Ka Nupepa Kuokoa, Volume XXVI, Number 24, 11 June 1887 — Page 2
| This text was transcribed by: | Robin Makapagal |
| This work is dedicated to: | Elizabeth Poomaikalani Gilman Flateau |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki
$2.00
No Eono Mahina 1.00
KUIKE KA RULA
Poanono June 11, 1887.
KE hoea aku nei makou me na hoomanao ohohia o ka la i haakohi ia mai ai ka Nai Aupuni Kamehameha I. ka Nui; he la maikai keia he la kulaia no na puuwai Hawaii a puni ka paeaina. E komo nui ana ka lehulehu iloko on na hauoli no keia la nui; o ka hauoli pono no aole ka hoohanini wale aku mao. Ma keia la e malama ia ai ka hoike Sabati nui maloko o Kaumakapili. He anaina nui ana ke laila i hoopihaia me na hauoli. Ma Waikiki he mau lealea no. He au nae ka manawa e paialewa ana; he mea ike ole ia o mua aku, malia o loli ae mai ko keia la hauoli o kakou. Nolaila, i hookahi no o kakou hoomanao oi aku' e pule i ke Akua nui ma ka lani, e hooloihi i ko kakou noho kokoa a juikahi ana, oia ka puuhonua e hillinai ai a e loaa no ka hauoli oi ae.
KE ike maka ia aku nei kekahi poe kanaka e pahonohono ponoi ana i na pipa alanui a hoopiha pu ana alualua me ko lakou hoolilo ponoi iho Ua noke paha i ke kali no ka hoea aku o ka luna alanui a manaka. Aloha wale ia poe' he mau makahiki ke kali ana, he mau makahiki ku uku ana i na auhau alanaui, a o ka pono o ia, aia la mahea kahi i pulelehua ai. Oi hoomanawanui paha i ke kapekepeke o na keehina wawae a makau aokoa ao pau i ka pokepoke ia e keia mau alualua, nolaila, hana kino okoa. "Nani io nei wahi apana hana o ka ulolohi," wahi a kekahi poe. "O ka hana mau hoi ia e uku nei ka auhau a aohe wa ha'o. Hala ae ana ia makahiki, a hala hou ae ana, aohe ka hoi wahi mea a hanaia mai ke alanui. E ahona iki no i ka wa la, hoi mai ka ua, a lilo ae la ua alanui la i lokowai; aoke hoi o ke alanui io ke okoa, kahi holo o ka wai. He oki haalele keia." Na pane ae la keia a ua po pahonohono a anui ne i lohe ia. Nalu nui makou no keia mau leo kaniuhu; a ua ike maka pu i ka poino. Auhea ke dala? Ho ae i na alanui.
AOHE manawa hou aku a ka lahui e waiho wale ai i ko lakou kihapia nai e ulu ia mai e na mea ino. Ke noho nei ko Hawaii malalo o na kanwa paa me ka hooikaika mau e hiipoi i kona inoa laahia, ke ola a me kona ma kia naue ole. Iwaena o kekahi mau luna aupuni e lawelawe nei i ko ka la hui pono, ke ae wale ia nei na alaka lalau me ka lapuwale, a ua kea iho nei ia mau alakai me ke koe kuono ole. Na hana ana keia e hoolilo ana i ka lehulehu i mea paani wale ia, a i kumuao no lakou e ukali a@ i ke alal o ka hoohaahaa mau loa ia. He leo kalahea mau iwaena o ka lahui "E mau ke ea o ka aina i ka pono," aka, he ikea aku nei kona hoohaule hope ia. Ke hapai ia mai nei na hana ino e papahi iho maluna ona; a heaha la ka pono i koe. Eia, e ike ka lahui i na mea ino, haha na lima i kona kumu, pulike a paa, a hukui ae iaia me ke menemene ole. Maik hookuu e kolo kona aa a komo ilalo; he hana nui ka paeli a loaa kona mole. Aka, o ka wa no e kupu ae ana, hukui a puku aku i ke ahi. Koe iho na anoano waiwai, ka makia oiaio o ka lahui Hawaii "E mau ke ea o ka aina i ka pono." O ke kanaka lawelawe pono ma kana mau hana a pau, ua aala ia imu o ke ke ao holookoa.
Ma na hana pono a hoopomaikai, aole i kaupalena ia ko ke kanaka mana malaila. A ma na hano ino, hoolapuwale, hoohaahaa, alakai hew a pela aku, malail ka ilina o ke inaina e kipehi ai, e hooplolei a e hoana hou ae.He ake holomua ko kakou ma na hana pono a pomaikai. Oia ka manao nui hookahi iloko o kakou. Na ka malamalama o ka naauae i hoaiai mai na alahele; eia ko ka mea pono, e hana, a eia hoi ko ka mea pono ole a mai hana.
Ua manao ia, o ke kanaka i hoonoohoia maluna o ka oihana aupuni e lawelawe i ko ka lehulehu pono, e hookowale no oia me ka pololei. O na hoo holomua kana e hana me ke apo pu ole mai i na mea hookuemi hope. Mamuli o ka lawelawe ia ana o ia ano hana e hauna ia ai kakou e ko waho, aole na ka lehulehu i alaka aku e hana pela, aole hoi na ke ala pono o ka paauao, aka, na ka manae kumukaia i ume in na noonoo a pau e hoohaahaa ia kakou. No laila, i me e pono ai no kakou a pau, e lawelawe i ke kaupaona kaulike e h@ aku.
