hui o “Richardson a me Coan,” e kuku koke ia mai i ka mea nona ka inoa malalo me ka hoopanee ole, a i ole pela, e haawi ia no ma ka lima o kekahi Loio no ka ohi ana. E hooponopono ia no hoi na aie a pau o ka Hui o “Richardson a me Coan” me ka mea nona ka inoa malalo iho.
C. E. RICHARDSON.
Hilo, Maraki, 1, 1887. 2119 4t
KUAI A KA LUNA HOOPONO PONO WAIWAI.
O Joseph P. Men@nea, ka mea nona ka inoa malalo iho a Lunahooponopono o ka Waiwai o Domingo Lopez Ramos o Honolulu i make, ke hoike aku nei, i kulike ai me kekahi apono i loaa mai iaia ma ka la 14 o Maraki 1887, mai ka Lunakanawai Nui o ka Aha Kiekie A. F. Judd ma ka hooponopono waiwai, i pili i ka uku ana aku i na aie o ka mea i make i oleloia, nolaila, e kuai kudala ia aku ana ma ke keena kudala o Lewis J. Levey ma Honolulu, ma ka Poaha, Maraki 31, 1887 ma ka hora 12 awakea, na pono a me na pomaikai a pau o Domingo Lopez Ramos i oleloia e like me ia i hoakakaia malalo iho:
1-Kela apana aina a pau e waiho la ma Kalihi, Oahu, nona na eka aina he 39 23, oia ka aina i hoakakaia ma ka Palapala Sila Nui helu 595 ia Kanaina, ua paa i ka pa ia a kokoke no hoi ma ka muliwai o Kalihi.
2- O kela apana aina a pau ma kalihi i oleloia nona na eka he 2 3-10 i hoakakaia ma ka Palapala Sila Nui helu 2023 ia Kamaipelekane. JOSEPR P. MEN@ONCA.
Lunahooponopono o ka Waiwai o Domingo Lopez Ramos. 2120 4t.
Aha Kiekie o Ko Hawaii Pae Aina. Ma ka hooponopono waiwa. Ma ka hana o ka waiwai o JOHN O. DAVIES o Waialua, Oahu i make.
Olelo kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea, ma ka la 1@ o Maraki 1887, ua waihoia mai imua o ka Aha kekahi palapala, i oleloia, oia no ke Kauoha Hope Loa a JOHN O. DAVIES i make akula, a me ka Palapala Hoopii e noi ana hooiaioia kela Palapala Kauoha a e hoopuka ia ka Palapala Luna Hooko ia ROBERT LEWERS, o Honolulu Oahu ua waihoia mai e ia.
No laila, uakauohaia, o ka POALUA APERILA la 12 1887, hora 10 kakahiaka, ma ka Runi Hookolokolo o ia Aha, ma Aliiolani Hale, Honolulu oia ka la me ka hora, e hooiaio ia’i ia Palapala Kauoha, a e hoolohe ia ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolahaia ia mea no na manawa ekolu iloko o ka Haw. Gazette and KUOKOA he mau nupepa i pai ia a i hoolahaia ma Honolulu.
Kakauia ma Honolulu, Maraki 18 1887.
Na ka Aha.
HENRY SMITH.
Hope Kakaolelo.
2120-3t
Aha Hookolokolo Kiekie o Ko Hawaii Pae Aina, Ma ka Hooponopono Waiwai.
Ma ka hana o ka Waiwai o KEALOHA k. o Kamoiliili, Honolulu, Oahu, i make kauoha ole. Olelo kauoha mamuli o ke noi a ka Lunahooponopono Waiwai no ke kuai ana kekahi Waiwai Paa.
Ma ka waiho ia ana mai o ka palapala noi a MILIAMA HOOKAEA W, lunahooponopono waiwai o ka mea i make, e noi ana e kauoha ia oia e kuai i kekahi waiwai paa o ka mea make e waiho la ma Maulukikepa, Kamoiliili, Waikiki, Oahu, a e hoakaka ana i kekahi mau kumu ku i ke kanawai, e aeia’i e kuai ia ua waiwai paa la.
Ua kauohaia e hele mai na pilikoko a me ka poe a lpalu i pili i ka mea make a me na mea a pau i kulenana i ua waiwai la imua o keia Aha, ma ka POAKAHI ka la 4 o APERILA 1887, ma ka hora 10 o ke kakahiaka, ma ke Keena Hookolokolo ma Aliiolani hale, Honolulu, ma ia wa a ma ia wahi e hoike mai ai ina he kumu kekahi e hoopuka ole ia ai ka olelo kauoha e kuaiia ua waiwai la.
A ua kauoha hou ia e hoolahaia keia olelo kauoha no ekolu manawa mamua ae o ka la e hooloheia’i i oleloia iloko o ke KUOKOA, he nupepa i paiia ma Honolulu i oleloia.
Hanaia ma Honolulu, Maraki 16, 1887.
