Ka Nupepa Kuokoa, Volume XXVI, Number 19, 7 May 1887 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Nu pepa Kuokoa

No ka Makahiki $2.00

No eono Mahina 1.00

KUIKE KA RULA

 

Poaona Mei 7, 1887

 

EMAU ANEI NA KAUMAHA!

 

            Aol he wa e ae na kakou e nana maka ai i ke kuiana aupuni o nei mau la e nee nei. Aole he mea nana e hoole iho ke ino o na lawelawe ana i ke ala pomaikai o ko ka lahui waihona dala i deia wa, a o ka luhi hoi i moe a make ia o na kipoohiwi hoomanawanui o ko Hawaii mau kama a hiki loa aku i na kanikoo. Ma ka hoomaopopo ana i kea wa ke nee mua aku nei ko kakou mau hookaumaha wale ia ana e noho panepoo iho maluna o ko na maka hiki i hala. Ua like kakou me ke kanaka hookahi i aie aku, a i mea e kaa ai ia aie ona, hele aku oia a aie hou i hookaaia no ka aie mua. i wahi kumu hoohalike no kakou, ke hoaiai ano nui nei makou:

 

            Iloko o ka makahiki i hala, ua noe aku nei ka aina iloko o ke kulana aie i maopopo i aneane ma ka palena o elua haneri tausani dala. He mau aie liilii ae no mawaho o keia nana e hoopiha loa aku ka huina i hoike ia maluna. Ua hoomaikeike ia imua o ka lehulehu he mau wahi huahelu kakaikahi wale no ia mau aie liilii i manaaoia, a hiki mai nae i ke au ahaolelo a ka noii nui i hala, ua ikea he mooa a he mau lalani huahelu hou aku i pakuia me na huaolelo hookamaemae “no ke aloha a no ka pomaikai o ka lehulehu.”

 

Aka, ua hala hoi ia mau la, a ua nee mai no ia koikoi no keia mau la me na manaolana pu e mawehe ia ae ana ia. He eha mahina o ka makahiki 1887 i hala ae nei, e paa ana ia ma ko Hawaii moolelo he mau mahina hoiliili ia no na hana hookaumaha hou; lulu hua o na poino, a hooulu no na hana kumakaia lahui. O ka pono o ka lehulehu ka i lu ia—ua mimino ke eke, a i mea e pupui hou ae ai, ke nanao nei na bona aupuni Hawaii i ko waho e homai.

 

            E komomai ana ko waho, a e pani aku ana kakou he huina kala kaulele waie iho. Mawaho ae o ia na koina koikoi i hookahua ia e na hana kapulu a kela au hookele i Kapua i ko kak@ wahi waa me ke panana ole, a ua papalua ia ke koina hookahi iloko o ka makahiki hookahi. Eia hou ua mau hoolilo waiwai ole mawaho ae, ma kahi paha o ke kanaha tausani oi a emi mai paha, a eia hou aku no a anui wale. O ka helu papa ana a pau, he hana nui ia; e make e kanaka opio iloko o ke kanalima makahiki mamua o ka pa@ ana i ka helu ia.

 

            O ke oke loa aku o na hoohlo dala ana, oia ke kuai ia o ka pauku laau popopo hoolei wale ia I na tausani dala aikai. A ma he mea hiki i ke ao hoolokoa ke hooia mai ua waiwai oia no na apana laau apulu waiwai ole, alaila, e kau@ua ia laua i hookahi auamo me ka ona nona ka pauku laau popopo i kuai ia iho nei, a e kulou no keia mau pane ana malalo o kona mau keehina.

 

            O keia ae la na helehelena o ko kakou kulana e i u nei aia malalo ka popopo kahi i paopao ai. Aohe wa e ae a kakou i ike ai i na kui o ke kamaa e houhou ana i na kapuai wawae aia wale no a appulu, a o keia hoi eia no i ka makamua. O ko kakou waiho mau ana i ka uala popopo iwaena o na uala maikai, e hoolilo ia ana ia i palaho, a o ka hoomau ana aku hoi i keia hana kumakaia e hele lanakila nona iho, aole no he au e ike ia ai ko Hawaii hauoli me ka naau mama.

 

HE HOIKEIKE NUI

            Ua ike iho makou i ka hoolaha a ke khina o na aina e ma ka nupepa Kukala Aupuni, he lono, ma o ko ke alo alii Komisina Farani la, ua manaoia e malama i kekahi hoikeike nui ma ke kulanakauhale o Parisa ke hiki aku i ka la 5 o Mei ka makahiki 1889, a e pau ana paha ma ka la hope o Okatoba. He hoikeike keia i like me ko Piladelepia a me ko Louisiana i makahiki i hala, e pili ana i na mea hana lima akamai, na mea ulu, na mea kaulana o ka kahiko a lehulehu aku o na wahi a pau o ka honua nei. Ke kono ia nei ka lehulehu e waiho ae i ka lakou mau mea hana lima akamai i hoomoamoa loihi ai no ke ake e ikeia a kaulana ka inoa, a eia ke kaulana la, ike i ka huikau lua o Parisa. Aohe mau auhau no ke kahua maloko o ka hoikeike, aole hoi he dute ana no ia man mea, a ua makemakeia e hiki e aku mamua o ka hala ana o ka la 1 o Aperila 1889. E loaa no na hookaka hou ke ninau ae i ke keena oihana o ko na aina e.

 

NA HOOKOHU HOU

            Ma ka noho ana o ka Ahakukamalu i kekahi la o ka pule i hala, ua laweia ae ka oonoo ana no ka mea kupono e pani aku ma kahi o J.M. Kapena, ka Luna Dute awa i banekarupa, a ua apono ia o A.S. Cleghorn (Ake) i Luna Dute na ke kulana i waihoia mai O na hooko ia ana keia o na lono lauahea o ka pule i hala, a maluna o ka Luna D@le hou ko makou manaolana ana e holomua kana mau lawelawe oihana ana.