KO HAWAII PONO
Aole no paha e nele ka nana pono ana o ko makou poe lehulehu in na manao I hoopukaia iloko o keia pepa no na mahina loihi I hala ae nei, a e puka aku nei hoi I keia mau la, e pili ana i ko kakou aupuni a me na hookele ana kona pono. Ua kakau akahele ia keia @ @ @ e kekahi ma i ike pono @ @ @ @ e kamailio ai ao@ @ @ @ @. Aole hoi me @@@@@@aka @@ muli o na mea i ike maopopoia. He kupuno ke nanana hoha makaainana a pau i na manao kalai i hoopukaia maloko o na nupepa o ka aina nei i keia wa, a we wae me ka naauao mawae na o kela a me keia. O ka mea i makemakeia, o ka pololei a me ka hoopono a me ka makaukau on an hana o ke aupuni, no ka mea,aia ma ia ano e mau ai ke ea o ka aina a e paa ai no hoi keku lana kuokoa o ke aupuni.
Ua kono pu ia na puuwai Hawaii a pau i aloha i ka aina, a i makee hoi o ka hanohano o kona inoa a me ka pono o kona kulana aupuni, in aia waena o lakou he mau noonooo maikai e hiki ai ke hoomalamalama i ka lahui no na mea e pono ai ka noho ana o ka aina, e kakau ino a hooili mai i na nupepa Hawaii o kakou, a e hoopukaia aku no na manao kupono a pau. Aole keia he wa e noho leo ole ai ka poe aloha ia Hawaii no kona pono o keia mua aku. Ua akea ke kahua nupepa no na manao maikai a pau. A o ka hoomalamalama ana iwaena o ka lahui, ua like ia me ka oo a ke kanaka mahia e waele ana i ka nahelehele o kona kihapai.
KE KULA HANAI O KAWAIAHAO
E like meka hoike a keia pepa no ka malamaia o ka hoike o ke kula hanai kaikamahine o Kawaiahao i ka pule i hala, ua hooko io ia. Ma ka hora 1:30 P.M. Poakolu ka hoomaka ana o na hana. He mau mele i himeni ia mai me ka nahenahe maikai o ka leo. He mau haiolele, olelo-kike, a me na pauku Baibala i hoopaanaauia. He na’i pela, ia haneri huaolelo Beritania mawaena o elua aoao huina haumana, a o ke mea pololei ole, noho ia ilalo . Ua helelei aku ka nui a koe elua, a ua aneane pau no hoi na huaolelel i makemake ia. Ma ka nana ana i kko lakou holoumua, he me hiki ke hoomaopop iho ua hooikaia nui maoli no lakou. Ikaika pu ke ka laknou mau kumu ma ke ao ana. Nui no hoi ka mahaloia o na haumana e ka poe i makaikai ae. Ua hoopiha pu ia ka hale e ka poemakaikai, a ua noho me ka uiha ole.
Pau ka hana maloko o ka luakini malama hou ia he mau hana hooikaika kino mawaho. Ua eleu maoli lakou ma ka oni like ana o na lala o ke kino, na lima me na wawae. Makaikai nui ia lakou me ka mahalo nui ia. He mau olelo hoolana kekahi mau makamaka mai o ke kula, a ua hokuu na hana hoike me ke aloha a me ka hauoli nui o na makua.
E hana ana ia lakou he mau mahina hoomaha, alaila, hui @ou lakou maka home imi naauao me na manaolana no ka huli haawaina. E holomua ae oukou.
KE KULA HANAI O HILO
Na hana no ka hookuu ana, i ke kanalimakumamalima o na makahiki o ke kula maluna ae, e wehe ia ana e like me keia malalo iho:
POAKOLU IUNE 22 Hoike ma ka halepule o Haili ma ka hora 7:30 p.m.
O na hoaloha a pau o ke kula a me ka poe i makemake a i hauoli no ke ao ia ana o na opio Hawaii ke kono ia aku nei e hele mai e ike i na hana, a e ike hoi i ka hale e ao ia ai i na hana lima, a e lohe hoi i na leo nahenahe o ua kula nui la o Kauakanilehua. Hehale hou keia, a o ka mua hoi o ka wehe ia ana e ike ka lehulehu.
Mai ka manawa mai o Kauka Limaikaika ke Kuhina o ke Papa Hoonaauao a hiki i keia manawa, ua kamailo nui na hoaloa o na opio Hawaii no na mea e pili ana no ke ao ana i ka hana lima a ua hooholo lakou he mea pono ia.
O ke alakai mua keiano ia kahua, i hanaia ma ke Kula Hanai o Hilo, a o ka mua no paha maloko o keia aupuni.
E hele mai e ike i ka hale i hoomakaukau ia no ke ao ana i na keiki ma ka hana lima. E hele mai e ike i a mea i hanaia.
He wahi waa Legeona.
E ke Kuokoa-Ma ka Poakolu ka la 24 o Mei i hala, ua loaa aku ia maua he wahi waa uuku kupana e lana ana i ka moana, oiai i ka lawaia palu maua. Ua hanaia keia wahi waa a makaukau, ahe iako, he ama, he mau hoe elua i hoopaaia me ke kaula, he kia no hoi a me ka lau-i- He mau ukana ano e no hoi ko luna i waiheia a opeoeia a paa, oia kea: Hookahi puawa lau, ko lau, ekolu uala, he kalo lau, he piialii, a he palapalai no hoi. Ua opeia keia mau mea a pau i ka lau-i, a kauia iluna o na iako ma ka pola. Mawaena o Honuaino i me Hoouaino a i loaa ai keia wahi waa hana epa ia maua, a lawe ia i kula e nana pono ai. A ua ike pono hoi eia la he hana hoopunipuni.
