Ka Nupepa Kuokoa, Volume XXVI, Number 23, 4 June 1887 — KULA HANAI KAWAIAHAO. [ARTICLE]

KULA HANAI KAWAIAHAO.

E malama ia ana ka hoike o ke Kula kaikamahine o Kawaiahao ma ka Poakolu o keia pule ae, Iune 8, ma ka hora 1:30. E hele nui ae e na makua mea keiki me ka lehulehu no a pau e ake ana e ike a e lohe pu i ka hua o ka hoomanawanui ana a na kumu i ke kuhikuhi ana i na opuu hou o ka lahui i na kulu hone o ka naauao a me ka noho maemae ana, a i ole hoi e manao wale iho, he mea poho wale no keia. Ke lana nei ko makou manao, e holo pono ana na hooikaika ana, a e lilo lakou i mau makua o ka pono iwaena o ke au Hooulu Lahui ma keia mua iho. E malama ia ana ka hoike maloko o ka luakini o Kawaiahao.