Na ka Aha.
HENRY SMITH,
Hope Kakauolelo.
2120-3t
Aha Hookolokolo Kiekie o Ko Hawaii Pae Aina, Ma ka Hooponopono Waiwai.
Ma ka hana o ka Waiwai o SAMUEL H. HALSEY O Wailuku, Maui i make, make keena imua o ka Lunakanawai McCULLY.
Maka waihoia ana mai o ka Palapala Noi a me ka Papa Hoike a WILLIAM O. SMITH, Lunahooko o ka Palapala Kauoha a SAMUEL H. HALSEY no Wailuku, Maui, i make e noi ana e apono ia na hoolilo he $27,117.94, a e hoike ana o na mea i loaa mai iaia he $27,259.85, a e noi ana e nana a e apono ia kela mau mea, a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.
Ua kauohaia, o ka POAKOLU, ka la 20 o APERILA, 1887, ma ka hora 10 o kakahiaka, imua o ua Lunakanawai la ma ke Keena, ma ka Hale Hookolokolo ma Aliiolani Hale, Honolulu, oia kahi a me ka manawa i koho ia no ka hoolohe ana i ua Noi la, a me na Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lokou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Enelani me Hawaii, e pai ia maloko o ka HAWAIIAN GAZETTE me KUOKOA he mau nupepa i pai a hooloha ia ma Honolulu i ekolu pule mamua ae o ka manawa i olelo ia no ka hoolohe ana.
Kakauia ma Honolulu i keia la 11 o Maraki, 1887.
Na ka Aha.
HENRY SMITH,
Hope Kakauolelo.
2120-3t
HOOLAHA HOU.
Aha Kaapuni Apana @ o Ko Hawaii Pae Aina. @ Hooponopono Waiwai. @ Hawaii Pae Aina. Ma ka waiwai @ COPP no Makawao, Maui i @.
No ka mea, ma ka ia @ 1886, ua waihoia mai imua @ Palapala, i olelo ia, oia no @ loa o Chas Copp i make @ Palapala Hoopii enoi ana e @ pala Kauoha a e hoopuka @ na Hooko no Chas Copp @ e Chas Copp Jr.
Nolaila, ua kauoha ia @ la 14 o APERILA M. H. @ 10 a.m. ma ka Hale Hoo@ ma Makawao, Maui oia ka @ hooiaio ia’i ia Palapala Kauoha @ hoi no ia noi anamai, a m@ pili, e kue ana ia Palapala Kauoha @ hoopuka ana i ka Palapala
A ua kauoha hoi ia, e @ no na pule ekolu iloko o ke @ pepa i pai ia a i hoolaha ia @
Kakauia ma Wailuku, @ Mar. 8th, 1887.
GEO. E. @
Lunakanawai Kaapuni Apana Elua.
Aha Hookolokolo @ Ko Hawaii Pae Aina @ Hooponopono Waiwai.
Ma ka hana o ka Waiwai e @ o Honolulu i make, ma ke @ Lunakanawai McCULLY.
Ma ka wahoia ana mai o ka @ me ka Papa Ho@ a W@ Honolulu, Luna hooponopono @ AIONA (pake) no Honolulu @ ana e apono ia na hoolilo he $72 @ ike ana o na mea i loaa mai @ a e noi ana e nana a e @ ae kauoha ia e mahele ia na @ ana ma kona lima i na mea i @ a e hookuu ia oia a me @ lakou noho ana ma ia ano.
Ua kauoha ia, o ka FOAK@ o APERILA, 1887, ma ka @ kakahiaka, imua o ua Lunakanawai @ ena ma ka Hale Hookolokolo, ma @ Hale, Honolulu, oia kahi a @ kohoia no ka hoolohe ana @ Papa Hoike i oleko ia, a o ka @ malaila e hele mai ae hoike i @ he kumu io ko lakou e ae @ malaila e hoike mai ai na @ @eana maloko o ka waiwai @ ia kauoha maka olelo Enelani @ ia kauoha ma ka olelo Enelani @ pai ia maloko o ka HAWAIIAN @ ke KUOKOA he mau nupepa i @ ma Honolulu, i ekolu pule mamua @ manawa i olelo ia no ka hoolohe ana.
Kakauia ma Honolulu, i k@ Maraki, 1887.
Na ka Aha.
HENRY SMITH.
Hope Kakauolelo.
2120 3t
HOOLh HOOKO @ KE KUAI.