Kainoa ua pau ka Levi oihana, pauhoi ko laila mau mohai; o ke aka o Karisto ka mea maikai. He wahi koena mai nae paha keia o 1868 i pau ai koonei poe i ke apuhi ia; aka, o ka uku o ka hana ka mea nui au e nana ino ai e ka mea paulele kaekepeke nana i hana keia wahahee nui, a puni wale kekahi i kou waha paheaa. He waa hoomanamana keia an, a mai hana hou aku-He hilahila ia hana. G.S. KELII
KA EKALESIA O KA HAKU MA HAWAII
HELU 2
O ka lokahi o ka ekalesia, he mea ia e ulu ai a e makaukau ai ma na hana o ke aupuni o ka Haku. Maloko o ka pule a ka Haku. Maloko o ka pule a ka Haku i pule ai, i ike ia ma ka mokuna 17 o Ioane, ua maopopo he mea nui ka lokahi o kona poe hoahanau. Ma ia pule ua noi nui oia i ka Makua e hoolokahi mai oia i na haumana, i lilo ai lakou i hookahi iloko Ona e lekie me Ia i hookahi ai me ka Makua. A ina e hoomanao kakou i ke aono o ka Ekalesia, he kino hookahi a o Iesu Kristo ke poo o ia kino, alaila e maopop lea no ia kakou he mea pono ka lokahi. Aohe hiki i ke kino hookahi kekue iaia iho, a i ole i kekahi paha o kaona mau lala iho. O ka hale o mokuhana iaia iho, a pau wale auanei ia. O ke aupuni i mokuahana iana iho, aole ia e mau. Pela no ke aupuni o ka Hauiwaena o kakou aolee ulu pono kona mau bana ke loaa oleka lokahi mawaena o kona mau lala a pau. Eia ka Ekalesia ke ku nei, he nui wale kona mau lala; na mahele o na kihapai mai Hawaii a hiki i Kauai; na lala okoa o kela a me keia kihapai, na kahu,na luna a me na hoahanau; na aha eunelio, na ahahui o ka poe opiopio a me na aha kula Sabati. O keia mau mea a pau, he mau lala lawelawe ia no ka pono o ke kino hookahi. Pehea hoi e hiki pono ai na hana ke lokahi ole ke aloha a me ka hana mawaena o keia mau lala a pau? Aole hiki i na kahu ekalesia e hooulu i na hana pono ke loaa ole na lima lawelawe lokahi pu me lakou iwaena o na Iuna a me na hoahanau. Aole no hoi e hiki pono ka haka a ka Haku ma ka lima o na hoahanau ke loaa ole ka lokahi o na hooikaika ana mawaena o lakou me na kahu a me na luna.
O ke kahua o keia lokahi, aole ma na mea kino, aole no hoi ma na kanawai a me na kumukanawai a ona ahahui a me na ekalesia o kakou. Aia wale no kekahua o ka lokahi iloko o Iesu Kristo. Oia ke kumu waina hookahi, a o ela a me keia haumana, ke kahu, ka luna, ka hoahanau, ke kumu Kula Sabati, ka hoa o ka aha opio-na mea a pau i lilo i haumana na ka Haku- he lala ia no keia Kumuwaina hookahi. Iloko o Iesu Kristo aohe olele ana he Hawaii a he Haole, aohe olele ana he nui a he liiliii, he kiekie a he haahaa.
Hookahi wale no mea nui o ke Kumu, a o na lala a pau e pili ana i ke kumu, na ke Kumu no ia na Kristo. Ina e pili ma kahi haahaa a ma kahi kiekie paha, aia no io i ka Haku ka mea nana ke kihapai. O ka pili ka mea nui; o ka pili ke ala, a o ka pili no hoi ka mea e lokahi ai a e hua ai ka ekalesia i na hua maikai.
Aole anei o ke kaawale o keia pili mawaena o na ekalesia a me ke Kumuwaina oiaio kekahi mea i kaumaha ai ka hana o na kihapai i keia wa?
( Aole i pau.)
Na anoai o Laupahoehoe, Hilo Akau.
Ma ka pule mua o Mei i hala, ua hoao ae he piko pau i ka iole e aihue i ka halekuai o E.W. Bernard, oiai, ua holo aku oia no Hilo ma ia pule, a ua waiho iho oia i ka malama ana o ka halekuai i kana lede, a aole hoi i loaa ua piko pau iole nei,
Ma ka Poakolu Mei 18, ua haule iho la he wahi keiki uuku mai luna iho o ka h-a hooholo ko o L.S.& Co. ma ke awa o Ulekii, a noho ana iloko o ke kai, ua lele koke aku he wahi keki Pukiki e kokua i ka mea pilikia, a pela i palekana ai ua wahi keiki nei. He 3a oi anana paha kahi i haule ai. Aole i loaa he wahi poino ma kona kino; a na Hoakamoa keia wahi keiki.
Ma ka Poalima Mei 20, ua peu ia ae la he wahi Pake e ka hoki oiai oia e hoa ana i ke kaula opu o ka noho, ku e mai la nae i ke peku ma ka auwae a me ka umauma a huli ana ke alo iluna. No kekahi mau minute keia waiho ana a ala ae la iluna, a ua oluolu nae i keia manawa.
Ma ke ahiahi Poaono Mei 21, oiai kekahi puulu Pukiki e hoi ana no Kaiwilahilahi mai Pualae aku maluna o kekahi kaa lawe ko, ua hookui aku la ko lakou mau kino me ka laau pale i pale ia no na bipi, a walawala ana i hope me ka hele no o ke kaa imua; a i ko lakou ala ana ae iluna, ua paholehole ia kekahi, a ua nohae ia ka lole o kekahi o lakou Kau hou no ma ke kaa a holo aku la; a ia lakou no e ho’o ana a hiki ma ke kahawai o Kauaiula, ua hookui aku la ka huila o ke kaa i kekahi pohaku iluna o ke kua hao a hu aku la ke kaa ilalo o ka pali, pau aku la ka hapa nui i ka lele a koe hookahi a hiki i kahi i ku ai o ke kaa.
Ma ka po o Poaono Mei 25, ua hoao hou ae he piko pau i ka iole e wawahi i ka hale waiho ukana ma ka uapo me ka manao e lawe i kekahi o na waiwai oloko, oia hoi ka po i ku mai ai o Kinau me ka piha ukana a kela a me keia, a ua waihoia iloko o ka hale waiho ukana. I ke kakahiaka ana ae ua hele aku la luna dute e nana, a ike ia iho la kekahi meheu. Ua nana pono iho la oia a ike iho la oia ua weheia he elima paha papahale, aole nae i hemo loa. Aole i loaa keia aihue.