 

            Ma kahi hoi o C.F. Hart, Lunakanawai Kaapuni Apana Ekolu o ke au puni, ua oluolu ia oia i ka wa ho ana mai i kona kulana i noho @ ai, a ua pani ia aku ma kona wahi o Mr S.L. Austin. Aole i maopopo @a keia i hoololi hou ana, a no keia mua aku ko kako i dana i ka hana a kela kahu kanawai hou. E holopono kana mau hana ka makou @

 

HE HANAU KUPANAHA

            Ma ka la 22 o Aperila i hala, a ma ka hora 9 paha o ka po, ua hanau aku he kaikamahine na lilinoe a me Jno. Wailaahia. Ma`oko o kona waha e ulu ana he elima mau ko`a o loko o ke kai. Aia maluna pono iho o ke a maluna o ka waha he puka nui, a o kona kino a ppuni mai luna a lalo, he lena wale no. He weliweli kona mau nanaina ke ike aku, a o ka mea maa mau i na hanau kupanaka o ka mamake wale. Ua make iho nei ua kaikamahi ne la mahope koke iho o kona hemo ana mai. No Waikapu, Maui. Laua.

J.W.

 

NA HOOWELIWELI KIPU MA LAHAINA

            He @ta mai ka makou na Mr. Sam`l Ramon o Lahaina, e hoike mai ana i na hana kipu ma Lahaina, Maui, a ua loaa he poino ma na hoakaka ana a ia leta penei: Ma kekahi o kela mau la aku nei i hala, ua ki iho la o Koalii i kana kaikamahine i ka pu panapan, aole nae i ku mamuli o ke pale ikaika ana a Nika, a pakele ke ola okeia opio. O ke kumu o ke ki ana he wahi mea pohihihi no ia, a ua kipakuia ua kaikamahine la mai kona home ponoi aku.—Ma ka Poalima, oia ka la 16 o ka mahina i hala, ua ki malu ia aku la kekahi kaikamahine a Alo (pake) na kekahi lima pakaha, aole nae i ku.—Oiai kekahi mau pake elua Ah Choy a me Ah Kim Sin e milimi`i ana i kekah@pu panapana, ua pa aku la ke kiko o ka pu i ka lima o kekahi pake a kani aku la ka pu me ke komo ana o ka poka ma ka aoao o ka pake nona ka inoa hope, aole nae i paa i`oko, ua hemo hou no ka poka iwaho. O ka mea nana ka pu, e haleliilii; ke lapaauia nei ka mea poino.

 

PAINA PU ME DIABOLO

            Ma ka la 26 o Aperila nei ua wehe ae o Mr. Kealo o Puako, apana o S. Kohala nei, he paina no ke komo ana o kona hale hou, me ka makaukau i ka poi, puaa a me bipi, a hoomaka ka paina ana hora 9 A.M.  Ma keia hoomaka ana, aole nui loa na ona rama i hiki mai, a i ka hoomaka ana o ka paina elua, oia ka manawa i wehia mai ai na umeke uala awaawa, a me ka okolehao. A ma keia paina ana ua nui ka ona o na kane, ma ka hoike ana mai i ko lakou hakaka ana i pale pohue ia; a ua hui pu me kekahi mau wahine ma keia ona, a ua nui na hana hilahila ma keia mau hana.

 

            Ma ka ninau pono ana i ke kumu maopopo, mai ka okolehao mai no; a elua mau mea nana e hookipa mau mai nei i keia mea ino, oia na kumu o na kula apana maanei, no Kawaihae hookahi, a no Puako ka lua, a ua ka maaina keia mau kumu imua o na makua mea keiki no ko laua oma akea. Aka, ua manao ka mea kakau ma keia hana ana, he mea e ao aku ana i na poo auppuni, e nana pono i keia mau alakai ana ina ua pono, oiai ua loihi keia mau hana, aole nae i nana pono ia.

Makai Kiu.

 

HE EKOLU MAU KAIKOO

            Eia ke oia mai nei ma Derby, Enelani, he wahine i hiki aku kona mau makahiki ma ke koho ia i ka 101, a penei i maopopo ai: Iloko o ke au oki poo kaulana o na alii o Enelani ua ikeia oia e ola ana ia wa ma ke kulana oo a ikaika. Nana i kaukau kekahi buke moolelo i hele loa aku na hoakaka ana he eono makahiki mamua o ka kekahi poe kaukau moolelo. I ka makahiki 1793 ka hookaulana ia ana o na hana oki poo ma enelani a puni, a ma ia wa ka hapanui o na moolelo i kakauia. O kana aku no ke kahiko loa.

 

            O Mr. Obadia Vincent, he kanaka ilihune e noho ana ma ka home ilihune o Cumberland ua hanau ia oia ma keketuke, Amerika, i ka makahiki 1767, a hiki i keia makahiki, ua piha na makahiki he120. Ua elemakule loa oia—ua pii ae kona kino a pelu hou iho ilalo; ua aneane e pili kona umauma me kona mau kuli. He kanaka makapo oia a he ikaika kupono no nae kona kino ma ka hele holoholo ana.

 

            O Rev. David Smith, he kahu ekalesia oia no kekahi ohana negero, ua hanauia oia ma Bolatimoi i ka makahiki 1784 a ua piha hoi iaiai na makahiki he 103 o ke ola ana. He kulana ikaika kona ma ka lawelawe hana ana, aole nae o ke kaumaha loa. Ua waiho aku oia i ke kulana he makua no ka ekalesia, a ke noho nei e hoonani mau aku i ke Akua no ke koena aku o kona mau la ana i hooloihi mai ai i ke ola. O lakou nei na kanikoo o keia wa i ike ia.