Mamuli o kekahi @ kuai i hoike ia maloko @ Palapala Moraki i hanaia mawa@ Kaila o Kaaawa, Koolauloa, @ Oahu o ka aoao mua, a me A. @ WRIGHT Kahu o ka Waiwai o @ o ka aoao elua, ma ka la 23 o @ kope ia me ke Keena Kope o ka @ ka Buke 90 aoao 30 me 37 a @ uhaiia ana o na kumu aelike @ no ka uku ole ia o ke kumupaa @ nee i ka wa i oleloia nolaila, ke @ nei e ka mea nona ka aoao e@ nei, e hooko ana oia ia ma@ k@ @ hooko ana, e Kudala akea ana @ hoikeia ma ia moraki, elike me @ ana malalo iho, ma ka POAONO @ APERILA 1887 ma ke Keena K@ P. Adams & Co. ma Honolulu, @ Oahu, ma ka hora 12 o ke awakea @
No na mea i koe e ninau ia J. M . @. Rat, Loio ma ke Kanawai.
A. J. @
Kahu Waiwai o ka Waiwai o W. @
Mea Ka@
Honolulu, Maraki 8, 1887.
Penei na aina e Kudala ia ana
O kela mau apana aina a pau @ Kaaawa i oleloia, nona ka @ he 2 @a oia no ka aina i hoakakaia ma @ Helu 267 Kuleana Helu 3053 @ hooliloia e ua Niho la i ka mea @ ma kekahi palapala i kakauia ma @ Sepatemaba 1877 a i kopeia ma @ Kope o ke Aupuni i Honolulu @ Buke 51 aoao 264. Aina Kalo a @ pili koke la me ke alanui aupuni.
2119-4t
HOOLAHA HOOKO MORAKI ME KE KUAI
Mamuli o kekahi mana kuai i hoikeia maloko o kekahi @ motaki i hanaia mawaena o KAAI @ KEALOHA MAUI kana kane mate @ Akau, Mokupuni o Hawaii o ka @ me JOHN D. HOLT o ka aoao elua, @ o Dekemaba 1882, i kakau kope ia @ Keena Kope o ke Aupuni ma ka @ 106-7, a i hoopaa ia ia J. A. @ ma kekahi palapala i kakauia ma @ Sepatemaba 1883 a i kopeia ma ka @ aoao 438-440, a mamuli o ka uhai @ kumu aelike o kela moraki, no ka @ ke kumupaa me ka ukupanee i ka wa@ nolaila, ke hoolahaia aku nei e ka @ ka aoao elua o ua moraki nei, e hooko @ ia mana kuai, a ma ia hooko ana e @ akea ana ia i ka aina i hoikeia ma ia @ e like me na hoakaka ana malalo iho, @ POAONO la 9 o APERILA 1887 @ Keena Kudala o E. P. Adams @ Honolulu, Mokupuni o Oahu, ma ka @ o ke awakea o ia la. No na mea i koe, e ninau ia J. M. @ rat, Loio ma ke Kanawai.
A. J. CARTWRIGHT
Mea Kuai @
Honolulu, Maraki 8, 1887.
Penei na aina e Kudala ia ana
O kela mau apana aina a pae e @ Holualoa Elua, Kona Akau, @ ka ili he 3 eka 456 30-100 anana @ na aina i hoakakaia ma ka Sila @ 4227, Kuleana 7804 ia Kaluhimo@ a liloia e ua Kaluhimoku la i olelo@ @ oleloia ma kekahi palapala i kakauia @ 29 o Ianuari 1876, a i kopeia ma ka @ aoao 105.
2199-4t.
HOOLAHA HOOKO MORAKI ME KE KUAI
Mamuli o kekahi @ kuai i hoike ia ma@ kekahi palapala moraki i hanaia @ waena o LAU SUNG o ka aoao @, a me W. R. KAKELA Luna Hooponopono @ Waiwai o UILAMA o ka aoao elua, ma ka la @ o Feberuari 1887 i kakau kope ia ma ka @ aoao a mamuli o ka uhaiia ana o na @ aelike o kela moraki, nolaila, ke @ aku nei e ka mea nona ka aoao elua o na @ raki nei, e hooko ana oia ia mana kuai a ma ia hooko ana, e kudala akea ana ia i @ i hoike ia ma ia moraki, ma ka POAKAHI la 11 o APERILA 1887 ma ke Keena @ o E. P. Adams, ma Honolulu, ma ka @ o ia la.
Aia ma kahi o W. R. Kakela na # hoakaka no keia mea.
Hanaia i keia la 11 o Maraki 1887.
W. R. CA@LE.
Luna Hooponopono o ka mea Moraki @
Penei na aina e kudalaia ana:
He elua kuleanan kaokoa, a he @ kuleana i paa malalo o ka moraki ia @ a ke hui ia keia mau kuleana ekolu, @ me ke kuleana hapalua iloko o kela Hui mahi Raiki ma Waipio Ewa, Oahu, i hana iho nei malalo o ka inoa Hui o Look Fong W@, a i keia manawa hoi malalo o ka inoa hou o ka Hui Sin Chee Hop. Ua kamaaina keia hui mahi Raiki i na mea a pau, a o kekahi hoi o na Hui mani Raiki maikai loa o Ewa. He emi na uku hoolimalima, a he momona ka aina. He mau pipi a me kekahi mau waiwai okoa e ae
2199-4t