Ke hooulu a ke hoeueu ia nei na hana Kula Sabati e E.M. Hanuna. Maikai a maemae na hana a keia makamaka.
Ke hoolalai ne be ‘Hui hooulu manao’ e Js. Mattoon Esq He hana maikai heiake hoopalaleha ole ia.
Ke wawa ia nei, a ua ike no hoi kekahi poe i kekahi komie haole Geremania me kekahi pepa, a o kana bana.o ke komo aku iloko o kela a me keia ano haole e kakauinoa ma ua peopa nei. Me he mea la he hana ano nui paha kana.
W.L.K.
Hele aku kekahi wahi kanaka kahuna a ma kekahi wahi hooponopono nupepa, noi aku la i nupeopa; kipakuia mail la, a hoi mai la me kona nele imua o kekahi puulu, kamalii a hoike aku la i kona nele imua o lakou, a pane ia mai la e kekahi wahi keiki kolohe: Ka, i ka muhana ole i ka inu puaka. Huhu loa ia ua wahin kahuna la.
E hanai moa ana kauwahi luahine ma ka impua o kona hale, a no ka maluhiluhi hiamoe ino la; hookahi maka hiki ke pili a o kekahi maka aohe hiki ke pili; ike mai la he moa kane nui, hele mai la a kokoke ike iho la; he kuhi paha he kulina i ke aiai ae o kekahi makakiko ia iho la e ua moa nei, a puiwa loa ia kahi luahine me ka huhu nui a holo akul la ka moa.
HOOLAHA HOU
AHA HOOKOLOKOLO KIEKIE O ko Hawaii Pae Aina, ma ka Hooponopono Waiwai. Ma ka hana o ka Waiwai o KAHANAAUWAI KANOA (w), o Honolulu, Oahu, i make.
Ma ka waihoia ana mai ka Palapala Noi a me ka Papa Hoke a JOHN F. COLBURN, o Honolulu i oleloia, Luna hooko o ka palapala kauoha a Kahanaauwai Kanoa i oleloia, e noa ana e aponoia na hoolili he $1,357.21, a he hoike ana, o a mea i loaa mai iaia he $1,374.79, a e noi ana e nana a e apono i kela mau mea, a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.
Ua kauohaia, O ka POAKAHI, ka la 18 o IULAI, 1887, ma ka hor 10 o kakahiaka, ma ke Keena ma ka Hale Hookolokolo ma Aliiolani Hale, Honolulu, oia kahi a me ka manawa i kohoia no ka hoolohe ana i ua Noi Ua, a meka Papa Hoike i oleoia, a o ka poe a pau i pili malaila e hele mai a hoike i ke kumu, ina he kumu io ko lakou, e ae ole ia ai ua Noi la, a malaila e hoke mai ai na hoike o na mea i kuleana maloko o ka waiwai i oleloia. Ae hoolahaia keia olelo kauoha ma ka olele Hawaii maloko o ke KUOKOA, he hupepa i pai a ai hoolahai ma Honolulu, i ekolue pule mamua ae o ka manawa oleloia no ka hoolohe ana.
Kakauia ma Honolulu, Iune 3, 1887.
Na ke Aha: HENRY SMITH
Hope Kakauolelo
2132.3ts.
MA KE KEENA O KA LUNAkanawai Kaapuni Apana Ekolu o ko Hawaii Pae Aina. Ma ka Waiwai o PALAU (k), no Honomu, Hilo, Hawaii, i make.
Ua heluheluia a ua waihoia ka palapala noi a MILIKAA KAAIHUE (k), e noi ana e hooiaio ia ka palapala kauoha hope a Palau (k), no Honomu, Hilo, Hawaii, i make, a e hoonoho aku iaia i Lunahooponopono no ia waiwai malalo o ka palapala kauoha, a e hoomaopopo aku i ka hapa o ka wahine mare iloko o ka waiwai.
Nolaila, ua kauhaia na mea a pau i pili, o ka POALUA, oia ka la 12 o IULAI, 1887, ma ka hale hookolokolo ma Hilo, Hawaii, i ka hora umi o kakahiaka, oia kahi a me ka manawa i kohia no ka hoolohe ana i ua noi la me na mea kue ke hoike ia.
F.S. LYMAN,
Lunakanawai Kaapuni
Hilo, Hawaii, Iune 1, 1887. 2132-3ts.
HOOLAHA HOOKO MORAKI ME
KE KUAI
MAMULI O KEKAHI MANA KUAI I hoikeia maloko o kekahi palapala moaki i hanaia mawaena o KEO & KAIKILANI o ka aoao mua, a me HYDE o ka aoao elua, ma ka la 17 o Novemaba 1882 a mamuli o ka uhaia ana o na kume ae like o kela moraki, nolaila, he hoolaha ia aku nei e ka mea nona ka aoao elua ua moraki ne, e hooko ana oia ia mana kuai, a ma ia hooko ana, e kudala akea aku ana ia i ka aina i hoikeia ma ia moraki, ma ka POAONO la 2 o Iulai 1887 ma ke Keena Kudala o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoa kaka no keia mea.
Hanaia i keia la 3 o Iulai, 1887,
HENRY HYDE
Mea Moraki mai
Penei na aina e kudalaia ana; aia ke waiho la ma Kalihi, non na eka ekolu i kupono i ka mahi. 2131-41
HOOLAHA HOOKO MORAKI ME
KE KUAI
MAMULI O KEKAHI MANA KUAI I hoikeia maloko o kekahi palapala moraki i hanaia mawaena o KEPALA (w) o ka aoao mua, a me W. McWHITTLE o ka aoao elua, ma ka la 12 o Maraki 1883 i kakau hope ia ma ka buke 94 aoao 330a a mamuli o ka uhaia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala &kea ana ia i ka aina i hoikeia ma ia moraki, ma ka POAONO la 2 o IULAI 1887 ma ke Keena Kula o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Iune 1887
R.R. HIND
Hope o ke Mea Moraki mai.