           

HE HOEHALAKALA NO KE HALA

            Ua lohea mai ka malama ana ae o ka Ekalesia o Kaumakapili he anaina halawai a o ke kumu paio, no ka mea no ia e pili ana i ke kani o ka hele nui hou o Kaumakapili i hanaia iho nei. He hoohalahala iwaena o kekahi poe no ka lohe ole ia o ka leo ma na koauka aku nei a me na wahi a no mamao mai ka luakini aku. Ua kaa mai ka hapanui o ke anaina e apono i ka hoihoi ana aku i keia bele no kahi i hanaia ai koe ko lakou noonoo hou ana aku i ka ole`o hooholo a ke komite ekolu lala i kohoia; ina no ka hoihoi hou, a i ole no ka waiho no pela. O kekahi mea i manaoia, e hapai hou ae iluna a kiekie i ole e holo ka nunulu o ka leo ilalo o ka honua, a i poha hoi ma na apana a pau. 

 

WELUWELU KA LIMA I KE KIANA PAUDA

            Ma Alika, Kona Hema ua lawe aku la kiana pauda I ka peahi lima o Kimo Haihe a hookoe iho la i ke kino he koena poomuku weluwelu, pala pu ka umauma, a pukapuka no hoi ma kona uha. O ke kumu o keia poino, penei no: Ma ke kakahiaka o ua la nei, ua hele aku la keia kanaka e hoopahu i ke awa  pae o na waa e hapai mai ai,, oiai he wahi awa inoino loa keia. Pao iho la oia a loaa he puka ma ka pohaku, alaila, hookomo iho la i ke kiana pauda me ka welu a kuni aku la i ke ahi. No kekahi wa loihi, aole i pahu iki, a manao iho la ua pio. Hopu hou aku la a puhipuhi iho la, a o ka wa no ia i pahu ae ai ke kiana pauda a loaa na poino i haiia maluna. Ma ka manao koho wale aku, i hele i ka hoopahu i-a, aole nae i maopopo. Aia aku nei ka mea poino i Kau no kahi o ke kauka e laapau mai ai. J. Isaia

 

OWAI HON AE IA ONA DAIMANA?

            Eia ma Farani kekahi puupuu daimana nui i manaoia e hoolilo aku ma ke kuai i ka mea e koho mai ana no ke kumukuai kiekie loa; a he nune nui hoi ia iwaena o kekahi poe i makahehi nui I na nani o ke ao nei me ka ninau ana, owai auanei la kona ona. Ua ole loia he ekolu wale no poe e noho ona nei maluna o na puupuu daimana i ikeia a I kaulan no hoi oia ka Moiwahine Victoria o Enelani, ka Madame Adelina Patti, a me Mrs. John Mackay o Amerika. He nui ae no na ona daimana e noho mai nei, aka aole i oi ae ka lakou mamua o keia poe ae la. Ua lohe wale ia no o ka Emepersaa kekahi o Kina e noho mai nei I keia wa, koe nae hoi kona kaulana. Ekolu wale no oi ikeia

 

NO STEVEN L. DESHA.

            E EOLUOLU OE E KE Kuokoa e hookomo iho i keai mau wahi manao e pili ana i ko makou kahu Ekalesia: O keia Kanu o Kona-waena nei, he ku maoli no i ka eeehia a me ke aloha kanamau wehewehe kumu manao ana. Aole keia he hoo@ilimeai ma ke ano he ili hookahi, aka, no ke ku maoli no i ka naauao, a hoalohaloha o kana haiolelo ana. O ka mua he kahu naauao, hooikaika, a honui a me ka hoomanawanui i ka hoohuli ana i ka poe auwana i ka pono. O ka lua he kahu akamai i ka hai ana i ka olelo a ke Akua he akamai i ka hoalohaloha a me ka hai ana i na moolelo pokopoko e pili pono ana i kana kumu manao; a he ku aoli no i ka walohia e hiki ole ai i kekahi hapa o ke anaina ke paa iho i na kuu wainaoa a ke kehau, a e i iho ai hoi “ua eha au i ka eha lima ole” oia hoi ke aloha. O ke kolu, he kahu oluolu a me kie akahai i na mea a pau.

 

            Maanei ke hoopau nei au i ko`u mau wahi manao pokole me ka hamalo palena ole nou e S.L. Desha. Aloha no.

Mea Hoolohe.

 

HE KAUA HAHANA ME KA NALO MELI

            Ma piihau, Hilo, Aperila 23, ua pii aku la kekahi mau kanaka no laua na inoa Mr. Iaea a me Mr. Apana iuka o ka waonahele e huli nalo meli ai iloko o na puha laau. Loaa aku nei maloko o kekahi puha laau ohia ka meli, a kii aku nei laua e oki i ke kumu i loaa ai ka wai momona. I ke koele ana aku no o ke koi ma ke kumu o ka laau, o ka wa no ia o na haneri nalo meli I lele pohukuhuku mai ai maluna o Mr. Iaea a kiki iho la iaia. Hooikaika ae-la oia e pale a no ka hiki ole ua kuupau aku la i ka holo me ka uhai ia no nae e ka nalo. Me ka hoomaopopo ole i kana wahi e holo nei, aia hoi kakaa aku la oia i ka pali a ua loaa he mau palapu ma kona kino. Ua kahuli ae la ka hookui`na o kona wawae akau me ka iwi kuk, a ma kona kino he mau poho lehole manaonao. Ke waho nei oia e ka ehaeha i keia mau la oiai na nalo meli lanakila i hoi aku ai no ko lakou home puha laau, me na manao hauoli no ka papahi ana i ka hanohano o ke kahua mokomoko. Ke kia nui mai la no o ko ianei hoea hou aku.

J.K.

 

            He huakai ka ka ohana alii o Rusia no ka puali o Crimea, a mamuli o na nune o ka make weliweli mai na lima mai o ka poai nihila, ua hiki ole.

 

PAU OLE KA @ OU E HAWAII

            E ke anaiani kalohi o na mea pohihihi, ka nupepa Kuokoa, Walina oe:--

 

            Ke noi aku nei wau i ka oluolu o kou Pa@ata, e hookomo ino ma kahi kaawa`e o kana pepa a nau hoi ia e haai pau aki i keia mea i loaa i kou kiu ina wai.

