Ka Nupepa Kuokoa, Volume XXVI, Number 14, 2 April 1887 — HE ANAINA KANAENAE ALOHA [ARTICLE]

HE ANAINA KANAENAE ALOHA

I ka hora 12:15 auina la Maraki 28, 1887, ua akoakoa ae ma ke keena loio o W. R. Kakela no ka noonoo ana e kukulu i anaina kanaenae aloha no G. W. Pilipo keia poe malalo iho: N. B. Emerson, S. B. Dole, W. R. Castle, J. Waiamau a me J. U. Kawainui. Ma ke noi, ua kohoia o Rev. J. Waiamau i Luna Hoomalu, a o J. U. Kawainui i Kakauolelo. Ma ke noi, ua hooholoia e koho i Komite umikumamakolu lala no ke kahea ana i halawai kanaenae kupono e like me ko G. W. Pilipo kulana naauao iloko o ka aina, ma ka wae ana i mau haiolelo kanaenae a e hoolimalima paha i ka Puali Puhi Ohe no ka haawi ana mai i mau leo mele kanikau. Ma ke noi, ua hooholoia e lilo keia poe i akoakoa mai i Komite me ka pakui mai ia Rev H. H. Parker, L. A. Thurston, H Waterhouse, Rev. S. Waiwaiele, Rev. S. Paaluhi, G. W. Kualaku, E. Kalauao, J. Alapai a me D. Lima Naone. Ma ke noi, ua hoopanee ka halawai a noho hou ma keia keena i ka hora 12 awakea apopo. JOS. U. KAWAINUI, Kakauolelo.

Hora 12:05 auina la Maraki 29, (887, akoakoa mai keia mau lala o ke Komite: J. Waiamau, J. U. Kawainui, E. Kalauao, S. Waiwaiole, N. B. Emerson, S. B. Dole, H Waterhouse, L A. Thurston. Luna Hoomalu Waiainau ma ka noho. Heluheluia ka moolelo 0 ka la ihala a aponoia. Noi o Kmerson ina ka luakini o Kawaiahao e niaUniaia ai ke anaina kanaenae. Hooholoia. Ni-i o Emerson i hookahi haiolelo loihi a i ekolu haiolelo j>okopoko. Hooholoia. Noi o Emerson, ma ka po o ka la Sabati, Aperila 3, e malamaia ai keia halawai kanaenae. Hooholoia. Noi la o Rev. H. H. Parker ka haiulelo loihi a hooholoia. Ma ke noi, ua hooholo pakahi ia na poe haiolelo pokopoko penei: S. B. I)ole, Rev. J. Waiamau a me Rev. S. Waiwaiole.

Ma ke noi, ua hoopanee ka halawai a hiki i ka wa e kaheaia ai e ka Luna Hoomalu. Jos. U. Kawainim, Kakauolelo. HE ANAINA KANAENAE AI.OHA. E malamaia ana maloko o ka Luakini 0 Kawaiahao, ke hiki aku 1 ka hora 7:30 ahiahi o ka la Sabati, Aperila 3, 1887, he Anaina Kanaenae Aloha no George W. Pilipo i inake, a e haawi ia ana na haiolelo e Rev. H H. Paleka, Hon. S. B. I)ole, Rev. J. Waiamau, Rev. S. Waiwaiole, i ku no ke kulana a me na ham a keia kanaka naauao ou e Hawaii. Ke poloai ia aku nei na makamaka, na hoaloha a me ka lehulehu no a pau, e hoike ae i ko lakou aloha ma ka hoopiha ana ae ika luakini. Ma ke kauoha. Jos. U. Kawainui, Kakauolelo. Honolulu, Maraki 31, 1887.