Penei na aina e kudalaia ana:
O kela apana aina maikai e waiho la ma alanui Puowaina e kokoke la i ka Hale Kula o Kahehuna, a ua pili hoi me ko Kimo Kamapela.
2131-40
HOOLAHA I KA POE AIE.
O KA poe a pau he mau koina ko lakou i ka Waiwai o William Hillbrand M.D. i make, ke kauohaia aku nei lakou e waiho koke mai i ko lakou malolo iloko o eono mahina mai keia la aku, Iune 3, 1887.
CHAS.R. BISHOP
Lunahooponopono o ka Waiwai a me ka Hooilina i huiia o William Hillbrand.
2131-41
HOOLAHA HOU
KUAI KUDALA WAIWAI
E waiho la ma ke mo&& o Lahaina, mokupuni o Maui.
Ua kae&&haia mai a& e W.C. Parke kahu o ka Waiwai p&a o Mo&eno, e kuai aku ma ke kudala akea ma ka la 17 o Iune 1887, i ka hora 12 awakea ma ka pa hale ma ke taona o Lahaina, Maui, na waiwai e like me na hoakaka malalo iho.
O kela hapa K.A. a pa o ka hale e waiho la ma Panaewa, Lahaina, Maui, nona na palena i hoakaka ia penei: E hoomaka ma ke kihi K.A. o keia apana aina kahi e pili ana me ko Kamanoha ma ka aoao Hikina 88 ½ kapoai ma ke alaloa i oleloia; Akau, 40 deg. Hikina, 65 kap. ma ko C. Lake: Akau 45 ½ deg. Hikina 88 ½ kap. ma ko Luluohilaoni. Hema 46 deg. Komohana 65 kap. ma ko Kamauoha a hiki hou i hoomaka ana, nona na kapuai kuea he 5.752 oi aku a emi mai paha.
Maluna oia aina he hale kiekie o elua papahele i hoomaemae hou i a a i kuponoo loa no ka noho ohana ana. He kuike ke dala’ me ka mea kaua na lilo palapala. E.JONES.
2131-2t Lunda Kadala
HOOLAHA HOOKO MORAKI ME KE KUAI
MAMULI O KEKAHI MANA KUAI I hoikeia moloko o kekahi palapala moraki i hanaia mawaena o PILIPO KAHEA o ka aoao mua a me F. Moss o ka aoao elua, a i hooliloia ho ia W.R. CASTLE ma ka la 25 o Iulai 1883 i kakau kopeia ma ka buke 82 aoao 310 a mamuli o ka uhaia ana o na kumu aelike o kela oraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAONO la 2 o IULLAI1887 ma ke Keena Kudala o E>P> Adams, ma Honolulu, ma ha hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 3 0 Iulai 1887.
W.R. CASTLE
Hope o ka mea Moraki Mai
Penei na aina e kudalaia ana:
O kela aina e waiho la ma Waimanalo, Oahu, a i hoakakaia hoi ma ka Palapala Sila Nui 1596, he 3 42-100 eka; a ma ka Palapala Sila 8291 ia Kaaha-he 8 1-100 eka aina maikai.
2131-4&
HOOLAHA HOOKO MORAKI ME KE KUAI
MAMULI O KEKAHI MANA KUAI I hoikeia maloko o kekahi palapala moraki i hanai maweana o JOHN H. BARENABA o ka aoao mua, a me P.HALSTEAD o ka aoao elua, ma ka la 2 o Maraki 1885 i kakau kopeia ma ka buke 96 aoao 25 a mamuli o ka uhaia ana o na kumu aelike o kela moraki, nolaila, ke hoolahai aku ne e ku mea nona ka aoao elua o ua moraki nei, e hooko ana oia ia mana kuai, a ma ia hooko ana oia ia mana kuai, a maia hooko ana, e kudala akea aku ana ia i ka aina hoikeia maia moraki, ma ka POAONO la 2 o IULAI 1887 ma ke Keena Kudala o E.P. Adamsm ma Honolulu, ma ka hora 12 o ai la.
Aia ma kahi o W.R. Kakela na olelo hoakaka no kea mea.
Hanai i keia la o Iune 1887.
P. HALSTEAD
Mea Moraki Mai
O na aina e kudalaia ana aia ke waiho la ma Kamanaananui no lakou na
1-He 5085-100 eka, i hoakakaia ma ka P.S. Nui 1045
2- He 1 1-10 eka, i hoakakaia ma ka P.S Nui 475
3-He 5 1-10 eka i hoakakaia ma ka P.S. 267
ia Ili a he kuleana hapalua kona iloko o ia aina.
2131-41
HOOLAHA HOOKO MORAKI ME KE KUAI
MAMULI O KEKAHI MANA KUAI I hoikeia maloko o kekahi palapala moraki i hanaia maweana o WAIHOLUA a me KEKU o ka aoao mua, a me W. DEAN o ka aoao elua, ma ka la 20 o Mei 1880 i kakau kopeia ma ka buke 65 aoao 163 a mamuli o ka uhaia ana o na kumu aelike o kela moraki, nolaila, ke hoolahaia aku ne e ka mea nona ka aoao mua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, me ka POANO la 2 o IULAI ma ke Keena Kudala o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 3 o Iune 1887.
WM. DEAN
Mea Moraki mai
Penei na aina e kudalaia ana:
He 2 9-10 eka aina e waiho la ma Pliamoo, i hoakakaia ma ka Palapala Sila Nui 6097, ia Kamaheiku, ma Waikiki, Oahu, a aia ma Honuaulu, Maui.
He 11 3-10 eka aina ma ka P.S. Nui 1392 ia Kapiina
He 17 53-100 “ “ “ “ “ 1233 ia Kapiina
He 30 9 10 “ “ “ “ “ 1388 “Pahia
“ 5 ½ “ “ “ “ “ 6408 “ Kila.