 

            Aia mauka ae nei o Auwaiolimu, he ekolu mau kahuna hoonohonoho akua unihipi`i e lapaau ana i kekahi mai; eia nae ka mea apiki loa ia lakou, ua kue kekahi o lakou i kekahi mau mea, a ua olelo kaena ae la oia na hiki iaia ke hana i ka mea i loohia i ka mai a ola, aka ma ka`u ike aku i na hiona o ka mai, aole i ke ao kanaka mai. A ua olelo kaena ua kahuna nei i lawe ai i ka mai nana e hana aole ka ia e makau i kela mau kahuna eluaa, ina laua e hana mai ana ma ke ino. A ke noho pu nei ka mea mai ma ka hale o keia kahuna hookahi i keia wa.

Kou Makai Kiu, Moses P.K.

 

KA MOKU AU UNI KAIMILOA NO SAMOA

            Ua hookanaia loa ae nei kahi moku ao kaua moana Kaimiloa, a ua makaukau no kana misiona huli pomaikai no Samoa. Ia lohe ia e holo aku ana oia ma ka Poalua ka la 10 o keia mahina.

 

            Ua kepa ia iho nei na kanaka o luna he mau koa kia ponoi o ka Moi i mau koa marina, he heluna mahuahua o na haumana o Keoneula a me kekahi mau ili keokeo i mau luuina; a he mau alii pikimana, na aliimoku kiekie, na wiliki kapena a pela aku.

 

He mau la hoolako ai a me wai iho nei keia a me na pono a pau o ka huakai holo moana; he wahi lohe lauahea wale mai no kekahi ia makou, he mau omole rama ka kekahi.

 

E kaaloalo mai nei na aliimoku me na luina ma na alanui me ko lakou mau paikini panio o ka oihana koa o na ale o ka moana. Ua lohe ia mai e malama ia na he ahaaina maloko o ka pa kula o Keoneula ma ka Poakahi iho ka la 9 no ka hui hope ana me ko ka aina nei poe a hele aku i ke kai loa.

 

            Ua ohi iho nei no ke kaki o ka poe i kepaia, a ua hele nui no e inu rama a ona; a ke oleloia mai nei, ua hoohaunaele nui ae. Ma ka uwapo i ka Poaha nei, he heluna nui o na kana i ma kaikai aku i ua moku aupuni la; malaila pakele kekahi poe mai kuipalu ia e ke kapena no ka hookokoke aku ma ka aoao o ka moku—wahi a lakou ua uluhiaia.

 

            O na luina ili keokeo i kepaia iho nei, na lakou ka e kuhikuhi aku i na keiki i na inoa o na kaula, ka pokaa kaula, huki ana i`ha kaula, pua pea a pela aku. E holo pu ana lakou ma ke ano he mau kumuao.

 

IAPANI MAE HANA MIKIALA PAINA HAUOLI WAI KAHO

            Kepani Make:--Ma kekahi pule aku nei i hala ua loaa aku i kekahi mau kanaka paele kekahi kepani ua make, ma ke kahawai o Kaula, palena o Hamakua me Hilo, He kepani hana keia no ka mahiko o Ookala, N. Hilo, a ua hoike ae i keia mea hou: Ua hele koke aku ka makai nui S. L. Kawelo, Lunakanawai B.Naaikauna me kekahi makai a me kekahi poe e iho, e nana i keia me hou. A ua hoike ae kekahi o lakou, i make ke kepani no ke kaawe ana iaia iho. He ehiku la o kona hoohuoi ia ana mai kena la i nalowale ai, a hiki i ka la i loaa ai.

           

            Hana Mikiala: A@a ma Laupahoehoe, Hilo-akau, kekahi hana ikiala a ko laila mau wahine oia hoi ka humuhumu kapa apna. E huihui ana hoi kekahi poe wahine i ka humu ana i ke kapa a kekahi a o kekahi hoi, humu no ia kana kapa oia wale no. He mau hana maikai eia, a maemae hoi.

 

            Paina Hauoli:--Ma ka Poalua la 26 o Aperila, ua hele aku kekahi puulu wahine i kahakai, ma Laupahoehoe a ua loaa no na limu, na Makaiauli, hoi nui ae la a uka, hana i wahi paina hauoli oia hoi keia: He mau umeke poi, na lau limu me na opihi makaiuli, a me na o nole bia. Owala mai la hoi kekahi i ka miki poi e hookomo i ka waha, kekuhi la kekahi lima i kahi e: Kau ae ia hoi kekahi i ke kiaba bia, halakau ae la kekahi lima i o a ianei; a o kekahi poe e hula ana.

 

            Wai Kahe:--Ma ke kahawai o Kolekole, Hilo, oiai kekahi poe wahine e hopai hinana ana, a ia lakou i hoi ai i kula no kekahi mau minute ua hiamoe ia kekahi poe o lakou a koe hookahi. I kona wai nana aku ai i uka e hanuu mai ana ka wai me he nalu la ia manawa hoala aku la oia i kona mau hoa a holo aku la; ia lakou no i holo aku ai, iho ana ka wai me ka ikaika. O keia wai kahe he kupanaha maoli no, aohe ua aohe makani, he nui ana na ka wai.

W.L.K.

           

            He pukuniahi ano hou ka i hoao ia mai nei iwaena o kekahi pualikoa Auseturia i hiki ke ki ia he 1,000 poka iloko o 90 sekona.

 

            E mare ana kekahi moopuna alii a ka Moiwahine Victoria me kekahi keiki alii o Geremania. Ua oleloia, e holo aku ana ka Moiwahine e ike i ka mare ana.

 

KA OPIUMA MA HILO NEI

            Eia ka laikini opiuma kuai liilii ma Kahahi nei i keia mau la. Ke ok@oki ia nei no ka mea kupono i ke kenikeni, hapaha a p@la aku a kupanaha ka nee awiwi ana a puni oue Hawaii me ka emooleloa. Ke nana aku a ka hoolala ana a keia aiwaiwa me ke uwila la e anapu ana. Ma na ia i kaa hope ae nei e hoomakaleho manana o a me ka maalea nui ia oe e Hawaii oiaio, a eia oia ke haulani ne me he nahe sa la e puahi ana ma o na maanei e like me ka pa ana a ka makani Kona.

