Ka Nupepa Kuokoa, Volume XXVI, Number 20, 14 May 1887 — Ke Aloha i na Holoholona. [ARTICLE]

Ke Aloha i na Holoholona.

Ua make mai nei o Mr. Beniamina Mua ma ke kulanakauhale o Berelina, Geremania, a he kanaka hoi i paa kona aloha i na holoholona ke hana ino ia lakou. Ua oleloia, mamua o kona make ana, ua hana iho la oia he palapala hooilina paa e uku ia kela a me keia makai oke kulanakauhale he hookahi dala pakahi no ka holoholona i loa!T aku e hana ino ia ana, a ke ahewaia ka mea hana ino imua oka aha kanawai. A e like me ka oui o na holoholona e loaa ai i ka makai, pela ka nui o ke dala e loaa ai iaia—he hookahi dala no ke poo. He mau wahi huaolelo poko le ka i kahakaha ia ma ua palapala hooilina la penei: "E like me ke kanaka puuwai ole, ke waiho nei au i ka'u dala no na holoholona." Ua hookoia kana hoohiki ma ka waihoia ana o kekahi huina dala 1 aneane e 100,000 ma kekahi hui kokua a pale i na hana hoomainoino maluna o na holoholona.