21-41
HOOLAHA HOOKO MORAKI ME KE KUAI
MAMULI O KEKAHI MANA KUAI I hoikeia maloko o kekahi palapala moraki i hanaia mawaena o MILEKA a me KAILI o Waikane, Oahu, o ka aoao mua, a me S.RUTH o ka aoao elua, ma ka la 22 o Novemaba, 1884, i kakau kope ia ma ka buke 90 aoao 324 a mamuli o ka uhaiia ana o na kumu aelike o kela moraki, nolaila, ka hoolahaia aku nei e ka mea nona ka aoao elua o ua moraki nei, e hooko ana oia ia manakuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 27 o IUNE 1887, ma ke Keena Kudala o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no ia mea.
Hanaia i keia la 27 o Mei, 1887.
S. ROTH
Mea Mraiki mai
Penei na aina e kudalaia ana:
O keia apana aina e waiho la ma Kahalaa,Waikane Oahu, i hoakakaia ma ka Palapala Sila nui Helu 187. a o maloko o laila he 2 a me 61-100 eka. He aina maikai a kupono no ke kalo a raiki paha.
O kela aplana aina e waiho la no ma Waikane, i hoakaka piha ia ma ka Palapala Sila Nui 2938 ia Nika; a maloko o ia apana he 2 a me 22-100 eka; he aina kupono i ke kanu kalo a raiki paha. Ua mah& ia no kekahi hapa o ka aina i keia wa. 2131-41&
HOOLAHA HOOKO MORAKI ME KE KUAI
MAMULI O KEKAHI MANA KUAI I hoikeia maloko o kekahi Palapala moraki i hanaia mawaena o NALAWAIAELUA a me KAEKU o Kunawai o ka aoao mua, a me S.ROTH o ka aoao elua, ma ka la 9 o Iune 1882 i kakau kope ia ma ka buke 75 aoao 157 a mamuli o ka uhaiiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 27 IUNE 1887 ma ke Keena Kudala o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 27 o Mei 1887.
S.ROTH
Mea Moraki Mai
Penei na aina e kudalaia ana:
1-O kela mau apana aina e waiho la ma Anahola, Kauai, i hoakakaia ma ka Palapala Sila Nui Helu 5102
2-O kela aina e waiho la Kala&ao, Ewa Mokupuni o Oahu i hoakakaia ma ka Palapala Sila Nui Helu 749, ia Kanikela. 2131-41
HOOLAHA HOU
AHA HOOKOLOKOLO KAAPUNI Apana Elua o ko Hawaii Pae Aina. Ma ka hooponopono &Waiwai. Ma ka hana o ka Waiwai o ALFRED JONES no Lahain Maui i make kauoha la. Ma ke Keena.
Ma ka heluhelu a me ka waiho ia ana mai o ka Palapala Noi a EDWIN JONES e hoike ana ua make kauoha ole o ALFRED JONES no Lahaina, Maui ma Wailuku, Maui i ka la 19 o Maraki 1887, a e noi ana hoopukai ka Palapala Hookohu Luna Hooponopono Waiawai ia Edwin Jones.
Ua kauohaia o ka POAONO ka la & o IULAI M.H. 1887 ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Lahaina, a ma ia manawa a ma ia wahi no, e hele mai ai na mea a pau i pili e hoike mai ke ke kumu, ina he kumu oiaio ko lakou, e ae ole ia ai ua noi la. A o keia kauoha e hoolaha ia ma ka olelo Hawaii i ekolu pule maloko o ke KUOKOA Nupepa ma Honolulu.
Kakauia ma Wailuku, Ko Hawaii PaeAina, May, 26 th . 1887.
GEO.E. RICHARDSON
Lunakanawai Kaapuni Apala Elua
H.P.A. 2131-3&
A HA HOOKOLOKO KAAPUNI Apana Elua o ko Hawaii Pae Aina, Ma ka Hooponopono Waiwai. Ma ka hana o ka Waiwai o POINA (k) no Honolua Kaanapali MMaui i make kauoha ole. Ma ke Keena.
Ma ka heluhelu a me ka waiho ia ana mai o ka Palapala No a MAKAOLE (k) e hoike ana ua make kauoka ole o POINA 9k) no Honolua, Kaanapali, Maui i ka la--------o------188----, a e noi ana e hooholo ia ka waiwai i na Hooilina.
Ua kauoha ia o ka POAONO ka la 2 o IULAI M.H. 1887 ma ka hora 10 kakahiaka, oia ka manawa i koho ia no ka hoolohe ana i ua hoi la imua o ua Lunakanawa la ma kona keena, ma ka Hale Hookolokolo, ma Lahaina a ma ia manawa a ma ia wahi no, e hele mai ai ka poe a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia kauoha e hoolahaia ma ka olelo Hawaii i ekolu pule maloko o ke KUOKOA Nupepa ma Honolulu.
Kakauia ma Wailuku, Ko Hawaii Pae Aina May 26 th , 1887.
GEO. E. RICHARDSON
Lunakanawai Kaapuni Apana Elua
H.P.A. 2131-3&
HOOLAHA HOOKO MORAKI ME KE KUAI.
MAMULI O KEKAHI MANA KUAIA I hoikeia maloko o kekahi palapala moraki i hanaia maweana o G.P. WAILEHUA, KEUKAIII, P. KAUIMAKAOLE & P.K. KAUIMAKAOLE o ka aoao mua, a me Reciprocity Sugar Company o ka aoao elua, ma la 28 o Feberuari 1885 i kakau kope ia ma ka buke 96 aoao 236 a mamlu o ka uhaia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 27 o IUNE 1887 ma ke Keena Kudala o E.P. Adams ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 27 o Mei 1887.
RECIPROCITY SUGAR COMPANY
Mea Moraki Mai
O na aina e kuai kudalaia ana aia ke waiho la ma Hana, Maui penei:
1- He 25 eka aina kanu ko - - Palapala Sila Nui 4398 ua paa i ka hoolimalima no 15 makahiki mai ka la 1& mai o Feberuari 1884.