 

            No laila ia oe e Hawaii oiaio e noho ana maluna o kou lepo ponoi, e hanu ana i na ea maikai o kou aina makuahine i aloha nui ia, o ka wa keia e kupaa iho ai maluna o ke kahua maemae i ole ai e hakoko pu me ka pilikia. E kanalu i mai auanei paha kekahi o ko`u mau hoa i keia hoakaka poko`e penei:

 

            Ina oe e makaala mau i ke aniani kilohi i kou mau helehelena o kou mau la puhi opiuma ole, alaila hoomaka aku ou e puhi mau i ka opiuma no ekolu makahiki a oi aku, alaila hoi hou iho oe nana i ko i mau helehelena i ke aniani e nana pono ai aia-go,--e liola ia ana e oe kela aniani mai kou lima aku no ka wa mau loa.

 

            Penei hou: E pau ana kou hoihoi ana e launa loihi loa e kamailio me kou mau hoa, aia ka hoihoi a kou lunaikehala i ka uwahi nanea a na keiko o Kina, pau mai la kou noonoo ana i kou mau ho. O ka inoa kaalana a kou mau hoa e kahea mau ai ia oe e like me ka aihue penei: E i ae kahi puhi opiuma ke hele mai nei, nolaila he inoa oi loa kela o ka hilahila ma ko`u noonoo iho.

 

            He nui aku no na hoakaka ana no keia meaq e kaulana nei o kona ino a puni o Hawaii nei, aka, na oukou no ia e noonoo pakahi iho e o`u mau hoa o ka pupuu hookahi no keia mea e makau ia nei. Nani ka mea makau ia o ka mea kaulana i ka huihui o ka uwahi o ka opiuma—no ka laau make nae paha. D.I Wailani Jr.

 

HOOLAHA HOU

 

HOOLAHA

            E noho ana ka lunakanawai Kaapuni, Apana Ekolu, H.P.A. e hoolohe i na hiahia i hoohalahala mai na Aha Apana mai penei, ma Hookena, Kona Hema, Poalua Mei 31th 1887, ma Waiohinu, Kau i ka Poakahi, June 6 ^th 1887.    F.S. LYMAN

Lunakanawai Kaapuni

Hilo, Hawaii, April 27 1887.  2127-3ts

 

MA KE KEENA O KA LUNAKANAWAI Kaapuni Apana Ekolu o ko Hwaii Pae Aina.

            Ma ka waiwai o KAHOOKANO (k), no Lanihau, Kona Akau, Hawaii I make.

            
         Ua heluhelu ia a ua waiho ia ka Palapala Noi o J.Z. WAIAU, e noi ana e hoonoho aku iaia i Lunahooponopono no ka waiwai o Kahookano (k), no Lanihau, Kona Akau, Hawaii, i make kauoha ole: Nolaila ua kauoha ia na mea a pau i pili, o ka POALIMA oia ka la 30 JUNE, 1887, i ka hora 10 kakahiaka ma Keauhou-kai; Kona Akau Hawaii, oia kahi a me ka manawa i koho ia no ka hoolohe ana i ua hoi la me na mea kue ke hoike ia.

F.S. LYMAN

Lunakanawai Kaapuni

 

MA KE KEENA O KA LUNAKANAWAI Kaapun Apana Ekolu o ko Hawaii Pae Aina.

            Ma ka Waiwai o PUANA (k), no Moaula, Kau, Hawaii i make.

 

            Ua heluhelu ia a uawaiho ia ka Palapala Noi o KAHIONA (w), e noi ana e hooponopono ia ka waiwai o PUANA (k) no Moaula, Kau, Hawaii, i make kauoha ole: Nolaila, ua kauoha ia na mea a pau i pili, o ka POALUA, oia ka la 7 o JUNE, 1887, i ka hora 10 kakahiaka, ma ka hale hookolokolo ma Waiohuu Kau, Hawaii, oia kahi a me ka manawa i koho ia no ka hoolohe ana i ua noi la me na mea kue ke hoike ia.

F.S. LYMAN

Lunakaanawi Kaapuni

Hilo, Hawaii, April, 27 1887 2127-3t

 

MA KE KEENA O KA LUNAKANAWAI Kapuni Apana Ekolu o ko Hawaii Pae Aina,

            Ma ka Waiwai o G.H. KINIAUKUA, no Pahala, Kau, Hawaii i make.

 

            Ua heluhelu ia a ua wai ho ia ka Palapala Noi o SHEM KINIAKUA, e noi ana e hooponopono ia ka waiwai o G.H. Kiniakua (k) no Pahala, Kau, Hawaii, i make kauoha ole, a e hoonoho aku iaia i Lunahooponopo no ia waiwai. Nolaila ua kauoha ia na mea a pau i pili, o ka   POALUA oia ka la 7 o JUNE, m.H. 1887 I ka hora 10 kakahiaka ma ka hale hookolokolo ma Waiohinu, Kau, Hawaii, oia kahi a me ka manawai i koho ia no ka hoolohe aku I ua noi la me na mea kue ke hoike ia.

F.S. LYMAN

Lunakanawai Kaapuni

Hilo, Hawaii, April, 27, 1887. 2127-3t

 

HOOLAHA A KA LUNAHOOPONOPONO WAIWAI

            O ka mea nona ka inoa malalo iho, ua koho ponoia i Lunahooponopono Waiwai no ka waiwai o WONG KIM, i make o Honolulu.

 

            No laila o na mea a pau he mau koi ka lakou i ua waiwai la, ke hai ia aku nei e waiho koke mai i ka lakou koi i hooia pono ia malalo iho iloko o eono mahina mai ka la aku o keia hoolaha ana, a i ole pela e hoole loa ia aku no; a o na mea a pau i aie mai i ua waiwai la, e hookaa koke mai ma keia keena, ma Alanui Maunakea, Honolulu.

WONG KO

Lunahooponopono Waiwai o ka waiwai o Wong Kim.

Honolulu, Mei 5, 1887 2127-5ts.

 

HOOLAHA I KA POE AIE NO KA WAIWAI O.T.D. LANE

            Ke hoike nei ka mea nona ka inoa malalo iho, ua hookohu ponoia oia i Lunahooponopono Waiwai no ka Waiwai o T.D. Lane o Lihue, Kauai, i make. O ka poe a pau he mau koina ko lakou i ka Waiwai i oleloia, ina paha ua hoopaa ia ma ka moraki a ma kekahi ano e ae paha, ke kanohaia aku nei e waiho maii ka lakon mau hooia kupono i ka mea nona ka inoa malalo iho; ma ka Helu 11, Alanui Kaahumanu, ma Honolulu, iloko o na malama eono mai keia la aku, a i ole e hoole mau ia no lakou. A o ka poe a pau he aie ko lakou i ka waiwai i oleloia, ke kanohaia aku nei e hookaa koke mai i ka mea nona ka inoa malalo.

F.M. HATCH

Lunahooponopono Waiwai o T. D. Lane

Aperila 18, 1887 2126-6t

 

NA HOOLAHA HOU

 

AHA HOOKOLOKOLO KIEKIE o ko Hawaii Pae Aina. Ma ka hooponopono Waiwai.

 

            Ma ka hana o la Waiwai o ESTHER WAHA, o Kona Hema, Hawai. I make kauoha ole.

 

            Ma ka waiho @ ana mai o ka Palapala oi a me ka Papa Hoike a Rev. Alfred Willis, Lunahooponopono ka Waiwai o Esther Waha i oleloia, e noi ana e aponoua na hoolilo he $174.20 a e hoike ana o na mea i @ mai iaia he 170.15, a e noi ana e nana a e apono ia kela mau mea, a e kanoha ia e mahele ia na waiwai e waiho ana ma kona lima i na mea i kuleana malaila, a e H@kuu ia oia me kona mau hope mai ko lakou noho ana ma ia ano.

 

            Uaakauohaia o ka POAKAHI ka la 1 o JUNE, 1887 ma ka hora 10 kakahiaka, ma ke Keena ma ka Hale Hookolokolo ma Aliiolani Hale, ma Honolulu, oia kahi a me ka manawa i kohoia no ka hoole ana i ua noi la, a me na Pana Hoike i oleloia, a o ka poe a pau i pili malaila, e hele mai a e hoike i ke kumu ioa he kumu oiaio ko lakou e ae ole ia ai ua noi la; a malaila e hoike mai ai na hoike o na mea i kuleana maloko o ka waiwai i oleloia. Ao o keia kauoha ma ka olelo Hawaii, e paiia maloko o ke KUOK@A, he nupepa i Pa@ a hoolahaia ma Honolulu I ekolu manawa mamua ae o ka la i oleloia no ka hoolohe ana.

 

            Kakuia ma Honolulu, i keia la a4 o Mei, 1887.

Na ka Aha: HENRY SMITH

Hope Kakauolelo 2127-3t

 

MA KE KEENA O KA LUNAKAnawai Kaapuni Apana Ekolu o ko Hawaii Pae Aina. Ma ka Waiwai o AHIA(k), no Kau, Hawaii, i make.

 

            Ua heluheluia a ua waihoia ka palapala oi a JK. AEOLE, ka Lunahooponopono no ka Waiwai o Ahia(k) no Kau Hawaii, i make kauoha ole, e noi ana e apono ia kona hoike hope, a e haawi ia aku ka waiwai i na hoolina, a e hookuu aku iaia mai kona noho ana i Lunahooponopono no ia waiwai.

 

            Nolaila, ua kauohala na mea a pau i pili@, o ka POALUA, oia ka la 7 o IUNE, M.H. 1887 i ka hora 9 kakahiaka, ma ka hale hookolokolo ma Waiohinu, Kau, Hawaii, oia kahi a me ka manawa i kohoia no ka hoolohe ana i ua noi la me na mea kue ke hoikeia.

F.S. LYMAN

 

Lunakanawai Kaapuni

Hilo, Hawaii, Aperila 27 1887 2127-3ts

 

MA KE KEENA O KA LUNAKAnawai Kaapuni Apana Ekolu, o ko Hawaii Pae Aina. Ma ka Waiwai o NAUKANA (k), no Lanihau, Kona Akau, Hawaii I make.

 

            Ua heluhelu ia a ua waihoia ka palapala noi a J.Z. WAIAE e noi ana e hoonoho ia oia i Lunahooponopono no ka Waiwai o Naukana(k), no Lanihau, Kona Akau, Hawaii i make kauoha ole.

 

            Nolaila, ua kauohaia na mea a pau i pili, o ka POALIMA, oia ka la 3 o IUNE, 1887, i ka hora 10 kakahiaka, ma keauhou kai, Kona Akau, Hawaii, oia kahi a me ka manawa i koho ia no ka hoolohe ana i ua noi la a me na mea kue ke hoikeia.

F.S. LYMAN

Lunakanawai Kaapuni

Hilo, Hawaii, Apr. 27, 1887. 2127 3ts

 

AHA HOOKOLOKOLO APANA EHA o ko Hawaii Pae Aina. Ma ka  Hooponopono Waiwai. Ma ka Waiwai o MARAEA(W) NO Wahiawa, Kauai, i make kauoha ole. Imua o ka Lunakanawai Kaapuni, ma ke Keena.

 

            Maka heluhelu a me ka waihoia ana mai o ka Palapala Noi a PELEKI (w) ke kaikaina ponoi o Maraea(w), e hoike mai ana, o Maraea (w), no Wahiawa Kauai, ua make kauoha ole ma ia wahi ma ka la 13 o Aperila, M.H. 1887, a e noi ana e haawiia ka Palapala Hookohu Luna Hooponopono Waiwai ia A. K. MIKA, no Koloa.