2-Ka pa-hale o Wailehua, he 1 eka; hoakakaia ma ka Palapala Sila Nui 5181.
3-He 2 71-100 e waiho la ma Pohakau-kakau kopeia ka Palapala kuai ma ka buke 81, aoao 364.
4-He 101 eka aina ma Kekele, Kailua Oahu: ua hoakaka pihaia pa palena ma ka Palapala Sila 1106 ia Kokahe.
5-He 8 eka ma Muolea: kopeia ma ka Palapala kuai ma ka buke 17, aoao 24. Ua hoolimalimaia i ka Reciprocity Sugar Company.
6-He 21 eka ma Kowahi, Palapala Sila Nui 382, ua hoolimalima ia no ka hui maluna ae.
7-He 10 ½ eka ma Kowahi o Keukahi. Ua hoolimalima ia no e like maluna ae.
8-He 9-10 eka no Kauimakaole, Palapala Sila 3227.
9-He 4 eka ma Makaale, Palapala Sila 2939.
10-Ke kuleana o Kauimkaole iloko o ka aina o Kanekalio, a me Makaale.
11-He 3 7-10 eka no Kauimakaole, i lilo mai iaia mai a Hanuna mai.
12-He 1 8-10 eka ma Makaalae, oia ka pahale o Kauimakaole.
2131-41
HOOLAHA HOOKO MORAKI ME KE KUAI.
MAMULI O KEKAHI MANA KUAI I hoikeia maloko o kekahi palapala moraki i hanaia mawaena o WONG LEONG & Co o ka aoao mua, a me BISHOP &Co o ka aoao elua, ma ka la 11 o Ianuari 1887 i kakau kopeia ma ka buke 83 aoao 372 a hooliloia ia JONES &Co; a mamuli o ka uhaiia ana o na kumu aelike o kela moaki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai a ma ia hooko ana, e kudala akea ana ia i ka aina i hoikeia ma ia moraki, ma ka POAONO la 2 o IULAI 1887 ma ke Keena Kudala o E.P. Adams, ma Honolu, ma ka hora 12 o ia la.
Aia ma kahi o W.R. Kakela na olelo hoakaka no keai mea.
Hanai i keia la 3 o Iune 1887.
JONES & Co
Mea Moraki Mai
O ka aina e kudalaia ana, oia no kela aina maikai a ikena hoi oia “Ka aina mahiko o Moanui, ma Molokai.
Mahoke aku na hoakaka piha ana. 2121-41
KAUKA IWAI (IAPANA.)
Kauka lapaau a Kauka oki; ma kahi o Kauka Goto, e lapaau hana ana. Manawa hana ma Kakaaoko mai ka hor 9 a hiki i ka hora 11 A.M. o na la apae koe ka la Sabati. E hele no oia i na hale o ka poe i mai ke kauaho ia mai.
O na mai e ae, ma kona hale kauka e hele ai, kihi o na alanui Puowaina me Beritania Manawa hana, mai ka hor 1 a hiki i ka hor 5 P.M. o na la noa; a mai ka hora 8 A.M. a hiki i ka hora 12 M.ma na la Sabati. Telephone Bell 387. 2131-3ms
HOOLAHA HOU
MAMULI o kekahi mana kuai i hoike ia maloko o kekahi palapala moraki i hanaia mawaena o KAHAUOIONO & && &&&& a me MRS> B> JOHNSON a i &&&& ia MRS. M. HYDE o ka aoao elua ma ka la 30 o Okatoba 1882, i kakau kope ia ma ka buke 76 aoao 45 a mamuli o ka uhaiia ma o na kumu aelike o kela moraki palapala hoolaha ia aku nei e ka mea nona ka aoao elua o ua moraki nei e ka mea nona ka mana kuai, a ma ia hooko ana, e kudala akea &&& & elua o ua moraki nei e hooka ana && ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAONO, la 2 o ULAI, 1887, ma ke keena kudala o E.P. Adams, ma Honolulu ma ka hor 12 o ia la.
Aia ma kahi o W.R. Kakela &&& &&& hoakaka no keia mea.
Hanaia i keia la 3 o Iune, 1887.
C.M. HYDE, Mea Moraki Mai
Penei na aina e kudala ia ana:
Aia ke waiho la ma Moanalua & && na kulena hapalua i mahele ole ia ua &&&&& hoakaka ia ma ka Palapala Sila 42& ia K&&& manu, oia hoi 2 60-100 eka.
2131&&&
HOOLAHA HOOKO MORAKI ME KE KUAI
MAMULI o kekahi mana k&&& i hoike ia maloko o kekahi palapala m& &&& hanaia mawaena o SAMUELA K. &&&& aoao mua, a me W.A. BOWEN elua ma ka la 10 o Mei, 1883. i kakauia ke kope ia ma ka buke 82 aoao 42 a mam&& && uhai ia ana o na kumu aelike o keia moraki nolaila, ke hoolaha ia aku nei e ka m&& &&& nolaila, ke hoolaha ia aku nei e ka mea &&&& ia mana kuai, a ma ia hooko ana e &&&&& akea ana ia i ka aina i hoikeia ma &a moraki ma ka POAONO, la 2 o IULAI, 188&, ma ke keena kudala o E.P. Adams, ma Honolulu, ma ka hora 12 o ia la.
Aia ma kahi o W.R. KAKELA && &&&akaka no keia mea.
Hanai i keia la 3 o Iune 1887.
W.A.BOWEN, Mea Moraki Mai.