 

            Ua Kanohaia o ka POAONO, KA LA 28 O MEI, M.H. 1887 i ka hora 10 kakahiaka, oia ka manawa i kohoia no ka hoolohe ana i na oi la, Imua o Lunakanawai la, ma ke keena hookolokolo o keia Aha, ma Koloa, Kauai, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolahaia ma ka olelo Hawaii, i ekolu pule ma ke KUOKOA, he nupepa ma Honolulu.

 

            Kakauia ma Koloa, ko Hawaii Pae Aina, Aperila 29, 1887. JACOB HARDY,

Lunakanawai Kaapuni Apana Eha. 2127-3ts

           

AHA KAAPUI APANA EKOLU O KO Hawaii Pae Aina, Ma ka Hoponopono Waiwai Hooilina.  Ma ke Keena, Ma ka waiwai o WAHAKOLE(k) @o Kamaee Hilo, Hawaii i make kauoha ole, a e hoonoho aku ia D.H. HITCHCOCK i Lunahooponopono no ia waiwai.

 

            Nolaila, ua kauoha ia na mea a pau i pili, o ka POALUA oia ka la 17, o MEI, 1887 i ka hora 10 kakahiaka, ma ka Hale Hookolokolo, ma Hilo, Hawaii, oia kahi a me ka manawa i kohoa no ka hoolohe ana i ua noi la me na mea kue ke hoike ia.

Hilo, Hawaii, Aperila 13, 1887.

F. S. LYMAN,

Lunakanawai Kaapuni Apana Ekolu. H. P.A. 2125-3t

 

AHA KAAPUNI MA KE KEENA, Apana Ekolu o Ko Hawaii Pae Aina. Ma ka Hooponopono Waiwai Hooilina. Ma ka Waiwai o HALALEIWI(k), no Kamaee, Hilo, Hawaii, i make.

 

            Ua heluhelu ia a ua waiho ia ka Palapala Noi a KALILI(w), no Kamaee Hilo, Hawaii, i make kauoha ole, a e hoonoho aku iaia i Lunahooponopono no ia waiwai. Nolaila, ua kauoha ia ana mea a pau i pili, o ka POALUA, oia ka la 17, o MEI, 1887 i ka hora 9 kakahiaka, ma ka Hale Hookolokolo ma Hilo, Hawaii, oia kahi a me ka manawa i kohoia no ka hoolohe ana i ua noi la me na mea kue ke hoike ia.

Hilo, Hawaii, Aperila, 113 1887.

F.S. LYMAN

Lunakanawai Kaapuni Apana Ekolu, H.P.A. 2125-e

 

OLELO HOOLAHA

            O LI MING, ka mea nona ka inoa malalo iho, ka mea hoolimalima i na pono Lawaia Konohiki ma ke kai lawaia o Kaakaukukui, ma ke awa o Honolulu, e hoike aku nei, i kulike ai me ka mana i haawiia iaia ma ke kanawai, ke papa a ke hookapu loa aku nei oia i ua kai lawaia la i oleloia no ka malama o MEI, 1887 a mahope aku o ia manawa no ka hoana okoa ana i wahi no kona pono lawaia. Kapono aku nei oia i ka poe a pau i loaa he mau pono lawaia no lakou ma ia kai @waia i oleloia e laweia hookahi hapa-kolu o ka i-a e loaa ana ia lakou ma ia kai lawaia i oleloia ma Honolulu.  LI MING

Aperila 29, 1887  2126-4t

                                   

HOOLOHA HOOKO MORAKI ME KE KUAI. Mamuli o kekahi mana kuai i hoik eia maloko o kekahi Palapala i hanaaia mawaena o MAHAULU(k) o Hilo, Hawaii, a me W.F WHISTER, o Honolulu Oahu, a assign ia ia ka Hakalau Plantation Company o Hilo, Hawaii, a ua kakauia kela moraki ma ka Buke Aupuni, helu 83, aoao 45 me 46. A no ka uhaki ana i ka olelo ua moraki nei, ke manao nei ka mea nona ka moraki e hooko i kela moraki me ke kuai aku ma ke kudala ma ke akea, i ka aina i moraki ia no ke kumu o ke kaa ole o na dala o loko o ka moraki.

 

            O kela aina oia ka hapa o Mahaulu iloko o ka aina e waiho nei ma Kamaee, Hilo, nona ka helu Sila Nui 909.

(Signed) HAKALAU PLANTATION CO

Mea Hooko Moraki

E ninau ia D.H. HITCHCOCK, Loio ma ke kanawai ma Hilo

Hilo, Aperila 26, 1887.  2127-3ts

 

ILOKO O KA AHA @

KIEKIE O KE a@

Kaalakaua, ma ka @

O ko Hawaii Pae Ana, @

 

I ka Hamuku o ke A@

Hope, me ka maha@

 

Ke kauohaia aka @

B. MITTON, Aha @

ka mea i hoopuia, @

kana pane i kama @

mahope iho o ka @

mai iona o ka Aha H@

ke Kau o Aperila @

ia ana ma ke Keena H@

Hookolokolo ma h@

ma ka hora io kaka@

no ke aha la e ae ole ia @

F. MILTON, KA MEA @

Mea i hoakakaia Ho@

i pakuiia.

A e hoihoi mai oe i @

Hoike piha o kau mau ha@

 

INEA: Ka M@

Francis @

(Sila) Nui oko ma@

Kiekie ma @

o Ianua@

@

@

Ke hooia nei au @

maluna, he kope oi@

o ka hihia i hoikeia ae la @

ua Aha la, e hoopan@

i ke Kau o Iulai e @

laha ia ka palapala @

 

Ikea ko`u lima i @

William@

2124-6ts

 

AHA HOOKOLOKOLO@

Apana Eha o ka @

Ma ka hooponopono W@

 

Ma ka hana o ka waiwai@

STRUSS, o Lihue, Kauai, @

keena. Imua o ka luna@

 

Ma ka heluhelu a me ka @

Palapala Noi a me ka Papa

H. DEVERILL, Lunahoopo@

me ka Palapala Kau@

make, e noi ana, e @

$139.55, a e hoike ana, o na @

iaia, he $273.00, a e no@

kela mau mea, a e kauoha@

waiwai e waiho ana ma @

kuleana malaila a e h@

na mau hope mai ko lakou @

ano.

 

Ua kauohaia o ka POA@

MEI, M.H. 1887, ma @

imua o ua Lunakanawai ia, @

ka Hale Hookolokolo o @

Kauai, oia kahi, a me ka @

ka hoolohe ana i ua noi la.

Hoike i oleloia, a o ka poe @

e hele mai a hoike i ke kumu@

ko lakou, e ae ole ia ai ua @

hoike mai ai na hoike o na@

maloko o ka waiwai i ole@

 

A o keia kauoha, ma ka @

Hawaii, e paiia maloko o kaa @

a me ke Kookoa, he mau nupepa@

lahaia ma Honolulu, i ekolu pak@

ka manawai i oleloia no ka @

ka hoolaha hope, i elua pule mam@

hoolohe ana.

 

Kakauia ma Koloa, lo Hawaii @

Aperila 22, M.H. 1887

JACOB HAK@

Lunakanawai Kaapuni Ap@

2120-3t

 

AHA HOOKOLOKOLO KU K@

KO HAWAII PAE AINA, @

Hooponopono Waiwai.

 

Ma ka hana o ka Waiwai o na @

a FRANK MOLTENO i make, ka@

ana mai o ka Palapala oi a me ka @

ike a W.C. PARKE, Kahu no ka @

ROSE, CAROLINE a me NAN@

FRANK MOLTEN i make, e noi ana

ia na hoolilo he $4889.76, a e @

mea i loaa mai iaia he $10,@

ana e nana a e apono ia kela @

kauoha ia e mahele ia na wa@

ana ma kona lima i na mea i ku@

a e hookuu ia oia a me kona mau @

lakou noho ana ma ia ano.

 

Ua kauoha ia, oka POAKAHI, @

o MEI, 1887, ma ka hora @

ma ke Keena ma ka Hale Hooke@

Honolulu, oia kahi a me ka manaw@

no ka hoolohe ana i ua Noi la, a @

Hoike i olelo ia, a o ka poe a @

Malaila e hele mai a e hoike i ke @

He kumu io ko lakaou e ae ole ia @

Malaila e hoike mai ai na ahoike o @

Leana maloko o ka waiwai i olelo ia@

ia kauoha ma ka olelo @

pai ia malaoko o ka Hawaiian@

ke KUOKOA he mau nupepa i @

ma Honolulu, i ekolu pule mamua@

nawa i olelo ia no ka hooloheana.

 

Kakauia ma Honolulu i keia @

rila, 1887.

Na ka Aha@

Ikea: Henry SITH

Hope K@

2125-4t

 

HOOLAHA LUNA HOO@

Ua hookohu pono ia ka mea @

malalo iho, i Luna Hooko no @

JOHN O. DAVIES, o Waialua, Oahu@

a e kauoha ana i ka pae a pau @

lakou i ka waiwai i oleloia a @

hooia i ka mea nona ka inoa @

nolulu, iloko o eono mahina @

a i ole pela, e hoole mau loa ia @

poe i aie i ua waiwai la i olelo @

aku nei e hookaa koke mai i ka @

inoa malalo.

ROBERT LE@

Luna Hooko malalo o ka H@

O. Davies.

Mei 2, 1887. 2127-5@

 

HALE PAIKII ALANUI NUUANU

            I WEHEIA NO EKOLU @

MAHOPE IHO O NA @

PONO hou ana I wahi@

wa maikai no kela a me keia @

pai kii no lakou iho ma ka uka @

hoopaa iho makou e hoolako aku@

pau e like me keia malalo iho:

Kii pepa, 6, no. $1@

Kii lako hale, lumi, hale a pela ak@ 

$1.00.

Kii nui 8x10 1, no $1,0@ no ke kakini.

Hoomaemae a hoolele hou ana i @

Hiko, ma ia uku hookahi no @

Pena 8x10 a me ka laau, he $0.00

H.A. LUSCO ME.

Helu—Alanui Nuuanu @

 

HOOLAHA HOOKO MORKI ME KE KUAI

 

MAMULI O KEKAHI @

KUAI I HOIKE IA MALOKO O @

Palapala Moraki i hanaia mawaena@

o Kailua, Mokupuni o Oahu, o k@

a me E. WERY o ka aoao elua, na ka@

Aperila, 1885, i kakau kope ia na @

Kope o ke Aupuni ma ka Buke @

169, a me 170, a mamuli o ka uh@

kumu aelike o kela Moraki, nolaila, @

lahaia aku nei e ka mea nona ka @

ua moraki nei, e hooko ana oia ia n@

a ma ia hooko ana, e Kudala akea@aina i hoikeia ma ia moraki, el@

hoakaka ana malalo iho, ma ka POAKAHI,

ka la 16 o MEI 1886, ma ke Keena K@

E.P. Adams & Co. ma Honolulu, Mokapuni@

Oahu, ma ka hora 12 o ke awakeo oia @.

 

No na mea i koe, e ninai ia J.M. M@

Rat, loio ma ke Kanawai.

E. WE@Y.

Mea Moraki

Honolulu, Aperila 19, 1887.

Penei na aina e Dulala ia ana

 

Elua apana aina e waiho la ma kaa@iua, no

Laua na eka pakahi o 7 84-100, a oia na aina

I hoakakaia ma ka Palapala Sila Nui, Helu

2291, Kuleana Helu 2544, ia Lulapa, oia ka

Waiwai o Kau i make ma ka hooilina, a e

Noho ona ia nei e ka Mea Moraki aku i oleloia

Ma ke ano he hooilina a he keiki na Kau i

Oleloia ma ke kanawai.

2125-4t