Penei na aina e kudala ia ana:
O ela apana aina e wahih la ma W&&& Waikiki, a maloko o ia apana he 2 90 &&& aina i kupono i ke kanu kao, oia na i &&& & a me 2 i hoakaka ia ma ka Palapala Sila &&&& ia Kuhakai. &&&& &
HOOLAHA HOOKO MORAKI ME KE KUAI
MAMULI o kekahi mana kuai && && & maloko o kekahi palapalaki moraki hanaia mawea on L&&&& K&&&& o &&&& mua, a me MRS. L.B. Coan o ka aoao elua a i hoolilo ia ia F. Moss ma ka la && && o Iulai 1882, i kakau kope ia ma ka buke && & 224, a mamuli o ka uhai ia ana o na &&&&& ne e ka mea nona ka aoao elua & && nei e ka mea nona ka aoao elua &&&&& hooko ana, e kudala akea ana ia i ka && hokeia ma ia moraki ma ka POAONO && o IULAI, 1887, ma ke keena kudala o E.P. Adams, ma Honolulu, ma ka hora 12 o ia la.
Aia ma kahi o W.R Kaela na olelo hoakaka no keia mea.
Hanaia i keia la 2 o Iune, 1887.
F. MOSS, Mea Moraki Mai
Penei na aina e kudala ia ana:
O kela apana aina e waiho la ma &&&&& Honolulu, ma ke alanui hou e holo la ma ka puukolo. He aina maikai keia n ke &&&& halekuai ana, iai aia ma ke alanui kahi & && iho ai. 2131-4&
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki & hana ia mawaena o PAEAINA o ka aoao mua me F.C. LOWREY o ka aoao elua, ma ka la 9 o Ine, 1883, i kakau koke ia ma ka buke 81 aoao 195, a mamuli o ka uhaiia ana o na kumu aelike o kela moraki, nolaila, ke & &&lahaia aku nei e ka mea nona ka aoao elau & ua moraki nei, e hooko ana oia ia mana &&& a mea ia hooko ana, e kudala akea ana ia i ka aina i hoikeia ma ia moraki ma ka POAONO la 2 o IULAI, 1887, ma ke keena kudala o E.P. Admas, ma Honolulu ma ka hora && ia la.
Aia ma kahi o W.R. KAKELA na olelo hoakaka no keia mea.
Hanaia i keia la 3 o Iune, 1887.
F.C. LOWREY, Mea Moraki Mai
O na aina e kudla ia ana aia ke wa&&&& ma Waikiki, Oahu, penei:
He ½ eka, & hoakakaia ma ka P.S. &&&&; ia Haole.
He 1 eka, i hoakaia ma ka P.S. &&&& Aea.
He 1 eka, i hoakakaia ma ka P.S. &&&& Nakai.
O ka hapanui o keia mau aina i &&&&& maluna ae, he aina kupono wale i ke kanu raiki, a he wahi uuku loa kahi &&&& &&& no kahi o ka pa hale. &&&& &&
AHA HOOKOLOKOLO KAAPUNI anpana elua Ko Hawaii Pae Aina. Ma ka hooponopono Waiwai. Ma ka hana & && waiwai o LIILIII (k) no Wailuku, Maui i make.
Ma ka heluhelu a me ka waiho ia ap&&& & i ka Palapala Noi a KAMAKAUA(w) && && hooponopono ia ka Waiwai o ka mea && && e ka Aha ma Iune, 1886, a ua hoo&&&&& o Kamakaua (w) & NIPO (k) kana kane mare, e h&&&& && && hooponopono ia ka Waiwai o ka mea &&& e ka Aka ma Iune, 1886, a ua h&&&&& Kamakaua(w) o Akeah a me N&& &&& ilina o ka me i make. A no ka mea &&& & mahele ia ka waiwai o ka mea i make, nolaila, ke noi ia mai nei i ka Aha e && &&& make.
Ua kauoha ia o ka POALUA, ka la && o Iune, M.H. 1887, ma ka hor && &&&&& oia ka manawa i kohoia no ka h&& && ua noi la imua o ua Lunakanawai && && && keena, ma ka Hale Hookolokolo ma Wailuku, Maui, ai na mea a pau i pili e &&&& i ke kumu, ina he kumu oiaio ka &&&& lahaia ma ka olelo Hawaii i ek&& p&& loko o ke KUOKOA, he nupepa ma H&&&&&.
Kakauia ma Wailku, ko Hawaii Pae Aina, Mei 19, M.H. 1887.
GEO. E. RICHARDSON
lunakawai o ka Aha Kaapuni Apana &&& Hawaii Pae Aina. 21&& &&
HOOLAHA KAPU
E I KEIA MA KEIA HOOLAHA, && o AKONI HAHELE, hope malama && wai o KAHELE, he keiki &o ole, ke papa a hookapu loa aku nei i na holohona o na ano a pau aole e hele wale maluna o na aina WAWAEKEA a me HAIPILO ma ka aoao Pelekunu, Molokai; aole hoi e lawe ia na waiwai o luna o ua mau aina la i oleloia e keia a me keia ano kanaka ka ole e loaa aku na apono mai ka hope malam waiwai aku a o ua mea a pau e keu ana i keia e hoo&kI ia no, a i ole, e hoopii ma ke kanawai.
AKONI KAHELE
HOPE Malama Waiwai o KAHELE he &&& ki oo ole.
Pelekunu, Molokai, Mei 12, 1887.
2129-4&
HOOLAHA KAPU
E IKEIA MA KEIA HOOLAHA, owau o Mr. D. MAHIAI, hope a kahu malama waiwai o LEVI MAHIAI, o ka’u keia && hookapu a papa loa aku nei au i na ano holoholona a pau, li, pipi, miula, kekake, puaa a pela aku, aole e hele wale maluna o ka aina i kapai o ONINI UI, e waiho la ma ka apana o Pelekunu, Molokai, a o na holoholona a pa e loaa aku ana maluna o ua aina la i oleloia, e hopoia no a e hoouku ia, a i ole e hoopiia && me ke kanawai. E hoolohe i keia o pilikia auanei.
MR. D. MAHIAI
Hope Kahu malama Waiwai o Levi Mahiai
Pelekunu, Molokai, Mei 12, 1887.
2129-4&